اسلام آباد: پاکستان نے کہا ہے کہ اس کے شہری انفرادی طورپر داعش میں شامل ہورہے ہیں۔
ہفتہ وار بریفنگ کے دوران ترجمان دفتر خارجہ کا کہنا تھا داعش کا پاکستان میں وجود نہیں، پاکستان داعش کا سایہ بھی برداشت نہیں کرے گا۔
ترجمان دفترخارجہ نے کہا کہ لوگ انفرادی طورپرداعش سے منسلک ہورہے ہیں، انہوں نے بتایا کہ ترکی میں دہشتگردی کے الزام میں پکڑے جانےوالے پاکستانیوں کی تفصیلات کیلئے سفارت خانہ کام کررہا ہے۔
اسلام آباد: دفترخارجہ کا کہنا ہے وزیراعظم نوازشریف بیس سے تئیس اکتوبرتک امریکا کا دورہ کریں گے۔کشمیری رہنما علی گیلانی
کودورے کی دعوت دی ہے۔
ترجمان دفترخارجہ قاضی خلیل اللہ نے میڈیا بریفنگ میں کہا کہ وزیراعظم نوازشریف کا دورہ امریکا بیس سے تئیس اکتوبرکوہوگا۔ وزیراعظم امریکی صدربراک اوباما سے ملاقات میں خطے کی صورتحال پربات کریں گے،دورے میں معیشت کی بحالی سمیت اہم امورپربات چیت ہوگی۔
ترجمان نے کہا کہ وزیراعظم نوازشریف نے کشمیری رہنما علی گیلانی کوپاکستان کےدورے کی دعوت دی ہے۔گذشتہ کئی سال سے پاکستان میں مقیم بھارتی لڑکی گیتا کی واپسی کے بارے میں ترجمان کا کہنا تھا گیتا کی واپسی پربھارت کے جواب کا انتظارہے۔
ترجمان نے کہاکہ سابق وزیرخارجہ خورشید قصوری کی بھارت میں کتاب کی رونمائی کی تقریب میں خلل ڈالاگیا۔
انہوں نےکہا کہ پاکستان نےبھارت کی جانب سے سرحدی خلاف ورزی اور بھارتی جارحیت سے متعلق اقوام متحدہ کوتین ڈوزیئرزدےدیئے ہیں۔
اسلام آباد : وزیراعظم کے مشیر برائے قومی سلامتی امور سرتاج عزیز کی زیر صدارت دفتر خارجہ میں بین الوزارتی اجلاس منعقد ہوا۔
جس میں اقوام متحدہ کے سال 2015 کے بعد کے ترقیاتی اہداف کے ایجنڈے کے حوالے سے پاکستان کی تیاریوں کا جائزہ لینے کے لئے غور خوص کیا گیا۔
اس موقع پر منصوبہ بندی، ترقی کے وفاقی وزیر اور اصلاحات احسن اقبال، وفاقی اور صوبائی حکومتوں کی جانب سے سینئر حکام نے شرکت کی۔
اجلاس سے خطاب کرتے ہوئے سرتاج عزیز نے کہا کہ پاکستان کی ترقی ،ضروریات اور ترجیحات کے حوالے سے میلینئم ڈیولپمنٹ کے اہداف کے حصول کی تکمیل کیلئے مربوط نظام وضع کرنا ہوگا۔
انہوں نے کہا کہ اس سے قبل ترقیاتی اہداف کے ایجنڈے کے مقاصد کے حصول کیلئے پاکستان کی کارکردگی ناکافی رہی ہے، اجلاس میں بتایا گیا کہ اقوام متحدہ کی جنرل اسمبلی کے رواں ماہ کے آخر میں ہونے والے اجلاس میں مذکورہ ترقیاتی ایجنڈا اختیار کیا جائے گا۔
پاکستانی وفد کی قیادت وزیر اعظم میاں ںواز شریف کریں گے، جنرل اسمبلی کے اجلاس میں پیش کئے جانے والے ایجنڈے میں اقتصادی، سماجی اور ماحولیاتی مسائل کے 17 مقاصد اور 169 اہداف پر مشتمل پائیدار ترقی کے طول و عرض کا احاطہ کیا گیا ہے۔
ایجنڈے میں غربت اور بھوک کا خاتمہ صنفی مساوات اور خواتین کو بااختیار بنانے کے حصول، جامع اور پائیدار اقتصادی ترقی اور مکمل اور پیداواری روزگار کو فروغ دینے، تعلیم، صحت، پانی اور صفائی ستھرائی کے لئے توانائی تک رسائی کو یقینی بنانے، موسمیاتی تبدیلی سے نمٹنے اور پائیدار تحفظ کو یقینی بنانے اور اس کے قدرتی وسائل کی اہم ترجیحات شامل ہیں۔
اسلام آباد: بھارت نے مسئلہ کشمیر پر پاکستان کے دو ٹوک موقف کو دیکھتے ہوئے پاک بھارت قومی سلامتی مشیروں کے مذاکرات منسوخ کر دیئے ہیں، بھارتی حکومت کے پیغام کا متن اے آروائی نیوزنے حاصل کرلیا۔
