Tag: درخواست

  • چوہدری نثارطالبان کے بعد اب داعش کے ترجمان بنتے جارہےہیں، حامد رضا

    چوہدری نثارطالبان کے بعد اب داعش کے ترجمان بنتے جارہےہیں، حامد رضا

    ملتان: پاکستان سنی اتحاد کونسل کے سربراہ صاحبزادہ حامد رضا نے کہا ہے کہ چوہدری نثار پہلے طالبان کے ترجمان تھے اوراب داعش کے ترجمان بنتے جارہےہیں۔

    ملتان میں پریس کانفرنس کرتے ہوئے ان کا کہنا تھا کہ سنا ہے کہ کالعدم تنظیم سپاہ صحابہ سے پابندی اٹھائی جارہی ہے جو کہ ہر پاکستنی کے لئے پرہشانی کی بات ہے میں پوچھتا ہوں کہ مولانا احمد لدھیانوی اور ملک اسحاق نے کونسے ایسے فلاحی کام کیئے ہیں کہ ان پر سے پابندی اٹھائی جارہی ہے۔

    ان کا کہنا تھا کہ میرے والد نون لیگ سے اس لیے علیحدہ ہوئے کہ یہ جماعت دہشت گردوں کی سر پرستی کرتی ہے اور انہیں فنانس کرتی ہے، حکومت یہ بات کھل کر بتائے کہ سپاہ صحابہ پر سے پابندی کیوں اٹھائی جارہی ہے، انہوں نےکہا کہ حکومت ملک میں طالبان کا نظام چاہتی ہے یہ کیسے ممکن ہے کہ ملک بھر میں داعش کی وال چاکنگ ہورہی ہو اور حکومت کوئی اقدام نہ کرے۔

    انہوں نے کہا کہ ملک میں داعش اور طالبان کا تو وجود ہے لیکن اگر نہیں ہے تو حکومت کی کوئی رٹ نہیں ہے، ان کا کہنا تھا کہ حکمرانوں کو خود ہی مستعفی ہوجانا چاہیئے نہیں تو لوگ انہیں گریبانوں سے پکڑ کر سڑکوں پر گھسیٹیں گے، انہوں نے کہا کہ ہمارے طاہرالقادری سے تعلقات مستحکم ہیں اور طاہرالاقادری اور عمران خان علیحدہ نہیں ہوئے ہیں۔

  • پی پی، جے یو آئی، ن لیگ پر پابندی سے متعلق درخواست قابلِ سماعت قرار

    پی پی، جے یو آئی، ن لیگ پر پابندی سے متعلق درخواست قابلِ سماعت قرار

    لاہور: پیپلزپارٹی، ن لیگ اور جے یو آئی پر پابندی سے متعلق دائر درخواست کی سماعت لاہور ہائیکورٹ میں ہوئی۔

    مسلم لیگ ن ، پیپلز پارٹی اور جمیعت علمائے اسلام ف میں پارٹی انتخابات نہ کرانے پر ان جماعتوں پر پابندی سے متعلق لاہور ہائیکورٹ میں دائر درخواست کی ابتدائی سماعت ہوئی، عدالت نے ہائیکورٹ آفس کا اعتراض ختم کرتے ہوئے درخواست قابلِ سماعت قرار دے دی ہے۔

    درخواست گذار گوہر نواز سندھو نے مؤقف اختیار کیا ہے کہ تینوں جماعتوں نے پارٹی کے اندرانتخابات نہیں کرائے، گوہر نواز سندھو نے عدالت سے پولیٹیکل پارٹی ایکٹ کی خلاف ورزی پر تنیوں جماعتوں پر پابندی عائد کرنے کی درخواست کی ہے۔

    درخواست گزار کا کہنا ہے کہ جب تک تینوں جماعتیں پارٹی انتخابات نہ کرائیں انہیں عام انتخابات میں حصہ لینے سے روکا جائے۔

