ARYNews.tv | Urdu – Har Lamha Bakhabar

Tag: درخواست ضمانت مسترد

  • 190 ملین پاؤنڈ کیس: بانی پی ٹی آئی اور بشریٰ بی بی کی درخواست ضمانت مسترد کا فیصلہ چیلنج

    190 ملین پاؤنڈ کیس: بانی پی ٹی آئی اور بشریٰ بی بی کی درخواست ضمانت مسترد کا فیصلہ چیلنج

    اسلام آباد : 190ملین پاؤنڈ کیس میں بانی پی ٹی آئی اور بشریٰ بی بی نے بریت درخواست مسترد کرنے کا فیصلہ چیلنج کردیا۔

    تفصیلات کے مطابق 190ملین پاؤنڈ کیس میں بانی پی ٹی آئی اور بشریٰ بی بی نے احتساب عدالت سے بریت کی درخواست مسترد کئے جانے کے خلاف اسلام آباد ہائی کورٹ میں اپیل دائر کردی گئی۔

    جس میں احتساب عدالت کا 12 ستمبر کا فیصلہ چیلنج کیا گیا ہے، بیرسٹر سلمان صفدر اور خالد یوسف چوہدری کے زریعے درخواست دائر کی گئی ہے۔

    درخواست میں موقف اختیار کیا گیا ہے کہ میرٹ پہ بریت بنتی تھی جو احتساب عدالت نے نہیں دی اور ایسا کوئی شواہد نہیں مواد نہیں جس بنا پہ سزا سنائی جا سکے۔

    درخواست میں استدعاکی گئی ہے کہ عدالت احتساب عدالت کا فیصلہ کالعدم قرار دے، عدالت بانی پی ٹی آئی اور بشری بی بی کو اس مقدمے سے بری کرے۔

  • شاعر احمد فرہاد کی درخواست ضمانت مسترد

    شاعر احمد فرہاد کی درخواست ضمانت مسترد

    مظفرآباد: انسداد دہشت گردی کی عدالت نے شاعر احمد فرہاد کی درخواست ضمانت مسترد کردی، اہلیہ کا کہنا ہے ہم اس فیصلے کو چیلنج کریں گے۔

    تفصیلات کے مطابق مظفرآباد آزاد کشمیر کی انسداد دہشت گردی عدالت نے شاعر احمد فرہاد کی درخواست ضمانت پر محفوظ فیصلہ سنا دیا، فیصلے میں عدالت نے ضمانت کی درخواست مسترد کر دی۔

    گزشتہ روز دوران سماعت شاعر کے وکیل کی جانب سے انکی بریت پر دلائل دیے گئے جبکہ پولیس کی جانب سے ایک ہفتے کے مزید جمسانی ریمانڈ کی استدعا کی گئی تھی۔

    عدالت نے فریقین کے دلائل سننے کے بعد شاعر کی درخواست ضمانت پر فیصلہ محفوظ کیا تھا، اہلیہ نے میڈیا سے گفتگو کرتے ہوئے کہا ہے کہ ہم اس فیصلے کو چیلنج کریں گے۔

    یاد رہے 29 مئی کو وفاقی حکومت نے شاعر احمد کی گرفتاری ظاہر کی تھی اور اٹارنی جنرل نے عدالت کو بتایا تھا کہ احمد فرہاد گرفتار اور پولیس کسٹڈی میں ہے۔

    بعد ازاں پولیس نے بتایا تھا کہ شاعر احمد دفعہ اے پی سی 186کے تحت گرفتار ہوئے، ایف آئی آر میں کہا گیا ہے کہ وہ صبح7 بجے گجر کوہالہ کے مقام سے آزاد کشمیرمیں داخل ہو رہے تھے، دوران چیکنگ وہ شناختی کارڈ نہیں دکھاسکے۔

    ایف آئی آر کے متن کے مطابق شاعر کارسرکار میں مداخلت کے جرم میں گرفتار ہوئے، وہ ایک اور مقدمے میں مظفرآباد پولیس کو بھی مطلوب ہیں، اس لیے ان کو مظفرآباد پولیس کے حوالے کردیا گیا ہے۔

  • سائفر کیس: چیئرمین پی ٹی آئی کی درخواست ضمانت مسترد

    سائفر کیس: چیئرمین پی ٹی آئی کی درخواست ضمانت مسترد

    اسلام آباد : اسلام آباد ہائی کورٹ نے سائفر کیس میں چیئرمین پی ٹی آئی کی درخواست ضمانت مسترد کرتے ہوئے کیس کے اخراج کی درخواست بھی رد کردی۔

