ARYNews.tv | Urdu – Har Lamha Bakhabar

Tag: دستی بم حملہ

  • منگھو پیرمیں پولیس موبائل پر دستی بم حملہ، اے ایس آئی زخمی

    منگھو پیرمیں پولیس موبائل پر دستی بم حملہ، اے ایس آئی زخمی

    کراچی : منگھو پیر میں پولیس موبائل پر دستی بم حملے میں ایک پولیس اہلکار زخمی ہوگیا، پولیس کی جوابی کارروائی سے ایک ملزم ہلاک ہوگیا۔

    تفصیلات کے مطابق منگھو پیر کے علاقے اتحاد ٹاؤن میں محمد خان چوکی کے قريب گشت پر مامور پولیس پارٹی نے موٹرسائیکل سواروں کو رکنے کا اشارہ کيا، جس پر دہشت گردوں نے پولیس موبائل پر دستی بم سے حملہ کردیا۔


    ہینڈ کریکر پھینکنے کے بعد ملزمان نے پولیس پر فائرنگ بھی کی جس کے نتیجے میں موبائل میں موجود اے ایس ائی سرفرز اعوان زخمی ہوگیا، جبکہ پولیس موبائل کو جزوی نقصان پہنچا۔

    ايس ايچ او منگھو پيرغلام حسين کورائی کے مطابق پولیس نے جوابی کارروائی کی اس دوران ايک ملزم ہلاک جبکہ دوسرا فرار ہونے میں کامیاب ہوگیا۔

    ہلاک ہونے والے دہشت گرد کی شناخت واحد بخش عرف اوبامہ کے نام سے ہوئی ہے، اور اس کے قبضے سے موٹر سائیکل اور دستی بم بھی برآمد ہوا ہے۔

    واقعے کے بعد پولیس اور رینجرز کی بھاری نفری نے حملہ آوروں کی تلاش میں علاقے کی ناکہ بندی کر کے سرچ آپریشن شروع کردیا ہے دیگر ملزمان کي پہاڑی علاقے ميں تلاش جاری ہے۔

    منگھوپیر پولیس مقابلے میں دہشت گرد کی ہلاکت پر آئی جی سندھ اے ڈی خواجہ نے پولیس پارٹی کے لیے ایک لاکھ روپے انعام کا اعلان کردیا ہے اس کے علاوہ پولیس پارٹی کو سی سی ون سرٹیفکٹ بھی دیئے جائیں گے.

     

  • سویڈن میں دستی بم حملہ،1بچہ جاں بحق

    سویڈن میں دستی بم حملہ،1بچہ جاں بحق

    اسٹاک ہوم: سوئیڈش پولیس کا کہنا ہے کہ ایک فلیٹ میں پھینکے گئے دستی بم کے دھماکے سے ایک آٹھ سالہ بچہ جان کی بازی ہار گیا.

    تفصیلات کے سویڈن کے شہر گوتھنبرگ میں پولیس کا کہنا ہے کہ ایک فلیٹ میں پھینکے گئے دستی بم کے دھماکے سے ایک آٹھ سالہ بچہ جان کی بازی ہار گیا.

    دستی بم حملے میں ہلاک ہونے والے یوسف وارسامے کا تعلق برطانیہ کے شہر برمنگھم سےتھا اور وہ اپنے رشتہ داروں کے گھر گئے ہوئے تھے اور وہاں ایک کمرے میں سو رہے تھے.

    پولیس کےمطابق یہ شاید کسی جرائم پیشہ گروہ کے ساتھ جھگڑے کا نتیجہ ہے.پولیس کا کہنا ہے کہ گزشتہ برس فائرنگ کر کے قتل کی واردات میں ملوث ایک شخص اسی پتے کا رہائشی تھا.

    پولیس ترجمان تھامس فکسبورگ کا کہنا تھا’ہم اس واقعے کے محرکات کی تفتیش کریں گے کہ آیا ان کا اس سے تعلق ہے یا نہیں ہے.

    واضح رہے کہ جس وقت دستی بم فلیٹ میں پھینکا گیا تو وہاں پانچ بچے اور متعدد افراد موجود تھے.وارسامے زخموں کی تاب نہ لا کر اسپتال میں دم توڑ گئے.