  • لاہورہائیکورٹ:ڈاکٹرطاہرالقادری کی گرفتاری کیلئے درخواست واپس

    لاہورہائیکورٹ:ڈاکٹرطاہرالقادری کی گرفتاری کیلئے درخواست واپس

    لاہور: ڈاکٹرطاہرالقادری کی گرفتاری کے لیے دائردرخواست لاہورہائی کورٹ آفس نے اعتراض لگا کر واپس کردی۔فہد صدیقی ایڈووکیٹ کی جانب سے دائر درخواست میں مؤقف اختیار کیا گیا ہے کہ ڈاکٹر طاہرالقادری کے خلاف بغاوت سمیت سنگین نوعیت کے چالیس سے زائد مقدمات درج ہیں،

    جن میں ڈاکٹر طاہرالقادری نے ابھی تک ضمانت نہیں کروائی اور نہ ہی پولیس انہیں گرفتار کر رہی ہے لہٰذا عدالت حکم دے کہ ڈاکٹر طاہرالقادری کو گرفتار کیا جائے۔

    ،ہائیکورٹ آفس نے درخواست پر اعتراض عائد کرتے ہوئے درخواست گزار کو ہدایت کی کہ وہ ڈاکٹر طاہرالقادری کے خلاف درج مقدمات کی نقول درخواست کے ساتھ لگا کر دوبارہ دائر کریں ۔

  • گونوازگو کیخلاف درخواست عدالتوں سے مذاق ہے،ماہرین

    گونوازگو کیخلاف درخواست عدالتوں سے مذاق ہے،ماہرین

    کراچی: لاہورہائیکورٹ میں "گو نواز گو” نعرے کیخلاف درخواست دائر ہونے پر قانونی ماہرین نے اپنےردِعمل کا اظہار  کرتے ہوئے کہا ہےکہ عدالتوں کا مذاق بنا لیا گیا ہے ۔

    معروف ماہر قانون اور تجزیہ کار ایس ایم ظفر کا کہنا تھا کہ پابندیاں لگانے کا کچھ فائدہ نہیں۔ نعروں سے روکیں گے تولوگوں کے جذبات غلط رخ اختیار کرلیں گے۔

    تجزیہ کار فواد چوہدری کا کہنا ہے کہ عدالتوں کا مذاق بنا لیا گیا ہے اس طرح کی درخواستیں مسترد کردینی چاہیئں۔ ماہرین کا کہنا ہے کہ اظہار رائے پر پابندیاں لگانے کا کوئی فائدہ نہیں۔

    اس طرح کے نعرے سوشل میڈیا پر آنے سے کوئی نہیں روک سکتا۔ لاہور ہائی کورٹ میں دائر کی گئی درخواست محض سستی شہرت حاصل کرنے کا ذریعہ ہے۔

  • لاہورہائیکورٹ:اراکین پارلیمنٹ کی اسکروٹنی کیلئے درخواست سماعت کیلئے منظور

    لاہورہائیکورٹ:اراکین پارلیمنٹ کی اسکروٹنی کیلئے درخواست سماعت کیلئے منظور

    لاہور: اراکین پارلیمنٹ کی اسکروٹنی کے لیے دائر درخواست لاہور ہائی کورٹ نےباقاعدہ سماعت کے لیے منظور کرتے ہوئے فریقین کو نوٹس جاری کر دیئے۔جسٹس عائشہ اے ملک نے تحریک انصاف کے کارکن جاوید بدر کی جانب سے دائر درخواست کی سماعت کی ۔

    درخواست گزار کی جانب سے موقف اختیار کیا گیا کہ دوہزار تیرہ کے انتخابات میں دھاندلی کے متعلق الیکشن کمیشن کی رپورٹ منظر عام پر آچکی ہے جس کے بعد تمام انتخابی عمل مشکوک ہو چکا ہے ۔

    ریٹرننگ افسران نے امیدواروں کے لیے آرٹیکل باسٹھ ترسیٹھ کے حوالے سے اسکروٹنی نہیں کی، جس کی وجہ سے اہلیت پر پورا نہ اترنے والوں نے بھی انتخابات میں حصہ لیا ۔

    درخواست گزار نے عدالت نے استدعا کی کہ تمام اراکین پارلیمنٹ کی دوبارہ اسکروٹنی کے احکاما ت جاری کیے جائیں ۔عدالت نے درخواست گزار کے دلائل کے بعد درخواست باقاعدہ سماعت منظور کرتے ہوئے الیکشن کمیشن سمیت فریقین کو نوٹس جاری کردیئے۔

