اسلام آباد : دفترخارجہ کی ترجمان کا کہنا ہے کہ افغان طالبان کی ذمہ داری ہے کہ پاکستان پر حملے کے مرتکب عناصر کیخلاف کارروائی کرے۔
تفصیلات کے مطابق دفترخارجہ کی ترجمان ممتاز زہرا بلوچ نے ہفتہ وار میڈیا بریفنگ دیتے ہوئے روز دیا کہ افغان طالبان کی ذمہ داری ہے کہ پاکستان پر حملے کے مرتکب عناصر کیخلاف کارروائی کرے اور افغان سرزمین کسی صورت پاکستان کیخلاف استعمال نہ ہو۔
ترجمان کا کہنا تھا کہ افغان طالبان دوطرفہ،سہ فریقی اور بین الاقوامی سطح پر وعدوں پر عملدرآمد کرے۔
بھارتی اسکولوں میں پیش آنے والے واقعات کے حوالے سے ممتاز زہرا بلوچ نے کہا کہ بھارتی اسکول میں استادنےہندوبچوں کومسلمان بچےکےچہرےپرتھپڑ مارنےکیلئے اکسایا، ہندوستان میں اقلیتوں خصوصاًمسلمانوں کیخلاف نفرت کو ہر سطح پر ہوا دی جا رہی ہے۔
ان کا مزید کہنا تھا کہ بھارت سمیت دنیا میں مسلمانوں کیخلاف اسلاموفوبیا بڑھنے پر تشویشناک صورتحال ہے، بھارت کی پاکستان میں دہشتگردی کی پشت پناہی پر شدید تشویش ہے۔
ترجمان نے جڑانوالہ واقعے کی شدید مذمت کرتے ہوئے کہا پاکستان کی سیاست اورثقافتی میں ایسے واقعات کی کوئی گنجائش نہیں، جڑانوالہ واقعہ میں ملوث عناصر کو جلد کیفرکردار تک پہنچایا جائے گا۔
