دوحہ میں کھیلے جارہے ویمنز ٹرائی نیشن ون ڈے سیریز میں آج پاکستان کرکٹ ٹیم اپنا دوسرا میچ جنوبی افریقہ کیخلاف کھیلے گی۔ پاکستان کرکٹ بورڈ کی جانب سے دوحہ میں کھیلی جارہی ویمنز ٹرائی نیشن ون ڈے سیریز میں پاکستان سمیت آئرلینڈ اور جنوبی افریقہ کی ٹیم حصہ لے رہی ہیں۔
پہلے میچ میں پاکستان نے دلچسپ مقابلے کے بعد آئرلینڈ کو ایک سو دس رنز سے ہرایا تھا۔ جنوبی افریقہ ویمنز ٹیم کیخلاف پاکستان کا ریکارڈ اچھا نہیں ہے۔ دونوں ٹیمیں دس میچز کھیل چکی ہیں۔ پاکستان ویمنز ٹیم صرف ایک میچ جیت سکی۔آٹھ میں شکست اور ایک مقابلہ بے نیتجہ رہا۔