  • کراچی : پرانا گولیمار میں دستی بم حملہ، 3 افراد زخمی

    کراچی : پرانا گولیمار میں دستی بم حملہ، 3 افراد زخمی

    کراچی : پرانا گولیمار میں دستی بم حملے میں تین افراد زخمی ہوگئے۔ فائرنگ اور پرتشدد واقعات میں ایک شخص جان سے گیا تین افراد زخمی ہوگئے، کورنگی میں ڈاکو کو نالے میں پھینکنے والا ایک ملزم گرفتار کر لیا گیا۔

    تفصیلات کے مطابق کراچی میں فائرنگ اور پرتشدد واقعات کا نہ تھمنے والا سلسلہ پھر شروع ہوگیا۔ کراچی میں علاقے پرانا گولیمار میں نامعلو افراد نے دستی بم پھینک دیا، دستی بم حملہ جس کی زد میں آکر تین افراد زخمی ہوگئے۔

    پولیس حکام کے مطابق دستی بم حملہ گینگ وار کی آپس کی لڑائی کا نتیجہ ہے۔ آئی جی سندھ اے ڈی خواجہ نے پرانا گولیمار کے علاقے میں مبینہ دستی بم حملے کے واقعہ پر نوٹس لے لیا۔

    پولیس کی بھاری نفری نے علاقے کا محاصرہ کرکے آپریشن شروع کردیا۔ فائرنگ اور پرتشدد واقعات کا سلسلہ بھی جاری ہے۔

    دوسری جانب داؤد چورنگی کے قریب فائرنگ سے ایک شخص جان سے گیا، سعود آباد میں پولیس نے کارروائی کرکے تین ملزمان کو گرفتار کرلیا، ملزمان اسٹریٹ کرائم اور منشیات کی فروخت میں ملوث تھے۔

    ایسٹ انوسٹی گیشن پولیس نے اشتہاری ملزم کو گرفتارکرلیا۔ پولیس نے کراچی کے علاقے کورنگی میں ڈاکو کو نالے میں پھینکنے کے واقعہ میں ملوث ایک ملزم گرفتار کر لیا۔

    پولیس نے موبائل فون کی فوٹیج کی مدد سے ملزم کو گرفتار کیا، ملزم شہزاد کا کہنا ہے کہ وہ فیکٹری سے گھر جا رہا تھا شہریوں کو ڈاکو پر تشدد کرتے دیکھا تو ہاتھ پکڑ کر نالے میں پھنک دیا اور اس کے بعد رات بھر سو نہیں سکا۔

     

  • لیاری میں دستی بم حملہ، چھ بچوں سمیت 16 افراد زخمی

    لیاری میں دستی بم حملہ، چھ بچوں سمیت 16 افراد زخمی

    کراچی: لیاری میں دستی بم حملہ دستی بم حملے میں 6بچوں سمیت 16افراد زخمی ہوئے۔

    تفصیلات کے مطابق کراچی کے علاقے لیاری میں میڈیکل اسٹور پر نامعکوم افراد کی جانب سے دستی بم حملہ کیا گیا جس میں چھ بچوں سمیت سولہ افراد زخمی ہوگئے۔

    پولیس کے مطابق لیاری میں دستی بم پھینکنے والے موٹرسائیکل پر سوار تھے زخمی ہونے والوں میں چھے بچوں سمیت سولہ افراد شامل ہیں، جنہیں طبی امداد کیلئے سول اسپتال منتقل کیا گیا۔

    زخمیوں میں سے تین افراد کی حالت تشویشناک ہے، دوسری جانب شیر شاہ کے علاقے میں گھر میں سلنڈر پھٹنے سے گھر میں موجود خواتین سمیت چار افراد زخمی ہوگئے جنہیں طبی امداد کیلئے سول اسپتال لےجایا گیا،

     

  • اے آروائی نیوزکے اسلام آباد آفس پردستی بم حملہ اورفائرنگ

    اے آروائی نیوزکے اسلام آباد آفس پردستی بم حملہ اورفائرنگ

    اسلام آباد : اے آر وائی نیوز کے اسلام آباد آفس پر دہشت گرد بزدلانہ کارروائی کرتے ہوئے دستی بم پھینک کر فرارہوگئے۔ حملہ کی ذمہ داری داعش افغانستان نے قبول کی ہے۔

