Tag: دفتر خارجہ

دفتر خارجہ نے کہا ہے کہ اٹلی میں غیرقانونی طور پرداخل ہونے والے پچیس سے تیس پاکستانیوں کو حراست میں لیاگیا ہے ،ہزاروں پاکستانیوں کی گرفتاری سے متعلق خبریں بے بنیاد ہیں۔

دفتر خارجہ کی ہفتہ وار بریفنگ میں کہا گیا ہے کہ پاکستان پڑوسی ممالک سے دوستانہ تعلقات رکھنے اور متنازعہ معاملات کو بات چیت کے ذریعے حل کرنے پر یقین رکھتا ہے، بھارتی آرمی چیف کا گزشتہ روز کا بیان اشتعال ا نگیز ہے ، ترجمان دفتر خارجہ کا کہنا ہے کہ پاکستان فلسطنیوں کے بنیادی حقوق کی مکمل حمایت کرتا ہے ۔

آزاد ریاست فلسطینیوں کا حق ہےجسکا دارالحکومت بیت المقدس ہونا چاہئیے، ایران کے جوہری پروگرام کا کوئی فوجی حل نہیں ہے، اس مسئلے کا حل بات چیت کے ذریعے نکلنا چاہیئے، انہوں نے بتایا کہ سرتاج عزیز القدس کمیٹی اجلاس میں شرکت کے لئے روانہ ہوگئے،پاکستان القدس کمیٹی کا ا نیس سو پچھتر سے رکن ہے۔
   

دفتر خارجہ کی ترجمان تسنیم اسلم نے کہا ہے کہ پاک امریکا اسٹرٹیجک مذاکرات جلد واشنگٹن میں ہوں گے، طالبان سے مذاکرات میں سعودی عرب کوئی کردار ادا نہیں کررہا ہے، پرویز مشرف کیس میں کسی بھی بیرونی دباؤ کا علم نہیں۔

اسلام آباد میں ہفتہ وار بریفنگ دیتے ہوئے دفتر خارجہ کی ترجمان تسنیم اسلم نے کہا پاک امریکا اسٹرٹیجک مذاکرات جلد واشنگٹن میں ہوں گے ، مذاکرات کی تاریخیں طے کی جارہی ہیں ۔

طالبان سےمذاکرات پرتسنیم اسلم نےکہا طالبان سے مذاکرات میں سعودی عرب کوئی کردار ادا نہیں کررہا ہے، دفترخارجہ نے پاک فوج پر بھارتی میڈیا کے الزامات کو مسترد کرتے ہوئےکہا کہ لائن آف کنٹرول پرکسی بھارتی فوجی کاسرقلم نہیں کیاگیا۔

بھارتی وزیراعظم کو دورہ پاکستان کی دعوت دی تھی، جب بھی آئیں خوش آمدید کہیں گے۔ بنگلہ دیش کی صورتحال کاجائزہ لے رہے ہیں ۔ تسنیم اسلم نے مزید کہا پرویز مشرف کیس میں کسی بھی بیرونی  دباؤ کا علم نہیں ۔
   

ترجمان دفتر خارجہ نےشمالی وزیرستان میں ڈرون حملے کی مذمت کرتے ہوئے،ایک بار پھرڈرون حملےبند کرنے کا مطالبہ کردیا ۔

ترجمان دفتر خارجہ تسنیم اسلم نے کہا ہے ڈرون حملےبین الاقوامی قوانین کی خلاف ورزی ہیں، پاکستان کا ڈرون حملوں پر مؤقف عالمی سطح پر مضبوط ہوا ہے، انھوں نےکہاکہ شمالی وزیرستان میں ڈرون حملےکی مذمت کرتےہیں یہ حملے بند کئے جائیں۔

ترجمان دفتر خادجہ کا کہنا تھا کہ بھارتی وزیرخارجہ کےمذاکرات جاری رکھنے کےبیان کاخیر مقدم کرتے ہیں جبکہ پاک بھارت قیدیوں کی رہائی پر کمیشن کام کررہاہے، وزیرمملکت برائے تجارت خرم دستگیرجنوری کے دوسرے ہفتےمیں بھارت کا دورہ کرینگے جہاں وہ سارک کانفرنس میں شرکت اور بھارتی وزیر تجارت سے ملاقات کرینگے۔