ARYNews.tv | Urdu – Har Lamha Bakhabar

Tag: دریا

  • گوگل میپ پر اندھا اعتماد، فیملی دریا میں بہہ گئی، 4 افراد ہلاک

    گوگل میپ پر اندھا اعتماد، فیملی دریا میں بہہ گئی، 4 افراد ہلاک

    بھارت میں گوگل میپ پر اندھا اعتماد کرنے والی ایک فیملی دریا کی بے رحم لہروں کی نذر ہوگئی۔

    بھارتی میڈیا رپورٹس کے مطابق واقعہ ریاست راجستھان میں پیش آیا جہاں وین میں سوار ایک فیملی اپنی مذہبی رسومات کی ادائیگی کے بعد واپس آرہی تھی کہ حادثے کا شکار ہوگئی۔

    میڈیا رپورٹس کا کہنا ہے کہ وین کا ڈرائیور اس دوران گوگل میپ کا سہارا لے رہا تھا کہ گلوگل میپ انہیں سومی اپریڈا پل پر لے گیا جو کئی مہینوں سے بند تھا۔

    پولیس کے مطابق وین پل پر پہنچنے کے بعد پھنس گئی اور بدقسمتی سے دریا کے تیز بہاؤ میں بہتی چلی گئی۔

    پولیس کا کہنا ہے کہ گاڑی میں سوار 4 افراد لقمہ اجل بن گئے جبکہ 5 افراد کو ریسکیو اہلکاروں اور مقامی لوگوں نے ریسکیو کرلیا۔

    افسوسناک حادثے میں مرنے والوں میں 2 خواتین اور 2 بچے شامل ہیں جن کی لاشیں نکال لی گئی ہیں جبکہ ایک لاپتہ بچے کی تلاش کا سلسلہ جاری ہے۔

    گوگل میپ پر اندھا اعتماد کرتے ہوئے خاتون گاڑی سمیت نالے میں جاگری

    بھارت میں خاتون گوگل میپ پر اندھا اعتماد کرتے ہوئے گاڑی سمیت نالے میں جاگری جس کی ویڈیو سوشل میڈی پر وائرل ہوگئی۔

    بھارتی میڈیا رپورٹ کے مطابق نئی ممبئی میں خاتون نے گوگل میپس کی ہدایات پر عمل کرتے ہوتے غلطی سے اپنی کار نئی ممبئی میں نالے میں گرادی، واقعہ اس وقت پیش آیا جب وہ بیلاپور سے الوے جارہی تھی۔

    خاتون کو الوے جاتے ہوئے بیلاپور میں پل پر جانا تھا لیکن گوگل میپس پر راستہ پل کے نیچے دکھایا گیا۔

    نقشے پر بھروسہ کرتے ہوئے خاتون پل کے نیچے سے دھرواتارا جیٹی کی طرف چلی گئی اور اچانک کار نالے میں جاگری۔

    گوگل میپ استعمال کرنے والوں کیلئے اہم خبر

    حادثے کے بعد ریسکیو حکام اور وہاں موجود افراد خاتون کو بچانے کے لیے پہنچے تو خاتون کو نالے میں تیرتا ہوا پایا جس کے بعد وہ اسے بچانے میں کامیاب ہوگئے۔

    بعدازاں جائے وقوعہ پر گاڑی نکالنے کے لیے کرین بلائی گئی۔

  • اسکردو: دریا میں کشتی الٹنے سے میاں بیوی سمیت 5 افراد ڈوب گئے

    اسکردو: دریا میں کشتی الٹنے سے میاں بیوی سمیت 5 افراد ڈوب گئے

    اسکردو (5 اگست 2025): معروف تفریحی مقام کچورا ثوق ویلی میں دریا کی سیر کے دوران کشتی الٹنے سے میاں بیوی سمیت 5 افراد ڈوب گئے۔

    اے آر وائی نیوز کے نمائندے صادق صدیقی کے مطابق یہ افسوسناک حادثہ اسکردو کے خوبصورت تفریحی مقام کچورا ثوق ویلی میں پیش آیا جہاں کشتی دریا میں الٹنے سے 5 افراد ڈوب گئے۔

    ریسکیو ذرائع نے بتایا کہ کشتی میں میاں بیوی سمیت 5 افراد سوار تھے کہ اچانک کشتی الٹ گئی جس کے نتیجے میں تمام افراد دریا میں ڈوب گئے۔

