گھر سے باہر کی پیک شدہ یا پروسیسڈ غذائیں کھانا ہمارا معمول بن چکا ہے، تاہم اب ماہرین نے اس کے بدترین نقصان کی طرف اشارہ کیا ہے۔
سائنس دانوں کا کہنا ہے کہ غیر صحت بخش غذائیں جن میں چکنائی اور شکر کی مقدار زیادہ ہوتی ہے، دماغ میں نقصان دہ تبدیلیوں کا باعث بن کر یادداشت میں کمی کا باعث بن سکتی ہیں۔
یہ بات درست ہے کہ بہت سے عوامل ایسے ہوتے ہیں جو ذہنی پسماندگی کا باعث بنتے ہیں، تاہم انہیں تبدیل نہیں کیا جاسکتا ہے جیسے جینیاتی اور سماجی اقتصادی عوامل، تاہم حال ہی میں کی جانے والی ایک تحقیق سے یہ بات سامنے آئی ہے کہ ناقص غذا کسی بھی عمر کے دوران یادداشت کی کمی اور الزائمر کی بیماری کا خطرہ بڑھاتی ہے۔
تاہم اس تحقیق میں اس بات کا جائزہ لیا گیا ہے کہ کچھ غذائیں جیسے پروسیسڈ شدہ اور الٹرا پروسیسڈ فوڈز ہماری عمر کے ساتھ دماغی صحت کو کیسے متاثر کرتی ہیں۔
دو بڑے پیمانے پر ہونے والے مطالعات سے پتہ چلتا ہے کہ الٹرا پروسیسڈ فوڈز کھانے سے عمر سے متعلق علمی کمی اور ڈیمنشیا ہونے کا خطرہ بڑھ سکتا ہے۔
اس کے برعکس، دوسرے مطالعے میں الٹرا پروسیسڈ فوڈ کا استعمال 60 سال سے زیادہ عمر کے لوگوں میں یادداشت کی کمی سے منسلک نہیں پایا گیا، اگرچہ اس ضمن میں مزید تحقیق کی ضرورت ہے۔
الٹرا پروسیسڈ فوڈز میں غذائی اجزا اور فائبر کم ہوتے ہیں اور غیر پروسیس شدہ یا کم سے کم پروسیس شدہ کھانوں کے مقابلے چینی، چکنائی اور نمک زیادہ ہوتے ہیں، جیسے سوڈا، پیک شدہ کوکیز، چپس، منجمد کھانے، ذائقہ دار گری دار میوے، فلیورڈ دہی، ڈسٹل الکوحل مشروبات اور فاسٹ فوڈز، یہاں تک کہ پیک شدہ روٹیاں، بشمول وہ غذائیت سے بھرپور اناج جنہیں پیک کیا جاتا ہے، الٹرا پروسیس شدہ غذاؤں میں شمار کی جاتی ہیں۔
الٹرا پروسیسڈ فوڈز اور ذہنی پسماندگی کے درمیان تعلق کو دیکھنے کے لیے برازیل میں رہنے والے 10 ہزار سے زیادہ شرکا کا 12 مہینوں تک سے اپنی غذائی عادات کا تجزیہ کیا گیا۔
جن لوگوں نے مطالعہ کے آغاز میں زیادہ الٹرا پروسیسڈ فوڈز پر مشتمل غذا کھائی ان میں ان لوگوں کی نسبت قدرے زیادہ ذہنی پسماندگی دیکھی گئی جنہوں نے اس کا کم استعمال کیا۔
دوسری تحقیق میں برطانیہ کے 72 ہزار شرکا میں الٹرا پروسیسڈ فوڈز کھانے اور ڈیمنشیا کے درمیان تعلق کو جانچا گیا۔
الٹرا پروسیسڈ فوڈز کی سب سے زیادہ مقدار کھانے والے گروپ کے لیے، 120 میں سے تقریباً 1 شخص کو 10 سال کی مدت میں ڈیمنشیا کی تشخیص ہوئی، اس گروپ کے لیے جس نے بہت کم یا بالکل الٹرا پروسیسڈ فوڈز کا استعمال نہیں کیا، یہ تعداد 170 میں سے 1 تھی۔
نتائج یہ ثابت کرتے ہیں کہ یہ غذائیں ذہنی استعداد میں کمی کا باعث بنتی ہیں۔
