ARYNews.tv | Urdu – Har Lamha Bakhabar

Tag: دفترخارجہ

  • جوہری پروگرام پر تنقید کرنے پر ایران کا احتجاج، فرانسیسی سفیر دفترخارجہ طلب

    جوہری پروگرام پر تنقید کرنے پر ایران کا احتجاج، فرانسیسی سفیر دفترخارجہ طلب

    تہران : ایران نے واشنگٹن میں تعینات فرانسیسی سفیر کی جانب سے تہران کے متنازع جوہری پروگرام پر بات کرنے پر پیرس کے خلاف شدید احتجاج کیا ہے۔

    تفصیلات کے مطابق امریکا میں متعین فرانسیسی سفیر جیراڈ اراوڈ کا مائیکرو بلاگنگ ویب سائیٹ ٹویٹر پر ایک بیان میں کہنا تھا کہ ایران کو اپنے جوہری پروگرام کے پُر امن ہونے کی یقین دہانی کرانا ہوگی اور اسے سنہ 2025 کو جوہری معاہدہ ختم ہونے کے بعد بھی اپنا جوہری پروگرام پرامن رکھنا ہوگا۔

    غیر ملکی خبر رساں ادارے کا کہنا تھا کہ فرانسیسی سفیر کے اس بیان پر ایران نے فرانس کے خلاف سخت غم وغصے کا اظہار کیا اور وزارت خارجہ نے تہران میں تعینات فرانسیسی سفیر کو دفتر خارجہ طلب کرکے احتجاج بھی کیا۔

    امریکا میں تعینات فرانسیسی سفیر نے مزید کہا تھا کہ یہ کہنا غلط ہے کہ ایران کو سنہ 2025 کے بعد جوہری اسلحہ کی تیاری کا حق مل جائے گا اور وہ آزادانہ یورنیم افزودہ کر سکے گا۔

    جیراڈ اراوڈ نے مزید کہا کہ جوہری معاہدے اور اس کے اضافی پروٹوکول کے مطابق ایران کو اپنی تمام جوہری سرگرمیوں کی مسلسل معائنہ کاری کی اجازت دینا ہوگی۔

    فرانسیسی سفیر نے روس پر ایران کے بو شہر جوہری پلانٹ میں یورینیم افزودہ کرنے میں مدد فراہم کرنے کا الزام بھی عاید کیا۔

    ان کا کہنا تھا کہ ایران کو عالمی طاقتوں سے طے پائے سمجھوتے کی مدت ختم ہونے کے بعد بھی اپنا جوہری پروگرام پرامن رکھنے کے اصول کی پابندی کرنا ہوگی۔

    جیراڈ کے اس بیان پر ایرانی وزارت خارجہ نے تہران میں متعین سفیر فیلپ ٹیپو کو طلب کرکے فرانس کے امریکا میں متعین سفیر کے بیان پر شدید احتجاج کیا۔

    ایرانی وزارت خارجہ کے عہدیدار حسین سادات میدانی کا کہنا تھا کہ واشنگٹن میں فرانسیسی سفیر کے ایران کے جوہری پروگرام کے متعلق ریمارکس ناقابل قبول ہیں۔

    حسین سادات کا کہنا تھا کہ فرانس کو اپنے سفیر کے بیان کی وضاحت کرنا ہو گی۔

    واضح رہے کہ امریکی صدر ڈونلڈ ٹرمپ نے ایران سے جوہری معاہدہ ختم کرنے کے بعد اس ملک پر ماضی میں لگائی جانے والی اقتصادی پابندیاں دوبارہ بحال کردی تھی۔

  • دفترخارجہ نے کرتارپور راہداری پر پاک بھارت مذاکرات کی منسوخی کی تصدیق کردی

    دفترخارجہ نے کرتارپور راہداری پر پاک بھارت مذاکرات کی منسوخی کی تصدیق کردی

    اسلام آباد : پاکستانی دفترخارجہ نے کرتارپور راہداری پر پاک بھارت وفود کی سطح پر ملاقات منسوخی کی تصدیق کرتے ہوئے کہا آخری وقت پر بھارت کا ہمارامؤقف جانےبغیر مذاکرات ملتوی کرنا سمجھ سے بالاہے۔

