دنیا بھر میں ہندو مذہب کا تہوار دیوالی منایا جارہا ہے۔ یہ روشنیوں کا تہوار ہے اور اس موقع پر ہندو برادری انتہائی عقیدت و احترام سے تقریبات کا اہتمام کرتی ہے۔
دیوالی کی تاریخ بے حد قدیم ہے اور ہندو مت کے قدیم پرانوں میں اس کا ذکر’روشنی کی اندھیرے پرفتح کے دن‘ کے طور پر کیا جاتا ہے۔
دیوالی 5 روزہ تہوار ہے جس میں اصل دن ہندو کلینڈر کے مطابق ’کارتیک‘ نامی مہینے کا پہلا دن ہے۔
دیوالی کی تقریبات کا آغاز دو روز پہلے کردیا جاتا ہے۔
جس کے بعد یہ نئے چاند کے طلوع ہونے کے دو دن بعد تک جاری رہتی ہیں۔
ہندو برادری اس موقع پر خصوصی اہتمام کرتی ہے۔ نئے لباس زیب تن کیے جاتے ہیں اور گھروں اور بازاروں کی صفائی ستھرائی کی جاتی ہے۔
دیا اور رنگولی دیوالی کے تہوار کے اہم جزو ہیں اور بچے اس موقع پر آتش بازی کرتے ہیں۔
اس موقع پر مندروں میں لکشمی پوجا کا اہتمام کیا جاتا ہے اور پرساد تقسیم ہوتا ہے۔
دنیا کی تیز رفتار ترقی کے بعد انٹرنیٹ کا استعمال بہت زیادہ بڑھ گیا ہے۔ تقریباً ہر شخص اپنے دن کا آدھا حصہ انٹرنیٹ پر گزارتا ہے۔ حال ہی میں کی جانے والی ایک تحقیق کے مطابق امیر اور غریب پس منظر سے تعلق رکھنے والے بچے الگ طرح سے انٹرنیٹ کا استعمال کرتے ہیں۔
ایک بین الاقوامی ادارے او سی ای ڈی کی جانب سے کی جانے والی تحقیق کے مطابق دنیا بھر میں امیر اور غریب پس منظر سے تعلق رکھنے والے بچے انٹرنیٹ کو مختلف سرگرمیوں کے لیے استعمال کرتے ہیں۔
تحقیق کے مطابق وہ بچے جو خوشحال اور آسودہ گھرانوں سے تعلق رکھتے ہیں وہ انٹرنیٹ پر خبریں پڑھتے ہیں اور ایسی چیزیں سرچ کرتے ہیں جس سے ان کی معلومات میں اضافہ ہوسکے۔
اس کے برعکس کم خوشحال یا غریب گھرانوں کے بچوں نے اپنا زیادہ وقت انٹرنیٹ پر گیم کھیلتے اور دوستوں سے چیٹنگ کرتے ہوئے گزارا۔
تحقیق میں واضح کیا گیا کہ تجزیہ کیے جانے والے بچوں کو یکساں سہولت کے ساتھ انٹرنیٹ فراہم تھا۔ یہی نہیں ان کا انٹرنیٹ پر گزارا جانے والا وقت بھی یکساں تھا۔
تحقیق سے پتہ چلا کہ امیر گھرانے کے بچوں نے اپنے سیکھنے کی صلاحیتوں میں اضافہ کے لیے، اپنے اسکول کے مختلف پروجیکٹس کی تکمیل کے لیے، اور پڑھائی میں پیش آنے والی مختلف مشکلات حل کرنے کے لیے انٹرنیٹ کی مدد لی۔
ماہرین کے مطابق یہ وہ عمل ہے جس سے ان بچوں کی صلاحیتوں میں اضافہ ہوا اور وہ اپنی پڑھائی اور دیگر معاملوں میں بہتر کارکردگی دکھانے کے قابل ہوئے۔ یہ وجوہات آگے چل کر ان کے بہتر مستقبل کی ضمانت ہوسکتی ہیں۔
دوسری جانب غریب بچوں نے معلومات کے حصول کے لیے انٹرنیٹ کا استعمال کم کیا۔ انہوں نے انٹرنیٹ پر بے مقصد چیزوں میں وقت ضائع کیا جس کے باعث ان کی صحت، ذہنی توجہ متاثر ہوئی اور پڑھائی کے دوران ان کی کارکردگی میں کمی دیکھنے میں آئی۔
