Tag: دوبارہ گرفتار

گوجرانوالہ: ایف آئی اے نے پاکستان تحریک انصاف کی رہنما صنم جاوید کو سینٹرل جیل سے دوبارہ گرفتار کرلیا۔

تفصیلات کے مطابق وفاقی تحقیقاتی ادارے (ایف آئی اے) نے پاکستان تحریک انصاف (پی ٹی آئی) رہنما صنم جاوید کو سینٹرل جیل سے دوبارہ گرفتار کرلیا۔

صنم جاوید کو بڑا ریلیف مل گیا

ایف آئی اے کی ٹیم صنم جاوید کو سینٹرل جیل گوجرانوالہ سے لے کر روانہ ہوگئی، جیل ذرائع نے بتایا کہ صنم جاوید کو ایف آئی اے کے مقدمہ میں گرفتار کیا گیا ہے۔

واضح رہے کہ گوجرانوالہ کے مقدمے میں لاہور ہائیکورٹ نے صنم جاوید کی رہائی کا حکم دیا تھا، ہائیکورٹ کے حکم پر اے ٹی سی نے صنم جاوید کی رہائی کیلئے روبکار جاری کی تھی۔

لاہور : عسکری ٹاور حملہ کیس سے ڈسچارج ہونے والی پی ٹی آئی کارکن صنم جاوید کو عدالت کے احاطے سے نئے مقدمہ میں دوبارہ گرفتار کرلیا گیا۔

تفصیلات کے مطابق پولیس نے پی ٹی آئی کارکن صنم جاوید کو عدالت کے احاطے سے نئے مقدمہ میں دوبارہ گرفتارکرلیا۔

پولیس نے بتایا کہ صنم جاوید کو مسلم لیگ ن کا آفس جلانے کے مقدمہ میں گرفتار کیا گیا ہے۔

اس سے قبل انسداد دہشت گردی کی عدالت میں پی ٹی آئی کارکن صنم جاوید کی رہائی کے بعد دوبارہ گرفتاری کے کیس کی سماعت ہوئی تھی۔

پولیس نے عسکری ٹاور حملہ کیس میں صنم جاوید کو انسداد دہشت گردی عدالت میں پیش کیا اور صنم جاوید کی عسکری ٹاور حملہ کیس میں شناخت پریڈ کی اجازت مانگی۔

عدالت نے صنم جاوید کی نئے مقدمہ میں شناخت پریڈ کی استدعا مسترد کرتے ہوئے صنم جاوید کو عسکری ٹاور حملہ کیس سے ڈسچارج کر دیا تھا۔

عدالت کا کہنا تھا کہ لاہور ہائی کورٹ میں سی سی پی او نے رپورٹ دی ملزمہ کیخلاف 2 کے علاوہ کوئی کیس نہیں، سی سی پی او رپورٹ کی بنیاد پرملزمہ کی نئے مقدمہ میں گرفتاری غیر قانونی ہے۔

لاہور : جناح ہاؤس حملہ کیس میں پی ٹی آئی رہنما صنم جاوید اور دیگر خواتین کو رہا ہوتے ہی دوبارہ گرفتار کرلیا گیا اور تھانہ ویمن ونگ ریس کورس منتقل کردیا گیا۔

تفصیلات کے مطابق جناح ہاؤس حملہ کیس میں پی ٹی آئی کی خواتین صنم جاوید ،افشاں طارق، آشیمہ شجاع اور شاہ بانو کو رہائی کے فوری بعد جیل کے احاطے سے دوبارہ گرفتارکرلیا گیا۔

پولیس کی نفری خواتین کو جیل سے لیکر روانہ ہوگئی، اہلخانہ نے دوبارہ گرفتاری کے خدشے کے باعث خواتین کو ساتھ لے جانے سے انکار کیا تھا۔

دوسری جانب پولیس حکام کا کہنا ہے کہ چاروں گرفتار خواتین کوتھانہ ویمن ونگ ریس کورس منتقل کر دیا گیا ہے، خواتین کو تھانہ سرور روڈ میں درج مقدمے کے تحت گرفتار کیا گیا۔

پولیس نے گرفتارخ واتین کوجیل سے قیدی وین کے ذریعے ویمن پولیس اسٹیشن منتقل کیا۔

صنم جاوید کی وکیل بیرسٹر خدیجہ صدیقی کا کہنا ہے کہ خواتین کو غیر قانونی طور پر گرفتار کیا گیا ہے، خواتین کو مغرب کے بعد تھانے میں نہیں رکھا جا سکتا، خواتین کو کہاں لیجایا گیا کچھ نہیں بتایا گیا۔

یاد رہے انسداد دہشت گردی کی عدالت لاہور نے صنم جاوید سمیت نو خواتین کی ضمانت منظور کرکے رہائی کا حکم دیا تھا، جس کے بعد صنم جاوید سمیت چارخواتین کو عدالت نے مچلکے جمع ہونے پرروبکارجاری کیے تھے۔