تفصیلات کے مطابق بھارت نے قومی سلامتی مشیروں کے مذاکرات منسوخ کیے، اسلام آباد میں بھارت کے ڈپٹی ہائی کمشنر نے پاکستان کے ڈی جی ساؤتھ ایشیافارن افیئرز سے ملاقات کی اور پاکستان کو مذاکرات کی منسوخی سےآگاہ کیا۔
بھارتی حکومت کے پیغام کا متن اے آروائی نیوزنے نشر کر دیا، بھارت نے کشمیری رہنماؤں سے مجوزہ ملاقات پر بہانہ بنایا، بھارت نے پاکستان کو بتایا حریت رہنماؤں سے ملاقات کی بنیاد پر بات آگے نہیں بڑھ سکتی، بھارت نے اپنے جواب میں یہ الزام بھی لگایا پاکستانی شرائط پر مذاکرات نہیں ہوسکتے۔
بھارت دفتر خارجہ نے پاکستان کو بتایا ہے کہ کشمیر ی قیادت سے پاکستان کے مشیر خارجہ امور اور قومی سلامتی سرتاج عزیز سے ملاقات اسے قبول نہیں ، اس لئے مذکرات کی میز کو خالی سمجھیں ۔
اس سے قبل بھی بھارت سیکریٹری کارجہ کی سطح پرہونے والے مذاکرات کوعین وقت پر منسوخ کر چکا ہے ، جبکہ پاکستان نے ہمیشہ بھار ت کے ساتھ بامقصد مذاکرات کی کوشش کی ہے ، وزیر اعظم نواز شریف کی جانب سے روس میں بھاری وزیر اعظم نریند مودی کو دورہ پاکستان کی دعوت دینے کا مقصد بھی دونوں ملکوں کے درمیان رکے ہوئے مذاکرات کی بحالی تھا اور وزیر اعظم نے اس کے لئے اچھا ماحول پیدا کرنے کی کوشش تھی۔
وزیراعظم کے مشیر سلامتی سرتاج عزیز سے ملاقات کے لیے نئی دہلی پہچنے والے کشمیری رہنما شیبر شاہ کو ایئر پورٹ پر حراست میں لے لیا گیا ہے۔
بھارتی کے سرکاری ذرائع ابلاغ کا کہنا ہے کہ کشمیری رہنما شبیر شاہ کو حراست میں لینے کے بعد نامعلوم مقام پر منتقل کیا گیا ہے، وہ پاکستانی ہائی کمیشن کی دعوت پر پاکستان کے قومی سلامتی کے مشیر سرتاج عزیز کے استقبالیہ میں شرکت کے لیے سری نگر سے نئی دہلی آئے تھے۔
دفتر خارجہ نے بھارت کی جانب سے مذاکرات مسنوخ کرنے کی تصدیق کر دی ہے۔ بھارتی اقدام پر پاکستان نے بھارتی ہائی کمشنر ٹی سے اے راگھون کو دفتر خارجہ طلب کیا۔ پاکستان نے اپنے رد عمل کا مراسلہ بھارتی ہائی کمشنر کے حوالے کیا۔
پاکستان نےبھارت کی جانب سے مذاکرات کی منسوخی کو افسوس ناک قرار دیا ہے ،دفتر خارجہ نے اپنے ردِعمل میں کہا ہے کہ حریت کانفرنس کی قیادت ہی کشمیر کی حقیقی قیادت ہے۔
تفصیلات کے مطابق دفتر خارجہ نے پاک بھارت قومی سلامتی مذاکرات کی منسوخی پر افسوس کا اظہار کیا ہے ، بھارتی دفترخارجہ کے بیان سے بہت مایوسی ہوئی، ترجمان کا کہنا تھا کہ قومی سلامتی کے مشیروں کی ملاقات سے پہلے شرائط رکھنا افسوسناک ہے،مسائل مذاکرات کے ذریعے ہی حل کئے جاسکتے ہیں اور پاکستان نے ہمیشہ بھارت کے ساتھ بامقصد اور معنی خیز مذاکرات کی بات کی ہے ۔
انکا کہنا تھا کہ دونوں ممالک میں سنجیدہ مذاکرات وقت کی ضرورت تھی،اورپاکستان نے نہ تو مذاکرات کےلئےکوئی شرط رکھی اور نہ ہی کسی مفاہمت اور معاہدوں سےانکار کیا، پاکستان نے قومی سلامتی کے مشیروں کے مذاکرات کیلئے جامع ایجنڈاتجویز کیا تھا ،ترجمان کے مطابق پاکستان کی کشمیری حریت رہنماؤں کودعوت ماضی کی روایت کا حصہ تھی، کیوں کہ حریت رہنما کشمیر کے حقیقی رہنما ہیں۔
بھارت نے ایک بارپھرروایتی ہٹ دھرمی کا مظاہرہ کرتے ہوئے پاکستان کودھمکی دی ہے کہ اگرسرتاج عزیز نے حریت رہنماؤں سے ملاقات کی تو مذاکرات روک دئیے جائیں گے۔
پاکستانی ہائی کمیشن نے تئیس اگست کو مشیرامور خارجہ سرتاج عزیز سے ملاقات کے لئے حریت رہنماؤں کو استقبالیے میں مدعو کیا، جس پر بھارتی میڈیا اور حکومت آگ بگولہ ہوگئے، پہلے تو بھارت سرکار نے حریت رہنماؤں کو نظر بند کیا اور پھر پاکستان کو دھمکیاں دینا شروع کردیں۔