ماہرین نے واضح کیا کہ یہ عادت آگے چل کر خاص طور پر نوکری کے حصول کے لیے ان کے لیے مشکلات کا باعث بن سکتی ہے۔
دنیا بھر میں فوجی بغاوتیں تاریخ کا حصہ ہیں۔ یہ اس وقت پیش آتی ہیں جب مسلح افواج اپنے اختیارات سے تجاوز کرکے اقتدار کے لیے کچھ بھی کر گزرنے کو تیار ہوتی ہیں۔ ان بغاوتوں کو بعض دفعہ عوام کی حمایت بھی حاصل ہوتی ہے۔
گزشتہ شب ترکی میں بھی فوج کے ایک ٹولے نے بغاوت کر کے اقتدار پر قبضہ کی کوشش کی لیکن عوام نے اسے ناکام بنادیا جس کے بعد اس ٹولے کو پسپا ہونا پڑا۔
یہاں ہم مختلف ممالک میں ہونے والی فوجی بغاوتوں پر ایک نظر ڈالتے ہیں۔
:پاکستان
جنرل پرویز مشرف 13 اکتوبر 1999 کو قوم سے خطاب کرتے ہوئے
پاکستان میں 12 اکتوبر 1999 کو جنرل پرویز مشرف نے ملک میں فوجی قانون نافذ کرنے کے بعد وزیر اعظم نواز شریف کو جبراً معزول کر دیا اور 20 جون 2001 کو ایک ریفرنڈم کے ذریعے صدر کا عہدہ اختیار کیا۔ پرویز مشرف نے 2008 میں مستعفیٰ ہونے کا اعلان کرتے ہوئے اقتدار چھوڑ دیا۔
پاکستان میں اس سے قبل بھی 3 فوجی آمر ایوب خان، یحییٰ خان اور ضیاالحق حکومت کرچکے ہیں۔
:بنگلہ دیش
بنگلہ دیش میں 2007 میں اپوزیشن جماعتیں صدر ایاج الدین احمد کے خلاف متحد ہوگئیں اور ان سے استعفیٰ کا مطالبہ کرنے لگیں۔ 22 جنوری 2007 کو بنگلہ دیش میں انتخابات منعقد ہونے تھے لیکن عین موقع پر شیخ حسینہ واجد کی عوامی لیگ اپنے اتحادیوں سمیت انتخابات سے پیچھے ہٹ گئی جس کے بعد ملک میں شفاف انتخابات کا انعقاد ناممکن ہوگیا۔
آرمی چیف معین احمد اور صدر ایاج الدین احمد
اس موقع پر آرمی چیف معین احمد نے مداخلت کرتے ہوئے 11 جنوری 2007 صدر ایاج الدین احمد پر زور دیا کہ وہ ملک میں ایمرجنسی کا نفاذ کریں، انتخابات ملتوی کریں اور نگران حکومت تشکیل دے کر اس کا سربراہ نامزد کریں۔
ایاج الدین نے فوج کی مشاورت سے پہلے سابق چیف جسٹس فضل الحق اور اس کے بعد ایک بینکار فخر الدین احمد کو مشیر اعلیٰ مقرر کردیا جس کے بعد ملک میں انتخابات ہوئے اور شیخ حسینہ واجد کی عوامی لیگ نے ایک تہائی اکثریت حاصل کرلی۔
بنگلہ دیش میں اس سے قبل بھی 1975 میں عوام کی منتخب کردہ حکومت کو فوج کی جانب سے بغاوت کے بعد ختم کردیا گیا اور اسی دوران مجیب الرحمٰن کو قتل کیا گیا۔ اس کے بعد 1975 لے کر اگلے 15 برس تک ملک فوجی آمروں کے ہاتھ میں رہا۔
:انڈونیشیا
جنرل سہارتو صدارت کے عہدے کا حلف اٹھاتے ہوئے
انڈونیشیا میں جنرل سہارتو نے جب اقتدار پر قبضہ کیا اس وقت انڈونیشیا کو آزاد ہوئے زیادہ عرصہ نہیں گزرا تھا۔ سہارتو نے انڈونیشیا کی آزادی کے لیے بننے والی فوج میں بطور کمانڈر حصہ لیا تھا۔
