پاکستان سپر لیگ (پی ایس ایل) کے دسویں ایڈیشن کے لیے ڈرافٹنگ مکمل ہوگئی تاہم دنیائے کرکٹ کے کئی بڑے نام اس ایڈیشن کا حصہ نہیں ہوں گے۔
دنیا کی کامیاب ترین لیگز میں سے ایک پاکستان سپر لیگ (پی ایس ایل) کے دسویں ایڈیشن کی تیاریاں جاری ہیں اور گزشتہ روز اس کی ڈرافٹنگ کا عمل مکمل ہوگیا۔
جہاں کئی بڑے نام اس ایڈیشن کا حصہ بنے وہیں دیگر کئی بڑے کرکٹ اسٹارز کو اس لیگ میں کوئی خریدار نہ ملا۔
گزشتہ روز ہونے والی ڈرافٹنگ میں ٹی 20 کرکٹ کے سب سے کامیاب اوپنر ڈیوڈ وارنر، شان ایبٹ، کین ولیمشن، ڈیرل مچل، فن ایلن، مارک چمپن، ایڈم ملن سمیت دیگر کو مختلف فرنچائز نے اپنی ٹیموں کا حصہ بنایا۔
لیکن کچھ ایسے بھی کھلاڑی ہیں، جن کی انٹرنیشنل کرکٹ میں کارکردگی بے مثال اور اپنی ٹیموں کو تن تنہا میچ جتوا چکے ہیں لیکن وہ پی ایس ایل 10 کی ڈرافٹنگ میں کسی بھی فرنچائز کا دل نہ جیت سکے۔
ان سپر اسٹار کرکٹرز میں جیسن روئے، ٹم ساؤتھی، سرفراز احمد، عثما خواجہ، عمران طاہر، جمی نشیم، شکیب الحسن، کرس لین، مجیب الرحمان، ایلکس ہیلز ڈینیل سمنز ایشٹن ایگر، کوپر کانوولی، ولیم سدرلینڈ، مستفیض الرحمان، موئسز ہینرکس، مارک اسٹیکیٹے، ریضا ہینڈرکس، ٹائل ملز، جو کلارک، تبزیز شمسی جیسے بڑےنام شامل ہیں۔
https://urdu.arynews.tv/hbl-psl-10-draft-karachi-kings-picks/
