کراچی: شہر قائد کے علاقے ملیر میں ایم کیو ایم کے غیر قانونی طور پر تعمیر کیا گیا یونٹ آفس گرادیا گیا ہے، جس کے بعد گرائے جانے والے دفاتر کی تعداد ایک سو انتالیس ہوگئی ہے۔
ملیر سٹی کے علاقے میں چٹائی گراؤنڈ میں قائم ایم کیوایم کا غیرقانونی دفتر گرا دیا گیا ہے، گرایا جانے والا دفتر غیرقانونی طور پر قائم کیا گیا تھا، گرائے جانے والے دفاتر میں ایم کیوایم کے یونٹ اور سیکٹر آفس شامل ہیں۔
شہر میں اب تک ایم کیوایم کے ایک سو انتالیس غیرقانونی قائم دفاتر گرائے جا چکے ہیں، بائیس اگست کو پاکستان مخالف نعروں کے بعد ایم کیو ایم کے دوسو اٹھارہ دفاتر کو سیل کیا گیا تھا۔
ذرائع کے مطابق مختلف علاقوں میں ایم کیو ایم کے ایک سو اٹھتر یونٹ آفسز اور بائیس سیکٹر آفسزاسکولز، پارکس، کھیل کے میدانوں، واٹربورڈ اور ریلوے کی زمینوں پرقائم ہیں جنہیں بتدریج گرایا جائے گا۔