ARYNews.tv | Urdu – Har Lamha Bakhabar

Tag: دعا منگی کیس

  • دعا منگی کیس کے مرکزی ملزم زوہیب قریشی کے سر کی قیمت مقرر کرنے کا فیصلہ

    دعا منگی کیس کے مرکزی ملزم زوہیب قریشی کے سر کی قیمت مقرر کرنے کا فیصلہ

    کراچی : سندھ حکومت نے دعا منگی کیس کے مرکزی ملزم زوہیب قریشی کے سر کی قیمت مقرر کرنے کا فیصلہ کرلیا، ملزم کورٹ پولیس اہلکاروں کی غفلت ولاپرواہی سے فرار ہوا۔

    تفصیلات کے مطابق ہائی پروفائل مفرور اغواکار زوہیب قریشی کےسر کی قیمت مقرر کرنے کے لیے خط لکھنے کا فیصلہ کرلیا گیا ، آئی جی سندھ کے ذریعے محکمہ داخلہ کوخط لکھنے کا فیصلہ کیا گیا ہے۔

    پولیس کا کہنا ہے کہ خط میں زوہیب قریشی کی گرفتاری میں پولیس کی مدد کرنے والے کو 50 لاکھ روپے انعام دینے کی سفارش کی جائے گی۔ جبکہ ملزم کی گرفتاری میں شہریوں سے مدد لینے کا فیصلہ کیا گیا ہے۔

    زوہیب قریشی اغوا برائے تاوان سمیت سنگین وارداتوں میں ملوث تھا اور کورٹ پولیس اہلکاروں کی غفلت ولاپرواہی سے فرار ہوا۔

    یاد رہے انسداد دہشت گردی کی عدالت نے دعا منگی کیس کے فرارمرکزی ملزم زوہیب قریشی نے ناقابل ضمانت وارنٹ جاری کرتے ہوئے ملزم کو گرفتار کرکے 21 فروری تک پیش کرنے کا حکم دیا تھا۔

    جیل رپورٹ میں بتایا گیا تھا کہ ملزم زوہیب قریشی27جنوری کو سٹی کورٹ پولیس کسٹڈی سےفرار ہوا اور فرار کے بعد مقدمات جیل ٹرائل کردیئے گئے ہیں۔

  • اہم پیش رفت : دعا منگی کیس کے فرار مرکزی ملزم کے ناقابل ضمانت وارنٹ جاری

    اہم پیش رفت : دعا منگی کیس کے فرار مرکزی ملزم کے ناقابل ضمانت وارنٹ جاری

    کراچی: انسداد دہشت گردی کی عدالت نے دعا منگی کیس کے فرارمرکزی ملزم زوہیب قریشی نے ناقابل ضمانت وارنٹ جاری کردئیے اور ملزم کو گرفتار کرکے 21 فروری تک پیش کرنے کا حکم دے دیا۔

    تفصیلات کے مطابق دعا منگی کیس کے فرارمرکزی ملزم زوہیب قریشی کی گرفتاری کے لئے اہم پیش رفت سامنے آئی ، سینٹرل جیل سپرنٹنڈنٹ نے ملزم کے فرار کی رپورٹ عدالت میں جمع کرادی۔

    جیل رپورٹ میں بتایا گیا کہ ملزم زوہیب قریشی27جنوری کو سٹی کورٹ پولیس کسٹڈی سےفرار ہوا اور فرار کے بعد مقدمات جیل ٹرائل کردیئے گئے ہیں

    انسداددہشتگردی عدالت نےمرکزی ملزم کے ناقابل ضمانت وارنٹ جاری کردئیے اورعزیز بھٹی تھانے کے تفتیشی افسر کو حکم دیتے ہوئے کہا کہ ملزم کو گرفتار کرکے 21فروری تک عدالت میں پیش کیا جائے۔

    خیال رہے زوہیب قریشی کے خلاف دعا منگی،بسمہ کے اغواء سمیت 5سے زائد مقدمات انسداد دہشت گردی کی عدالت میں زیر سماعت ہے۔.

