پشاور: پولیس نے پھندو میں ڈھائی سالہ کمسن بیٹی کو ذبح کرنے والے درندہ صفت باپ کو گرفتار کرلیا۔
تفصیلات کے مطابق پشاور میں پھندو کے علاقے گنج قاضی آباد میں اپنی ننھی بچی کو قتل کرنے والے درندہ صفت ملزم نے گرفتاری کے بعد سنسنی خیز انکشافات کردیے۔
پولیس کا بتایا ہے کہ گرفتار ملزم نے جرم کا اعتراف کرلیا ہے، ملزم نے اپنے بیان میں کہا کہ روزگار نہیں مل رہا تھا بیوی کام نہ کرنے کے طعنے دیتی تھی، روزگار نہ ملنے کے باعث میں ذہنی پریشانی کا شکار تھا۔
ملزن نے کہا کہ اس دن بھی میں پریشان تھا بچی رو رہی تھی چپ نہ ہونے پر قتل کردیا، سفاک باپ نے 2 روز پہلے ڈھائی سالہ بچی کو قتل کیا تھا۔
دوسری جانب مقتولہ کی والدہ نے بتایاکہ وقوعہ کے وقت وہ پہلی منزل پر موجود تھی اس کی بیٹی مسکان کھیل کھود کے دوران اچانک غائب ہوگئی جس کی تلاش کیلئے گھر کی چھت کی طرف گئی تو سڑھیوں میں شوہر بیٹھا تھا۔
بچی کی والدہ نے کہا کہ شوہر کے پاس خون آلود چھری بھی تھی جب میں بھاگ کر اوپر گئی تو مسکان ذبح شدہ پڑی تھی، پولیس نے بتایاکہ ملزم آیاز کا جسمانی ریمانڈ حاصل کرلیا۔