    تفصیلات کے مطابق دفترخارجہ کے ترجمان ڈاکٹر فیصل نے سماجی رابطے کی وہب سائٹ ٹوئٹر پر کرتارپور راہداری پر پاک بھارت وفود کی سطح پر ملاقات منسوخی کی تصدیق کرتے ہوئے کرتارپورمیٹنگ ملتوی کرناافسوسناک قرار دیا اور کہا مذاکرات سے پیچھے ہٹنے کے بھارتی رویے کے باعث مذاکرات منسوخ ہوئے، بھارت نے 14 مارچ کو کرتار پور کے حوالے سے ان مذاکرات پر اتفاق کیا تھا، مذاکرات کامقصد مسائل کوزیر بحث لانا اور حل تلاش کرنا تھا۔

    ڈاکٹر فیصل کا مزید کہنا تھا کہ دونوں ملکوں کی 19مارچ کو تکینکی ماہرین کی ملاقات بہت مثبت تھی، آخری وقت پر بھارت کا ہمارامؤقف جانےبغیر مذاکرات ملتوی کرنا سمجھ سے بالاہے۔

    یاد رہے بھارت نے کرتار پور راہدری پر دو اپریل کو واہگہ پر ہونے والے مذاکرات ملتوی کردیئے، بھارتی وزارت خارجہ نے عجیب منطق پیش کرتے ہوئے کہا مذاکرات سے پہلے پاکستان راہداری سے متعلق تجاویز پر وضاحت دے، جواب آنے کے بعد مذاکرات کے اگلے دور کی تاریخ کا اعلان کریں گے۔

    مزید پڑھیں : بھارت نے واہگہ میں کرتار پور راہدری کیلئے مذاکرات سے راہ فرار اختیار کرلی

    بھارتی وزرات خارجہ نے کرتار پور سے متعلق کمیٹی کی تشکیل پر بھی اعتراض اٹھادیا اور مذاکرات سے پہلے ماہرین کی کمیٹی کا ایک اور اجلاس بلانے کا مطالبہ بھی کیا۔

    خیال رہے 19 مارچ کوکرتار پور راہداری منصوبے پر پاک بھارت ٹیکنیکل ماہرین کی ملاقات زیرو لائن پر ہوئی تھی ، جس میں پاکستان اوربھارت نے کرتار پور راہداری پردونوں جانب باڑ لگانے پر اتفاق کرلیا تھا۔

    اس سے قبل 14 مارچ کو ترجمان دفتر خارجہ ڈاکٹر محمد فیصل کی قیادت میں ایک وفد اٹاری گیا تھا، جہاں بھارتی حکام سے کرتار پور راہداری منصوبے پر مذاکرات کئے گئے تھے، بھارت نے اٹاری میں اجلاس کی کوریج کے لیے پاکستانی صحافیوں کوویزےنہیں دیےتھے۔

    وطن واپسی پر ترجمان دفترخارجہ کا کہنا تھا پاک بھارت وفود میں دوسری ملاقات 2 اپریل کو پاکستان میں ہوگی، بہت اچھی میٹنگ ہوئی، ہم آگے بڑھ چکے ہیں، 19 مارچ کو کرتارپور راہداری پر زیرو پوائنٹ پر ایک اور اجلاس ہوگا، 2 اپریل کو اجلاس پاکستان میں ہوگا، جس میں میڈیا کو مدعو کریں گے۔

    ڈاکٹرفیصل کا کہنا تھا کہ کوئی ویزہ شرائط نہیں، کرتاپورراہداری ویزافری ہے ، کچھ تفصیلات سےابھی آگاہ نہیں کرسکتا۔

    پاکستان گوردوارہ صاحب سے سرحد تک اپنی حدود میں کرتارپور کوریڈور فیز ون میں ساڑھے 4 کلو میٹر سڑک تعمیر کرے گا، اسی طرح بھارت بھی اپنی حدود میں سرحد تک راہداری بنائے گا۔

  • پاکستان پلواما حملے سے متعلق بھارتی الزامات کو منطقی انجام تک پہنچانا چاہتا ہے

    پاکستان پلواما حملے سے متعلق بھارتی الزامات کو منطقی انجام تک پہنچانا چاہتا ہے

    اسلام آباد: حکومت پاکستان کی جانب سے پلواما حملے کی تحقیقات سے متعلق ابتدائی رپورٹ پر غیرملکی سفارت کاروں کو بریفنگ دی گئی۔