سہارتو نے 1965 میں انڈونیشیا کے پہلے صدر سوکارنو کو معطل کردیا اور خود صدر کے عہدے پر فائز ہوگئے۔ انہوں نے ایک مضبوط مرکزی فوجی حکومت بنائی جس کے بل پر وہ 24 سال تک حکمرانی کرتے رہے۔
:تھائی لینڈ
پرایت چانوچا
تھائی لینڈ میں ستمبر 2006 میں تھائی شاہی مسلح افواج کے سربراہ سونتھی بونیارتگلین نے وزیر اعظم کو معطل کر کے اقتدار پر قبضہ کیا۔
مئی 2014 میں دوبارہ ایک سابق فوجی افسر پرایت چانو چا کی سربراہی میں قائم مقام وزیر اعظم کو معطل کر کے اقتدار پر قبضہ کرلیا گیا۔ چانوچاتا حال ملک کی وزارت عظمیٰ کے منصب پر فائز ہیں۔
:ایران
جنرل فیض اللہ زاہدی اور رضا شاہ پہلوی ۔ 1955
ایران میں 1953 میں منتخب وزیر اعظم محمد مصدق کے خلاف بغاوت کی گئی جس میں جنرل فیض اللہ زاہدی کا بڑا ہاتھ تھا۔ اس بغاوت کے بعد ایران میں شہنشاہیت قائم ہوگئی اور ملک کی عنان رضا شاہ پہلوی نے سنبھال لی۔
سال 1980 میں چند فوجیوں کے ایک گروہ نے نوتشکیل شدہ اسلامی حکومت کے خلاف بغاوت کی کوشش کی جسے بروقت ناکام بنادیا گیا۔
:عراق
عراق کے شاہ فیصل دوئم
جولائی 1958 میں عراقی فوج کے ایک بریگیڈیئر جنرل عبد الکریم قاسم اور کرنل عبدالسلام عارف کی قیادت میں عراقی فوج نے انقلاب برپا کیا اور عراقی بادشاہت کا خاتمہ کر دیا۔ انہوں نے عراق کو جمہوریہ قرار دیا۔
انقلاب کے دوران عراق کے حکمران شاہ فیصل دوئم کو ان کے خاندان کے کئی افراد کے ساتھ قتل کردیا گیا جس کے بعد عراق پر قائم ہاشمی خاندان کی شہنشاہیت کا خاتمہ ہوگیا۔
:مصر
فروری 2011 میں مصری صدر حسنی مبارک کی بدعنوان حکومت کے خلاف عوام سڑکوں پر آگئی جس کے بعد مصر کی فوج کے کمانڈر انچیف حسین تانتوی نے اقتدار ان سے لے کر مصر کی مسلح افواج کی سپریم کونسل کے حوالے کردیا۔
عبدالفتاح السیسی
جون 2013 میں ملک میں دوبارہ مظاہرے شروع ہوگئے جس کے بعد مصر کے آرمی چیف عبدالفتاح سیسی نے صدر محمد مرسی کو معطل کرکے خود اقتدار پر قبضہ کرلیا۔
:برکینا فاسو
بغاوت کے سربراہ جنرل گلبرٹ ڈینڈر عوام سے معافی مانگتے ہوئے
افریقی ملک برکینا فوسو میں 17 ستمبر 2015 کو صدر مائیکل کفاندو کی حفاظت پر معمور فوجی دستے نے صدر کو یرغمال بنالیا۔ یہ واقعہ ملک میں عام انتخابات سے ایک ماہ قبل پیش آیا۔ بعد ازاں صدارتی محل کو باغی ٹولے کے قبضہ سے چھڑا لیا گیا۔
:چاڈ
صدر ادریس ڈیبی
افریقی ملک چاڈ میں مارچ 2004 اور مارچ 2006 میں صدر ادریس ڈیبی کی خلاف بغاوت کی کوشش کی گئی لیکن دونوں مرتبہ اس بغاوت کو ناکام بنادیا گیا۔
:فجی
فرینک بینی ماراما
فجی میں دسمبر 2005 میں نیول چیف فرینک بینی ماراما نے وزیر اعظم کو معطل کرکے خود اقتدار پر قبضہ کرلیا۔ وہ تاحال فجی کے وزیر اعظم ہیں۔
نیویارک: دنیا بھر میں دو ارب سے زائد مسیحی کرسمس تقریبات روایتی جوش و جذبےسے منا رہے ہیں۔
