Tag: دورہ آسٹریلیا

پاکستان کو آئندہ ماہ دورہ آسٹریلیا درپیش ہے، دورے کے لیے پاکستان کرکٹ بورڈ کی جانب سےسینئر قومی کرکٹر کو کپتان مقرر کیے جانے کا امکان ہے۔

ذرائع نے بتایا کہ دورہ آسٹریلیا کےلیے کن کرکٹرز کا چناؤ کی جائے گا اس حوالے سے قومی اسکواڈ کا اعلان آج متوقع ہے، سینئر کرکٹر محمد رضوان کو وائٹ بال کا کپتان مقرر کیے جانے کاقومی امکان ہے، قومی کرکٹ ٹیم میں اہم تبدیلیوں کا بھی امکان ہے۔

کینگروز کے خلاف وائٹ بال سیریز کیلئے نوجوان کھلاڑیوں کو موقع دیا جائے گا جبکہ نسیم شاہ، شاہین شاہ آفریدی اور حارث رؤف کی واپسی متوقع ہے

آسٹریلیا کے خلاف وائٹ بال سیریز کے لیے قومی ٹیم میں فاسٹ بولر محمد عامر کو شامل کرنے کی بھی خبریں آئی تھیں تاہم ذرائع کے مطابق محمد عامر کو اسکواڈ میں شامل کیے جانے کا کوئی امکان نہیں۔

محمد عامر کی جگہ محمد حسنین اور نوجوان فاسٹ بولر جہانداد خان کو موقع ملنے کا قوی امکان ہے، یہ بات قابل ذکر ہے کہ محمد عامر نے کینگروز کے خلاف 58 وکٹیں حاصل کررکھی ہیں۔

دنیائے کرکٹ کے مشہور و معروف جارح مزاج بیٹر گلین میکس ویل اب بھی پاکستان کرکٹ ٹیم کو خطرناک ترین سائیڈ تصور کرتے ہیں۔

میلبرن میں آسٹریلیا کے سمر کرکٹ فیسٹیول کے موقع پر گلین میکس ویل نے کہا کہ ماضی میں ہمیں پاکستان کے خلاف چیلنجر کا سامنا رہا ہے، گرین شرٹس مختلف اوقات میں بہت خطرناک ثابت ہو سکتے ہیں، پاکستان کرکٹ ٹیم کا غیرمتوقع ہونا اس ٹیم کو مخالف کے لیے ٹف بنا دیتا ہے۔

میکس ویل نے کہا کہ پاکستان ٹیم کے پاس ورلڈ کلاس پلیئرز موجود ہیں، یہ بات بھی درست ہے کہ انکے خلاف کھیلتے ہوئے آپ یہ نہیں جان سکتے کہ آپ کو ان سے کیا توقع کرنی چاہیے۔

انھوں نے کہا کہ بابر اعظم ایک سپر اسٹار کھلاڑی ہیں، ہمیں ان کے اوپر نظر رکھنا ہو گی جبکہ شاہین آفریدی نئے بال کے ساتھ کافی عمدہ بولنگ کرتے ہیں۔

آسٹریلوی آل راؤنڈر کا کہنا تھا کہ پاکستان کے ساتھ آئندہ سیریز کی تیاری کر رہے ہیں، ہمیں برتری برقرار رکھنے کے لیے بہترین کھیل پیش کرنا ہو گا یہ سیریز آسان نہیں ہوگی، ہم اس چیلنج کے منتظر ہیں۔

آئندہ ماہ وائٹ بال سیریز کے لیے قومی کرکٹ ٹیم کو آسٹریلیا کا دورہ کرنا ہے، اس سیریز میں پاکستان اور آسٹریلیا کے درمیان 3 ون ڈے اور 3 ٹی ٹوئنٹی میچز شیڈول ہیں۔

بھارت کے سابق کرکٹر یوراج سنگھ نے انکشاف کیا ہے کہ ان کی محبت میں مبتلا سپراسٹار اداکارہ ان کے پیچھے پیچھے آسٹریلیا پہنچ گئی تھی۔

لیجنڈ بھارتی کرکٹر نے ایک انٹرویو کے دوران بتایا کہ 2007-08 کے دورہ آسٹریلیا کے دوران میں بالی ووڈ کی ایک اداکارہ کو ڈیٹ کر رہا تھا، میں اس کا نام نہیں لوں گا، وہ اس وقت بہت اچھی اور بہترین اداکارہ ہے، وہ اس وقت ایڈیلیڈ میں شوٹنگ کررہی تھی۔

