کراچی : اثاثہ جات کیس میں گرفتار سندھ اسپیکر اسمبلی آغا سراج درانی کو بھی ضمانت مل گئی، عدالت نے ضمانتی مچلکوں کے ساتھ ساتھ پاسپورٹس بھی جمع کرانےکا حکم دیا ہے اور کہا نام ای سی ایل میں شامل کیا جائے گا۔
تفصیلات کے مطابق سندھ ہائی کورٹ میں اثاثہ جات کیس میں سندھ اسپیکر اسمبلی آغا سراج درانی سمیت دیگر ملزمان کی درخواست ضمانت پر سماعت ہوئی ، عدالت نے آغا سراج درانی ودیگر ملزمان کی درخواست ضمانت منظور کرلی۔
سندھ ہائی کورٹ نے ملزمان کو 10،10لاکھ روپے کے مچلکے اور پاسپورٹس جمع کرانے کا حکم دیا اور ملزمان کا نام ای سی ایل میں شامل کرنے کا بھی حکم دیا۔
ملزمان میں شمشادخاتون، اسلم پرویز،ذوالفقارعلی ، گلزاراحمد،شکیل احمدشامل ہیں جبکہ ملزمان آغا مسیح الدین ، طفیل احمد ، مٹھا خان ودیگرکی عبوری ضمانت کی توثیق کردی۔
مزید پڑھیں : زائد اثاثہ جات ریفرنس، آغا سراج درانی کے اہلِ خانہ کی گرفتاری کا حکم
خیال رہے آغا سراج درانی ودیگرکیخلاف ریفرنس احتساب عدالت میں زیر سماعت ہے ، ریفرنس میں آغا سراج درانی کی اہلیہ ،4 بیٹیاں ، 2 بیٹے مفرور ہیں۔
یاد نیب حکام نے اسپیکرسندھ اسمبلی آغا سراج درانی کے خلاف آمدن سے زائد اثاثوں کاریفرنس دائر کیا تھا ، دائر ریفرنس میں آغاسراج سمیت بیس ملزمان کو نامزد کیا گیا تھا، ملزمان پر ایک ارب ساٹھ کروڑ روپے کی کرپشن کا الزام ہیں۔
واضح رہے نیب نےاسپیکر سندھ اسمبلی آغا سراج درانی کوبیس فروری کواسلام آبادکےہوٹل سےحراست میں لیاتھا۔
