ARYNews.tv | Urdu – Har Lamha Bakhabar

Tag: دسمبر

  • شاہراہ بھٹو کو دسمبر میں موٹروے سے جوڑ دیا جائےگا، وزیراعلیٰ سندھ

    شاہراہ بھٹو کو دسمبر میں موٹروے سے جوڑ دیا جائےگا، وزیراعلیٰ سندھ

    کراچی: وزریراعلیٰ سندھ نے کہا ہے کہ دسمبر میں شاہراہ بھٹو کو موٹروے سے جوڑ دیا جائےگا، شاہراہ بھٹو کو قائدآباد تک کھول دیا گیا ہے۔

    مراد علی شاہ کی زیرصدارت شاہراہ بھٹو منصوبے پر اجلاس ہوا، جس میں وزریراعلیٰ سندھ کا کہنا تھا کہ شاہراہ بھٹو 39 کلومیٹر طویل، 3 بائی 3 ہائی اسپیڈ روڈ ہے، شاہراہ بھٹو ڈی ایچ اے، کورنگی کو حیدرآباد سے جوڑتی ہے، شاہراہ بھٹو کی 6 انٹر چینجز صنعت و رہائش کو مربوط کرتی ہیں۔

    وزیراعلیٰ کو اجلاس میں بریفنگ دیتے ہوئے بتایا گیا کہ کورنگی کازوے تا قائدآباد پہلا سیکشن 99 فیصد مکمل ہوگیا ہے، قائدآباد تا کاٹھور دوسرا سیکشن 65فیصد مکمل ہوچکا ہے۔

    بریفنگ میں بتایا گیا کہ جام صادق انٹرچینج 73فیصد مکمل ہوگیا ہے، ای بی ایم اور شاہ فیصل انٹرچینج بھی مکمل ہوگیا، قائدآباد انٹرچینج 99 فیصد، میمن گوٹھ انٹرچینج 28فیصد مکمل ہوچکا ہے۔

    ڈملوٹی انٹرچینج 20فیصد مکمل ہوا ہے جبکہ سمو گوٹھ پر ایلیویٹڈ اسٹرکچر پرکام جاری ہے، چار کلومیٹرایلیویٹڈ اسٹرکچر کا کام 48فیصد مکمل ہوچکا ہے، کورنگی کازوے برج کا 80فیصد کام مکمل ہوا ہے، برج مکمل ہوتے ہی پرانا کازوے روڈ ختم ہوگا۔

    وزیراعلیٰ سندھ مرادعلی شاہ نے ہدایت کی کہ کازوے برج پر کام جلد مکمل کیا جائے، انھوں نے کہا کہ شاہراہ بھٹو کو دسمبر میں کاٹھور تک ٹریفک کیلئے کھول دوں گا

    مراد علی شاہ نے سختی سے ہدایت کی کہ ترقیاتی منصوبے ٹائم لائن پر مکمل کیے جائیں جبکہ وزیراعلیٰ سندھ نے نیولنک روڈ25 جولائی کو کھولنے کی ہدایت کی۔

    وزیراعلیٰ سندھ مراد علی شاہ نے کہا کہ 21کلومیٹر نیالنک روڈ موٹروے سے جوڑا جائےگا، نیا لنک روڈ صنعتی زون اور ایجوکیشن سٹی کیلئے ریڑھ کی ہڈی ہوگا، لنک روڈ کھلنے کے بعد پرانا روٹ بند کردیا جائےگا۔

  • مئی بن گیا دسمبر، پاکستان میں برفباری ہونے لگی

    مئی بن گیا دسمبر، پاکستان میں برفباری ہونے لگی

    مئی کے مہینے میں پاکستان میں گرمی اپنے جوبن پر ہوتی ہے بالائی علاقوں میں بھی سردی رخصت ہو جاتی ہے لیکن آج وادی کاغان میں برفباری ہوئی ہے۔

    اے آر وائی نیوز کے مطابق مئی کے مہینہ ہر سال پاکستان کے گرم ترین مہینوں میں شمار ہوتا ہے۔ جہاں اس ماہ میدانی علاقے تپتے صحرا بنے ہوتے ہیں، وہیں برف پوش بالائی علاقوں میں بھی گرمی دستک دے دیتی ہے اور گلیشیئر پگھلنے لگتے ہیں۔

    تاہم آج وادی کاغان کے مشہور سیاحتی مقام بابو سر ٹاپ بیسر پر برفباری نے اہل علاقہ کو بھی حیران کر دیا ہے۔