    تفصیلات کے مطابق سائفر کیس میں چیئرمین پی ٹی آئی کی درخواست ضمانت پر اڈیالہ جیل میں سماعت ہوئی، خصوصی عدالت کے جج ابوالحسنات محمدذوالقرنین نے سماعت کی۔

    وکیل سلمان صفدر، سکندرذوالقرنین،عمیر نیازی، عثمان گل کمرہ عدالت میں پیش ہوئے جبکہ چیئرمین پی ٹی آئی اور شاہ محمود قریشی کے علاوہ مقدمےکے آئی اواورپراسیکیوٹرموجود تھے۔

    اسلام آباد ہائیکورٹ کے چیف جسٹس عامر فاروق نے چیئرمین پی ٹی آئی کی درخواست پر محفوظ فیصلہ سنادیا ، فیصلے میں عدالت نے چیئرمین پی ٹی آئی کی سائفر کیس میں درخواست ضمانت مسترد کردی جبکہ سائفر کیس کے اخراج کی درخواست بھی رد کردی۔

    عدالت نے فریقین کے دلائل سننے کے بعد درخواست ضمانت پر 16 اکتوبر کو فیصلہ محفوظ کیا تھا جبکہ وکلا صفائی نے اسلام آباد ہائیکورٹ کا تحریری فیصلہ آنے تک سماعت روکنے کی استدعا کی تھی، چیئرمین پی ٹی آئی اس وقت سائفرکیس میں جوڈیشل ریمانڈپرجیل میں قید ہیں۔

    گزشتہ سماعت میں چیئرمین پی ٹی آئی اورشاہ محمودپرفردجرم عائد کئےجانےکی کارروائی مکمل کی گئی تھی اور فاضل عدالت نےآج کی سماعت میں مقدمہ کےگواہان کوطلب کررکھا ہے ، 28 میں سے5گواہان کوآج سائفر کیس میں طلب کیا تھا ، گواہان میں سابق سفیراسدمجیدخان اور اعظم خان بھی شامل ہیں

    یاد ریے گزشتہ روز اسلام آبادہائیکورٹ نےسائفرکیس میں چیئرمین پی ٹی آئی کی ٹرائل روکنے کی درخواست مسترد کر دی،عدالت نے ہدایت جاری کی چیئرمین پی ٹی آئی کوشفاف ٹرائل کا حق دیاجائے۔

    چیئرمین پی ٹی آئی نے سائفر کیس میں فردجرم کی کارروائی اسلام آباد ہائیکورٹ میں چیلنج کی تھی اور درخواست میں چیئرمین پی ٹی آئی نے فرد جرم عائد کرنےکی کارروائی کالعدم قرار دینے کی استدعا کی تھی۔

  • سابق وزیر اعلیٰ پنجاب پرویز الہٰی کی درخواست ضمانت مسترد

    سابق وزیر اعلیٰ پنجاب پرویز الہٰی کی درخواست ضمانت مسترد

    لاہور: کارِ سرکار میں مداخلت کے مقدمے میں پرویز الہٰی کی درخواست ضمانت مسترد ہو گئی۔

    تفصیلات کے مطابق انسداد دہشت گردی عدالت نے پولیس سے لڑائی جھگڑا اور کارِ سرکار میں مداخلت کے مقدمے میں سابق وزیر اعلیٰ پنجاب پرویز الہٰی کی درخواست ضمانت مسترد کر دی۔

    انسداد دہشت گردی عدالت کے جج اعجاز احمد بٹر نے پرویز الہٰی کی درخواست ضمانت پر سماعت کی، تفتیشی افسر نے بتایا کہ پرویز الہٰی کی گرفتاری نہیں ڈالی گئی، اس لیے مقدمے کا ریکارڈ پیش نہیں کیا جا سکتا۔

    تفتیشی افسر کے مطابق پرویز الہٰی کی درخواست ضمانت قبل از وقت ہے، لہٰذا مسترد کی جاٸے، عدالت نے پولیس کے اعتراض پر درخواست ضمانت کے نا قابل سماعت ہونے پر اسے خارج کر دیا۔

    پرویز الہٰی کے گن مین کے موبائل فون سے اہم شواہد مل گئے

    واضح رہے کہ پرویز الہٰی کے خلاف لاہور کے تھانہ غالب مارکیٹ میں مقدمہ درج ہے، مقدمے کے مطابق چوہدری پرویز الہٰی کے گھر چھاپے کے موقع پر پولیس پر حملہ کیا گیا تھا اور قانونی کاررواٸی سے روکا گیا تھا۔