کرسمس کی تقریبات کا آغاز عیسائیت کے مرکز ویٹکن سٹی سے ہوا ۔جہاں پوپ فرانسیس نے سينٹ پيٹرز گرجا گھر ميں ہزاروں افراد کی موجودگی ميں شمع جلا کر کرسمس تقريبات کا باقاعده آغاز کيا۔ اپنے خطاب ميں ان کا کہنا تھا کہ کرسمس کا تہوار محبت٬ امن اور اتحاد کا پيغام ہے۔
انہوں نے دنيا بھر کے لوگوں کے درميان حقيقی بھائی چارے کے قيام اور ظالموں کے ليے سزا کی دعا کی۔ تقریب میں عالمی عیسائی پیشوا نے لوگوں کو خود غرضی اور غرور سے بچنے اور کھلے دل کے ساتھ دل جیتنے کی تلقین بھی کی۔
دنيابھر ميں مسیحی برادری کرسمس مذہبی جوش و جذبے سے منارہی ہے ۔ امریکا میں کرسمس کے موقع پر گرجا گھروں میں دعائیہ تقریبات کا اہتمام کیا گیا ۔جہاں لوگوں نے امن اور سلامتی کِیلئے دعائیں کیں۔
امریکی صدر اوباما اور خاتون اول مشل اوباما نے لوگوں کو کرسمس کی مبارکباد دی ۔یورپ بھر میں شدید سردی کے باوجود لوگ کرسمس جوش و خروش سے منارہے ہیں۔
برطانیہ ،جرمنی سمیت اکثریورپی ممالک میں سانتا کلازلوگوں میں تحائف تقسیم کررہے ہیں جبکہ گرجا گھروں میں دعائیہ تقریبات جاری ہیں، اس موقع پر شہر رنگا رنگ روشنیوں سے جگمگا رہے ہیں اور بازاروں میں خصوصی ڈسکاؤنٹ بھی دئیے جارہے ہیں۔ برقی قمقموں سے سجے دیوہیکل کرسمس ٹری سب کی توجہ کا مرکز بنے ہوئے ہیں۔
شام اور مصر میں بھی کرسمس کے موقع پر گرجا گھروں میں خصوصی دعائیں کی گئیں جس میں امن سے رہنے کا پیغام دیاگیا۔
عراق میں رہنے والے مسیحی بھی کرسمس کا تہوار جوش و خروش سےمنارہے ہیں،اس موقع پر لوگ ایک دوسرے کیساتھ خوشیاں اور تحائف بانٹنے میں مصروف ہیں۔
خوشبووں کے شہر پیرس میں کرسمس کے موقع پر ایفل ٹاور بھی جگمگا اٹھا، کرسمس کی خوشیاں کرسمس ٹری کے بغیر ادھوری ہیں۔
امریکی ریا ست ورجینیا میں سانتا کلاز نے واٹر اسکیٹنگ کرکے کرسمس کی خوشیاں دوبالا کر دیں۔
کراچی: دنیا بھرمیں کرسمس کی تیاریاں عروج پر ہیں دنیا بھر میں کرسمس منانے کیلئے لوگ نت نئے انداز اپنا رہے ہیں۔
جرمنی میں کرسمس کی تیاریاں جوش وخروش سے جاری ہیں،کرسمس کے موقع پر اہم شاہراہیں اور بازار جھلملاتی روشنیوں سے جگمگا اٹھے ہیں،جرمنی میں کرسمس منانے کیلئے شہریوں نے اپنے گھر کو چار لاکھ برقی قمقوں سے سجا دیا، جھلمل روشنیو ں سے جگمگا تے گھر کو دیکھنے کیلئے لوگ دور دور سے آرہے ہیں۔
کرسمس کے موقع پر نیویارک میں امپائر اسٹیٹ بلڈنگ بھی رنگ بدلنے لگی، کرسمس کے موقع پر امپائر اسٹیٹ بلڈنگ کو برقی قمقموں سے سجا دیا گیا،جس دیکھنے لوگوں کی بڑی تعداد اکھٹی ہوئی۔
فلوریڈا میں سینٹا کلاز نے مچھلیوں کے درمیان کرسمس منانے کی ٹھان لی،سخت سردی کے موسم میں سینٹا کلاز زیر آب جا پہنچیں ہیں، جہاں انہوں نے رنگا رنگ مچھلیوں کیساتھ خوب تیراکی کی اورکرسمس ٹری نصب کیا۔
