ARYNews.tv | Urdu – Har Lamha Bakhabar

Tag: دستی بم حملہ

  • گوادر میں گھر پر دستی بم حملہ، حملہ آور ہلاک، 3 افراد زخمی

    گوادر میں گھر پر دستی بم حملہ، حملہ آور ہلاک، 3 افراد زخمی

    گوادر: بلوچستان حکومت کے ترجمان نے کہا ہے کہ گوادر میں ایک گھر پر دستی بم حملے میں تین افراد زخمی ہوگئے۔

    تفصیلات کے مطابق بلوچستان حکومت کے ترجمان شاہد رند نے بتایا کہ دہشت گردوں نے گوادر میں بلال مسجد کے قریب ایک گھر پر دستی بم پھینکا جس کے نتیجے میں پنجاب سے تعلق رکھنے والے تین افراد زخمی ہوگئے۔

    حکومتی ترجمان نے کہا کہ پولیس نے فرار ہونے والے حملہ آوروں کو پکڑ لیا اور ان میں سے ایک مقابلے میں ہلاک ہوگیا، جب کہ دوسرا زخمی ہوا ہے۔

    حکومتی ترجمان نے کہا کہ پولیس اہلکار محمد خماری فرض کی ادائیگی کے دوران شہید ہوئے، ہلاک حملہ آور کی شناخت شاہجہان، زخمی کی شہزاد کے نام سے ہوئی ہے۔

  • کوئٹہ: پیپلزپارٹی کے انتخابی دفتر پر دستی بم حملہ، 3 افراد زخمی

    کوئٹہ: پیپلزپارٹی کے انتخابی دفتر پر دستی بم حملہ، 3 افراد زخمی

    سبی : کوئٹہ میں سریاب روڈ پر پیپلزپارٹی کے انتخابی دفتر پر دستی بم حملے میں 3 افراد زخمی ہوگئے، الیکشن کمیشن نے انتخابی دفتر پر حملے کا نوٹس لے لیا۔

    تفصیلات کے مطابق بلوچستان کے دارلحکومت کوئٹہ میں سریاب روڈ پر پیپلزپارٹی کے انتخابی دفتر پر دستی بم حملہ ہوا۔

    پولیس نے بتایا کہ دستی بم حملے میں 3 افراد زخمی ہوگئے ، جنہیں اسپتال منتقل کیا جارہا ہے۔

    حکام کے مطابق جناح روڈ پر واقع ٹریفک بوتھ پر دستی بم حملے میں اہلکار محفوظ رہے۔

    پیپلز پارٹی رہنما حاجی علی مدد جتک نے گفتگو کرتے ہوئے کہا کہ دفتر میں بیٹھے تھے کہ موٹر سائیکل سواروں نےدستی بم پھینکا، میرے گارڈزز خمی ہوئے ہم ایسے پٹاخوں سے ڈرنے والے نہیں، الیکشن میں کامیاب ہو کر لوگوں کے مسائل حل کریں گے۔

    الیکشن کمیشن نے کوئٹہ میں سیاسی جماعت کے انتخابی دفتر پر حملے کا نوٹس لیتے ہوئے واقعے پر چیف سیکرٹری اور آئی جی بلوچستان سے رپورٹ طلب کرلی ہے۔

    ترجمان الیکشن کمیشن کا کہنا ہے کہ ایسے واقعات میں ملوث افراد کیخلاف الیکشن قوانین کے تحت کارروائی کی جائے گی۔

  • کوئٹہ :زیر تعمیر پل پر کام کرنیوالے مزدوروں پر دستی بم حملہ،14 افراد زخمی

    کوئٹہ :زیر تعمیر پل پر کام کرنیوالے مزدوروں پر دستی بم حملہ،14 افراد زخمی

    کوئٹہ: صوبہ بلوچستان کے دارالحکومت کوئٹہ میں زیر تعمیر پل پر کام کرنیوالے مزدوروں پر دستی بم حملے کے نتیجے میں 14 افراد زخمی ہوگئے ، حملے کے زخمیوں میں 5 مزدور اور2 راہگیربچے شامل ہیں۔

