Tag: درخواست ضمانت

کراچی : عدالت نے 53 کروڑ کے بینک فراڈ کیس میں اداکارہ نادیہ حسین کے شوہر کی درخواست ضمانت مسترد کردی۔

تفصیلات کے مطابق ایڈیشنل ڈسٹرکٹ اینڈسیشن جج ساؤتھ کی عدالت میں 53 کروڑ کے بینک فراڈ کے کیس کی سماعت ہوئی۔

عدالت نے اداکارہ نادیہ حسین کے شوہر عاطف خان کی درخواست ضمانت مستردکردی۔

عدالت نے وکلا کے دلائل کےبعددرخواست ضمانت پر فیصلہ محفوظ کیا تھا ، عاطف خان پر نجی کمپنی کےچیف ایگزیکٹیو کے 53 کروڑ اپنے بزنس میں استعمال کرنے کا الزام ہے۔

یاد رہے گذشتہ سماعت میں اداکارہ نادیہ حسین عدالت میں پیش ہوئی تھیں ، سماعت کے دوران ملزم کے وکیل مکیش کمار نے عدالت کو بتایا تھا کہ عاطف خان بیماری میں مبتلا ہے جن دفعات کے تحت مقدمہ درج کیا گیا ہے انکا اطلاق نہیں ہوتا ہے اور ملزم کے خلاف کوئی ٹھوس شواہد نہیں ہیں۔

مکیش کمار کا کہنا تھا کہ ایف آئی اے کو دو پرائیویٹ فریقین کے درمیان تنازعے کی انکوائری کا اختیار نہیں ہے، اس کیس میں زیادہ سے زیادہ سزا ایک دن بنتی ہے۔

جس پر عدالت نے آئندہ سماعت پر مدعی مقدمہ اور ایف آئی اے پراسکیوٹر سے دلائل طلب کرلیے تھے۔

مزید پڑھیں : اداکارہ نادیہ حسین نے شوہر کے اکاؤنٹ سے منتقل رقم سے متعلق کیا بتایا؟

یاد رہے فراڈ کی رقم کی بینیفشری اداکارہ نادیہ حسین نے ایف آئی اے کے سامنے شوہر کے اکاؤنٹ سے منتقل فنڈز کے ذرائع سے متعلق لاعلمی کا اظہار کرتے ہوئے کہا تھا کہ کسی دھوکا دہی سرگرمی میں راز دار نہیں۔

اداکارہ نے بیان میں کہا تھا کہ حلفیہ کہتی ہوں فنڈز کے ذرائع کے بارے میں کبھی علم نہیں تھا، فنڈز ذرائع کے سلسلے میں کبھی کوئی سوال نہیں کیا، میاں بیوی کے طور پر ہم ایک دوسرے پر بھروسہ کرتے ہیں۔

نادیہ نے بتایا تھا کہ عاطف خان نے میرا کاروبار قائم کرنےمیں میری مدد کی، کسی دھوکا دہی سرگرمی میں راز دار نہیں جس میں شوہر ملوث ہوسکتا تھا اور نہ ہی میں کسی فراڈ کا حصہ تھی۔

لاہور : انسداد دہشت گردی کی عدالت نے ن لیگ کا آفس جلانے کے کیس میں صنم جاوید کی درخواست ضمانت منظور کرلی۔

تفصیلات کے مطابق انسداد دہشت گردی کی عدالت میں ن لیگ کا دفتر جلانے سے متعلق کیس میں صنم جاوید کی درخواست ضمانت پر سماعت ہوئی۔

وکیل ملزمہ نے بتایا کہ صنم جاوید کو 6ماہ بعد نئے مقدمہ میں ملوث کیا گیا ، صنم جاوید کا مسلم لیگ ن کا دفتر جلانے کے واقعے سے تعلق نہیں۔

پراسیکیوٹر کا کہنا تھا کہ ملک پھر میں 9 مئی کی 1300 ایف آئی آرز درج ہیں ، شواہد سامنے آنےپرملزمان کودیگرمقدمات میں ملوث کیا جا رہا ہے، ملزمہ نے عوام کو فسادات پر اکسایا ،خود بھی پیٹرول بم پھینکے۔

انسداد دہشت گردی عدالت کے جج ارشد جاوید چدھڑ نے صنم جاوید کی درخواست ضمانت پر فیصلہ سنایا.

انسداد دہشت گردی عدالت نے صنم جاوید کی بعد از گرفتاری ضمانت منظور کر لی اور صنم جاوید کو رہائی کیلئے 2 لاکھ کے ضمانتی مچلکے جمع کرانے کا حکم دے دیا۔

لاہور : نو مٸی جلاؤ گھیراؤ میں گرفتار خدیجہ شاہ کی درخواست ضمانت سماعت کے لیے مقرر کردی گئی۔

تفصیلات کے مطابق لاہور ہائی کورٹ نے 9 مئی کو جلاؤگھیراؤ میں گرفتار خدیجہ شاہ کی درخواست ضمانت سماعت کیلئے مقرر کردی۔