    گذشتہ روز پولیس نے دعامنگی کیس کے مرکزی ملزم ذوہیب قریشی کے ملک سے فرار ہونے کا شبہ ظاہر کیا تھا ، ذرائع کا کہنا تھا کہ کالعدم دہشت گرد تنظیمیں ذوہیب قریشی کی مدد کررہی تھی۔

  • دعا منگی کیس کے مرکزی ملزم کو جیل میں کیا سہولیات میسر تھیں؟ تہلکہ خیز انکشافات

    دعا منگی کیس کے مرکزی ملزم کو جیل میں کیا سہولیات میسر تھیں؟ تہلکہ خیز انکشافات

    کراچی : دعا منگی اور بسمہ کیس کا مرکزی مزکری ملزم زوہیب کو جیل میں بی کلاس کی سہولیات دینے کا انکشاف سامنے آیا ، پولیس اہلکار نے بتایا زوہیب کو کبھی بھی ہتھکڑی میں عدالت نہیں لایا گیا۔

    تفصیلات کے مطابق کراچی کے ہائی پروفائل اغواء کار زوہیب قریشی کے فرار کے معاملے پرآر وائی نیوز نے کورٹ پولیس اور قیدیوں کا حال جاننے کے لیے خفیہ آپریشن کیا۔

    آپریشن میں کورٹ پولیس کے زوہیب قریشی اور دیگر معاملات پر اہم انکشافات سامنے آئے اور دعا منگی اور بسمہ کیس کا مرکزی کردار زوہیب بھی بی کلاس کا قیدی نکلا۔

    اہلکار نے انکشاف کیا کہ زوہیب کو جیل میں سب سے بڑی سہولت بی کلاس دی گئی تھی اور اسے کبھی بھی ہتھکڑی میں عدالت نہیں لایا جاتا تھا۔

    رپورٹر نے سوال کیا کہ زوہیب قریشی کو بی کلاس کیوں دی گئی، جس پر پولیس اہلکار نے بتایا بی کلاس اعلی تعلیم یافتہ کو ملتی ہے یا کوئی اور نظام ہوگا، تفتیش والوں کو سرکاری گاڑی مشکل سے ملتی ہے۔

    اہلکار نے بتایا کہ جب وین یا موبائل نہیں ملتی تو مجبورا پرائیویٹ میں لانا پڑتا ہے، میں تفتیش والا ہوں، مجھے سرکاری ڈیزل نہیں ملتا، کسی دوست کی، پولیس والے کی اپنی یا پرائیویٹ گاڑی لانی پڑتی ہے۔

    اے آر وائے نیوز کے رپورٹر نذیر شاہ نے سوال کیا کہ آپ افسران کو بولتے نہیں، جس پر اہلکارنے جواب دیا کہ بولیں گے تو افسر گھر بھیج دیں گے کیا افسران سے کوئی الٹی سیدھی بات کر سکتا ہے،اگلے دن ہم یہاں نہیں ہونگے باہر ہوں گے۔

    پولیس اہلکار نے انکشاف کیا کہ ایک ایک سپاہی کو 5 سے دس قیدیوں کی زمہ داری دی جاتی ہے، ہر سپاہی اپنے سپرد ہونے والے قیدی کا جواب دہ ہوتا ہے، مجھے قیدی لا کردیے گئے، کس چیز میں لائے مجھے یہ پتہ نہیں۔

    اہلکار کا کہنا تھا کہ جیل سے اگر گاڑی نہیں ملے گی تو قیدی کو کیسے لے جائیں گے، اگر مجھے کہتے ہیں قیدی لے جاو تو لازمی بات ہے کسی طرح بھی لے جانا ہے۔

    دوسری جانب اس حوالے سے وکیل نے اپنے مؤقف میں کہا کہ پرائیویٹ گاڑیوں میں بھی قیدیوں کو لایا جارہا ہے، پولیس کے پاس وسائل کی کمی ہے یا کوئی اور وجہ پتہ نہیں،قانون میں ایسا کوئی سیکشن نہیں کہ قیدیوں کو فون پر بات یا سگریٹ نوشی کروائی جائے۔

  • دعا منگی کیس :مرکزی ملزم کو پاکستان سے باہر بھاگنے سے روکنے کی حکمت عملی تیار

    دعا منگی کیس :مرکزی ملزم کو پاکستان سے باہر بھاگنے سے روکنے کی حکمت عملی تیار

    کراچی : پولیس نے دعا منگی کیس کےمرکزی ملزم زوہیب قریشی کو پاکستان سے باہر بھاگنے سے روکنے کی حکمت عملی تیار کرتے ہوئے ملزم کا پاسپورٹ واچ لسٹ میں ڈال دیا۔

    تفصیلات کے مطابق دعا منگی کیس کےمرکزی ملزم زوہیب قریشی کے فرار ہونے کے معاملے پر پولیس چیف کی زیر صدارت گزشتہ شام سی آئی اے میں اہم اجلاس ہوا۔

