کراچی : ایم کیوایم کے رہنماء عامر خان کی درخواستِ ضمانت پر فیصلہ انتیس جون کو سنایا جائے گا۔
متحدہ قومی موومنٹ کے رہنماء عامر خان کو آج انسدادِ دہشت گردی کی عدالت میں پیش کیا گیا، کیس کی سماعت میں عدالت کو کیس کی فائل اور دیگرشواہد پیش کئے گئے۔
وکیل صفائی کا کہنا تھا کہ گرفتارملزمان میں سے کسی نے بھی یہ نہیں کہا کہ انہوں نےعامرخان کی ایما پر کوئی کام کیا ہے، عدالت نے درخواستِ ضمانت پرفیصلہ محفوظ کرلیا، درخواست پر فیصلہ انتیس جون کو سنایا جائے گا۔
گزشتہ روز ایم کیو ایم کے مرکز نائن زیرو سے گرفتار کیے جانے والے ایم کیو ایم کے رہنماء عامر خان کو دہشت گردوں کی سرپرستی کے مقدمہ میں انسدادِ دہشت گردی کی عدالت میں پیش کیا گیا، جہاں فریقین کے وکلا کو گواہان کے بیانات کی نقول فراہم کی گئیں۔
جبکہ اس دوران عامر خان کے وکلاء نے ان کی درخواست ضمانت بھی دائر کی عدالت نے درخواست ضمانت اور مقدمہ کی سماعت کل تک ملتوی کردی۔
عدالت میں پیشی کے بعد میڈیا سے بات چیت کرتے ہوئے عامر خان کا کہنا تھا کہ بی بی سی کی رپورٹ بے بنیاد ہے اور انیس سو بانوے سے ایم کیو ایم پر اس طرح کے الزامات لگتے رہیں ہیں، عوام کل بھی الطاف حسین کے ساتھ تھے اور آج بھی ہیں۔
ایم کیوایم کے رہنماء عامرخان کوایم کیوایم مرکز پر چھاپے کے دوران گرفتار کیا گیا تھا۔
