فیروز آباد: بھارت کے ضلع کے بیچوا کے بشاؤلی گاؤں میں گزشتہ روز پیش آنے والے افسوسناک واقعے میں شادی شدہ خاتون انامیکا کو اس کے سسرال والوں نے قتل کر دیا۔
بین الاقوامی خبر رساں ادارے کی رپورٹ کے مطابق خاتون کی موت کے بعد سسرال والے لاش ضلع اسپتال میں چھوڑ کر فرار ہوگئے۔
رپورٹس کے مطابق مقتولہ کی شادی کو صرف 15 دن گزرے تھے، معاملے میں خاتون کے والد نے بیٹی کے سسرال والوں کے خلاف جہیز،قتل کا مقدمہ درج کرادیا ہے، پولیس نے کیس کی تفتیش کے ساتھ ساتھ ملزمان کی تلاش بھی شروع کردی ہے۔
اس سے قبل سعودی عرب کے الجوف شہر میں دلہن اپنے بھائی اور والدین کے ہمراہ ایک خوفناک ٹریفک حادثے میں زندگی کی بازی ہار گئی۔
دلہن کے ایک رشتے دار نے اس حوالے سے بتایا کہ حادثہ صدیع قریہ میں گاڑی کے ایک ٹائر میں خرابی کے سبب پیش آیا، گاڑی فٹ پاتھ سے ٹکرا کر الٹ گئی تھی۔
دلہن کے رشتے دار نے تفصیلات بتاتے ہوئے کہا کہ حادثہ اس قدر خوفناک تھا کہ دلہن ھمس اور اس کے والد بسام علی الشراری اور والدہ امانی الشراری جائے حادثہ پر ہی جاں بحق ہوگئے، جبکہ بھائی نے ا سپتال پہنچ کر دم توڑ دیا۔
بیٹے کی خواہشمند ماں نے نومولود بیٹی کو قتل کردیا
اطلاعات کے مطابق فیملی کے افراد اپنے رشتے داروں کو شادی کا دعوت نامہ دینے نکلے تھے، مگر خوفناک حادثے کا شکار ہوگئے۔