    ریسکیو عملے نے کارروائی کرتے ہوئے تین افراد کو فوری طور پر بحفاظت ریسکیو کر لیا جب کہ خاتون سمیت دو افراد (میاں، بیوی) کا تاحال کچھ پتہ نہیں چل سکا اور ان کی تلاش جاری ہے۔

    ریسکیو ذرائع نے بتایا کہ بظاہر حادثہ رافٹنگ آپریٹر کی غفلت کا نتیجہ لگتا ہے کیونکہ رافٹنگ آپریٹر کشتی دریا کے تیز بہاؤ والی جگہ تک لے گیا تھا۔ کشتی اسٹاپ سے آگے کھائی تک جانے کے باعث بے قابو ہو کر الٹ گئی۔

  • وادی نیلم میں سیاحوں کی کار دریا میں جاگری، 6 جاں بحق، بچہ لاپتہ

    وادی نیلم میں سیاحوں کی کار دریا میں جاگری، 6 جاں بحق، بچہ لاپتہ

    مظفرآباد: چلہانہ کے مقام پر وادی نیلم میں سیاحوں کی کار دریا میں جاگری، افسوسناک حادثے میں 5 خواتین سمیت 6 افراد جاں بحق جبکہ بچہ لاپتہ ہوگیا۔

    اے آر وائی نیوز کے مطابق ڈپٹی کمشنر ندیم جنجوعہ کا کہنا ہے کہ افسوسناک حادثے میں 5 خواتین سمیت 6 افراد جاں بحق جبکہ بچہ لاپتہ ہوگیا ہے۔

    ڈی سی نیلم کے مطابق لاپتہ ہونے والے بچے کی تلاش کیلئے سرچ آپریشن جاری ہے، دشوار گزار راستے، کھائی کے باعث لاشیں نکالنے میں مشکلات پیش آرہی ہیں۔

    واضح رہے کہ گزشتہ ماہ بھی وادی نیلم میں جیپ حادثہ پیش آیا تھا، جس کے نتیجے میں درجن سے زائد افراد لقمہ اجل بن گئے تھے۔

    ایس ایس پی وادی نیلم خواجہ صدیق کا کہنا تھا کہ جیپ میں 23 افراد سوار تھے، چار افراد معجزانہ طور پر محفوظ رہے۔

    ویڈیو: وادی نیلم میں نالہ عبور کرتے ہوئے باپ بیٹی پانی میں بہہ گئے

    حکام کے مطابق حادثے میں 3افراد زخمی ہوئے، مقامی افراد اور پاک فوج کی ٹیموں نے جاں بحق افراد کی لاشیں نکال لیں۔

    آپریشن میں ماہرغوطہ خور، ریسکیواہلکار شریک رہے، تاہم دریا کے بہاؤ میں تیزی اور ٹھنڈے پانی کی وجہ سے ریسکیو ٹیموں کو مشکلات کا سامنا کرنا پڑا۔

  • لیڈی ڈاکٹر دریا میں ڈوب کر ہلاک، ویڈیو وائرل

    لیڈی ڈاکٹر دریا میں ڈوب کر ہلاک، ویڈیو وائرل

    بھارت میں حیدرآباد کے کوم پلی سے تعلق رکھنے والی نوجوان لیڈی ڈاکٹر تفریح کے دوران کرناٹک کے دریا میں ڈوب گئی، جس کی ویڈیو سوشل میڈیا پر گردش کررہی ہے۔

    بین الاقوامی خبر رساں ادارے کی رپورٹ کے مطابق 27 سالہ ڈاکٹر اننیا موہن راؤ اپنے دوستوں کے ساتھ تفریح کیلئے کرنا ٹک پہنچی تھی، منگل کی رات انہوں نے ایک گیسٹ ہاؤس میں قیام کیا۔

    رپورٹس کے مطابق لیڈی ڈاکٹر کے ہمراہ دیگر دو دوست ساتویک اور اشیتا بھی موجود تھے۔ اس دوران وہ وہاں تیرا کی میں مصروف تھے، کہ لیڈی ڈاکٹر نے تقریبا 20 فٹ اونچی چٹان سے دریا میں چھلانگ لگادی، مگر وہ باہر نہ نکل سکی۔

    امکان ظاہر کیا جارہا ہے کہ پانی کا بہاؤ تیز ہونے کے باعث وہ اپنا تواز برقرار نہ رکھ سکی اور دریا میں ڈوب گئی، اطلاع ملتے ہی گنگا وتی رورل پولیس وہاں پہنچی، ریسکیو ٹیموں اور غوطہ خوروں کو بھی طلب کر کے لیڈی ڈاکٹر کی تلاش کرنے کی کوشش کی گئی، تاہم گزشتہ روز خاتون کی لاش برآمد ہوئی۔