    تفصیلات کے مطابق صوبہ بلوچستان کے دارالحکومت کوئٹہ میں اسمنگلی روڈ پر دستی بم حملہ ہوا ، جس کے نتیجے میں 7 افراد زخمی ہوگئے ، پولیس کا کہنا ہے کہ دستی بم زیر تعمیر پل پر کام کرنیوالے مزدوروں پر پھینکا گیا۔

    پولیس کے مطابق دستی بم حملے کے زخمیوں میں 5 مزدور اور2 راہگیربچے شامل ہیں جبکہ زخمیوں کو اسپتال منتقل کیا جارہا ہے جبکہ بم ڈسپوزل ٹیم اسمنگلی روڈ پر جائے وقوع پر پہنچ گئی ہے اور جائے وقوعہ سے شواہد اکٹھے کرنے کا عمل بھی جاری ہے۔

    مزید پڑھیں : کوئٹہ: دکان پر دستی بم حملہ،بچہ جاں بحق

    یاد رہے رواں سال اگست میں کوئٹہ میں بروری روڈ پر دکان پر دستی بم حملے میں بچہ جاں بحق جبکہ 7 افراد زخمی ہوگئے تھے۔

    اس سے قبل بلوچستان کے شہر چمن میں مال روڈ پر دھماکا ہوا تھا، جس کے نتیجے میں 5 افراد جاں بحق اور 10 زخمی ہو گئے تھے، زخمیوں میں اے این ایف اہل کار بھی شامل تھے۔

    چمن بم دھماکے کا مقدمہ ایس ایچ او کی مدعیت میں نامعلوم افراد کے خلاف درج کیا گیا تھا، جس میں دہشت گردی، قتل، اقدام قتل، خوف و ہراس پھیلانا اور املاک کو نقصان پہنچانے کی دفعات کو شامل کیا گیا۔

  • کوئٹہ: دکان پر دستی بم حملہ،بچہ جاں بحق

    کوئٹہ: دکان پر دستی بم حملہ،بچہ جاں بحق

    کوئٹہ: صوبہ بلوچستان کے دارالحکومت کوئٹہ میں دکان پر دستی بم حملے میں ایک بچہ جاں بحق جبکہ 7 افراد زخمی ہوگئے۔

    تفصیلات کے مطابق صوبہ بلوچستان کے دارالحکومت کوئٹہ میں بروری روڈ پر دکان پر دستی بم حملے میں بچہ جاں بحق جبکہ 7 افراد زخمی ہوگئے۔

    ریسکیو حکام کا کہنا ہے دستی بم حملے میں زخمی ہونے والے افراد کو طبی امداد کے لیے بولان میڈیکل اسپتال منتقل کر دیا گیا جبکہ دو افراد کو سول اسپتال کوئٹہ کے ٹراما سینٹر منتقل کیا گیا ہے جہاں ان کی حالت تشویش ناک بتائی جاتی ہے۔

    چمن: مال روڈ پر دھماکا، 5 افراد جاں بحق، 10 زخمی

    اس سے قبل 10 اگست کو بلوچستان کے شہر چمن میں مال روڈ پر دھماکا ہوا تھا، جس کے نتیجے میں 5 افراد جاں بحق اور 10 زخمی ہو گئے تھے، زخمیوں میں اے این ایف اہل کار بھی شامل تھے۔

    چمن بم دھماکے کا مقدمہ ایس ایچ او کی مدعیت میں نامعلوم افراد کے خلاف درج کیا گیا تھا، جس میں دہشت گردی، قتل، اقدام قتل، خوف و ہراس پھیلانا اور املاک کو نقصان پہنچانے کی دفعات کو شامل کیا گیا۔

    پولیس حکام کا کہنا تھا کہ موٹر سائیکل بم دھماکے میں 7 سے 8 کلو بارودی مواد اور بال بیرنگ استعمال کیے گئے۔