    تفصیلات کے مطابق وفاقی دارالحکومت اسلام آباد میں دفترخارجہ میں پلواما حملے کی تحقیقات سے متعلق غیرملکی سفارت کاروں کو بریفنگ دی گئی۔

    دفترخارجہ میں بریفنگ کے دوران اٹارنی جنرل، سیکرٹری خارجہ، سیکرٹری داخلہ، ڈی جی ایف آئی اے سمیت غیرملکی سفارت بھی موجود تھے۔

    بریفنگ کے دوران غیرملکی سفارت کاروں کو بتایا گیا کہ بھارت کی جانب سے 27 فروری کو پلواما حملے سے متعلق شواہد دیے گئے۔

    بھارت کی جانب سے ملنے والی دستاویزات کے بعد پاکستان نے تحقیقاتی ٹیم تشکیل دی اورکئی افراد کو حراست میں لیا۔

    بریفنگ میں بتایا گیا کہ پاکستان نے پلواما حملے سے متعلق تکنیکی معاملات کو دیکھا اور سوشل میڈیا پر معلومات کا جائزہ بھی لیا، تحقیقات کے درمیان معاملے کے تمام پہلوؤں کو مدنظر رکھا گیا۔

    دفترخارجہ کی جانب سے بریفنگ میں بتایا گیا کہ عادل ڈار کے اعترافی ویڈیو بیان کا بھی جائزہ لیا گیا ، مزید تحقیقات کے لیے بھارت سے مزید معلومات اور دستاویزات درکار ہیں۔

    بریفنگ میں بتایا گیا کہ پاکستان پلواما حملے سے متعلق بھارتی الزامات کو منطقی انجام تک پہنچانا چاہتا ہے۔

    غیرملکی سفارت کاروں کو دی گئی بریفنگ میں بتایا گیا کہ واٹس ایپ، کالعدم تنظیموں کے کیمپس کی تحقیقات کی گئیں، واٹس ایپ میسج کے حوالے سے امریکی حکومت سے رابطہ کیا گیا۔

    دفترخارجہ کی جانب سے بریفنگ میں بتایا گیا کہ 54 افراد کوحراست میں لے کرتحقیقات کی گئیں، تحقیقات میں ان کا پلواما حملے سے تعلق ثابت نہیں ہوسکا۔

    بریفنگ میں بتایا گیا کہ بھارت نے جن 22 مقامات کی نشاندہی کی ان کا بھی معائنہ کیا گیا، ان 22 مقامات پرکسی کیمپ کا کوئی وجود نہیں ہے۔

    غیرملکی سفارت کاروں کو بریفنگ کے دوران بتایا گیا کہ پاکستان درخواست پران مقامات کا دورہ بھی کرا سکتا ہے۔

    وزیراعظم کی بھارت کو پلواماحملے کی تحقیقات کی پیش کش

    یاد رہے کہ گزشتہ ماہ 19 فروری کو وزیراعظم عمران خان نے بھارت کو پیشکش کی تھی کہ بھارت کے پاس پلواما حملے کے ثبوت ہے تو پیش کرے کارروائی کریں گے اور واضح کیا تھا بھارت نے پاکستان پرحملہ کیا توجواب دینے کا سوچیں گے نہیں بلکہ جواب دیں گے۔

  • کرائسٹ چرچ حملے میں شہید ہونے والے پاکستانیوں کی تعداد 9 ہوگئی

    کرائسٹ چرچ حملے میں شہید ہونے والے پاکستانیوں کی تعداد 9 ہوگئی

    اسلام آباد: نیوزی لینڈ کے شہرکرائسٹ چرچ میں مساجد میں ہونے والے حملوں میں شہید ہونے والے پاکستانیوں کی تعداد9 ہوگئی۔

    تفصیلات کے مطابق ترجمان دفترخارجہ نے سماجی رابطے کی ویب سائٹ ٹویٹر پر نیوزی لینڈ میں مساجد پرہونے والے حملوں میں 3 مزید پاکستانیوں کی شہادت کی تصدیق کردی۔

    ترجمان دفتر خارجہ ڈاکٹر محمد فیصل نے بتایا کہ شہدا میں ذیشان رضا، ان کے والد غلام حسین اوروالدہ کمربی بی شامل ہیں۔

