پاکستان شوبزانڈسٹری کی ابھرتی ہوئی اداکارہ دعا زہرہ نے کہا ہے کہ آج کل کی جنریشن کا مسئلہ یہ ہے ان کی اللہ سے کمیونیکیشن کم ہوتی جارہی ہے۔
اے آر وائی نیوز کی پوڈ کاسٹ میں شرکت کے دوران گفتگو کرتے ہوئے دعا زہرہ کا کہنا تھا کہ کوئی اپنی لائف میں کچھ بھی کررہا ہو ہمیں فرق نہیں پڑنا چاہیے، مجھے لگتا ہے آج کل کی جنریشن کا جو اصل مسئلہ یہ ہے کہ ان کی اللہ سے کمیونیکیشن کم ہوتی جارہی ہے اور چھوٹتی جارہی ہے۔
دعا زہرہ نے کہا کہ میں نے اس چیز کو اپنی زندگی میں برقرار رکھا ہوا ہے، میں بیٹھے بیٹھے بھی اوپر دیکھ کر اللہ تعالیٰ سے بات کرتی ہوں، اکثر لوگ بولتے ہیں کس سے بات کرہی ہو، میں کہتی ہوں کہ اللہ تعالیٰ سے بات کررہی ہوں، آپ کو یہ چیز کرنی چاہیے۔
انھوں نے یہ بھی بتایا کہ لوگ مجھے کہتے بھی ہیں کہ تم نہیں بولا کرو، تم جو بولتی ہو وہ چیز ہوجاتی ہے، میں کچھ منفی یا مثبت بولتی ہوں تو وہ چیز اصل میں ہوجاتی ہے،
اداکارہ دعا زہرہ نے یہ بھی کہا کہ میں اگر بیٹھے بیٹھے بولوں کہ میں بیمار ہوجاؤ اور کل شوٹ کینسل ہوجائے تو ایسا ہوجاتا ہے۔
انھوں نے اپنے کام سے متعلق بات کرتے ہوئے کہا کہ بہت ساری اور دلچسپ چیزیں چل رہی ہیں الحمداللہ، آؤٹ آف دا باکس جاکر بھی کام کیاجارہا ہے، ایک تو اے آر وائی کےلیے بھی چل رہا ہے، بہت اچھا کریکٹر ہے اور ناظریں اسے جلد دیکھیں گے۔
انھوں نے اپنے کردار کے بارے میں بتاتے ہوئے کہا کہ وہ جس لڑکی کا کردار نبھارہی ہیں وہ خودمختار ہے، اپنی فیملی سے محبت کرتی ہے، میں اس طرح کے کریکٹر کرنا زیادہ پسند کرتی ہوں۔
دعا زہرہ نے کہا کہ میں چاہتی ہوں کہ لڑکیوں کو پتا چلنا چاہیے کہ ہم کون ہیں اور ہمارے پاس کتنی طاقت ہے یہ اس طرح کا کریکٹر ہے جسے میں پسند کرتی ہوں۔
اداکارہ نے کہا کہ جو غلط ہے اس کو غلط بولتی ہوں جو اچھا ہے اس کو اچھا بولتی ہوں لیکن میں اتنی منہ پھٹ نہیں ہوں کس کا دل دکھ جائے کیوں کہ کسی کا دل نہیں دکھانا چاہیے اللہ تعالیٰ نے منع کیا ہے۔