یوراج سنگھ نے کہا کہ میں نے ٹور کے دوران اس اداکارہ سے کہا کہ سنو ہم تھوڑے دنوں تک نہیں ملتے کیونکہ میں آسٹریلیا کے دورے پر ہوں اور کرکٹ پر توجہ مرکوز کرنا ضروری ہے۔

سابق بھارت کرکٹر نے بتایا کہ ان باتوں کے باوجود بالی ووڈ کی وہ اداکارہ بس میں کینبرا تک میرے پیچھے آئی، میں نے اس سے پوچھا کہ تم یہاں کیا کر رہی ہو؟ اس پر اداکارہ کا کہنا تھا کہ میں آپ کے ساتھ وقت گزارنا چاہتی ہوں۔

یوراج نے اداکارہ کا نام بتانے سے انکار کر دیا، تاہم افواہیں بڑے پیمانے پر گردش کر رہی تھیں کہ وہ اس وقت دیپیکا پڈوکون کو ڈیٹ کر رہے تھے، جنھوں نے 2007 میں بھارتی فلم انڈسٹری میں قدم رکھا تھا۔

خیال رہے کہ یوراج سنگھ نے اپنے ٹیسٹ کیریئرمیں 40 بار بھارت کی نمائندگی کی ان کا ریڈ بال کیریئر ون ڈے کی طرح زیادہ کامیاب نہیں رہا، انھوں نے 2004 میں لاہور میں پاکستان کے ٹور کے دوران فائٹنگ سچنری اسکور کی تھی جبکہ ٹیسٹ میں ان کی اوسط 33.92 رہی۔

یوراج سنگھ کو بھارت کے اب تک کے بہترین آل راؤنڈرز میں سے ایک سمجھا جاتا ہے، موجودہ ہیڈ کوچ گوتم گمبھیر تو یہاں تک کہہ چکے ہیں کہ بھارت میں یوراج سنگھ سے زیادہ باصلاحیت کرکٹر اب تک پیدا نہیں ہوا۔

یوراج سنگھ اپنی جارح مزاجی کے باعث بھی مشہور تھے، انھوں نے انگلینڈ کے لیجنڈ فاسٹ بولر اسٹیورٹ براڈ کو اوور میں چھ چھکے لگانے کا بھی ریکارڈ قائم کیا تھا۔

سابق ٹیسٹ کرکٹر باسط علی کا کہنا ہے کہ میں نہیں مانتا کہ آسٹریلیا میں کھیلنا مشکل ہے، کھلاڑیوں کو ہار کا ڈر نکالنا ہوگا۔

اے آر وائی کے پروگرام میں میزبان نے ان سے سوال کیا کہ آسٹریلیا میں بھارت کی پرفارمنس کافی بہتر ہے لیکن وہاں کھیلنا ہمارے لیے اتنا مشکل کیوں ہے، جس کے جواب میں باسط علی کا کہنا تھا کہ میں اس چیز کو نہیں مانتا کہ آسٹریلیا میں کھیلنا مشکل ہے۔

انھوں نے کہا کہ بھارت بھی تو آسٹریلوی سرزمین پر جیت کرآیا ہے اور وہ ایسا کرنے والی ایشیا کی واحد ٹیم ہے۔ ہمیں بھی مثبت رہ کر کھیلنا ہوگا۔

باسط علی نے کہا کہ سب کو پتا کہ ہم آسٹریلیا میں کبھی جیت نہیں پائے۔ کھلاڑیوں کو ہار کا ڈر نکالنا ہوگا۔ بھارت کی مثال ان کے سامنے ہے۔ آپ کی یہ اپروچ ہونی چاہیے کہ ہمیں جیتنا ہے۔

"آسٹریلیا کیخلاف مختلف بابر اعظم نظر آنا چاہیے۔" سابق کرکٹر باسط علی کا تجزیہ#ARYNews #ARYSports #BabarAzam pic.twitter.com/D26vkPVjhc

— ARY NEWS (@ARYNEWSOFFICIAL) November 30, 2023

سابق کرکٹر نے کہا کہ ٹیسٹ میچ میں ٹیم کا ٹاپ آرڈر ٹھیک ہے اور ایک سال سے ٹیسٹ ٹیم اچھا پرفارم کررہی ہے۔ امام، عبداللہ اور شان کے بعد نمبر چار پر بابر اعظم بیٹنگ کریں گے اور انھیں آسٹریلیا کی سیریز میں مختلف نظر آنا چاہیے۔