    موسم گرما میں برف کے گالے روئی کی طرح آسمان سے زمین پر گرتے دیکھ کر مقافی افراد حیران تو سیاحوں کی موجیں ہو گئیں اور وہ خوب لطف اندوز ہوئی۔

    اس اچانک غیر متوقع برف باری سے وادی کاغان اور ناران کا موسم ایک بار پھر سرد ہو گیا ہے۔ دوسری جانب مقامی پولیس کے جوان برفباری کے دوران سیاحوں کی مدد کے لیے موجود ہیں۔

    دریں اثنا شانگلہ، کوٹلی آزاد کشمیر سمیت کے پی کے متخلف علاقوں میں آج گرج چمک کے ساتھ بارش ہو رہی ہے۔

  • دسمبر کے چوتھے ہفتہ میں مہنگائی کی شرح میں اضافہ ہوا، پاکستان بیورو شماریات

    دسمبر کے چوتھے ہفتہ میں مہنگائی کی شرح میں اضافہ ہوا، پاکستان بیورو شماریات

    نئے مالی سال 2018-19ء کے چھٹے ماہ ( دسمبر 2018ء ) کے چوتھے ہفتے میں مہنگائی کی شرح میں 0.23 فیصد اضافہ ریکارڈ کیا گیا، جبکہ کم آمدنی والے طبقے کے لئے قیمتوں کے حساس اشاریئے میں 0.19 فیصد کا اضافہ ریکارڈ کیا گیا۔

    پاکستان بیور و شماریات کے اعداد و شمار کے مطابق 28 دسمبر کو ختم ہونے والے ہفتے کے دوران ٹماٹر،ایل پی جی ،کیلے، چائے، انڈے، لہسن ،پیاز ،سرخ مرچ ،گڑ ،چینی ، دال مسور ،چنے کی دال ،دال مونگ ،بیف، اری چاول ، صابن ،مسٹرڈ آئل ،ویجی ٹیبل گھی ،سمیت 20 اشیائے ضروریہ کی قیمتوں میں اضافہ ہوا ۔

    زندہ مرغی، آلو،دال ماش، گندم، سمیت 4اشیائے ضروریہ کی قیمتوں میں کمی ریکارڈ کی گئی، ادارہ شماریات کے مطابق پیٹرول ،ہائی سپیڈ ڈیزل، مٹی کاتیل ،گیس نرخ ،بجلی کے نرخ ،سگریٹ ،مٹن ،نمک ،باسمتی چاول ، کپڑے، تازہ دودھ ، دھی،خوردنی تیل، روٹی سادہ ، ملک پاؤڈر، آٹا ، سمیت 29 اشیائے کی قیمتوں میں استحکام رہا۔

    ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.22، 0.22 ،0.20 اور 0.17 فیصد اضافہ ریکارڈ کیا گیا۔

  • دسمبر کا دوسرا ہفتہ : مہنگا ئی کی شرح میں معمولی کمی ریکارڈ کی گئی، پاکستان بیور و شماریات

    دسمبر کا دوسرا ہفتہ : مہنگا ئی کی شرح میں معمولی کمی ریکارڈ کی گئی، پاکستان بیور و شماریات

    کراچی : نئے مالی سال 2018-19ء کے چھٹے ماہ دسمبر2018 کے دوسرے ہفتے میں مہنگائی کی شرح میں 0.05 فیصد کمی ریکارڈ کی گئی، جبکہ کم آمدنی والے طبقے کے لئے قیمتوں کے حساس اشاریئے میں 0.00 فیصد کا استحکام ریکارڈ کیا گیا۔

    پاکستان بیور و شماریات کے اعداد و شمار کے مطابق 14 دسمبر کو ختم ہونے والے ہفتے کے دوران ایل پی جی ،پیاز ،کیلے، دال مسور ،دال ماش، چنے کی دال ،دال مونگ ،خوردنی تیل، اری چاول، ملک پاؤڈر، صابن ،مٹن ، بیف، گندم، آٹا ، ویجی ٹیبل گھی ،سمیت 19 اشیائے ضروریہ کی قیمتوں میں اضافہ ہوا۔

    زندہ مرغی، انڈے، آلو، ٹماٹر، لہسن ،سرخ مرچ ، گڑ سمیت 7اشیائے ضروریہ کی قیمتوں میں کمی ریکارڈ کی گئی، ادارہ شماریات کے مطابق پیٹرول ،ہائی سپیڈ ڈیزل، مٹی کاتیل ،گیس نرخ ،بجلی کے نرخ ،سگریٹ ، تازہ دودھ ، دھی، نمک ،باسمتی چاول، مسٹرڈ آئل ،کپڑے، چینی ، چائے، سمیت 27 اشیائے کی قیمتوں میں استحکام رہا۔

    ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.01، 0.03 ،0.05 اور 0.06 فیصد کمی ریکارڈ کی گئی۔

  • دسمبر: پہلے ہفتہ میں مہنگائی کی شرح میں معمولی کمی ریکارڈ

    دسمبر: پہلے ہفتہ میں مہنگائی کی شرح میں معمولی کمی ریکارڈ

    اسلام آباد : نئے مالی سال 2017-18ء کے چھٹے ماہ (دسمبر 2017ء ) کے پہلے ہفتے میں مہنگائی کی شرح میں 0.13 فیصد کمی ریکارڈ کی گئی جبکہ کم آمدنی والے طبقے کے لئے قیمتوں کے حساس اشاریئے میں 0.19 فیصد کمی دیکھنے میں آئی۔

    پاکستان بیورو شماریات کے اعداد و شمار کے مطابق 8 دسمبر کو ختم ہونے والے ہفتے کے دوران پیٹرول ،ہائی سپیڈ ڈیزل، مٹی کاتیل ،ایل پی جی، کیلے،آلو ،زندہ مرغی ، گندم، آٹا ، پیاز ،چینی ، مٹن ،بیف، ویجی ٹیبل گھی ،سمیت 14اشیائے ضروریہ کی قیمتوں میں اضافہ ہوا۔

    ٹماٹر، لہسن ، سرخ مرچ ،انڈے، مسٹرڈ آئل ، دال مونگ ، دال مسور ، چنے کی دال ، دال ماش، سمیت 10اشیائے ضروریہ کی قیمتوں میں کمی ریکارڈ کی گئی،۔

    ادارہ شماریات کے مطابق بجلی کے نرخ گیس نرخ ،ملک پاؤڈر، گڑ ،،چائے، تازہ دودھ ،دھی ،نمک ،اری چاول، کپڑے، باسمتی چاول ،خوردنی تیل، سمیت 29 اشیائے کی قیمتوں میں استحکام رہا۔

    مزید پڑھیں: مہنگائی، بیروزگاری نواز شریف کا تحفہ ہیں، سراج الحق

    ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.18، 0.18 ،0.16 اور 0.08 فیصد کمی ریکارڈ کی گئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • دسمبر: مہنگائی کی شرح میں صفراعشاریہ چارفیصد کمی

    دسمبر: مہنگائی کی شرح میں صفراعشاریہ چارفیصد کمی

    اسلام آباد: دسمبر کے دوسرے ہفتے کے دوران مہنگائی کی شرح میں صفر اعشاریہ چار فیصد کی نمایاں کمی ریکارڈ کی گئی۔

    پاکستان بیورو شماریات کےمطابق بارہ دسمبر کو ختم ہونے والے ہفتے کے دوران ٹماٹر، مرغی،ادرک، گندم اور مٹی کاتیل سمیت سات اشیائےکی قیمتوں میں اضافہ ہوا۔

    پیاز، چینی، انڈے،مسور کی دال ،چنے کی دال ،سرخ مرچ ،ایل پی جی ، دال ماش ،آٹا ،کیلا، چاول اور خوردنی تیل سمیت سترہ اشیائےکی قیمتوں میں کمی ریکارڈ کی گئی، جبکہ گیس وبجلی کے نرخ ، کپڑے اورکھلا گھی سمیت انتیس اشیائے کی قیمتوں میں استحکام رہا۔

  • مہنگائی کی شرح میں نمایاں کمی ریکارڈ

    مہنگائی کی شرح میں نمایاں کمی ریکارڈ

    اسلام آباد: دسمبردو ہزار چودہ کے پہلے ہفتے کے دوران مہنگائی کی شرح میں صفراعشاریہ آٹھ نو فیصد کی نمایاں کمی ریکارڈ کی گئی۔پاکستان بیورو شماریات کےمطابق کم ماہانہ آمدنی والےطبقے کیلئے پانچ دسمبر کو ختم ہونے والے ہفتے کے دوران مرغی،دالوں اورجلانے کی لکڑی سمیت آٹھ اشیائے ضروریہ کی قیمتوں میں اضافہ ہوا۔

