کمالیہ : دوران ڈکیتی 2 بہنوں سے زیادتی میں ملوث ڈاکو مقابلے میں ہلاک ہوگیا، ملزم نے 3 ساتھیوں کیساتھ ملکر 2 بہنوں سے زیادتی کی تھی۔
تفصیلات کے مطابق کمالیہ میں تھانہ صدرکے علاقے میں پولیس مقابلہ ہوا ، جس میں ایک ڈاکو ساتھیوں کی فائرنگ سے ہلاک ہوگیا جبکہ 3 فرار ہوگئے۔
پولیس نے بتایا کہ مقابلے میں ہلاک ڈاکو کی شناخت وارث علی کے نام سے ہوئی، جو دوران ڈکیتی 2 بہنوں سے زیادتی میں ملوث تھا۔
حکام کا کہنا تھا کہ ملزم نے 3 ساتھیوں کیساتھ ملکردوران ڈکیتی 2 بہنوں سے زیادتی کی تھی۔
یاد رہے چند روز قبل کمالیہ کے علاقہ موضع تارا کے رہائشی محمد اکرم کی حویلی میں گھس کر 4 چار ڈاکوئوں نے ڈکیتی کی مبینہ واردارت کی اور اس دوران مردوں کو باند ھ کر 2 بہنوں کو اجتماعی زیادتی کا نشانہ بنایا تھا۔
ملزمان فرار ہونے سے قبل ہزاروں روپے نقدی اور زیورات بھی لوٹ کر لے گئے تھے۔