  • آمدن سے زائد اثاثہ جات کیس: ‘رانا ثنااللہ کی درخواست ضمانت مسترد کی جائے’

    آمدن سے زائد اثاثہ جات کیس: ‘رانا ثنااللہ کی درخواست ضمانت مسترد کی جائے’

    لاہور : قومی احتساب بیورو ( نیب ) نے آمدن سے زائد اثاثہ جات کیس میں مسلم لیگ ن کے رہنما رانا ثنااللہ کی درخواست ضمانت مسترد کرنے کی استدعا کردی۔

    تفصیلات کے مطابق قومی احتساب بیورو ( نیب ) نے لاہور ہائی کورٹ میں مسلم لیگ ن کے رہنما رانا ثنااللہ کے خلاف آمدن سے زائد اثاثہ جات کیس میں جواب جمع کرا دیا۔

    جس میں نیب نے رانا ثنااللہ کی درخواست ضمانت مسترد کرنے کی استدعا کردی اور کہا رانا ثنااللہ نے قانونی کارروائی میں رکاوٹ کیلئےدرخواست دائر کی، ان کیخلاف آمدن سے زائد اثاثوں کی 3شکایات موصول ہوئیں، ان پر بے نامی دار اورآمدن سے زائد اثاثوں کا الزام ہے۔

    نیب جواب میں کہا گیا مجاز اتھارٹی نے رانا ثنااللہ کیخلاف انکوائری،انویسٹی گیشن کی منظوری دی، رانا ثنااللہ کو طلبی کے نوٹس جاری کیے اور کبھی بھی ہراساں نہیں کیا گیا۔

    نیب نے مزید کہا کہ نیب لاہور قانون کے مطابق راناثنااللہ کیخلاف تحقیقات کررہاہے، راناثنااللہ نے اثاثے جائز ذرائع آمدن سےبنائے توثابت کریں، آمدن سے زائداثاثوں کےکیس پردرخواست ضمانت پرسماعت16نومبرکوہوگی۔

  • نوازشریف کا ہائی کورٹ کا فیصلہ سپریم کورٹ میں چیلنج کرنے کا فیصلہ

    نوازشریف کا ہائی کورٹ کا فیصلہ سپریم کورٹ میں چیلنج کرنے کا فیصلہ

    اسلام آباد : سابق وزیراعظم نوازشریف نے ہائی کورٹ کا فیصلہ سپریم کورٹ میں چیلنج کرنےکافیصلہ کرلیا، نواز شریف کا کہنا ہے کہ سپریم کورٹ سےانصاف کی توقع ہے۔

    تفصیلات کے مطابق سابق وزیراعظم نوازشریف نے ہائی کورٹ کا درخواست ضمانت مسترد کرنے کا فیصلہ سپریم کورٹ میں چیلنج کرنے کا فیصلہ کرلیا ہے، نواز شریف کے وکیل نے ہائی کورٹ سے فیصلےکی اصل کاپی حاصل کرلی ہے۔

    ذرائع کا کہنا ہے کہ خواجہ حارث دو تین دن میں درخواست سپریم کورٹ میں جمع کرائیں گے، درخواست کے متن میں کہا گیا سپریم کورٹ سےانصاف کی توقع ہے، سپریم کورٹ اسلام آبادہائی کورٹ کے فیصلے کو کالعدم قراردے۔

    یاد رہے 25 فروری کو اسلام آباد ہائی کورٹ نے طبی بنیادوں پرضمانت پررہائی سے متعلق فیصلہ سنایا تھا، فیصلے میں سابق وزیر اعظم نواز شریف کی درخواست ضمانت کو مسترد کرتے ہوئے کہا تھا نوازشریف کوایسی کوئی بیماری لاحق نہیں جس کاعلاج ملک میں نہ ہوسکے۔

    مزید پڑھیں : اسلام آباد ہائی کورٹ نے نواز شریف کی درخواستِ ضمانت مسترد کردی

    اسلام آباد ہائی کورٹ نے نوازشریف کی سزا معطلی کے تحریری فیصلے میں کہا تھا کہ ، یہ کیس غیرمعمولی نوعیت کانہیں،سپریم کورٹ کےحالیہ فیصلوں کےنتیجےمیں ضمانت نہیں دی جاسکتی، انھیں علاج معالجے کی سہولیات دستیاب ہیں۔