رجسٹرار آفس نے کازلسٹ جاری کردی ہے، جس کے مطابق جسٹس علی باقر نجفی کی سربراہی میں دو رکنی بینچ 20جولائی کو خدیجہ شاہ کی ضمانت کی درخواست پر سماعت کرے گا۔

درخواست میں مؤقف اختیار کیا ہے کہ خدیجہ شاہ جوڈیشل ریمانڈ پر جیل میں قید ہے اس سے کوئی تفتیش درکار نہیں ہے، استدعا ہے عدالت درخواست ضمانت بعدازگرفتاری منظور کرے۔

خیال رہے خدیجہ شاہ کے خلاف تھانہ سرور روڈ پولیس نے مقدمہ درج کر رکھا ہے۔

لاہور : لاہور ہائی کورٹ میں پی ٹی آئی کارکن خدیجہ شاہ کی درخواست ضمانت سماعت کے لیے مقرر کردی گئی، سیدسلیمان شاہ اورجہانزیب نے درخواست ضمانت دائر کررکھی ہے۔

تفصیلات کے مطابق لاہور ہائی کورٹ نے سابق وزیر خرانہ ڈاکٹر سلمان شاہ کی بیٹی اور پی ٹی آٸی کارکن خدیجہ شاہ کی رہائی کیلئے درخواست سماعت کیلئے مقرر کر دی۔

لاہور ہائی کورٹ کا دو رکنی بنچ درخواست پر 12 جون کو سماعت کرے گا، درخواست خدیجہ شاہ کے والد ڈاکٹر سلمان شاہ اور شوہر جہانزیب امین نے دائر کی تھی۔

لاہور ہائیکورٹ کے جسٹس شہباز رضوی کی سربراہی میں دو رکنی بنچ درخواست پر سماعت کرے گا۔

درخواست میں خدیجہ شاہ کی حراست کو چیلنج کیا گیا ہے اور استدعا کی گئی ہے کہ خدیجہ شاہ کو رہا کرنے اور گرفتاری کو غیر قانونی قرار دی جائے۔

اس کیس میں پہلے خدیجہ شاہ کو ہاٸی کورٹ پیش کر کے بتایا گیا تھا کہ جناح ہاوس حملہ کیس میں اس کی شناخت ہوچکی ہے جس کے بعد عدالت نے ملزمہ کو واپس جیل بھجو دیا تھا۔

لام آباد: انسداد دہشت گردی نے جوڈیشل کمپلیکس میں توڑپھوڑ کے کیس میں پی ٹی آئی رہنما اسد عمر کی درخواست ضمانت پر فیصلہ محفوظ کرلیا ، جو کل سنایا جائے گا۔

تفصیلات کے مطابق انسداد دہشت گردی ایکٹ کے تحت جوڈیشل کمپلیکس میں توڑ پھوڑ کے کیس میں پی ٹی آئی رہنما اسد عمرکی درخواست ضمانت پر سماعت ہوئی۔

انسدادِ دہشت گردی عدالت کے جج راجہ جواد عباس نے درخواست پر سماعت کی، وکیل سردار مصروف نے عدالت کو بتایا کہ جب وقوعہ ہوا تو اسد عمر اسلام آباد ہائی کورٹ میں موجود تھے، وقوعہ والے دن اسد عمر جوڈیشل کمپلیکس آئے ہی نہیں۔

جس پر جج نے ریمارکس دیے کہ یہ وہی دن ہے جس دن جج ظفراقبال کی عدالت اے ٹی سی کمرہ عدالت میں لگائی گئی تھی، مجھے رات کو ایک بجے پیغام آیا تھاکہ میری عدالت صبح جج ظفراقبال کی عدالت میں لگے گی۔

پراسیکیوٹر نے بتایا کہ اسدعمر نہ صرف کارکنان کو لائے بلکہ جلاؤ گھیراؤ بھی کروایا، جس پر جج نے پراسیکیوٹر سے مکالمے میں کہا 2023 تک کا کوئی ایسا کیس بتا دیں جہاں دہشت گرد اسلحہ کے بغیر آیا ہو۔

اےٹی سی جج نے کہا کہ اسدعمر کا کیس اپنی نوعیت کا پہلا مقدمہ ہے، جہاں دہشتگرد خالی ہاتھ آیا ہے۔

جس پر پراسیکیوٹرعدنان علی کا کہنا تھا کہ عدلیہ سمیت دیگر اداروں میں عدم استحکام پیدا کرنے کی مہم چلائی گئی، پی ٹی آئی کارکنان نے جوڈیشل کمپلیکس کے باہر گاڑیاں جلائیں۔

وکیل اسد عمر سردارمصروف نے کہا کہ پی ڈی ایم سپریم کورٹ کے باہر احتجاج کرتی ہے اور ان پر کوئی مقدمہ نہیں ہوتا،پراسیکیوشن نے دہشت گردوں کا معیار ہی کم کردیا ہے۔

دلائل کے بعد اے ٹی سی نے اسد عمر کی درخواست ضمانت پر فیصلہ محفوظ کرلیا، جج راجہ جواد عباس اسد عمر کی درخواست ضمانت پر فیصلہ کل سنائیں گے۔