    پولیس کی بڑی کامیابی ’لیڈی ڈان‘ گرفتار

    ذرائع کا کہنا ہے کہ لیڈی ڈاکٹر جس وقت پانی میں چھلانگ لگا رہی تھی ان کے دوستوں نے اس کی ویڈیو بھی بنائی اور یہ منظر ریکارڈ ہوگیا جو سوشل میڈیا پر تیزی سے وائرل ہوگیا۔

  • ویڈیو: ’’ملاح سو گیا‘‘، دنیا کے سب سے بڑے دریا ایمیزون میں سیاحوں سے بھری 2 کشتیاں ٹکرا گئیں

    ویڈیو: ’’ملاح سو گیا‘‘، دنیا کے سب سے بڑے دریا ایمیزون میں سیاحوں سے بھری 2 کشتیاں ٹکرا گئیں

    دنیا کے سب سے بڑے دریا ایمیزون میں دو مسافر کشتیاں ٹکرا گئیں یہ خوفناک حادثہ ملاح کے سونے کے باعث پیش آیا۔

    غیر ملکی میڈیا کے مطابق جنوبی امریکا سے شروع ہونے والے دنیا کے سب سے بڑے دریا ایمیزون میں دو مسافر کشتیوں کے آپس میں ٹکرانے کا خوفناک حادثہ پیش آیا ہے اور اس کی وجہ ایک کشتی کے ملاح کی نیند بتائی جا رہی ہے۔

    حادثے کی یہ ویڈیو سوشل میڈیا پر بھی وائرل ہوگئی، جس نے دیکھنے والوں کے دل دہلا دیے ہیں۔

    رپورٹ کے مطابق یہ واقعہ جنوبی امریکا کے ملک پیرو میں پیش آیا جہاں ایمیزون دریا کے بیچوں بیچ سیاحوں سے بھری دو کشتیاں آپس میں ٹکرا گئیں۔ اس حادثے کے نتیجے میں متعدد افراد زخمی ہوئے ہیں۔

    ویڈیو میں ایک چھوٹی اور ایک بڑی کشتی مخالف سمت میں دریا کا سینہ چیرتی سفر کر رہی ہیں۔ اسی اثنا میں بڑی کشتی اچانک چھوٹی کشتی سے ٹکرا جاتی ہے۔

    ویڈیو نے یہ خطرناک منظر بھی ریکارڈ ہوا جس میں نیلے رنگ کی بڑی کشتی کے ایک حصے کو سفید چھوٹی کشتی کے کیبن توڑتے ہوئے اندر داخل ہوتے دکھایا گیا ہے۔ حادثے کے بعد کشتی میں سوار سیاحوں میں خوف وہراس پھیل گیا۔

    حادثے کی اطلاع ملتے ہی ریسکیو حکام جائے حادثہ پہنچ گئے اور زخمیوں کو فوری طبی امداد کے لیے اسپتال منتقل کیا۔

    مقامی میڈیا کے مطابق، حادثے کی وجہ کا تعین کرنے کے لیے تحقیقات جاری ہیں تاہم ابتدائی رپورٹوں سے معلوم ہوتا ہے کہ بڑی کشتی کا ملاح شاید سو گیا تھا، جس کی وجہ سے یہ حادثہ پیش آیا۔

     

  • چین: دریا پر تعمیر کیا گیا پُل پانی میں گر گیا، درجنوں لاپتہ

    چین: دریا پر تعمیر کیا گیا پُل پانی میں گر گیا، درجنوں لاپتہ

    چین کے صوبے شانزی میں دریا پر تعمیر کیا گیا پُل بارش اور سیلابی ریلے کے باعث پانی میں گر گیا۔

    چینی میڈیا کا اس حوالے سے کہنا ہے کہ دریا پر تعمیر کیا گیا پُل گرنے سے 30 سے زائد افراد اور تقریباً 20 گاڑیاں لاپتا ہوگئیں۔ ریسکیو آپریشن کا آغاز کردیا گیا ہے۔

    رپورٹس کے مطابق شمالی و وسطی چین میں منگل سے شدید بارشوں کا سلسلہ جاری ہے، گزشتہ روز شہر باوجی میں بارشوں سے سیلابی صورتحال پیدا ہوگئی تھی، جس کے سبب متعدد افراد ہلاک ہوگئے تھے۔

