دریائے نیلم میں پانی روکے جانے کی خبروں پر ڈی سی نیلم کا مؤقف سامنے آگیا۔
تفصیلات کے مطابق ڈپٹی کمشنر نیلم دریائے نیلم اس وقت معمول کے مطابق بہہ رہا ہے، دریائے نیلم کے پانی کے بہاؤ میں ابھی تک کمی نہیں ہوئی ہے۔
انہوں نے کہا کہ دریا میں پانی کے بہاؤ میں اضافہ یا کمی نہیں ہوئی اپنی آب وتاب سے بہہ رہا ہے، سوشل میڈیا پر چلنے والی خبروں میں کوئی صداقت نہیں ہے۔
واضح رہے کہ بھارت کی جانب سے کشن گنگا ڈیم سے پانی روکے جانے کی خبریں گزشتہ رات سے گردش کررہی ہیں، سوشل میڈیا پر یہ خبر سامنے آئی کہ بھارت نے آبی جارحیت کرتے ہوئے کشن گنگا سے دریائے نیلم کا پانی روک لیا ہے، جس سے دریائے نیلم میں پانی کا بہاؤ معمول سے 40 فیصد تک کم ہو گیا ہے۔
واضح رہے کہ 23 اپریل 2025 کو بھارتی حکومت نے پہلگام حملے کے بعد سندھ طاس معاہدے کو معطل کرنے کی دھمکی دی تھی اور پانی کو بطور ہتھیار استعمال کرنے کا اعلان کیا تھا۔
اس کے ردعمل میں چین نے مہمند ڈیم کی تعمیراتی سرگرمیوں میں تیزی لا کر منصوبے کو تزویراتی اہمیت دے دی ہے۔