    انہوں نے بتایا کہ اب تک شہید ہونے والے پاکستانیوں کی تعداد 9 ہوگئی، ابھی ایک پاکستانی تشویش ناک حالت میں آئی سی یومیں ہے۔

    یاد رہے کہ گزشتہ روز ڈپٹی ہائی کمشنر معظم شاہ نے اے آروائی نیوز سے خصوصی گفتگو کرتے ہوئے کرائسٹ چرچ حملے میں چھ پاکستانیوں کی شہادت کی تصدیق کی تھی۔

    نیوزی لینڈ کی 2 مساجد میں فائرنگ‘ 49 افراد جاں بحق

    واضح رہے کہ دو روز قبل نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔

    مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے اور وہ آسٹریلوی شہری ہے جس کی تصدیق آسٹریلوی حکومت نے کردی۔

  • نیوزی لینڈ حملے میں زخمی ایک اور پاکستانی کی شناخت ہوگئی

    نیوزی لینڈ حملے میں زخمی ایک اور پاکستانی کی شناخت ہوگئی

    اسلام آباد: نیوزی لینڈ کے شہرکرائسٹ چرچ میں مساجد میں ہونے والے حملوں میں زخمی ہونے والے ایک اور پاکستانی کی شناخت محمد امین ناصر کے نام سے ہوگئی۔

    تفصیلات کے مطابق ترجمان دفترخارجہ نے سماجی رابطے کی ویب سائٹ ٹویٹر پر بتایا کہ نیوزی لینڈ میں مساجد پرہونے والے حملوں میں زخمی ہونے والے ایک اور پاکستانی کی شناخت ہوگئی۔

    ڈاکٹرمحمد فیصل نے بتایا کہ زخمی محمد امین ناصر کا تعلق صوبہ پنجاب کے شہرحافظ آباد سے ہے، محمد امین ناصر آئی سی یو میں تشویش ناک حالت میں ہے۔


    پاکستان میں موجود محمد امین کے اہل خانہ کے مطابق وہ اپنے بیٹے کے ہمراہ جمعہ کی نماز ادا کرنے مسجد گئے تھے۔

    ترجمان ڈاکٹر محمد فیصل نے کہا کہ حملوں کے بعد سے 9 پاکستانی لاپتہ ہیں جن کی تلاش کے لیے پاکستانی ہائی کمیشن کام کررہا ہے۔

    نیوزی لینڈ کی 2 مساجد میں فائرنگ‘ 49 افراد جاں بحق

    یاد رہے کہ گزشتہ روز نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔

    مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے اور وہ آسٹریلوی شہری ہے جس کی تصدیق آسٹریلوی حکومت نے کردی۔

  • افغانستان میں 8 پاکستانیوں کا بہیمانہ قتل‘ دفترخارجہ کی شدیدمذمت

    افغانستان میں 8 پاکستانیوں کا بہیمانہ قتل‘ دفترخارجہ کی شدیدمذمت

    اسلام آباد: پاکستان نے افغان صوبے پکتیکا میں 8 بے گناہ پاکستانی قبائلیوں کے قتل کی شدید مذمت کی ہے۔

    تفصیلات کے مطابق ترجمان دفتر خارجہ ڈاکٹرمحمد فیصل نے سماجی رابطے کی ویب سائٹ ٹویٹر پر افغانستان کے صوبے صوبے پکتیکا میں 8 بے گناہ پاکستانی قبائلیوں کے قتل کی شدید الفاظ میں مذمت کی ہے۔

    ترجمان دفترخارجہ نے مزید کہا کہ افغان صوبے پکتیکا میں 8 پاکستانیوں کو افغان سیکیورٹی فورسز نے مارا ہے۔

    یاد رہے کہ پشاور پولیس کے ایس پی طاہر خان داوڑ کو گزشتہ سال 26 اکتوبر کو اسلام آباد کے علاقے جی-10 سیکٹر سے اغوا کیا گیا تھا اور 13 نومبر کو ان کی لاش افغانستان کے صوبے ننگرہار سے ملی تھی۔

