Tag: دفعہ 144 کی خلاف ورزی کا کیس

  • دفعہ 144 کی خلاف ورزی کا کیس : عمران خان کی ضمانت منظور

    دفعہ 144 کی خلاف ورزی کا کیس : عمران خان کی ضمانت منظور

    اسلام آباد : سیشن عدالت نے دفعہ 144 کی خلاف ورزی کے کیس میں چیئرمین پی ٹی آئی عمران خان کی ضمانت منظورکرلی۔

    تفصیلات کے مطابق اسلام آباد کی سیشن عدالت میں چیئرمین تحریک انصاف عمران خان کے خلاف دفعہ 144 کی خلاف ورزی کے کیس کی سماعت ہوئی.

    ایڈیشنل سیشن جج ظفراقبال نے عمران خان کے وکیل بابراعوان کووقت پرآنےپرسراہتے ہوئے کہا کہ اچھا لگا وقت پر آئے، نوجوانوں کوبھی یہی پیغام دیناچاہیے۔

    چیئرمین پی ٹی آئی عمران خان اور پی ٹی آئی کے وکیل فیصل چوہدری سیشن عدالت پہنچے

    عمران حان ایڈیشنل سیشن جج ظفر اقبال کی عدالت میں پیش ہوئے ، جج ظفر اقبال نے استفسار کیا کیا عمران خان پر الزام صرف ایماکا ہے؟

    جس پر عمران خان کے وکیل نے بتایا کہ ایما بھی صرف لفظ کی حد تک ہےاس سے زیادہ کچھ نہیں ، کیا ایماکی حد تک آپ کےپاس کوئی شواہدہیں؟

    جج نے سوال کیا دفعہ 144 نافذ کرنے والے آفیسر کا بیان لکھا ہے، تفتیشی افسر نے بتایا کہ اس کا بیان نہیں لکھا،جس تفتیشی نے مجھے نوٹیفکیشن دیا اسکا بیان لکھا ہے۔

    وکیل بابر اعوان کا کہنا تھا کہ ساڑھے سات کلو میٹر میں 21ویں ایف آئی آر ہے،اب اگر تفتیشی اسکا بیان لکھ بھی لیں اس کا بیان قابل قبول نہیں۔

    ایڈیشنل سیشن جج ظفراقبال نےدفعہ144کی خلاف ورزی کے کیس میں عمران خان کی ضمانت منظور کرلی۔

    گزشتہ سماعت پرپی ٹی آئی کےرہنماؤں کےوقت پرنہ آنےپرعدالت نےبرہمی کااظہار کیا تھا۔

  • دفعہ 144 کی خلاف ورزی کا کیس : عمران خان کی ضمانت میں 13اکتوبر تک توسیع

    دفعہ 144 کی خلاف ورزی کا کیس : عمران خان کی ضمانت میں 13اکتوبر تک توسیع

    اسلام آباد : سیشن عدالت نے جلاؤگھیراؤ اور دفعہ 144کی خلاف ورزی کے کیسز میں چیئرمین پی ٹی آئی عمران خان کی عبوری ضمانت میں تیرہ اکتوبر تک توسیع کردی۔

    تفصیلات کے مطابق سیشن عدالت اسلام آباد میں چیئرمین تحریک انصاف عمران خان کے خلاف جلاؤگھیراؤ،دفعہ 144 کی خلاف ورزی کے کیسز میں درج مقدمے میں عبوری درخواست ضمانت پر سماعت ہوئی۔

    عمران خان کےوکیل بابر اعوان ڈسٹرکٹ اینڈ سیشن کورٹ میں پیش ہوئے جبکہ مقدمے کا تفتیشی افسر ریکارڈ سمیت عدالت میں پیش ہوا۔

    بابر اعوان کی جانب سے عمران خان کی حاضری سے استثنیٰ کی درخواست دائر کی گئی ، جس میں کہا گیا کہ عمران خان لاہور میں ہونے کی وجہ سے پیش نہیں ہو سکتے۔

    جس پر عدالت نے عمران خان کی عبوری درخواست ضمانت میں 13 اکتوبر تک توسیع کردی۔

    گذشتہ سماعت میں بھی سیشن عدالت نے دفعہ 144 کے کیس میں پی ٹی آئی چیئرمین عمران خان سمیت دیگر رہنماؤں کی حاضری سے استثنیٰ کی درخواست منظور کی تھی۔