    فیصلہ میں کہا گیا تھا جیل سپرنٹنڈنٹ کااخیارہےقیدی کواسپتال منتقل کرےیانہیں، نوازشریف کوقانون کےمطابق جب ضرورت پڑی اسپتال منتقل کیاگیا، عدالتی نظیریں ہیں قیدی کا علاج ہو رہا ہو تو وہ ضمانت کاحقدارنہیں۔

    واضح رہے گزشتہ برس 24 دسمبر کو سابق وزیر اعظم نواز شریف کے خلاف العزیزیہ اسٹیل ملز اور فلیگ شپ ریفرنسز کا فیصلہ سنایا گیا تھا، فیصلے میں نواز شریف کو العزیزیہ ریفرنس میں مجرم قرار دیتے ہوئے 7 سال قید کی جرمانے کا حکم سنایا تھا جبکہ فلیگ شپ ریفرنس میں انہیں بری کردیا گیا تھا۔

  • نواز شریف کو طبی بنیادوں پر ضمانت دے دی جاتی تو ہر قیدی یہ استحقاق مانگتا، فیاض الحسن چوہان

    نواز شریف کو طبی بنیادوں پر ضمانت دے دی جاتی تو ہر قیدی یہ استحقاق مانگتا، فیاض الحسن چوہان

    لاہور : وزیراطلاعات پنجاب فیاض الحسن چوہان کا کہنا ہے کہ نواز شریف کو طبی بنیادوں پر ضمانت دے دی جاتی تو ہر قیدی یہ استحقاق مانگتا، نواز شریف ایک مرتبہ پھر بیرون جانے والا معاہدہ مانگ رہےہیں۔

    تفصیلات کے مطابق وزیراطلاعات پنجاب فیاض الحسن چوہان نے نواز شریف نے درخواست ضمانت مسترد ہونے پر اے آر وائی نیوز سے خصوصی گفتگو میں کہا عدالت نے بالکل ٹھیک فیصلہ کیاہے، طبی بنیادوں پر ضمانت دے دی جاتی تو ہر قیدی یہ استحقاق مانگتا، دنیامیں کوئی ایساقانون نہیں کہ طبی بنیادوں پرضمانت دےدی جائے۔

    فیاض الحسن چوہان کا کہنا تھا کہ نوازشریف کی بیماری سےمتعلق5میڈیکل بورڈبن چکے ہیں، نوازشریف کی مرضی سےہی یہ بورڈتشکیل دیئےگئے، نواز شریف کی طبیعت کم اور نیب زیادہ خراب ہے۔

    نواز شریف  چاہتےہیں کہ اب وہ لندن کےفلیٹس میں زندگی گزاریں

    وزیراطلاعات پنجاب نے کہا نوازشریف ایک مرتبہ پھر بیرون جانے والا معاہدہ مانگ رہےہیں، وہ چاہتےہیں کہ اب وہ لندن کےفلیٹس میں زندگی گزاریں، نواز شریف جیل میں خلیفےکی خطائیاں کھارہے ہیں، کیا کوئی دل کامریض خلیفےکی خطائیاں کھائےگا۔

    ان کا کہنا تھا کہ عدالتیں جوبھی فیصلہ کریں گی، ہم ن لیگ والےنہیں پی ٹی آئی والے ہیں، عدالتی فیصلوں کےخلاف احتجاج نہیں کریں گے تسلیم کریں گے۔

    ن لیگ کے رہنماعدالت جوش سے آئے تھے اور بے ہوش ہوکرگئےہیں

    فیاض الحسن چوہان نے کہانوازشریف پاکستان کےخوردبردوان ہیں، جب یہ لوٹ مارکررہےتھےاس وقت ان کو ان چیزوں کاخیال نہیں آیا، ن لیگ کے رہنماعدالت جوش سے آئے تھے اور بے ہوش ہوکرگئےہیں۔

    صوبائی وزیراطلاعات کا کہنا تھا کہ نوازشریف کوطبی بنیادوں پرضمانت ملتی توپاکستان کاہرقیدی عدالت جاتا۔

  • نواز شریف کے وکلا کا اسلام آباد ہائی کورٹ کا فیصلہ سپریم کورٹ میں چیلنج کرنے کا اعلان

    نواز شریف کے وکلا کا اسلام آباد ہائی کورٹ کا فیصلہ سپریم کورٹ میں چیلنج کرنے کا اعلان

    اسلام آباد : سابق وزیراعظم نواز شریف کے وکلا نے اسلام آباد ہائی کورٹ کا فیصلہ سپریم کورٹ میں چیلنج کرنے کا اعلان کردیا ہے، اسلام آباد ہائی کورٹ نے نواز شریف کی طبی بنیادوں پر درخواست ضمانت مسترد کردی ہے۔