  • موجودہ جمہوریت اصلی نہیں نقلی ہے، حامد رضا

    موجودہ جمہوریت اصلی نہیں نقلی ہے، حامد رضا

    اسلام آباد: سنی اتحاد کونسل پاکستان کے چیئرمین صاحبزادہ حامد رضا نے کہا ہے کہ پاک فوج کو کمزور اور بدنام کرنا حکومتی ایجنڈا ہے، جاوید ہاشمی کی پاک فوج پر الزام تراشی افسوسناک ہے۔ حکومت بلاوجہ فوج کو سیاست میں گھسیٹ رہی ہے۔

    سنی اتحاد کونسل کی مرکزیِ مجلس عاملہ کے ہنگامی اجلاس سے خطاب کرتے ہوئے صاحبزادہ حامد رضا نے کہا کہ جاوید ہاشمی خود جنرل ضیاءکی کابینہ کا حصہ رہے ہیں۔ نوازشریف کا نام جمہوریت نہیں کہ ان کے استعفیٰ سے جمہوریت ختم ہو جائے گی۔

    انہوں نے کہا کہ قوم جمہوریت کے نام پر مسلط خاندانی بادشاہت کو مزید برداشت نہیں کر سکتی، موجودہ جمہوریت اصلی نہیں نقلی ہے، پی ٹی وی پر قبضے کا ڈرامہ حکومت نےخودرچایا تاکہ انقلاب مارچ کو بدنام کیا جا سکے۔

    ان کا کہنا تھا کہ جمہوری ہٹلروں کے ہاتھوں ملک محفوظ نہیں۔ جمہوریت کو لوٹ مار کا ذریعہ بنا لیا گیا ہے،صاحبزادہ حامد رضا نے کہا کہ موجودہ حکمران ملک کے لیے سکیورٹی رسک بن چکے ہیں۔

  • کے الیکٹرک نے بجلی کی قیمت میں کمی کیلئے درخواست دیدی

    کے الیکٹرک نے بجلی کی قیمت میں کمی کیلئے درخواست دیدی

    کراچی : نیپرا نے کےالیکٹرک کی درخواستوں پر سماعت کا نیا شیڈول جاری کردیا، کے الیکٹرک کی تین درخواستوں پر سماعت چار ستمبر کو کراچی میں ہوگی۔

    نیپرا کے مطابق کے الیکٹرک نے بجلی کی قیمت میں ایک روپے تہتر پیسے کمی کی درخواست کی ہے، ٹیرف میں ردوبدل کیلئے نیپرا چار ستمبرکو کراچی میں سماعت کرے گی۔

    کے الیکٹرک کل تین درخواستوں پر سماعت کی جائے گی، کے الیکٹرک نےاپریل کیلئے بجلی انسٹھ پیسے فی یونٹ ، مئی کیلئے بیاسی پیسے اور جون کیلئے بتیس پیسے فی یونٹ کمی کی درخواست کی گئی ہے ۔

    نیپرا کے مطابق صارفین کو بجلی کے بلوں میں دو ارب تریپن کروڑ روپے کا ریلیف ملے گا۔

  • لاہور ہائیکورٹ: پی ٹی آئی کے دھرنے کیخلاف درخواست ناقابل سماعت قرار

    لاہور ہائیکورٹ: پی ٹی آئی کے دھرنے کیخلاف درخواست ناقابل سماعت قرار

    لاہور: تحریک انصاف کا دھرنا ختم کرنے کے لیےلاہور ہائی کورٹ نے دائردرخواست کو ناقابل سماعت قرار دے دیا۔ جسٹس شاہدبلال نےعمران کا دھرنا روکنے سے متعلق درخواست کی سماعت کی۔ہائی کورٹ آفس کی جانب سے اعتراض عائد کیا گیا تھا کہ درخواست ناقابل سماعت ہے۔ عدالت نےاعتراض برقرار رکھتے ہوئے قرار دیا، کسی بھی شہری کو پرامن احتجاج سے روکا نہیں جاسکتا.

