پاکستانی ٹرک آرٹ ایک دلکش ثقافتی روایت ہے جو سڑکوں پر دوڑتی اس بڑی گاڑی کو دلہن کا سا روپ دیتی ہے لیکن اس میں بڑی محنت درکار ہوتی ہے۔
ٹرک آرٹ سے سجی یہ گاڑیاں صرف مال بردار نہیں بلکہ چلتے پھرتے جذبات خواب اور ثقافت کی بولتی تصویریں ہیں جب لوہے اور لکڑی کا ڈھانچہ فنکار کے ہاتھوں رنگ پاتا ہے تو وہ فن نہیں کہانی بن جاتا ہے
ڈرائیور اور مالکان اپنے ٹرکوں کو محبت سے سجواتے ہیں اور ہنرمند فنکار ان خوابوں کو رنگوں میں ڈھالتے ہیں۔
برش کی ہر جنبش رنگوں کی ہر بوند جیسے کوئی خاموش دعا، ہر پھول ہر پرندہ ہر آنکھ کچھ نہ کچھ کہتی ہے کچھ محسوس کرواتی ہے
گہرے رنگوں سے سجے ٹرک صرف سامان نہیں فن محبت اور تہذیب لے کر چلتے ہیں، جو ہر شہر ہر گاؤں کو رنگوں کے ایک لازوال رشتے میں جوڑتے ہیں۔
ثقافتی رنگوں میں نکھرے یہ ٹرک کس قدر محنت اور عرق ریزی سے تیار ہوتے ہیں۔ یہ جاننے کے لیے یہ ویڈیوز دیکھیں۔
ویڈیو رپورٹ: ناصر حسن خان