    پٹرول ،ڈیزل،مٹی کاتیل،ایل پی جی،پیاز،آلو،ٹماٹر، آٹا ،کیلا،چینی ، انڈے، باسمتی چاول اور تیل سمیت اٹھارہ اشیائے کی قیمتوں میں کمی ریکارڈ کی گئی۔ دھی اری چاول ، گھی، گیس وبجلی کے نرخ ،ملک پاؤڈر ، نمک چائے ، کپڑے اورگھی سمیت ستائس اشیائے کی قیمتوں میں استحکام رہا۔

  • الائیڈ بینک کےدس فیصدحصص کی دسمبرتک فروخت

    الائیڈ بینک کےدس فیصدحصص کی دسمبرتک فروخت

    اسلام آباد: چیئرمین نجکاری کمیشن محمد زبیر نےکہا ہےکہ الائیڈ بینک کےدس فیصدحصص دسمبرتک فروخت کردیئےجائیں گے۔اچھی قیمت ملنےپر اُو جی ڈی سی ایل کےحصص پھرفروخت کرینگے۔

    چیئرمین نجکاری کمیشن کا اسلام آباد میں نیوز کانفرنس سے خطاب کرتے ہوئے کہنا تھاکہ الائیڈ بینک کے دس فیصد حصص کی فروخت کیلئے مالیاتی مشیر کا تقرر کردیا ہے۔جبکہ حبیب بینک کےحکومتی حصص کی فروخت کیلئے مالیاتی مشیرکا تقرر دو ہفتوں میں کردیا جائے گا۔

    حبیب بینک کے حصص کی فروخت کا عمل مارچ دو ہزار پندرہ میں مکمل کرلیا جائے گا۔اُن کا مزید کہنا تھا کہ کے الیکٹرک کی نجکاری کا عمل اگر کامیاب نہیں رہا تو اس کا مطلب یہ نہیں کہ دیگربجلی کی تقسیم کار کمپنیوں کی نجکاری نہ کی جائے۔

    حکومت لیسکو،پیسکو اور آئیسکو کی نجکاری اپنی مقررہ وقت پر کرے گی۔

  • دسمبر کے چوتھے ہفتے میں مہنگائی کی شرح میں کمی

    دسمبر کے چوتھے ہفتے میں مہنگائی کی شرح میں کمی

    دسمبر کے چوتھے ہفتے کے دوران مہنگائی کی شرح میں 0.22فیصد کمی ریکارڈ کی گئی ، جبکہ کم آمدنی والے طبقے کے لئے بھی قیمتوں کے حساس اشاریئے میں 0.39 فیصد کمی ریکارڈ کی گئی ، پاکستان بیورو شماریات کے جاری کردہ اعداد و شمار کے مطابق 8 ہزار روپے تک کی ماہانہ آمدنی والے طبقے کیلئے 26 دسمبر کو ختم ہونے والے ہفتے کے دوران قیمتوں کا حساس اشاریہ 0.39 فیصد کمی سے 200.78 پوائنٹس سے کم ہو کر 200.00 پو ائنٹس تک پہنچ گیا ، جبکہ کمبائنڈ گروپ کیلئے قیمتوں کاحساس اشاریہ 0.22 فیصدکمی سے 209.7پوائنٹس سے کم ہو کر 209.27 پوائنٹس تک پہنچ گیا، اس ہفتے کے دورا ن زندہ مرغی ،کیلا، ادرک ، گندم اوربیف سمیت 8 اشیائے ضروریہ کی قیمتوں میں اضافہ ہوا، مونگ کی دال ، دال ماش ، مسور کی دال ، ٹماٹر،پیاز ، آلو ، چینی، گڑ، انڈے ، ایل پی جی ، اری چاول ، چائے ، آٹا ، ویجی ٹیبل گھی جبکہ اور سرخ مرچ سمیت 16 اشیائے ضروریہ کی قیمتوں میں کمی ریکارڈ کی گئی ، ادارہ شماریات کے مطابق پٹرول ،ڈیزل ،مٹی کاتیل،مٹن ، چنے کی دال، خوردنی تیل ، گیس کے نرخ ، بجلی کے نرخ ،تازہ دودھ ،دھی،دودھ پاؤڈر ، باسمتی چاول اور کھلا گھی سمیت 29 اشیائے کی قیمتوں میں استحکام رہا، ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزارآمدنی ، بارہ ہزار تا اٹھارہ ہزار ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.32فیصد ، 0.28فیصد ، 0.22فیصد اور 0.15فیصدکمی ریکارڈ کی گئی