انھوں نے کہا کہ بابراعظم شاندار بیٹر ہیں اور وہ اب کپتانی سے بھی ہٹ چکے ہیں۔ میرے خیال میں ان پر اب دباؤ نہیں ہوگا۔

پچز کے حوالے سے انھوں نے کہا کہ ماضی کی طرح آسٹریلیا کی پچز باؤنسی نہیں رہیں۔ سڈنی اور میلبرن میں پچز کی صورتحال ایشیا کی طرح ہی ہوگی۔ ٹیم کے پاس ان دنوں گراؤنڈز میں جیتنے کا بہترین موقع ہے۔

پاکستان ٹیسٹ کرکٹ ٹیم کے کپتان شان مسعود نے کہا ہے کہ جو کھلاڑی ڈومیسٹک میں پر فارم کرے گا وہ ضرور ٹیم میں آئے گا۔

قومی ٹیسٹ کرکٹ ٹیم کے کپتان شان مسعود نے لاہور میں پریس کانفرنس میں کہا کہ دورہ آسٹریلیا کو اپنے لئے چیلنج سمجھتا ہوں، قومی ٹیم میں سینئر کھلاڑی موجود نہیں ہیں، دورہ آسٹریلیا کیلئے سینئرز کی مشاورت سے بہترین کارکردگی دکھائیں گے۔

کپتان کا کہنا تھا کہ ٹیم سلیکشن کا ایک طریقہ کار ہوتا ہے، سلیکٹرز، ٹیم منیجمنٹ اور کپتان کھلاڑیوں کی سلیکشن کرتے ہیں اور اس معاملے میں ہم ایک پیچ پر کھڑے ہیں۔

ان کا کہنا تھا کہ  جس طرح کی ٹیم ہم چاہتے تھے وہی ٹیم آسٹریلیا جارہی ہے، صائم ایوب بہترین بیٹر ہیں، وہ ڈومیسٹک کھلاڑیوں کیلئے ایک مثال ہیں، بابراعظم ہمارے بہترین کھلاڑی ہیں، ان کی جگہ کو نہیں چھیڑ  سکتے اور نا ہی ٹیم میں زیادہ تبدیلی کررہے ہیں ٹیم میں ہر کھلاڑی کا کردار اہم ہے۔

کپتان شان مسعود نے کہا کہ ضرورت کے مطابق ہر ملک کی کنڈیشنز مختلف ہوتی ہیں، آسٹریلیا جیسی کنڈیشن پاکستان میں نہیں ہیں، ٹیم میں تبدیلی کی جاسکتی ہے، لیکن بابر اعظم نمبر 4 پر ہی بیٹنگ کریں گے۔

شان مسعود کا کہنا تھا کہ حارث رؤف ہماری خواہش تھی لیکن اگر اب وہ موجود نہیں ہیں تو دیگر فاسٹ بولرز کا استعمال کرینگے۔

شان مسعود کا کہناتھا کہ ورلڈ کپ میں سیلیکٹ نہ ہونے پر کوئی مایوسی نہیں ہم سب کے لئے پاکستانی ٹیم پہلے ہے، ہمیشہ کوشش کی ہے جہاں سلیکٹ نہیں ہوا وہاں گیم امپروو کروں۔

ٹیسٹ کے کپتان کا کہنا تھا کہ پاکستان کیلئےکھیلنا فخر کی بات ہے اور کپتانی کرنا اس سے بڑی بات ہے،کپتانی ایک بڑی ذمہ داری ہے،کوشش کروں گا بہتر پرفارم کروں۔

شان مسعود نے کھلاڑیوں کو پیغام دیا کہ قومی ٹیم میں احمد شہزاد سمیت سب کے لیے دروازے کھلے ہیں، جو بھی کھلاڑی ڈومیسٹک میں پرفارم کرے گا وہ ضرور ٹیم میں آئے گا۔

پاکستان کرکٹ ٹیم کے ڈائریکٹر محمد حفیظ نے کہا ہے کہ آسٹریلیا میں شکست کی ذمہ داری میں خود لوں گا اور جیت کا کریڈٹ میرے ذمے نہیں۔