    جس میں ڈی آئی جی سی آئی اے کریم خان ، ایس ایس پی اے وی سی سی معروف سمیت دیگر حکام بھی شریک ہوئے، اجلاس میں فرار ملزم کی گرفتاری سے متعلق پیش رفت کا جائزہ لیا گیا۔

    پولیس چیف کی زیر صدارت اجلاس میں زوہیب قریشی کو پاکستان سے باہر بھاگنے سے روکنے کی حکمت عملی تیار کرلی گئی اور ملزم کا پاسپورٹ واچ لسٹ میں ڈال دیا گیا ہے۔

    ائیرپورٹ، ریلوے اسٹیشنز سمیت دیگر مقامات پر ملزم کی تفصیل ارسال کردی گئی ہے جبکہ نادرا کو پہلے ہی شناختی کارڈ بلاک کرنے کا لیٹر لکھا جاچکا ہے۔

    پولیس حکام کا کہنا ہے کہ جیل میں زوہیب کے ساتھیوں سے بھی تفتیش کا فیصلہ کیا ہے ، اس سلسلے میں خصوصی ٹیم کراچی سینٹرل جیل کا دورہ کرے گی۔

    حکام نے کہا صرف 2افرادذمہ دار نہیں، دیگر کے خلاف بھی کارروائی ہوگی، جیل پولیس کے ذمہ داروں کے خلاف قانونی کارروائی کی جائے گی۔

  • پولیس دعا منگی کیس کے مفرور مرکزی ملزم ذوہیب قریشی کی گرفتاری میں ناکام

    پولیس دعا منگی کیس کے مفرور مرکزی ملزم ذوہیب قریشی کی گرفتاری میں ناکام

    کراچی : پولیس دعا منگی کیس کے مفرور مرکزی ملزم ذوہیب قریشی کو گرفتار نہ کرسکی تاہم مختلف مقامات پر چھاپوں میں پانچ افراد کو حراست میں لے لیا گیا۔

    تفصیلات کے مطابق دعا منگی کیس میں مرکزی ملزم زوہیب قریشی کے فرار ہونے کے واقعے کے بعد پولیس نے فرار ملزم کی تلاش میں کراچی کے مختلف مقامات پر چھاپے مارے۔

    پولیس ذرائع کا کہنا ہے کہ خصوصی ٹیم نے چھاپوں کے دوران پانچ افراد کو حراست میں لے لیا، زیر حراست افراد کو تفتیش کیلئے نامعلوم مقام پر منتقل کردیا گیا ہے ، مبینہ طور پر پانچوں افراد زوہیب قریشی سے رابطے میں تھے۔

    ذرائع کے مطابق ٹیکنیکل طریقہ کارسے بی کانٹیکٹس کے بارے میں پتہ چلا، زیر حراست افراد سے زوہیب قریشی کی تفیصلات حاصل کی جاری ہیں۔

    حکام نے بتایا کہ ملزم زوہیب جس گاڑی میں فرار ہوا اسکی مکمل تفصیلات اور مختلف مقامات کی سی سی ٹی وی فوٹیج بھی حاصل کرلی گئیں اور سی سی ٹی وی فوٹیجز کی مدد سے روٹ میپ تیار کیا ہے۔

  • پولیس نے دعا منگی کیس میں ملوث ملزم کو فرار کروایا یا وہ خود فرار ہوا؟سوالات کھڑے ہوگئے

    پولیس نے دعا منگی کیس میں ملوث ملزم کو فرار کروایا یا وہ خود فرار ہوا؟سوالات کھڑے ہوگئے

    کراچی : دعا منگی اوربسمہ اغواکیس میں ملوث ملزم کے فرار ہونے کے معاملے نے سی سی ٹی وی اوردیگر معاملات نےسوالیہ نشان لگا دیا ہے، ذوہیب قریشی نے پیشیوں پر پولیس اہلکاروں سے تعلقات بنائے اور پھر فرار ہوا۔

    تفصیلات کے مطابق دعا منگی اوربسمہ اغوا کے ہائی پروفائل کیسز کے مرکزی ملزم زوہیب قریشی ہونے کے معاملے نے پولیس کے کردار پر سوالات کھڑے کر دیے ہیں کہ کورٹ پولیس نےہائی پروفائل ملزم کوفرارکروایایا وہ خود فرار ہوا؟

    سندھ پولیس کی ملزم کو گرفتارکرنےکے لیے دوڑیں ناکام ہے جبکہ بالا پولیس حکام تفتیشی ٹیمیں تشکیل دینے میں مصروف ہے۔