    تفصیلات کے مطابق سچ کو دکھانے پر اے آر وائی پر ایک اور حملہ کردیا گیا، اے آر وائی نیوز کے اسلام آباد بیورو آفس کے باہر نامعلوم موٹر سائیکل سوار ملزمان نے دستی بم پھینکنے کے بعد فائرنگ کرتے ہوئے فرار ہوگئے۔

    ملزمان فرار ہوتے ہوئے پمفلٹ بھی پھینک گئے۔ جس میں داعش افغانستان کی جانب سے حملہ کی ذمہ داری قبول کی   گئی ہے۔ حملہ شام چھ بجکر پانچ منٹ پر کیا گیا۔

     خوش قسمتی سے کوئی جانی نہیں ہوا، البتہ ایک کارکن سر پر چوٹ لگنے سے زخمی ہواہے جسے طبی امداد کیلئے اسپتال منتقل کر دیا گیا ہے۔

    حملے کے بعد عملے میں خوف وہراس پھیل گیا۔ ملازمیں نے کمروں کے دروازے بند کر کے لائٹس آف کردیں، اطلاع ملتے ہی پولیس کی بھاری نفری جائے وقوعہ پر پہنچ گئی۔

    نواز شریف اور پرویز رشید کی اے آر وائی پر حملے کی مذمت 

     وزیر اعظم میاں نواز شریف نے واقعے کی پرزور مذمت کرتے ہوئے،ملزمان کی فوری گرفتاری کے احکامات دیئے  ہیں، اور انہوں نے متعلقہ حکام کو ہدایات دیں کہ اے آر وائی کے ملازمین کو مکمل تحفظ فراہم کیا جائے۔

    وزیراطلاعات پرویزرشید نے ے آر وائی نیوز پر حملے کی پرزور مذمت کرتے ہوئے کہا ہے کہ صحافت  پرحملےکوجمہوریت پرحملہ سمجھتےہیں۔یہ بات انہوں نے اے آر وائی نیوز سے خصوصی گفتگو کرتے ہوئے کہی۔

     انہوں نے کہا کہ ملک کے تمام ادارے دہشت گردی کے خلاف ہیں۔ صحافت پرحملہ جمہوریت پرحملہ سمجھتےہیں، دہشت گرد چاہے اپنا کوئی بھی نام رکھ لیں ان کے خلاف سخت کارروائی ہوگی ۔

     ان کا کہنا تھا کہ دہشت گردوں کا قلع قمع کر دیں گے اور اسلام آباد میں موجود تمام میڈیا ہاؤسز کو تحفظ فراہم کیا جائے گا ۔

     

    عمران خان  پرویز رشید ، رشید گوڈیل ودیگر نے اے آر وائی نیوزکے دفترکا دورہ کیا  

    پاکستان تحریک انصاف کے چیئرمین عمران خان نے واقعے کے فوری بعد اے آر وائی کے اسلام آباد آفس کا دورہ کیا، اس موقع پر ان کے ہمراہ جہانگیر ترین، شاہ محمود قریشی اور رہنما بھی موجود تھے۔

    عمران خان کو واقعے کی تفصیلات بیان کی گئیں، جس پر انہوں نے نہایت دکھ اور افسوس کا اظہار بھی کیا، انہوں نے  نے متاثرہ جگہوں کا معانہ بھی کیا

    عمران خان کا کہنا تھا کہ دہشت گردوں نے اب آزادیء صحافت پر بھی حملے شروع کردیئے ہیں جو انتہائی قابل مذمت ، ۔ ہے۔ انہوں نے کہا کہ نیشنل ایکشن پلان پر ملک کی تمام جماعتیں متفق ہیں

    علاوہ ازیں ایم کیو ایم کے رہنما رشید گوڈیل ، آصف حسنین اور پرویز رشید نے بھی اے آر وائی کے اسلام آباد آفس کا دورہ کیا، اور واقعے کی پر زور الفاظ میں مذمت کی ۔