میڈیا سے گفتگو کرتے ہوئے قومی کرکٹ ٹیم کے سابق کپتان کا کہنا تھا کہ جب ہارنے کے لیے کچھ نہ ہو تو ٹیمیں اچھا پرفارم کرتی ہیں۔ ٹیم کا مائنڈ سیٹ کلیئر ہے، ہم مل کر بہتر رزلٹ لانے کی کوشش کرینگے۔

انھوں نے کہا کہ دورہ آسٹریلیا کے حوالے سے کوئی ایک کھلاڑی ٹارگٹ پر نہیں۔ صرف نیتھن لیون کیخلاف ٹارگٹ سیٹ نہیں کیا بلکہ پوری آسٹریلوی ٹیم کیخلاف پلان کیا ہے۔ بد قسمتی سے ہمارے ملک میں اس وقت ساجد خان کے علاوہ کوئی آف سپنر نہیں۔

پاکستان کرکٹ ٹیم کے ڈائریکٹر کا کہنا تھا کہ میں یہاں نوکری کرنے نہیں آیا، میں خدمت کرنے آیا ہوں۔ مثبت تنقید کی جائے گی تو مزہ آئے گا، اس کا جواب بھی دوں گا۔

محمد حفیظ نے کہا کہ ٹیم ڈائریکٹر کا رول پلان دینا ہوتا ہے۔ ہمارے پلان میں فی الحال ہیڈ کوچ کی جگہ نہیں۔ ڈومیسٹک کے پرفارمرز کا ٹیم میں آنا خوش آئند ہے۔ ذکااشرف نے بہترین تعیناتیاں کی ہیں۔

ٹیم ڈائریکٹر نے کہا کہ حقدار کو حق ملے تو نتیجہ اچھا ہوتا ہے۔ ڈومیسٹک کے پرفارمرز کو عزت دیں گے تو اچھا ہو گا۔ سابق کرکٹرز کے خیالات کا احترام کرتا ہوں

سابق کپتان نے بابر اعظم کے حوالے سے کہا کہ کرکٹر کی تمام ٹیم کے ساتھ بہت اچھی باؤنڈنگ ہے۔ شان مسعود اور بابر اعظم کے درمیان بہترین تعلقات ہیں۔ بابر کی بطور بلے باز خدمات کو بھلایا نہیں جا سکتا۔ بابر اعظم کا اب کھیل مزید نکھرے گا۔

محمد حفیظ نے کہا کہ سب سے پہلے پاکستان ہے اس کے بعد کوئی دوسری چیز ہے۔ سینٹرل کنٹریکٹ والے کھلاڑی کی پہلی ترجیح پاکستان ہونی چاہیے

انھوں نے کہا کہ ذکا اشرف نے کپتانی کے حوالے سے بہترین تعیناتیاں کیں۔ کوئی ایک کھلاڑی ٹرمپ کارڈ نہیں، سب ہی ہمارے ٹرمپ کارڈ ہیں۔

راولپنڈی: پاکستان کرکٹ ٹیم کے دورۂ آسٹریلیا کے لیے تربیتی کیمپ پنڈی کرکٹ اسٹیڈیم میں جاری ہے ۔

پاکستان کرکٹ ٹیم کا دورہ آسٹریلیا کے لیے پنڈی کرکٹ اسٹیڈیم میں تربیتی کیمپ جاری ہے جس میں اسکواڈ کے زیادہ تر کھلاڑیوں نے حصہ لیا۔

پاکستان کرکٹ بورڈ نے پاکستان کرکٹ ٹیم کے پنڈی میں ہونے والے تربیتی کیمپ میں تین بولرز ثمین گل، علی شفیق اور محمد علی کو شامل کرلیا ہے، یہ کھلاڑی کیمپ کے اختتام تک رہیں گے۔

فاسٹ بولر شاہنواز دھانی بولنگ کے لئے فٹ نہیں ہیں، انہیں ری ہیب کے لئے نیشنل کرکٹ اکیڈمی بھیجنے کا فیصلہ کیا گیا ہے۔

پاکستان کرکٹ بورڈ نے بابراعظم سرفرازاحمد اور عثمان قادر کو آج پریکٹس کے بعد امام الحق کی شادی میں شرکت کی اجازت دے دی ہے، یہ تینوں کرکٹرز کل کیمپ میں پریکٹس کے لئے موجود ہونگے۔