وائٹ ہاوس میں بھی کرسمس کی تیاریاں جاری ہیں، خاتون اول نے کرسمس ٹری سجا دیا، دیدار کیلئے صحافیوں اور دوستوں کو بھی دعوت دی، وائٹ ہاوس میں 26 سے زائد کرسمس ٹری سجائے گئے ہیں۔
یوکرین میں ہزاروں جھلملاتی روشنیوں سے سجا کرسمس ٹری روشن کردیا گیا۔جگ مگ کرتے کرسمس ٹری کو دیکھنے لوگوں کی بڑی تعداد موجود تھی۔
روس میں خون جما دینے والی سردی میں سانتاکلاز نے خوب دوڑلگائی، کرسمس سے قبل روایتی سانتا رن کا انعقاد ہوا، فنڈ ریزنگ کیلئے ہونے والی دوڑ میں سیکڑوں رضا کار سانتا کا روپ دھار کر شریک ہوئے، ٹھنڈے ٹھنڈے موسم کو مستیوں اور کھیل کود سے خوب گرمایا گیا۔
جرمنی: دنیا کا سب سے بڑا کرسمس ٹری روشن کردیا گیا ہے۔
دنیا بھر مسیحی برادری کے تہوار کرسمس کی تیاریاں زور و شور سے جاری ہیں، جرمنی کا قصبہ ڈارٹمنڈ اڑتالیس ہزار قمقموں سے جگمگا اٹھا، جہان مرکزی بازار میں سجا، دنیا کا سب سے بڑا کرسمس ٹری روشن کردیا گیا ہے۔
اڑتالیس ہزار جھلملاتی روشنیوں نے سیاحوں پر سحر طاری کیا تو کرسمس سونگز نے شائقین کو جھومنے پر مجبور کردیا، درخت پر لگی تتلیاں اور مختلف مصنوعی پرندے دلفریب منظر پیش کر رہے ہیں، رضاکاروں نے تین ماہ کی انتھک محنت کرکے یہ کارنامہ سر انجام دیا ہے۔
برازیل: ایک خاندان شام کے وقت شاندار دعوت کیلئے انجانے میں دنیا کی زہریلی ترین مچھلی پکا بیٹھا، جس کا ایک ایک لقمہ لیتے ہی سب کھانے والے ساکت ہو کر گرتے چلے گئے اور اب سارا خاندان ہسپتال میں تشویشناک حالت میں ہے۔
ایوڈی جنیرو شہر سے تعلق رکھنے والے سوزا خاندان کو ایک دوست نے مچھلی تحفے میں دی تھی، انہیں یہ معلوم نہیں تھا کہ یہ انتہائی خطرناک پفر مچھلی ہے ،جس کا زہر سایانائیڈ جیسے زہر سے بھی 2200 گنا طاقتور ہوتا ہے۔
کرسٹئین سوزا نامی خاتون نے بتایا کہ انہوں نے قریب ہی رہنے والے اپنے دیگر رشتہ داروں کو بھی بلایا لیا تھا اور سب ملکر مچھلی کی دعوت میں شریک ہونے پر بہت خوش تھے، مچھلی کو تلنے کے بعد سب لوگ صحن میں اکٹھے بیٹھ گئے اور جیسے ہی سب نے پہلا لقمہ لیا تو فوری طور پر زبان، چہرہ، بازو اور ٹانگیں مفلوج ہو گئیں۔
اگرچہ سب کو جلد ہی ہسپتال پہنچا دیا گیا لیکن زہر اتنا شدید تھا کہ سب کے سب ہی مفلوج ہوگئے ہیں اور تاحال ان میں سے کسی کے بچنے کی امید ظاہر نہیں کی جاسکتی۔
واضح رہے کہ جاپان میں اس مچلی کو بہت ہی خاص خوراک سمجھا جاتا ہے لیکن اس کی تیاری کے لئے دو سال کی ٹریننگ اور حکومتی لائسنس حاصل کرنا پڑتا ہے۔
تربیت یافتہ باورچی اس کے زہریلے حصوں کو انتہائی احتیاط سے نکالنے کے بعد اس کا گوشت تیار کرتے ہیں لیکن پھر بھی اکثر اوقات حادثات پیش آجاتے ہیں۔