    منصوبہ بندی سے فرارملزم ذوہیب قریشی تاحال پولیس کی پہنچ سے دورہے ، ذوہیب قریشی کومظفرموذی کے ہمراہ گرفتارکیا گیا تھا ، فرار ملزم سندھ کے انتہائی مطلوب ترین ملزم آغا منصور کا ساتھی ہے۔

    آغامنصوراورذوہیب نےاغوابرائےتاوان کےاصل کردار ہیں ، آغامنصورکراچی پولیس کے اسپیشلائزڈیونٹ کا افسرتھا۔

    پولیس حکام کا کہنا ہے کہ ملزم نے پیشیوں پر پولیس اہلکاروں سےتعلقات بنائے، ذوہیب ہمیشہ جیل آتے جاتے اہلکاروں کو پیسے دیتا تھا، مفرورانتہائی مطلوب ملزم نے پہلے مکمل طورپراعتماد حاصل کیا۔

    حکام کے مطابق ملزم نے چند روز قبل فرار ہونے کیلئے پلاننگ مکمل کی، ساتھیوں کوسفیدگاڑی میں پہلے ہی طارق روڈ بلا رکھا تھا، اہلکاروں کی جانب سے غفلت اورلاپرواہی برتی گئی۔

    تاخیرسےاطلاع دینےسےملزم کو مزید فائدہ پہنچا، ملزم ضلع میں چندمنٹ رکا ، پھرفرارہوگیا، ملزم ذوہیب بلوچستان میں روپوشی اختیارکرسکتاہے کیونکہ ملزم قوم پرست تنظیم کیلئے پہلے بھی فنڈنگ کرتا رہا ہے۔

    دعامنگی اور بسمہ کیس میں آغامنصور، کامران کامی اورشکیل مفرورتھے اور اب ذوہیب قریشی بھی مفرورکی لسٹ میں آگیا۔

  • کراچی پولیس کی غفلت ، دعا منگی کیس کا مرکزی ملزم عدالت سےواپسی پرفرار

    کراچی پولیس کی غفلت ، دعا منگی کیس کا مرکزی ملزم عدالت سےواپسی پرفرار

    دعا منگی کیسکراچی : دعا منگی کیس کا مرکزی ملزم ذوہیب قریشی عدالت سےواپسی پرفرارہوگیا، پولیس اہلکار ملزم کو شاپنگ کرانے لے گئے تھے، وہاں سے وہ فرارہوا۔

    تفصیلات کے مطابق کراچی پولیس ہائی پروفائل کیس کے ملزم کی حفاظت نہ کرسکی، دعا منگی کیس کا مرکزی ملزم ذوہیب قریشی عدالت سےواپسی پرفرارہوگیا۔

    ذرائع کا کہنا ہے کہ کورٹ پولیس جیل سے ذوہیب قریشی کو پیشی پر لے کر گئی تھی، ملزم ذوہیب قریشی عدالت سے واپسی پر جیل نہیں پہنچا، جیل واپسی پر جب قیدیوں کی گنتی کی گئی تو معاملہ کھلا۔

    پولیس اہلکار ملزم کو شاپنگ کرانے لے گئے تھے، وہاں سے وہ فرارہوا، واقعے کے بعد دو اہلکاروں کو حراست میں لے لیا گیااور فیروز آباد تھانے میں مقدمہ درج کیا جا رہا ہے۔

    دعامنگی کو تیس نومبر دو ہزار انیس کو ڈیفنس سے اغوا کیا گیا تھا اور دعا منگی کی رہائی تاوان کی ادائی کے بعد عمل میں آئی تھی۔

    ملزمان کو کراچی پولیس کی خصوصی ٹیم نے اٹھارہ مارچ کو گرفتار کیا جبکہ ان ہی ملزمان نے ڈیفنس سے تاوان کیلئے لڑکی بسمہ سلیم کو بھی اغوا کیا تھا، دونوں مقدمات انسداد دہشت گردی کی عدالت میں زیر سماعت ہیں۔

  • دعا منگی کیس کے زخمی کے جسم سے گولی 12 روز بعد نکالی گئی

    دعا منگی کیس کے زخمی کے جسم سے گولی 12 روز بعد نکالی گئی

    کراچی: کلفٹن سے اغوا ہونے والی دعا منگی کے کیس میں اغواکاروں کی گولی سے زخمی ہونے والے شخص کے جسم سے گولی 12 روز بعد نکال لی گئی۔

