ARYNews.tv | Urdu – Har Lamha Bakhabar

Tag: دفترخارجہ ترجمان

  • سعودی عرب میں پھنسے مزید سیکڑوں پاکستانی مشکلات کا شکار

    سعودی عرب میں پھنسے مزید سیکڑوں پاکستانی مشکلات کا شکار

    اسلام آباد : سعودی عرب کے شہر دمام میں ایک اور سعودی کمپنی میں کام کرنے والے مزید سیکڑوں پاکستانی مشکلات کا شکار ہیں متاثرہ پاکستانی کئی ماہ سے بغیر تنخواہ اور واجبات کی زندگی گزار رہے ہیں۔

    اطلاعات کے مطابق دمام میں ایک سعودی کمپنی کے دیوالیہ ہونے ہونے کے باعث سینکڑوں پاکستانی مشکلات ہیں ،کمپنی میں کام کرنے والے ملازمین کو چھ ماہ سے تنخواہ نہیں دی گئی اور نہ ہی انہیں وطن واپس آنے کے لئے پاسپورٹ فراہم کیا جا رہا ہے ۔

    متاثرین کا احتجاج کرتے ہوئے کہنا تھا کہ ہم قیدیوں کی طرح زندگی گزار رہے ہیں ہمیں کھانے کے لئے صرف دال چاول دیا جارہا ہے، ہمارے وا جبات کے حصول کیلئے سفارتخانہ ہماری مدد کرے۔

    سی ای اواے آروائی سلمان اقبال کا سعودی عرب میں پھنسے پاکستانیوں کے لیےاہم اعلان

    دوسری جانب گزشتہ روز سعودی ایئرلائن کی 2 پروازیں سینکڑوں مزدوروں کولے کر پاکستان پہنچ گئیں، پہلی فلائٹ صبح 5 بجے جبکہ دوسری فلائٹ دن2 بجے بینظیرانٹرنیشنل ایئرپورٹ اسلام آباد پہنچی۔

    وزارت سمندر پار پاکستانیز کے ترجمان نے2 فلائٹس کے آنے کی تصدیق کرتے ہوئے کہا کہ مزدوروں کی واپسی کا سلسلہ آئندہ چند روز تک جاری رہے گا۔

    وزیراعظم کا سعودی عرب میں پھنسے پاکستانیوں کے لیے امداد کا اعلان

    متاثرہ پاکستانیوں کے استقبال کیلیے عزیزو اقارب کی بڑی تعداد ایئر پورٹ پر موجود تھی جواپنے پیاروں سے لپٹ کرروتے رہے، اس دوران رقت انگیز مناظر دیکھنے میں آئے۔

  • سعودی عرب کی جیلوں میں پاکستانی خواتین بھی قید، رہائی کی منتظر

    سعودی عرب کی جیلوں میں پاکستانی خواتین بھی قید، رہائی کی منتظر

    کراچی: سعودی عرب کی جیلوں میں قید سیکڑوں پاکستانی مردوں کے ساتھ ساتھ 10 خواتین بھی قید ہیں جو سزا پوری ہونے کے باوجود رہائی کے لیے تاحال پاکستان حکومت کے نظر کرم کی منتظر ہیں۔

    تفصیلات کے مطابق سعودی عرب کی جیل میں قید سیکڑوں پاکستانی باشندوں کی رہائی کا معاملہ ابھی سلجھا نہیں کہ ایک اور خبر سامنے آگئی، سیکڑوں محصور پاکستانی میں 10 خواتین بھی پاکستان حکومت کے نظر کرم کی طلب گار ہیں، خواتین نے حکومت پاکستان سے مطالبہ کیا ہے کہ ان کی مدد کی جائے۔

    سعودی عرب میں محصور خواتین قیدی کا کہنا ہے کہ سزا پوری ہونے کے باوجود انہیں رہائی نہیں مل رہی۔ سعودی حکام نے خواتین قیدی کو سزا کے ساتھ جرمانہ اور کوڑوں کی سزا دی تھی۔

    جیل میں بوڑھی خواتین، ماں اور بچے بھی رہائی کے منتظر ہیں۔ خواتین قیدیوں کا کہنا ہے کہ ’’ہمارے بچوں کے صدقے ہمیں رہائی دی  جائے ان معصوم بچوں کی عمر پڑھنے کی ہے جیل میں رہنے کی نہیں‘‘۔

    ویڈیو میں ایک معصوم بچے کو بھی دیکھا جاسکتا ہے جو کہتا ہے کہ’’مجھے گھر جانا ہے میں نے اسکول جانا ہے‘‘۔