بھارتی وزارت خارجہ کے ترجمان وکاس سوروپ نے بیان دیا کہ پاکستان حریت رہنماؤں سے ملاقات سے باز رہے ورنہ مذاکرات نہیں کریں گے، مذاکرات سے متعلق تمام آپشنز کھلے ہیں۔ حریت رہنماؤں سے سرتاج عزیز کی ملاقات سے دہشتگردی کیخلاف مشترکہ کوششوں کونقصان پہنچے گا۔
اسلام آباد : پاکستان نے بھارت کی جانب سےہرپال سیکٹرمیں جنگ بندی کی خلاف ورزی پرشدید احتجاج کیا ہے۔
ترجمان دفترخارجہ کے مطابق پاکستان نےبھارتی ڈپٹی ہائی کمشنرکوطلب کرکے ہرپال سیکٹرمیں بلااشتعال فائرنگ پرشدیداحتجاج کیا۔
بھارت کی طرف سے حالیہ بلااشتعال فائرنگ سے ایک اورشہری محمدشریف شہیدجبکہ چارزخمی ہوگئے۔ بھارت کی جانب سے جنڈروٹ ،نکیال اورکیریلا سیکٹرمیں بھی بلااشتعال فائرنگ کی گئی۔
بھارتی ڈپٹی ہائی کمشنر سے ایل اوسی اورورکنگ بائونڈری پربھارتی فوج کی جانب سے بلااشتعال فائرنگ پرپاکستان کی جانب سے گہری تشویش ظاہرکی گئی ۔
پاکستان نے بھارت پرزوردیا ہے کہ وہ دوہزارتین جنگ بندی کی یادداشت پرعمل درآمد کرتے ہوئے خلاف ورزیوں کاسلسلہ بند کردے۔
اسلام آباد : پاکستان نے بھارتی مداخلت کا معاملہ اقوام متحدہ میں اٹھانے کا فیصلہ کر لیا۔
سفارتی ذرائع کے مطابق پاکستان بھارت کی مداخلت کا معاملہ اقوام متحدہ سمیت ہر فورم پر اٹھائے گا۔اس کے لیے دفتر خار جہ نے اقوام متحدہ میں پاکستان کی مستقل مندوب ملیحہ لودھی کو پاکستان طلب کر لیا ہے۔
ملیحہ لودھی پاکستان آ کر وزیر اعظم اور دفتر خارجہ کے حکام سے ملا قاتیں کر یں گی۔
اقوام متحدہ کے جنرل سیکرٹری بان کی مون کو پاکستان کی جانب سے خط لکھا جائے گا جس میں بھارت کی جانب سے پاکستان میں مداخلت اور بی بی سی کی رپورٹ کے متعلق سوال اٹھایا جائے گا۔
اسلام آباد: دفترخارجہ کے ترجمان قاضی خلیل نے کہا ہےکہ سانحہ کراچی پرپوری قوم غمگین ہے۔پاکستان میں داعش کی موجودگی کے کوئی شواہد نہیں ملے۔
ترجمان دفترخارجہ قاضی خلیل نے بیان میں کہا کہ دہشت گردی کے خاتمے کے لئے قومی ایکشن پلان پر عملدآمد اور آپریشن ضرب عضب جاری ہے، سانحہ کراچی پر پوری قوم غم زدہ ہے۔ پاکستان میں داعش کی موجودگی کے کوئی شواہد نہیں ملے لیکن پھر بھی اس حوالے سے باخبر ہیں۔
انہوں نے کہا کہ بھارت سے مثبت بیانات کا آنا خوش آئند ہے۔ پاکستان اوربھارت کے درمیان کرکٹ، دونوں ملکوں کے تعلقات میں بہتری کا باعث ہوگی۔
ترجمان دفترخارجہ کا کہنا تھا واہگہ کے راستے بھارت جانے والوں کے بارے میں پولیو وائرس کے حوالے سے کوئی رپورٹ یا شکایت موصول نہیں ہوئی، سعودی عرب کی جانب سے پانچ دن کی جنگ بندی کا خیرمقدم کرتے ہیں۔
اسلام آباد: دفترخارجہ کی ترجمان تسنیم اسلم نے کہا ہے کہ یمن سے پاکستانیوں کا محفوظ انخلاء پہلی ترجیح ہے۔
دفترِ خارجہ کی ترجمان تسنیم اسلم نے ٹوئٹ میں کہا کہ یمن میں پھنسے ہوئے پاکستانیوں کو بحفاظت نکالنے کے لئے یمن کے پڑوسی ممالک سے رابطے میں ہیں۔
انھوں نے کہا کہ یمن میں موجود پاکستانیوں کو دو ماہ قبل انخلاء کی ہدایت کردی تھی، ملک میں جاری بحران کے باعث ائیرپورٹس بند اورزمینی راستے غیرمحفوظ ہیں۔
کئی ملکوں کے شہری یمن میں پھنسے ہوئے ہیں، پاکستانیوں کی بحفاظت واپسی حکومت کی اولین ترجیح ہے۔
Priority: safe exit of our citizens from Yemen. Problem: main airports dysfunctional; land routes to operating airports and sea unsafe.
