Tag: دعا زہرا

کراچی : جوڈیشل مجسٹریٹ نے دعا زہرا کے والد کی تفتیشی افسر تبدیل کرنے کی درخواست مسترد کرتے ہوئے کہا تفتیش کے اس موڑ پر تفتیشی افسر کو تبدیل نہیں کیا جا سکتا۔

تفصیلات کے مطابق کراچی میں جوڈیشل مجسٹریٹ شرقی کی عدالت نے دعا زہرا کے والد کی تفتیشی افسر تبدیل کرنے کی درخواست مسترد کردی۔

جوڈیشل مجسٹریٹ نے کہا کہ عدالت نے تفتیشی افسر کی سی کلاس رپورٹ ابھی منظور نہیں کی، دعا زہرا کو میڈیکل بورڈ کے روبرو پیش کر نا ہے،تفتیش کےاس موڑ پر تفتیشی افسر کو تبدیل نہیں کیا جا سکتا۔.

گذشتہ روز کراچی سٹی کورٹ میں دعا زہرہ مبینہ اغوا کیس میں تفتیشی افسر بدلنے سے متعلق درخواست پر سماعت ہوئی تھی ، جس میں مدعی مقدمہ کی جانب سے جبران ناصر ایڈووکیٹ نے دلائل میں کیس کی تحقیقات پر کئی سوالات اٹھائے تھے۔

جبران ناصر کا کہنا تھا کہ ایک بچی کراچی سے گاڑی میں پنجاب پہنچ گئی، جس گاڑی میں گئی اسکا ماڈل ،نمبرپلیٹ ،ڈرائیور سےتفتیش نہیں کی گئی، لڑکے اور لڑکی کے بیان میں تضاد ہے تفتیش نہیں کی گئی، ایک بیان میں نکاح 17 اور دوسرے میں 18 تاریخ کوہوا، ظہیر کہتا ہے 3سال سے دوستی تھی پب جی پر دوستی ہوئی۔

مزید پڑھیں : دعا زہرا اور ظہیر کے بیان میں تضاد: کیس کی تحقیقات پر کئی سوالات کھڑے ہوگئے

وکیل کا مزید کہنا تھا کہ دعا زہرہ اپنے بیان میں کہتی ہے کہ وہ خود گئی جبکہ ظہیر کہتا ہے کہ دعا نے کال کی کہ کراچی سے شادی کرنےآرہی ہے، تفتیشی افسر کو تحقیق کرنا تھی مگر سی چالان پیش کردیا گیا۔

مدعی مقدمے کے وکیل نے کہا تھا کہ مرکزی ملزم کو بچانے کے لئے یہ سب کیا جارہا ہے، تفتیشی افسرکہتے ہیں مجبوری ہے عدالت اور محکمہ صحت کے احکامات ماننا پڑتے ہیں، مجھے لگتا ہے کہ اغوا کا کیس نہیں۔

جبران ناصر کا کہنا تھا کہ عمر کے تعین کے لئےایک مضبوط میڈیکل بورڈ بنایا جاچکا ہے ، یہ تفتیشی افسر کسی اشارے پر کام کر رہے ہیں، اس کیس میں ایک آئی جی کو معطل ہو چکا ہے۔

کراچی : عمر کے تعین کیلئے دعا زہرا کو میڈیکل بورڈ کے روبرو پیش نہیں کیا جاسکا، میڈیکل بورڈ نے پولیس کو دعا زہرا کو پیش کر نے کی ہدایت کردی۔

تفصیلات کے مطابق دعا زہرا کیس میں پاکستان کی تاریخ میں سب سے بڑے میڈیکل بورڈ کا اجلاس پرنسپل ڈاؤ میڈیکل کالج پروفیسر صباسہیل کی زیر صدارت سندھ گورنمنٹ سروسز اسپتال میں ختم ہوگیا۔

بورڈ اجلاس میں سروسز اسپتال کے ایم ایس و سول سرجن ڈاکٹر آغاز بیر سیکریٹری و کنوینئر اور پولیس سرجن کراچی ڈاکٹرسمعیہ سید بھی شریک تھے۔

بورڈ میں لیاری جنرل اسپتال،سروسز اسپتال اورآغا خان اسپتال کے ریڈیالوجسٹ ، سول اسپتال کی گائنا کولوجسٹ، ڈاؤ میڈیکل کالج کی فارنسک میڈیسن کی ڈاکٹر، ڈاؤ میڈیکل کالج کی ڈینٹل سرجن،سروسز اسپتال کی ڈینٹل سرجن بھی شامل ہیں۔