    آئی ایس پی آر کی اے آر وائی آفس پر حملے کی مذمت

    پاک فوج کے شعبہ تعلقات عامہ آئی ایس پی آر نے اے آر وائی نیوز کے اسلام آباد آفس پر دہشت گردوں کے بزدلانہ حملے کی پرزور الفاظ میں مذمت کی ہے، ڈی جی آئی ایس پی آر عاصم سلیم باجوہ نے کہا کہ ملک میں امن اور سلامتی کیلئے میڈیا کے ساتھ کھڑے ہیں، ان کہا کہن اتھا کہ قوم ملک سے دہشت گردی کے خاتمے کیلئے پر عزم ہے۔ پاکستانی عوام نے دہشت گردوں کے نظریے کو یکسر مسترد کردیا ہے ۔ انہوں نے اس عزم کا اعادہ کیا کہ پاکستان میں مستقل اور پائیدار امن کیلئے کوشاں ہیں۔

     

     

  • پشاور: پولیس وین پر دستی بم حملہ، 5اہلکار زخمی

    پشاور: پولیس وین پر دستی بم حملہ، 5اہلکار زخمی

    پشاور: پشاور میں ایک بار پھر پولیس اہلکار دہشتگردوں کے نشانے ہیں۔

    زرائع کے مطابق پشاور میں گلبہار تھانے کے حدود میں دہشتگردوں نے پولیس وین کو نشانہ بنایا اور پولیس وین پر دستی بم حملہ کیا، جس کے نتیجے میں انسپیکٹرسمیت پانچ اہلکار زخمی ہوگئے۔

    زخمی پولیس اہلکاروں کولیڈی ریڈنگ اسپتال منتقل کردیا گیا۔

    پولیس کے مطابق بارودی مواد گملے میں نصب کیا گیا تھا، حملے میں کوئیک رسپانس فورس کے یونٹ کو نشانہ بنایا گیا۔

  • کراچی: فائرنگ، دستی بم حملہ ، 3افراد جاں بحق، 2زخمی

    کراچی: فائرنگ، دستی بم حملہ ، 3افراد جاں بحق، 2زخمی

    کراچی: شہرِ قائد کے مختلف علاقوں میں فائرنگ اور دستی بم حملے میں تین افراد جاں بحق اور دو زخمی ہوگئے۔

    پولیس کے مطابق کراچی کے علاقے تھانہ لیاری بغدادی میں فائرنگ سے ایک شخص جاں بحق ہوا، گلستان جوہر منور چورنگی کے قریب نامعلوم افراد نے فائرنگ کرکے اسکول ٹیچرفضل الرحمان کو ابدی نیند سلادیا۔

    دوسری جانب مشرف کالونی سے ایک شخص کی لاش ملی جسے تشدد کے بعد فائرنگ کرکے قتل کیا گیا تھا ،ڈیفنس اور لانڈھی کے علاقوں میں بھی فائرنگ سے دو افراد کو زخمی کردیا ، کٹی پہاڑی میں مسافربس پر فائرنگ سے ایک شخص زخمی ہوا۔

    سلاٹر ہاؤس کے قریب نامعلوم افراد کی جانب سے دستی بم حملے میں دو افراد زخمی ہوئے ۔

    گزشتہ روز کراچی کے علاقے لیاری میں پولیس مقابلے کے دوران مبینہ گینگ وارسے تعلق رکھنے والا کارندہ ہلاک ہوگیا تھا، پولیس ذرائع کے مطابق ملزم کی شناخت سیف اللہ کے نام سے ہوئی ہے جس کا تعلق بابا لاڈلا گروپ سے ہے۔

    رینجرزکے ترجمان کے مطابق سیف اللہ قتل کی چارواداتوں سمیت بھتے کی وصولی اوراسٹریٹ کرائم میں بھی ملوث تھا، انہوں نے مزید کہا کہ گینگ وار کے ملزم کے مزید ساتھیوں کی گرفتاری کے لئے چھاپے مارے جارہے ہیں۔

  • کراچی: ڈیفنس میں ڈاکٹر کے گھر پر ہینڈ کریکر سے حملہ

    کراچی: ڈیفنس میں ڈاکٹر کے گھر پر ہینڈ کریکر سے حملہ

    کراچی: کراچی کے علاقے ڈیفنس خیابان شمشیر میں ڈاکٹر کے گھر پر کریکر سے حملہ کیا گیا جس سے گھر کے دروازے کو نقصان پہنچا تاہم کوئی جانی نقصان نہیں ہوا۔