    پشاور پولیس کے ایس پی کی تشدد زدہ نعش افغانستان سے برآمد

    افغان حکام نے 15 نومبر کو طاہر خان داوڑ کی لاش طورخم سرحد پر پاکستانی وفد کے حوالے کی تھی جس میں وزیرمملکت شہریار آفریدی اور خیبرپختونخواہ کے وزیراطلاعات شوکت یوسفزئی شامل تھے۔

    دفترخارجہ نے شہید ایس پی طاہر خان داوڑ کی میت کی حوالگی میں بلاجواز تاخیر پرتشویش کا اظہار کیا تھا۔

  • امریکی سفیر برائے مذہبی آزادی سیم براؤن بیک کا دفترخارجہ کا دورہ

    امریکی سفیر برائے مذہبی آزادی سیم براؤن بیک کا دفترخارجہ کا دورہ

    اسلام آباد : امریکا کے سفیر برائے مذہبی آزادی سیم براؤن بیک نے سیکریٹری خارجہ تہمینہ جنجوعہ سے ملاقات کی، امریکی سفیر کو قائد کے وژن پرمبنی حکومتی پالیسیوں پر بریفنگ دی گئی۔

    تفصیلات کے مطابقامریکا کے سفیر برائے مذہبی آزادی سیم براؤن بیک نے دفترخارجہ کا دورہ کیا، اس حوالے سے ترجمان دفتر خارجہ کا کہنا ہے کہ سیم براؤن بیک نے سیکریٹری خارجہ تہمینہ جنجوعہ سے ملاقات کی.۔

    اس موقع پر امریکی سفیر کو قائد کے وژن پر مبنی حکومتی پالیسیوں پر بریفنگ دی گئی، امریکی سفیر کو کرتار پور سمیت دیگر مذہبی مقامات سے متعلق آگاہ کیا گیا۔

    بریفنگ میں مزید بتایا گیا کہ پاکستان میں ہر شہری کو مکمل مذہبی آزادی اور معاشرتی بھائی چارہ ہے۔ پاکستان میں ہندوؤں کو مذہبی مقامات پر خوش آمدید کہا جاتا ہے، پاکستان میں کارڈینل کی موجودگی پر فخر ہے۔

    مزید پڑھیں: امریکا کا پاکستان کی جانب سےکرتارپور سرحد کھولنے کا خیرمقدم

    واضح رہے کہ امریکہ نے پاکستان کی جانب سے کرتارپور سرحد کھولنے کا خیرمقدم کرتے ہوئے کہا تھا کہ پاکستان بھارت کے بہتر تعلقات خطے کے لئے ضروری ہیں۔

    پاکستان کی جانب سے کرتار پور سرحد کھولنے پر امریکی محکمہ خارجہ کا رد عمل کا اظہار کرتے ہوئے کہنا تھا کہ پاک بھارت عوام کے رابطے بڑھانے کا خیرمقدم کرتے ہیں۔

     

  • بھارت الیکشن اپنےملک میں لڑے، پاکستان کوالیکشن میں نہ گھسیٹے، ترجمان دفترخارجہ

    بھارت الیکشن اپنےملک میں لڑے، پاکستان کوالیکشن میں نہ گھسیٹے، ترجمان دفترخارجہ

    اسلام آباد : پاکستانی دفترخارجہ نے واضح کہا کہ بھارت الیکشن اپنے ملک میں لڑے ، پاکستان کوالیکشن میں نہ گھسیٹے،  پاک افغان تعلقات سے متعلق ہمیں کسی کی تعریف کی ضرورت نہیں۔

    تفصیلات کے مطابق دفترخارجہ کے ترجمان ڈاکٹر فیصل نے میڈیا بریفنگ دیتے ہوئے کہا پاکستانی ہائی کمشنرکوبھارت میں گزشتہ رات طلب کیاگیا، میرواعظ عمرفاروق سے وزیرخارجہ کی فون پرگفتگو پر اعتراض کیاگیا، پاکستان بھارت کی جانب سےاعتراضات کومسترد کرتا ہے۔

    ترجمان نے کہا پاکستانی ہائی کمشنر کو بلوانے پر آج بھارتی ہائی کمشنر کو دفترخارجہ طلب کیا، بھارتی ہائی کمشنر کوُ طلب کرنے کا کرتار پور سے کوئی تعلق نہیں، کرتارپور پر ہم پہلے ہی فوکل پرسن مقرر کرچکے ہیں۔

