وہاڑی : درندہ صفت نو جوان کی 4سالہ بچی سے مبینہ زیادتی بچی کو تشویشناک حالت میں ڈی ایچ کیو ہسپتال منتقل کر دیا گیا۔
نواحی علاقہ مسلم ٹاون میں16 سالہ غلام عباس نامی اوباش نو جوانن بچی کو گھر سے بلا کر چیز کھلانے کے بہانے باہر لے کر گیا اور نا معلوم جگہ پر لے جا کر ہوس کا نشانہ بنا ڈالا بچی کی حالت خراب ہونے پر ملزم موقع سے فرار ہوگیا جبکہ اہل محلہ نے بچی کو ڈی ایچ کیو ہسپتال منتقل کر دیا ابتدائیطبی رپورٹ میں ڈاکٹروں نے زیادتی کی تصدیق کر دی ہے ذرائع کے مطابق ملزم غلام عباس گونگا ہے
مظفرگڑھ: خانگڑھ کے نواحی علاقہ میں ایک اور حوا کی کمسن بچی کو مبینہ طور پر درندہ صفت انسان نے زیادتی کا نشانہ بنا ڈالا۔
تھانہ خانگڑھ کی حدود میں ہونے والے افسوسناک واقعہ میں رانجھن پیر کالونی کی رہائشی 8 سالہ بشرٰی جس کا دماغی توازن درست نہیں ہے، درندہ صفت شخص راشد کھوکھر نے زیادتی کا نشانہ بنا ڈالا، متاثرہ بچی کی حالت غیر ہونے پر ملزم نے بھاگنے کی کوشش کی تو اہل علاقہ نے پکڑ لیا اور مقامی پولیس کے حوالے کردیا۔
تاہم کمسن متاثرہ بچی کو فوری طور پر ڈسٹرکٹ ہیڈ کوارٹر ہسپتال منتقل کردیا، ابتدائی میڈیکل رپورٹ کے مطابق بچی کو زیادتی کا نشانہ بنایا گیا ہے جس کو تشویشناک حالت میں نشتر ہسپتال ملتان ریفر کر دیا گیا، مقامی پولیس نے مقدمہ درج کرکے کاروائی شروع کردی ہے۔