    پولیس کے مطابق ایس آئی یو ٹی کے ڈاکٹر انور نقوی کے گھر پر نامعلوم افراد ہینڈ کریکر پھینک کرفرار ہوگئے جو گھر کے باہر گرا جس سے زور دار دھماکہ ہوا اور علاقے میں شدید خو ف وحراس پھیل گیا۔ دھماکے سے گھر کے مرکزی دروازے اور دیواروں کو نقصان پہنچا تاہم کوئی جانی نقصان نہیں ہوا۔

    ڈاکٹر انور کے گھر پر پانچ روز قبل بھی دستی بم پھینکا گیا تھا جو پھٹ نہیں سکا تھا۔

  • متحدہ کیمپ پرحملے کا مقدمہ نامعلوم افراد کیخلاف درج

    متحدہ کیمپ پرحملے کا مقدمہ نامعلوم افراد کیخلاف درج

    کراچی: اورنگی ٹاؤن میں  ایم کیوا یم کے رکنیت سازی کیمپ پر دستی بم حملے کامقدمہ درج کرلیاگیا۔حملے میں ایک شخص جاں بحق اور تین ایم پی ایز سمیت پچاس کارکن زخمی ہوئے تھے۔

    تفصیلات کے مطابق اورنگی ٹاؤن میں ایم کیو ایم کی رکنیت سازی کیمپ پر دستی بم حملے کامقدمہ تھانہ اورنگی ٹاؤن میں نامعلوم افراد کیخلاف درج کرلیاگیا۔ایم کیوایم کے کارکن کی مدعیت میں درج مقدمے میں انسداد دہشت گردی کی دفعات شامل کی گئیں ہیں۔

    جمعہ کے روز رکنیت سازی کیمپ پرحملے میں تین ایم پی ایز سمیت پچاس کارکن زخمی ہوئےتھے جن میں سے ایک کارکن اسپتال میں دوران علاج چل بسا۔حملے کی ذمہ داری دو کالعدم تنظیموں نے قبول کی تھی ۔

    ایم کیوایم لندن رابطہ کمیٹی نے حکومت سے مطالبہ کیاہے کہ ذمہ داری قبول کرنے والی کالعدم جماعت الاحرار اورجنداللہ کے خلاف سخت کارروائی کی جائے۔

  • کراچی: پولیس موبائل پر دستی بم حملہ اور فائرنگ،ایک اہلکار جاں بحق، 4زخمی

    کراچی: پولیس موبائل پر دستی بم حملہ اور فائرنگ،ایک اہلکار جاں بحق، 4زخمی

    کراچی: شہرِ قائد میں دہشت گرد سرگرم ہے، صبح سویرے کراچی کے مختلف علاقوں میں پولیس موبائل پر دستی بم حملہ اور فائرنگ کی گئی، جس کے نتیجے میں اے ایس آئی ارشد تنولی شہید جبکہ پانچ اہلکار زخمی ہوگئے ہیں۔

    پہلا واقعہ صبح سویرے کراچی کے علاقے لائنزایریا میں پیش آیا ، جہاں موٹر سائیکل پر سوار نامعلوم افراد نے پولیس کی موبائل پر اندھا دھند فائرنگ کر دی، جس کے نتیجے میں اےایس آئی ارشد تنولی شہید اور دواہلکار زخمی ہوگئے۔

    زخمی اہلکاروں کو فوری طور پر جناح اسپتال منتقل کیا گیا، جہاں اے ایس آئی ارشد تنولی زخموں کی تاب نہ لاتے ہوئے دم توڑ گئے جب کہ 2 شدید زخمیوں کو طبی امداد دی جا رہی ہے۔

    دوسرا واقعہ ایم اے جناح روڈ پر تبت سینٹر کے قریب پیش آیا، جب نامعلوم افراد نے پریڈی تھانے کی موبائل پر کریکر حملہ کیا، جس کے نتیجے میں چار اہلکار زخمی ہوگئے، زخمیوں کو فوری طور پر سول اسپتال منتقل کیا گیا، جہاں انہیں طبی امداد دی جا رہی ہے۔

    واضح رہے کہ 3 روز قبل  بھی ایم اے جناح روڈ پر تبت سینٹر کے قریب موٹر سائیکل سواروں نے پولیس موبائل پر کریکر حملہ کیا تھا، جس کے نتیجے میں 2 اہلکار جاں بحق جب کہ 3 زخمی ہوگئے تھے۔