    ترجمان دفترخارجہ کا کہنا تھا کہ مقبوضہ کشمیر ایک متنازعہ علاقہ ہے، پانی کے معاملے پر بھارت خلاف ورزی کررہا ہے معاملہ اٹھایاہے، ظفروال میں سرحد پار کرکے جانے والے بچے کا معاملہ بھی اٹھایا ہے، بھارت کے ساتھ بچے سے متعلق بھی بات چیت جاری ہے۔

    ڈاکٹر فیصل نے کہا بھارت مانتاہے کشمیر متنازعہ علاقہ ہے اور کشمیر کے اٹوٹ انگ ہونے کا راگ بھی الاپتا ہے لیکن مقبوضہ کشمیرمیں انسانی حقوق کی خلاف ورزیاں باعث تشویش ہیں، بھارت الیکشن اپنے ملک میں لڑے، پاکستان کوالیکشن میں نہ گھسیٹے۔

     امریکا اور طالبان مذاکرات پر میڈیا کو محتاط رپورٹنگ کاکہوں گا

    افغانستان کے حوالے سے ترجمان کا کہنا تھا افغانستان درآمد برآمد کے لئے سرحدی آمدورفت آسان بنا رہے ہیں، وزیراعظم کا طور خم کو 24 گھنٹے کھولنے کا فیصلہ تجارت میں اضافے کے لئے ہے، امریکا اور طالبان مذاکرات پر میڈیا کو محتاط رپورٹنگ کا کہوں گا، پاک افغان تعلقات سے متعلق ہمیں کسی کی تعریف کی ضرورت نہیں۔

    انھوں نے مزید کہا طالبان اورافغان حکومت کے درمیان معاملات ان کا داخلی معاملہ ہے، امیدہے افغان فریقین مل کر اپنے مسائل حل کرلیں گے۔

    دفترخارجہ کے ترجمان کا کہنا تھا کہ بھارت سےکہتےہیں آئیں مقبوضہ کشمیرپربات چیت کریں، بھارت کی پالیسی میں تبدیلیاں آتی رہتی ہیں، مقبوضہ کشمیر  پرپاکستان بالکل واضح اور دوٹوک مؤقف رکھتا ہے، مقبوضہ کشمیرکا معاملہ اقوام متحدہ قرار داد کے مطابق ہوناچاہیے۔

    پاکستان نےامریکی انٹیلی جنس چیف کے الزامات مسترد کردیئے

    ڈاکٹرفیصل نے کہا امریکی انٹیلی جنس چیف کے پاکستان پر الزامات کومسترد کرتے ہیں، ایسے الزامات اوربیانات نقصان کا باعث بنتے ہیں، افغان بارڈر پر داعش کی بڑھتی سرگرمیوں پرتشویش ہے، خواہش ہے طالبان سے متعلق معاملات بیٹھ کرحل کریں۔

    آسیہ بی بی کے حوالے سے ترجمان کا کہنا تھا کہ آسیہ بی بی کے معاملے پر سپریم کورٹ کے فیصلے پر عمل کیا جائے گا، آسیہ بی بی پاکستان میں ہی ہیں، وہ آزاد شہری ہیں بیرون ملک جانا چاہئیں تو ان پر کوئی پابندی نہیں۔

  • وزارت داخلہ واطلاعات جعلی خبریں پھیلانےوالےاکاؤنٹس کاجائزہ لیں،دفترخارجہ

    وزارت داخلہ واطلاعات جعلی خبریں پھیلانےوالےاکاؤنٹس کاجائزہ لیں،دفترخارجہ

    اسلام آباد : دفترخارجہ کا کہنا ہے کہ وزارت داخلہ اور اطلاعات جعلی خبریں پھیلانے والے اکاؤنٹس کاجائزہ لیں ، امید ہے صحافی سوشل میڈیا پر کسی بھی چیز پر ری ٹوئٹ کرتے ہوئے محتاط رہیں گے۔

    تفصیلات کے مطابق دفتر خارجہ کے ترجمان ڈاکٹر فیصل نے اپنے بیان میں کہا وزارت داخلہ اور اطلاعات جعلی خبریں پھیلانے والے اکاؤنٹس کا جائزہ لیں، جعلی خبریں پھیلانے والوں کےخلاف قانونی کارروائی ہونی چاہئے، امید ہے صحافی سوشل میڈیا پر کسی بھی چیز پر ری ٹوئٹ کرتے ہوئے محتاط رہیں گے۔