— SpokespersonMOFA (@ForeignOfficePk) March 28, 2015
Options:citizens of many countries are stranded. We are in contact with them for possible joint movement of people in convoys under security — SpokespersonMOFA (@ForeignOfficePk) March 28, 2015
We are also in contact with all neighbouring countries of Yemen for evacuation of Pakistanis there without visa by any safe means
— SpokespersonMOFA (@ForeignOfficePk) March 28, 2015
Our Embassy in San’a is exploring all possible options for evacuation of our citizens as soon as it is feasible, given the flights situation — SpokespersonMOFA (@ForeignOfficePk) March 27, 2015
— SpokespersonMOFA (@ForeignOfficePk) March 27, 2015
اسلام آباد : پاکستانی دفترخارجہ میں بھارتی ڈپٹی ہائی کمشنر کو طلب کرلیا گیا، حکومت پاکستان نے کہا ہے کہ ذکی الرحمان لکھوی کی رہائی عدالتی فیصلہ ہے اس فیصلے پر بھارتی حکومت کاتبصرہ کرنا درست نہیں۔
تفصیلات کے مطابق پاکستان میں متعین بھارت کے ڈپٹی ہائی کمشنر کو دفتر خارجہ طلب کیا گیا، بھارتی سفارت کار کو بتایا گیا کہ ممبئی حملہ کیس کے ملزم ذکی الرحمان لکھوی کو عدالت نے رہا کرنے کا حکم دیا ہے ۔
اس پر بھارتی حکومت کا رد عمل غیر مناسب اور سفارتی آداب کے خلاف ہے۔
واضح رہے کہ ذکی الرحمان لکھوی کی رہائی کے رد عمل میں بھارتی وزیر داخلہ کرن رجی جیو نے کہا تھا کہ ممبئی حملوں میں ذکی الرحمان لکھوی کے ملوث ہونے سے متعلق دستاویزات پاکستانی عدالت میں پیش نہیں کی گئیں۔ اسی لئے عدالت نے اس کی رہائی کا حکم دیا ہے۔
اسلام آباد: بھارتی سیکریٹری خارجہ تین مارچ کوپاکستان آ رہےہیں، بھارت نے پچھلےسال اگست میں سیکرٹری سطح کےمذاکرات معطل کیےتھے۔
ہفتہ وارمیڈیا بریفنگ میں ترجمان دفترخارجہ تسنیم اسلم کا کہنا تھا بھارتی سیکریٹری خارجہ تین مارچ کو پاکستان کا دورہ کریں گے، بھارتی خارجہ سیکریٹری کو خوش آمدیدکہتے ہیں، بھارتی سیکریٹری خارجہ سے تمام امورپرمذاکرات کئے جائیں گے۔
وزیراعظم نوازشریف اوربھارتی وزیراعظم نریندرمودی کے درمیان مذاکرات شروع کرنے پراتفاق کیا گیا تھا، بھارت نے گذشتہ سال اگست میں ہونے والے سیکریٹری سطح کے مذاکرات منسوخ کردئیے تھے جبکہ پاکستان تمام مسائل مذاکرات کے ذریعے حل کرنے پرزوردیتا آیا ہے۔
ترجمان نے کہا کہ پاکستان کئی دہائیوں سے اقوام متحدہ کے ساتھ مل کرکام کررہا ہے اوراقوام متحدہ کے ساتھ اپنی ذمہ داریوں کو ادا کرتا رہے گا۔