    اس سے قبل بھارتی ریاست بہار میں دریا پر تعمیر کیا گیا برج افتتاح سے قبل زمین بوس ہوگیا تھا۔

    مقامی ایم ایل اے وجے کمار منڈل نے برج گرنے کے واقعے پر رد عمل دیتے ہوئے کہا تھا کہ یہ کرپشن کا تحفہ ہے۔ پل کی تعمیر پر 12کروڑ روپے کی لاگت آئی تھی۔

    بنگلہ دیش میں کرفیو نافذ، فوج طلب کرلی گئی

    مقامی ایم ایل اے کا کہنا تھا کہ یہ پل بدعنوانی کے باعث گرا ہے، یہ پل دونوں بلاکس کو براہ راست جوڑنے کا ذریعہ ہوتا، لیکن افتتاح ہونے سے پہلے ہی یہ دریا میں گرگیا۔

  • مٹی کا تودہ گرنے سے دو بسیں دریا میں بہہ گئیں، 63 افراد لاپتہ

    مٹی کا تودہ گرنے سے دو بسیں دریا میں بہہ گئیں، 63 افراد لاپتہ

    نیپال: مدن ہائی وے پرشدید بارشوں کے باعث علی الصبح مٹی کا تودہ گرنے سے 63 افراد کو لے جانے والی دو بسیں دریائے ترشولی میں بہہ گئیں۔ جس کے باعث بسوں میں موجود 63 افراد بھی پانی بہہ گئے۔

    بین الاقوامی خبر رساں ادارے کی رپورٹ کے مطابق کھٹمنڈو جانے والی دو بسیں شدید بارش کے درمیان صبح کے وقت حادثے کا شکار ہوئیں۔

    چتوان کے چیف ڈسٹرکٹ آفیسر اندر دیو یادو کا اس حوالے سے کہنا ہے کہ بسیں جب ہائی وے پر سے گزر رہی تھیں اسی وقت مٹی کے تودے گرنے لگے جس سے سڑک سے گزرنے والی بسیں دریا میں گر گئیں۔

    ابتدائی اطلاعات کے مطابق دونوں بسوں میں ڈرائیور سمیت کل 63 افراد سوار تھے۔ رات ساڑھے تین بجے کے قریب مٹی کے تودے گرنے کے بعد بسیں بھی حادثے کا شکار ہوگئیں۔

    چیف ڈسٹرکٹ آفیسر کا کہنا ہے کہ ہم جائے حادثہ پر موجود ہیں اور ندی میں بہہ جانے والے افراد کی تلاش جاری ہے، جبکہ مسلسل بارش کے باعث پریشانی کا سامنا کرنا پڑ رہا ہے۔

    اسرائیلی فوج کا غزہ شہر کو خالی کرنے کا حکم

    نیپال کے وزیر اعظم پشپا کمل دہل پراچندا نے تمام سرکاری ایجنسیوں کو مسافروں کی تلاش اور ریسکیو کرنے کی ہدایت کی ہے۔

  • دل دہلا دینے والا واقعہ: ماں نے کمسن بیٹی کو دریا میں پھینک دیا

    دل دہلا دینے والا واقعہ: ماں نے کمسن بیٹی کو دریا میں پھینک دیا

    حیدرآباد: بھارت میں دل دہلادینے والا ایک واقعہ پیش آیا، ماں نے اپنی 4 سالہ بیٹی کو دریا میں پھینکنے کے بعد خود بھی چھلانگ لگادی۔

    بھارتی میڈیو رپورٹ کے مطابق بھارتی ریاست تلنگانہ کے ضلع سنگاریڈی میں ایک خاتون نے دریائے مانجرا میں اپنی چار سالہ بیٹی کو بھینک کر خود بھی چھلانگ لگادی۔

     مقامی پولیس کے مطابق 32 سالہ وجیا اور اس کی بیٹی گوری کی لاشوں کو نکال کر پوسٹ مارٹم کے لیے سرکاری اسپتال منتقل کردیا گیا۔

    پولیس کا بتانا ہے کہ خاتون کے اس اقدام کی وجہ معلوم نہیں ہوسکی ہے تاہم اس واقعے کا مقدمہ درج کرکے تحقیقات شروع کردی ہے۔