    خاتون قیدی کا کہنا ہے کہ ان کے ساتھ دھوکا ہوا ہے، سب لوگ قصور وار نہیں ہیں جنہیں  6 ماہ کی سزا دی گئی تھی انہیں چار چار سال ہوگئے، بیس بیس ہزار ریال سزا دیتے ہیں اور لاکھ ریال کا مطالبہ کرتے ہیں، ہزار ہزار کوڑے بڑھا دیتے ہیں۔

    تابان جیل میں قید ایک اور پاکستانی خاتون قیدی کا کہنا تھا کہ 2 سال کی سزا دی تھی مجھے ایک سال اوپر ہوگیا،خواتین بیمار ہیں، چل نہیں سکتیں کوئی پوچھنے والا نہیں۔

  • سی ای اواے آروائی سلمان اقبال کا سعودی عرب میں پھنسے پاکستانیوں کے لیےاہم اعلان

    سی ای اواے آروائی سلمان اقبال کا سعودی عرب میں پھنسے پاکستانیوں کے لیےاہم اعلان

    کراچی : سی ای او اور صدر اے آر وائی ڈیجیٹل نیٹ ورک سلمان اقبال نے سعودی عرب میں پھنسے پاکستانیوں کو واپس لانے کے اخراجات برداشت کرنے کا اعلان کردیا۔

    تفصیلات کے مطابق سی ای او اور صدر اے آر وائی ڈیجیٹل نیٹ ورک سلمان اقبال نے سماجی کارکن انصار برنی کو مخالطب کرتے ہوئے کہا کہ سعودی عرب میں پھنسے پاکستانیوں کی واپسی کا بندوبست کریں جتنا خرچ آئے گا ادا کریں گے۔

    سلمان اقبال کی کاوش، شاہین ائیرلائن نے بھی خدمات پیش کردیں

    انصار برنی نے صدر اور سی ای او اے آر وائی ڈیجیٹل نیٹ ورک کے جذبے کوسراہتے ہوئے کہا کہ سلمان اقبال محب وطن اور سچے پاکستانی ہیں۔

    سماجی کارکن انصار برنی نے کہا ہے کہ صدر اور سی ای او اے آر وائی ڈیجیٹل نیٹ ورک سلمان اقبال کے ساتھ مل کر سعودی عرب میں پھنسے پاکستانیوں کو واپس لائیں گے۔

    سعودی عرب میں پھنسے پاکستانیوں کا کہنا ہے کہ سفارت خانے کا عملہ 200 سے500 ریال مانگتا ہے او یہاں پھنسے پاکستانیوں کو خراب کھانا دیا جاتا ہے۔

    متاثرین کا کہنا ہے کہ وہ پچھلےایک ماہ سے جیل میں ہیں اور حکومتی سطح پر ان کی کوئی سنوائی نہیں ہورہی۔

    دفترخارجہ کے ترجمان نفیس زکریا کا اے آروائی نیوز سے بات کرتے ہوئے کہناتھا کہ سفارت خانے کے لوگ سعودی حکومت سے رابطے میں ہیں۔

    سعودی عرب میں پھنسے پاکستانی محنت کشوں کی دعائیں رنگ لے آئیں

    یاد رہے کہ گزشتہ ماہ سعودی عرب کے مختلف علاقوں میں پھنسے سیکڑوں پاکستانیوں کا احتجاج رنگ لایا تھا۔ پاکستانی سفیرنے سعودی حکام سے ملاقات کرکے پاکستانیوں کا معاملہ اٹھایا تھا۔

    سعودی عرب کی جیلوں میں قید ہزاروں پاکستانیوں کو واپس لایا جائے گا، دفتر خارجہ

    واضح رہے کہ چند ماہ قبل اےآر وائی نیوز نے سعودی عرب میں پھنسے پاکستانیوں کا معاملہ اٹھایا تھا جس پر وزیراعظم نوازشریف نے نوٹس لیتے ہوئے فوری اقدامات کرنے کی ہدایت جاری کی تھی۔

    سعودی عرب کے حراستی مرکز میں ہزاروں پاکستانی محصور

    سعودی عرب میں موجود پاکستانی سفیر نے کہا ہے کہ پاکستانیوں کی مدد کے لیے موجود ہیں تاہم انہیں کسی قسم کے مسائل درپیش نہیں۔

    سعودیہ میں محصور پاکستانیوں کو کوئی مسئلہ درپیش نہیں، پاکستانی سفیر