  • کراچی: بیکری پر دستی بم حملہ، ایک شخص جاں بحق

    کراچی: بیکری پر دستی بم حملہ، ایک شخص جاں بحق

    کراچی: شہر قائد میں بیکری پر دستی بم حملے میں ایک شخص جاں بحق ہوگیا۔

    تفصیلات کے مطابق کراچی میں بلاول شاہ گوٹھ کے قریب بیکری پر دستی بم حملے میں ایک شخص جاں بحق ہوگیا۔واقعے کے بعد پولیس اور رینجرز نے علاقے کو گھیرے میں لے کر تحقیقات شروع کر دیں۔

    ایس ایس پی ایسٹ کے مطابق دستی بم حملے میں دکان کا مالک جاں بحق ہوگیا، حملہ آور موٹر سائیکل پر سوار تھے۔پولیس حکام نے بتایا کہ جاں بحق بیکری مالک رینجرز کاسابق اہلکار ہے۔

    اس سے قبل گزشتہ ماہ 19 جون کو لیاقت آباد میں دستی بم حملے میں ایک شخص جاں بحق اور 6 افراد زخمی ہوگئے تھے۔

    پولیس کا کہنا تھا کہ دستی بم حملہ احساس پروگرام کے دفتر کے قریب ہوا اور دفتر میں احساس پروگرام کے تحت لوگوں میں رقم تقسیم کی جا رہی تھی۔

    پولیس کے مطابق احساس پروگرام کا دفتر ریاض کالج میں قائم کیا گیا تھا، جاں بحق ہونے والے شخص کی شناخت شہزاد کے نام سے ہوئی تھی۔

  • کراچی میں احساس پروگرام کے دفتر پر دستی بم حملہ، ایک شخص جاں بحق ، 6 زخمی

    کراچی میں احساس پروگرام کے دفتر پر دستی بم حملہ، ایک شخص جاں بحق ، 6 زخمی

    کراچی : لیاقت آباد میں احساس پروگرام کے دفتر پر دستی بم حملہ ہوا، جس کے نتیجے میں ایک شخص جاں بحق اور 6 افراد زخمی ہوگئے، گورنر سندھ عمران اسماعیل کا کہنا ہے کہ دہشت گردوں کوفوری گرفتار کیا جائے گا۔

    تفصیلات کے مطابق کراچی کے علاقے لیاقت آباد میں نامعلوم افراد کی جانب سے احساس پروگرام کے دفتر پر دستی بم حملہ کیا گیا، دستی بم حملے میں ایک شخص جاں بحق اور چھ افراد زخمی ہوئے، زخمیوں کو اسپتال منتقل کردیا گیا ہے۔

    گورنرسندھ عمران اسماعیل نے سماجی رابطے کی ویب سائٹ ٹوئٹر پر دستی بم حملہ کے حوالے سے کہا کہ احساس دفترکےقریب حملےمیں ملوث عناصرکو معاف نہیں کیا جائےگا اور دہشت گردوں کو فوری گرفتار کیا جائے گا۔

    عمران اسماعیل کا کہنا تھا کہ پولیس فوری ایکشن میں نظر آنی چاہیے، نہ جانےکس کواحساس پروگرام سےتکلیف ہے۔

    اس سے قبل صوبہ سندھ کے شہر گھوٹکی میں رینجرز کی گاڑی کے قریب دھماکا ہوا جس کے نتیجے میں رینجرز اہلکار سمیت 3 افراد جاں بحق ہوگئے تھے۔

    پولیس کا کہنا تھا کہ جاں بحق افراد کی لاشیں اسپتال منتقل کردی گئی ہیں، رینجرز کی گاڑی گھوٹا مارکیٹ کے علاقے میں کھڑی تھی، واقعے کے بعد پولیس اور رینجرز نے علاقے کو سیل کرکے تحقیقات کا آغاز کردیا ہے۔

  • حیدرآباد: سیاسی جماعت کے دفتر پر دستی بم حملہ، تین افراد زخمی

    حیدرآباد: سیاسی جماعت کے دفتر پر دستی بم حملہ، تین افراد زخمی

    حیدر آباد: سندھ کے شہر حیدرآباد میں ایک سیاسی جماعت کے دفتر کو  دستی بم سے نشانہ بنایا گیا ہے۔

    تفصیلات کے مطابق لطیف آباد کے علاقے میں ایک سیاسی جماعت کو  نشانہ بنایا گیا، دھماکے کی آواز علاقے میں دور تک سنی گئی. واقعے میں‌ تین افراد زخمی ہوئے۔

    حیدرآباد پولیس کے مطابق نامعلوم افراد نے دفتر کو نشانہ بنایا، جن کی تلاش جاری ہے، واقعے میں‌ تین افراد زخمی ہوئے، جنھیں اسپتال منتقل کردیا گیا.