    درخواست گزار کی جانب سے موقف اختیار کیا گیا کہ عمران خان کا دھرنا پاکستان کے خلاف بین الاقوامی سازش ہے جس سے انتشار کی سی کیفیت ہے۔ درخواست گزار نے استدعا کی تھی کہ عدالت کمیشن تشکیل دے جودھرنے کے پس پردہ حقائق کی تحقیقات کرے تاکہ قوم صورتحال سےآگاہ ہوسکے

  • غزہ جل رہا ہے، اسلامی ممالک خاموش ہیں، سراج الحق

    غزہ جل رہا ہے، اسلامی ممالک خاموش ہیں، سراج الحق

    کراچی: جماعت اسلامی کے امیر سراج الحق نے کہا ہے کہ ملک کسی بھی غیر آئینی کام کا متحمل نہیں ہوسکا،وزیر اعظم نواز شریف اور عمران خان نے یقین دلایا ہے کہ وہ کوئی بھی غیر آئینی کام نہیں کریں گے بحران کو حل کرنے کیلئے حکومت کو کچھ قربانی دینی پڑے گی۔

    کراچی میں شارع فیصل پر جماعت اسلامی کی جانب سے فلسطین کی حمایت میں غزہ ملین مارچ سے خطاب کرر ہے تھے ملین مارچ میں لاکھوں افرادنے شرکت کی تھی،سراج الحق کا کہنا تھا کہ بحران کو حل کرنے کیلئے انہوں نے آصف علی زرداری، خورشید شاہ،فضل الرحمن، محمود اچکزئی،عمران خان اور نواز شریف سے رابطے کئے ہیں اور سب کا اس بات پر اتفاق ہے کہ جمہوریت کو نقصان نہیں ہونا چاہئے۔

    انہوں نے کہا کہ دھاندلی کیخلاف جماعت اسلامی کو بھی شکایت ہیں ہم بھی الیکشن کے نظام میں اصلاحات چاہتے ہیں اس سے قبل خورشید شاہ نے خطاب کرتے ہوئے کہا کہ پاکستان میں ریلی پر فلسطین کی حمایت میں تمام جماعتیں ایک پلیٹ فارم پر جمع ہیں،حماس کے رہنما خالد مشعل نے ٹیلی فونک خطاب کیا جلسے سے سلیم ضیاء،عبدالرحمن مکی،منور حسن،نعیم الرحمان،قادر پٹیل،بشاورت مرزا اور دیگر رہنماوں نے خطاب کیا۔

  • پاکستان، جمہوریت اور آئین کوبچایا جائے، سراج الحق

    پاکستان، جمہوریت اور آئین کوبچایا جائے، سراج الحق

    لاہور: جماعت اسلامی نے سیاسی بحران کے خاتمے کیلئے چار نکاتی فارمولہ پیش کردیا ، امیر جماعت سراج الحق کہتے ہیں حکومت احتجاج سے نمٹنے کے بجائے اپوزیشن سے مذاکرات کے لئے کمیٹی تشکیل دے۔

    منصورہ لاہور میں میڈیا سے گفتگو کرتے ہوئے امیر جماعت اسلامی سراج الحق نے کہا کہ موجودہ سیاسی بحران کے حل کے لئے انکی جانب سے چار نکاتی فارمولہ پیش کیا جارہا ہے، فارمولے کے مطابق پارلیمنٹ کے اندر اپوزیشن لیڈر کی قیادت میں حزب اختلاف کی تمام جماعتوں کی کمیٹی بنا ی جائے جبکہ حکومت احتجاج کرنے والوں کے ساتھ فوری مذاکرات شروع کرے۔

    سپریم کورٹ کے لارجر بنچ کی جانب سے ماورائے آئین اقدام پر دئیے جانے والے فیصلے پر سراج الحق کا کہنا تھا کہ عدلیہ پہلے ان سے نمٹے جنھوں نے ماضی میں آئین توڑا، جماعت اسلامی کے امیر کا کہنا تھا کہ چار نکاتی فارمولے پر وہ حکومت اور تحریک انصاف کے رہنماﺅں سے رابطے میں ہیں اور وہ توقع کرتے ہیں کہ لانگ مارچ کے دوران اب گوجرانولہ جیسا واقعہ پیش نہیں آئے گا۔