    دوست نے دوست کا گلا کاٹ کر خون پی لیا

    واضح رہے کہ بھارت میں خودکشی کرنے یا کسی کی جان لینے کے متعدد واقعات رونما ہوتے ہیں، گزشتہ روز ایک دوست نے اپنے ہی دوست کا گلا کاٹ کر اس کا خون پی لیا تھا۔

  • بارشوں سے دریاؤں میں پانی کے بہاؤ میں اضافہ

    بارشوں سے دریاؤں میں پانی کے بہاؤ میں اضافہ

    اسلام آباد: ملک بھر میں بارشوں کے باعث دریاؤں میں پانی کے بہاؤ میں اضافے کا سلسلہ جاری ہے، طوفانی بارشوں کے باعث ملک کے کئی حصوں میں سیلاب کی صورتحال ہے۔

    تفصیلات کے مطابق ملک بھر میں بارشوں کے باعث دریاؤں میں پانی کے بہاؤ میں اضافے کا سلسلہ جاری ہے، تربیلا ڈیم پر پانی کی آمد میں 81 ہزار کیوسک کا اضافہ ریکارڈ کیا گیا۔

    آب پاشی انتظامیہ کا کہنا ہے کہ گڈو بیراج پر 19 ہزار کیوسک، سکھر بیراج پر 28 ہزار کیوسک کا اضافہ ریکارڈ کیا گیا ہے۔

    تربیلا پر پانی کی آمد 2 لاکھ 89 ہزار 700، اخراج 1 لاکھ 20 ہزار کیوسک، کالا باغ پر پانی کی آمد 1 لاکھ 37 ہزار 865، اخراج 1 لاکھ 30 ہزار 365 کیوسک اور چشمہ پر پانی کی آمد 2 لاکھ 33 ہزار 463، اخراج 2 لاکھ 19 ہزار 875 کیوسک ریکارڈ کیا گیا۔

    تونسہ پر پانی کی آمد 2 لاکھ 39 ہزار 678، اخراج 2 لاکھ 21 ہزار 378 کیوسک، گڈو بیراج پر پانی کی آمد 2 لاکھ 364، اخراج 1 لاکھ 73 ہزار 292 کیوسک اور سکھر بیراج پر پانی کی آمد 1 لاکھ 56 ہزار 345، اخراج 1 لاکھ 29 ہزار 175 کیوسک ریکارڈ کیا گیا۔

  • کوٹری ڈاؤن اسٹریم میں پانی کی شدید قلت، ڈیلٹا تباہی کے دہانے پر

    کوٹری ڈاؤن اسٹریم میں پانی کی شدید قلت، ڈیلٹا تباہی کے دہانے پر

    کراچی: سکھر بیراج پر پانی کی آمد میں 7 ہزار کیوسک کمی ریکارڈ کی گئی، کوٹری ڈاؤن اسٹریم میں پانی کی مسلسل اور شدید قلت کے باعث ڈیلٹا تباہی کے دہانے پر ہے۔

    تفصیلات کے مطابق گڈو بیراج پر پانی کے بہاؤ میں گزشتہ 24 گھنٹے میں 9 ہزار کیوسک کمی واقع ہوئی ہے، سکھر بیراج پر پانی کی آمد میں 7 ہزار کیوسک کمی ریکارڈ کی گئی۔

    آب پاشی انتظامیہ کا کہنا ہے کہ کوٹری ڈاؤن اسٹریم میں پانی کی مسلسل اور شدید قلت کے باعث ڈیلٹا تباہی کے دہانے پر ہے۔

    تربیلا پر پانی کی آمد 1 لاکھ 8 ہزار 800، اخراج 1 لاکھ 20 ہزار کیوسک ریکارڈ کیا گیا، کالا باغ پر پانی کی آمد 1 لاکھ 34 ہزار 900، اخراج 1 لاکھ 3 ہزار 990 کیوسک، چشمہ پر پانی کی آمد 1 لاکھ 57 ہزار 655 اور اخراج 1 لاکھ 40 ہزار کیوسک ریکارڈ کیا گیا۔

    تونسہ پر پانی کی آمد 99 ہزار 210، اخراج 93 ہزار 478 کیوسک، گڈو بیراج پر پانی کی آمد 72 ہزار 610 اور اخراج 56 ہزار 139 کیوسک، سکھر بیراج پر پانی کی آمد 57 ہزار 525 اور اخراج 23 ہزار 730 کیوسک ریکارڈ کیا گیا۔

    کوٹری بیراج پر پانی کی آمد 19 ہزار 275 اور اخراج 300 کیوسک ریکارڈ کیا گیا۔