    آئی جی سندھ نےڈی آئی جی حیدرآباد سے تفصیلی رپورٹ طلب کرلی ہے، ساتھ ہی ہدایت کی ہے کہ پرامن انتخابات کا انعقاد ہر صورت ممکن بنایا جائے.

    یاد رہے کہ ملک بھر کے 10 کروڑ 50 لاکھ سے زائد رجسٹرڈ ووٹرز کل مورخہ 25 جولائی بروز بدھ اپنا حقِ رائے دہی استعمال کریں گے، قومی اور صوبائی اسمبلیوں کے انتخابات ایک ساتھ منعقد ہوں گے۔

    الیکشن ڈیوٹی کے لیے ملک بھر میں فوجی جوانوں کوتعینات کردیا گیا ہے۔ پاک فوج کے شعبہ تعلقات عامہ کے مطابق عام انتخابات کے موقع پرفوج کی تعیناتی کا مقصد شفاف انتخابات میں الیکشن کمیشن آف پاکستان کی معاونت کرنا ہے۔

    ملک بھرکے ووٹر کل اپنا حقِ رائے دہی استعمال کریں گے

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کراچی کےعلاقے کھارادرمیں دستی بم حملےکا مقدمہ درج

    کراچی کےعلاقے کھارادرمیں دستی بم حملےکا مقدمہ درج

    کراچی: شہرقائد کے علاقے کھاراد میں دستی بم حملے کا مقدمہ 2 نامعلوم دہشت گردوں کے خلاف مقدمہ درج کرلیا گیا۔

    تفصیلات کے مطابق گزشتہ روز کراچی کے علاقے کھارادرچھاگلہ اسٹریٹ پردستی بم حملے کے نتیجے میں ایک شخص جاں بحق جبکہ 5 افراد زخمی ہوگئے۔

    دستی بم حملے کا مقدمہ 2 نامعلوم دہشت گردوں کے خلاف کھارادر تھانے میں مقدمہ درج کیا گیا ہے جس میں قتل ، اقدام قتل، انسداد دہشت گردی ایکٹ، ایکسپلوسیوایکٹ کی دفعات شامل ہیں۔

    کھارادر تھانے میں مقدمہ دستی بم حملے کے زخمی محمد اسماعیل کی مدعیت میں درج کیا گیا۔

    خیال رہے کہ گزشتہ روز کراچی کے علاقے کھارادر میں دستی بم حملے کی زد میں آکرایک شخص جاں بحق جبکہ 5 افراد زخمی ہوگئے تھے۔

    ایس ایس پی سٹی کا کہنا تھا کہ کھارادر کی کپڑا مارکیٹ میں موٹرسائیکل پرسوار ملزمان نے دستی بم حملہ کیا جس کے بعد ملزمان فرار ہوگئے تھے۔

    کراچی: پولیس اہلکارکا قتل‘ کالعدم تنظیم نےذمہ داری قبول کرلی

    یاد رہے کہ گزشتہ روز کراچی کےعلاقے نارتھ ناظم آباد میں پولیس اہلکار شاکر کو قتل کرنے کی ذمہ داری کالعدم تنظیم نے قبول کی تھی۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تواسے اپنی فیس بک وال پرشیئرکریں۔