    تفصیلات کے مطابق نوجوان حارث کلفٹن میں دعا منگی کے اغوا کے وقت گولی لگنے سے زخمی ہو گیا تھا، 12 روز بعد حارث کا آپریشن کر کے اس کے جسم سے گولی نکال لی گئی۔

    حارث کے والد کا کہنا ہے کہ حارث کا ایک گھنٹے تک آپریشن کیا گیا، ڈاکٹرز نے حارث کے جسم سے نکال تو لی ہے لیکن افسوس ناک خبر بھی سنائی ہے کہ حارث کا نچلا حصہ متاثر ہونے کا خدشہ ہے۔

    یہ بھی پڑھیں:  دعا منگی نے واقعے کی تفصیلات پولیس کو بتادیں

    حارث کے والد نے کہا کہ میرا بیٹا اب زندگی بھر اپنے پیروں پر کھڑا نہیں ہو سکے گا۔ انھوں نے عوام سے حارث کی صحت یابی کے لیے دعاؤں کی اپیل بھی کی۔ ادھر اسپتال انتظامیہ کا کہنا ہے کہ حارث کے جسم سے گولی نکال لی گئی ہے، جب انھیں لیٹر ملے گا تو یہ گولی پولیس کے حوالے کی جائے گی۔

    خیال رہے کہ دعا منگی کو 30 نومبر کو کراچی کے علاقے ڈیفنس خیابان بخاری سے نامعلوم افراد نے اغوا کیا تھا جب کہ اس کے ساتھ موجود دوست حارث کو گولی مار کر زخمی کر دیا تھا، چند روز بعد دعا منگی اچانک گھر واپس پہنچ گئی، جس کے بعد معلوم ہوا کہ انھیں تاوان کی ادائیگی کے بعد چھوڑا گیا تھا۔

    تین دن قبل دعا منگی نے پولیس ٹیم کو ابتدائی بیان بھی ریکارڈ کرا دیا ہے، دعا منگی کے مطابق انھوں نے کسی اغوا کار کا چہرہ نہیں دیکھا۔

  • دعا منگی کیس: تفتیشی اداروں نے 2 مشتبہ افراد کو حراست میں لے لیا

    دعا منگی کیس: تفتیشی اداروں نے 2 مشتبہ افراد کو حراست میں لے لیا

    کراچی: دعا منگی اغوا کیس میں اہم پیش رفت سامنے آ گئی ہے، تفتیشی اداروں نے 2 مشتبہ افراد کو حراست میں لے لیا۔

    ذرایع کا کہنا ہے کہ شہر کے مختلف علاقوں سے دو مشتبہ افراد کو تفتیشی اداروں نے حراست میں لیا ہے، جنھیں تفتیش کے لیے نامعلوم مقام پر منتقل کر دیا گیا ہے۔

    اغوا کاروں کا پولیس پر حملے کا بھی انکشاف ہوا ہے، ہائی ٹیک اغوا کاروں نے تین دن پہلے تھانہ عزیز بھٹی کی حدود میں پولیس اہل کاروں پر فائرنگ کی تھی، پولیس ذرایع کا کہنا ہے کہ عزیز بھٹی واقعے اور ڈیفنس میں حارث پر حملے میں ایک ہی پستول استعمال ہوا۔

    تاوان کی وصولی کے لیے دعا منگی کو اغوا کرنے کے کیس میں یہ ایک نیا موڑ ہے، عزیز بھٹی اور ڈیفنس میں استعمال ہونے والی گولیوں کے خول میچ کر گئے ہیں، اور اب دو مشتبہ افراد بھی حراست میں لے لیے گئے ہیں، تاہم اغوا کے بعد دعا منگی کو کہاں رکھا گیا، تاوان کے لیے کتنی رقم ادا کی گئی، یہ سوال ابھی تک جواب طلب ہیں۔

    یہ بھی پڑھیں:  دعا منگی کی بازیابی میں پولیس کی مکمل ناکامی سامنے آ گئی

    ذرایع کے مطابق تاوان کی رقم ساؤتھ زون میں مسجد کے قریب ادا کی گئی تھی، اہل خانہ نے پولیس سمیت کسی ادارے کو اعتماد میں نہیں لیا۔

    خیال رہے کہ دعا منگی کو 30 نومبر کو کراچی کے علاقے ڈیفنس خیابان بخاری سے نامعلوم اغوا کاروں نے اٹھایا تھا، جب کہ اس کے ساتھ موجود دوست حارث کو گولی مار کر زخمی کر دیا تھا۔