    تفصیلات کے مطابق سابق وزیراعظم نواز شریف کے وکلا نے درخواست ضمانت مسترد ہونے پر سپریم کورٹ جانے کا فیصلہ کیا ہے، وکلا کا کہنا ہے کہ اسلام آباد ہائی کورٹ کا فیصلہ سپریم کورٹ میں چیلنج کیا جائے گا۔

    یاد رہے اسلام آباد ہائی کورٹ نے نوازشریف کی سزامعطلی اورضمانت کی درخواست مسترد کردی، عدالت نے قراردیاکہ نوازشریف کوایسی کوئی بیماری لاحق نہیں جس کاعلاج ملک میں نہ ہوسکے، طبی بنیادوں پر ضمانت کی درخواست ناقابل سماعت ہے۔

    مزید پڑھیں : اسلام آباد ہائی کورٹ نے نواز شریف کی درخواستِ ضمانت مسترد کردی

    العزیزیہ ریفرنس میں سزا یافتہ مجرم نوازشریف نے طبی بنیادوں پرضمانت کی درخواست کی تھی اور جسٹس عامرفاروق اورجسٹس محسن کیانی پرمشتمل دو رکنی بیبنچ نے دلائل کے بعدفیصلہ بیس فروری کو محفوظ کیاتھا۔

    نیب نے نواز شریف کی طبی بنیادوں پررہائی کی مخالفت کی تھی۔

    خیال رہے نواز شریف العزیزیہ کیس میں سزا کاٹ رہے ہیں اور اپنی بیماری کے سبب لاہور کے جناح اسپتال میں زیر علاج ہیں ، میڈیکل بورڈ نے سفارشات محمکہ داخلہ کو بجھوادیں ہیں ، جس میں انجیو گرافی تجویز کی گئی ہے۔

    واضح رہے گزشتہ برس 24 دسمبر کو سابق وزیر اعظم نواز شریف کے خلاف العزیزیہ اسٹیل ملز اور فلیگ شپ ریفرنسز کا فیصلہ سنایا گیا تھا، فیصلے میں نواز شریف کو العزیزیہ ریفرنس میں مجرم قرار دیتے ہوئے 7 سال قید کی جرمانے کا حکم سنایا تھا جبکہ فلیگ شپ ریفرنس میں انہیں بری کردیا گیا تھا۔

  • سانحہ ماڈل ٹاؤن:گلو بٹ کی درخواست ضمانت مسترد

    سانحہ ماڈل ٹاؤن:گلو بٹ کی درخواست ضمانت مسترد

    لاہور: سانحہ ماڈل ٹاؤن کے مرکزی کردار گلو بٹ کی درخواست ضمانت مسترد کردی گئی، عدالت نے شریف برادران پر سانحے کا مقدمہ چلانے کی درخواست پر جوائنٹ انوسٹی گیشن ٹیم سے رپورٹ طلب کرلی ہے۔

    سانحہ ماڈل ٹاؤن میں گاڑیاں توڑنے والےگلو بٹ کو ضمانت نہ مل سکی، لاہور کی انسداد دہشت گردی عدالت نے درخواست ضمانت مسترد کر دی، گلو بٹ کے وکیل کا موقف تھا کہ دہشت گردی اور اقدام قتل کی دفعات بدنیتی پر مبنی ہیں، ایسا کوئی عمل نہیں کیا، جس سے خو ف وہراس پھیلا ہو، ضمانت دی جائے۔

    جس پر سرکاری وکیل نے کہا کہ گلو بٹ کی ضمانت سے عوام میں خوف کی لہر دوڑ جائے گی، فریقین کو سننے کے بعدعدالت نے فیصلہ سنا دیا۔

    دوسری جانب سانحہ ماڈل ٹاؤن کا مقدمہ شریف برادران سمیت اکیس افراد کے خلاف درج کرانے کی درخواست کی سماعت لاہورکی عدالت میں ہوئی، منہاج القرآن کی جانب سے بتایا گیا جو رپورٹ عدالت میں پیش کی گئی، وہ پولیس کی ہے، اصل تفتیش جوائنٹ انوسٹی گیشن ٹیم کررہی ہے، جس پرعدالت نے چھبیس جولائی کوجوائنٹ انوسٹی گیشن ٹیم سے رپورٹ طلب کرتے ہوئے سماعت ملتوی کردی۔