    یاد گذشتہ روز سوشل میڈیا پر گردش کرتی آسیہ بی بی کی تصاویر کے حوالے سے ترجمان خارجہ کا کہنا تھا کہ آسیہ بی بی پاکستان میں ہی ہے ، کہیں نہیں گئیں، سوشل میڈیا پر ان کی بیرون ملک روانگی کی خبریں اور تصاویر غلط ہیں۔

    اس سے قبل مسیحی خاتون آسیہ بی بی کے معاملے پر ترجمان دفتر خارجہ نے میڈیا بریفنگ دیتے ہوئے کہا تھا کہ آسیہ بی بی محفوظ جگہ پر پاکستان میں ہی موجود ہیں۔ وہ آزاد شہری ہیں جہاں جانا چاہیں جا سکتی ہیں۔ ’پاکستان میں آزاد شہری کی نقل و حرکت پر کوئی پابندی نہیں ہے۔

    مزید پڑھیں : آسیہ بی بی محفوظ جگہ پر پاکستان میں ہی موجود ہیں، دفتر خارجہ

    خیال رہے وزیراطلاعات فوادچوہدری نے بھی آسیہ بی بی کے بیرون ملک جانے کی تردید کرتے ہوئے کہا تھا ہیڈ لائنز کیلئے جھوٹی خبریں چلانا عادت بنتی جارہی ہے، آسیہ بی بی کامعاملہ انتہائی حساس نوعیت کاہے، آسیہ بی بی کے ملک چھوڑنے کی جھوٹی خبریں چلانا غیر ذمہ دارانہ ہے، سنسنی پھیلانے والامخصوص میڈیاخبروں کےچناؤمیں ذمہ دارانہ رویہ اپنائے۔

  • پاک چین تعلقات نئی بلندیوں کوچھو رہے ہیں‘ ترجمان دفترخارجہ

    پاک چین تعلقات نئی بلندیوں کوچھو رہے ہیں‘ ترجمان دفترخارجہ

    اسلام آباد : ترجمان دفترِخارجہ ڈاکٹرمحمد فیصل کا کہنا ہے کہ پاک چین دوستی سمندرسے بھی گہری ہے۔

    تفصیلات کے مطابق سماجی رابطے کی ویب سائٹ ٹویٹرپردفترخارجہ کے ترجمان ڈاکٹرمحمد فیصل نے اپنے پیغام میں کہا ہے کہ پاک چین تعلقات نئی بلندیوں کو چھورہے ہیں۔

    ترجمان دفترخارجہ نے اپنے پیغام میں مزید کہا کہ پاک چین دوستی سمندر سے بھی گہری ہے۔

    پاکستان اور چین کے درمیان 15معاہدوں ‌‌‌ اور یادداشتوں پر دستخط

    دوسری جانب پاکستان اورچین کے درمیان وفود کی سطح پر ہونے والے مذاکرات میں دوطرفہ تعاون کے پندرہ معاہدوں اور مفاہمت کی یادداشتوں پر دستخط کردیے گئے۔

    پاکستان اورچین کے درمیان جن معاہدوں پر دستخط کیے گئے ان میں زراعت، تکنیکی اوراقتصادی شعبوں میں تعاون، اسلام آباد اور بیجنگ پولیس کے درمیان تعاون ، ہائرایجوکیشن کمیشن پاکستان اور چین کی سائنس اکیڈمی اور چین کی اکیڈمی آف سائنسز اور پاکستان میٹرولوجیکل ڈیپارٹمنٹ کے درمیان معاہدے شامل ہیں۔

    بیجنگ: وزیراعظم عمران خان کی چینی ہم منصب سے ملاقات

    واضح رہے کہ وزیراعظم عمران خان آج صبح گریٹ ہال پہنچے تو چینی وزیراعظم لی کی چیانگ اور ان کی کابینہ کے اراکین نے ان کا شاندار استقبال کیا۔

    تقریب میں دونوں ممالک کےقومی ترانوں کی دھنیں بجائی گئیں، وزیراعظم پاکستان کے اعزازمیں گارڈ آف آنربھی پیش کیا گیا۔