  • گلبہارمیں بھتہ خوروں کا بلڈرکے دفتر پردستی بم حملہ

    گلبہارمیں بھتہ خوروں کا بلڈرکے دفتر پردستی بم حملہ

    کراچی : گلبہار میں بھتہ نہ دینے پر گینگ وار کے کارندوں نے بلڈر کے دفتر پر دستی بم مارا، بلڈر کو چند ماہ پہلے بھتے کی پرچی ملی تھی۔ تاہم کسی جانی یا مالی نقصان کی اطلاع نہیں ملی۔

    تفصیلات کے مطابق بھتہ خوری کا جن پھربوتل سے نکلنے لگا، کراچی کے علاقے گلبہار میں نامعلوم افراد کی جانب سے بلڈرکے دفترپردستی بم سے حملہ کیا گیا۔

    ملزمان موٹرسائیکل پرآئے اوردستی بم پھینک کرفرارہوگئے دستی بم پھٹنے سے دفتر کے شیشوں کو نقصان پہنچا، دو نامعلوم موٹر سائیکل سواروں نے دستی بم پھینکا اورفرارہونے میں کامیاب ہوگئے۔

    سی سی ٹی وی فوٹیج میں دیکھا جاسکتا ہے کہ ہیلمٹ پہنے شخص نے سڑک کی دوسری طرف سے کریکر پھینکا جو دیوارسے ٹکرا کرسڑک پر آگرا اور دھماکہ ہوگیا۔

    سیکورٹی گارڈ نے پولیس کو بتایا کہ ہم چائے پی رہے تھے کہ دھماکہ سنا، باہر آکر دیکھا تو دور دور تک کوئی نہیں تھا، پولیس کا کہنا ہے کہ بلڈرکوایک ماہ پہلے بھتے کی پرچی ملی تھی۔

    حملہ کرنے والوں کا تعلق سلیم چاکلیٹی گروپ سے ہے۔ ذرائع کے مطابق عمارت کی تعمیر کرنے والے بلڈرز سے ایک ماہ قبل 50 لاکھ روپے بھتہ طلب کیا گیا تھا۔

    کراچی میں جاری آپریشن سے بھتہ خوری کی وارداتوں میں کمی تو ضرور آئی ہے لیکن وارداتیں پوری طرح ختم نہیں ہوئیں۔ سوال یہ ہے کہ شہرمیں بارود کیا اتنی آسانی سےمل جاتا ہے کہ کوئی بھی کریکر بنالے؟

  • لیاری : دستی بم حملہ، پندرہ افراد زخمی، ڈیفنس سے بھاری اسلحہ برآمد

    لیاری : دستی بم حملہ، پندرہ افراد زخمی، ڈیفنس سے بھاری اسلحہ برآمد

    کراچی : لیاری سنگولین میں دستی بم حملے میں خواتین اور بچوں سمیت پندرہ افراد زخمی ہوگئے۔ پولیس نے ڈیفنس میں کارروائی کرکے گھر سے بڑی تعدادمیں اسلحہ برآمد کرلیا۔

    تفصیلات کے مطابق شہر قائد میں دہشت گردی کی لہر ایک بار پھر دوڑ گئی، لیاری کے علاقے سنگولین میں نامعلوم موٹر سائیکل سوار مسلح افراد نے نجی اسکول کے قریب دستی بم سے حملہ کردیا۔

    دستی بم حملے میں بچوں اور خواتین سمیت متعدد افراد زخمی ہوگئے، حملہ کرکے ملزمان با آسانی فرار ہونے میں کامیاب ہوگئے، زخمیوں کو طبی امداد کے لئے سول اسپتال منتقل کردیا گیا، پولیس نے واقعہ کی تحقیقات شروع کردیں۔

    دوسری جانب ڈیفنس کے علاقے میں پولیس نے اسلحہ کی موجودگی کی اطلاع پر ایک بنگلے پر چھاپہ مار کر بڑی تعداد میں اسلحہ برآمد کرلیا۔

    کارروائی میں پچیس سے زائد مختلف اقسام کے ہتھیار اور گولیاں برآمد ہوئی ہیں۔ بنگلے کے مالک کا دعویٰ ہے کہ اسلحہ لائسنس یافتہ ہے، پولیس نے لائسنس کی تصدیق کیلئے اسلحہ تحویل میں لے لیا ہے۔