میڈیکل بورڈ کی دعازہرا کو پیش کرنے کی ہدایت

دعا زہرا کو میڈیکل بورڈ کے روبرو پیش نہیں کیا جاسکا، میڈیکل بورڈ نے آئندہ اجلاس قبل دعا زہرا کو پیش کر نے کی ہدایت کرتے ہوئے کہا جیسے ہی دعازہرا کو پیش کرنے سے پولیس آگاہ کرے گی فوری اس ہی دن اجلاس طلب کرلیں گے۔

میڈیکل بورڈ کا آئندہ اجلاس دعازہر ا کی پیشی سے مشروط کردیا ہے۔

پولیس کی میڈیکل بورڈ سے دعا کو پیش کرنے کی مہلت

تفتیشی افسر شوکت شاہانی کا کہنا ہے کہ ہم نے میڈیکل بورڈ سے دعا کو پیش کرنے کی مہلت مانگی ہے،ت محکمہ داخلہ سندھ کو درخواست دی ہےکہ محکمہ داخلہ پنجاب سے رابطہ کرے۔

شوکت شاہانی نے کہا کہ جیسے ہی احکامات ملیں گے دعا زہرا کو لینے چلے جائیں گے، ہماری کوشش ہے کہ جلد از جلد عدالتی احکامات پر عمل کیا جائے۔

والد مہدی کاظمی نے تمام ضروری دستاویزات جمع کروادیں

والد مہدی کاظمی کی جانب سے تمام ضروری دستاویزات جمع کروادی گئیں ، اس موقع پر وکیل جبران ناصر نے کہا کہ میڈیکل بورڈ کی تشکیل کے بعد تمام ضروری دستاویزات جمع کروانی ہوتی ہیں ، آج ہم نے تمام دستاویزات جمع کروادی ہیں ، ہم سے دعا کے متعلق معمولی سوالات پوچھے گئے ہیں جن کے جواب دے دیئے ہیں۔

جبران ناصر کا کہنا تھا کہ اب کیس کے آئی او پر منحصر ہے کہ دعا کو کب پیش کرتے ہیں ، دعا کو پیش کرنے کے بعد حتمی رپورٹ تیار ہوگی ، بورڈ کی کارکردگی پر مطمئن ہیں، تمام ایکسپرٹ شامل ہیں۔

لاہور: ہائی کورٹ نے پولیس کو پسند کی شادی کرنے والی دعا زہرا کی ساس سمیت دیگر سسرالیوں کو ہراساں کرنے سے روک دیا۔

تفصیلات کے مطابق لاہور ہائی کورٹ کے جسٹس طارق سلیم شیخ نے دعا زہرا کی ساس نور فاطمہ اور دیگر سسرالیوں کی درخواست پر سماعت کی۔

پولیس نے عدالتی احکامات پر دعا زہرا کو عدالت میں پیش کیا، پولیس حکام نے دعا زہرا کی بازیابی کی رپورٹ اور سندھ ہائی کورٹ کے احکامات عدالت میں پیش کیے۔

عدالت نے دستاویزات کا جائزہ لیا اور پولیس کو دعا زہرا کی ساس اور دیگر سسرالیوں کو ہراساں نہ کرنے کا حکم دے دیا۔

عدالت نے پولیس کیخلاف ہراساں کرنے کی درخواست بھی نمٹا دی تاہم عدالتی کے کارروائی کے بعد پولیس دعا زہرا کو لاہور ہائیکورٹ سے لیکر روانہ ہو گئی۔

یاد رہے سندھ ہائیکورٹ نے دعا زہرا کیس کا محفوظ فیصلہ سناتے ہوئے دعا زہرا کو اپنی مرضی سے فیصلہ کرنے کی اجازت دے دی تھی۔

سندھ ہائیکورٹ نے تحریری حکم نامے میں کہا تھا کہ دعا زہرا کی مرضی ہے، جس کے ساتھ جانا یا رہنا چاہے رہ سکتی ہے، شواہد کی روشنی میں اغوا کا مقدمہ نہیں بنتا۔

عدالت کا کہنا تھا کہ عدالت بیان حلفی کی روشنی میں اس نتیجے پر پہنچی ہے کہ دعا زہرہ اپنی مرضی سے شوہر کے ساتھ رہنا چاہے یا اپنے والدین کے ساتھ جانا چاہے تو جا سکتی ہے، وہ اپنے اس فیصلے میں مکمل آزاد ہے۔