Tag: دورہ بھارت

کیوی ٹیم کے بہترین بیٹر اور دنیائے کرکٹ کے فیب فور میں شامل کین ولیم سن بھارت کے خلاف ہونے والی آئندہ ٹیسٹ سیریز سے باہر ہوگئے۔

سابق کپتان کیم ولیمسن دورہ بھارت سے قبل گروئن انجری کا شکار ہوئے، دنیا کے ٹاپ بیٹرز میں سے ایک کو گروئن کی تکلیف سری لنکا کے خلاف دوسرے ٹیسٹ میں ہوئی، وہ قومی اسکواڈ کے ہمراہ بھارت کا سفر نہیں کریں گے۔

نیوزی لینڈ کرکٹ سلیکٹر سیم ویلز نے بتایا کہ کین جمعہ کو کیوی اسکواڈ کے ساتھ نہیں جائیں گے بلکہ یہیں رہ کر ری ہیب کریں گے ڈاکٹرز نے مشورہ دیا ہے کہ آرام نہ کرنے کی صورت میں ان کی انجری سنگین بھی ہوسکتی ہے۔

انھوں نے کہا کہ ہمیں امید ہے کہ اگر کین انجری سے صحتیاب ہونے میں کامیاب ہوگئے تو وہ بھارتی دورے کے آخری حصے کے لیے دستیاب ہوں گے۔

نیوزی لینڈ وائٹ بال ٹیم کے آل راؤنڈر مارک چیپ مین کو 17 رکنی اسکواڈ میں ولیمسن کے متبادل کے طور پر شامل کیا ہے۔

ویلز نے مزید کہا کہ ہمیں یقین ہے کہ مارک ان پلیئز میں سے ایک ہیں جو اسپن بولنگ کے بہترین کھلاڑی ہیں اور برصغیر میں ان کا ٹریک ریکارڈ اس کا ثبوت ہے۔

یاد رہے کہ نیوزی لینڈ اور بھارت کے درمیان پہلا ٹیسٹ 16 اکتوبر سے بنگلورو میں شروع ہوگا، بلیک کیپس کی سری لنکا سے 2-0 کی شکست کے بعد بھارت میں کین ولیمسن کی غیر موجودگی نیوزی لینڈ کے لیے ایک اور سیریز شکست کا باعث بن سکتی ہے۔

کھلاڑیوں کو بیماری سے بچانے کے لیے دورہ بھارت پر آنے والی انگلش ٹیسٹ ٹیم نے اپنے ساتھ شیف کو بھی لانے کا فیصلہ کیا ہے۔

تفصیلات کے مطابق برطانوی روزنامے کی رپورٹ میں انکشاف کیا گیا ہے کہ انگلش پلیئرز کو دورہ بھارت کے دوران بیمار ہونے سے بچانے کے لیے حکام نے ان کے ساتھ شیف بھیجنے کا فیصلہ کیا ہے۔

میڈیا رپورٹس میں یہ بھی بتایا گیا ہے کہ انگلش ٹیم ہر دورے میں باقاعدگی سے اپنا شیف ساتھ لے جاتی ہے۔ اس بار بھی برطانوی کرکٹ ٹیم کا کھانا ملکی باورچی ہی بنائے گا۔

خیال رہے کہ بھارت اور انگلینڈ کی ٹیموں کے درمیان 5 ٹیسٹ میچز کی سیریز شیڈول ہے جس کے لیے انگلش کرکٹ ٹیم اسی ماہ بھارت آئے گی۔

دونوں ٹیموں کے مابین پہلا ٹیسٹ میچ 25 جنوری سے شروع ہوگا جبکہ طویل دورے کا آخری میچ مارچ میں منعقد ہوگا۔

صرف 7 فرسٹ کلاس میچ کھیلنے والے شعیب بشیر کو انگلینڈ کرکٹ ٹیم نے دورہ بھارت کے لیے منتخب کرلیا۔

تفصیلات کے مطابق انگلینڈ کرکٹ بورڈ کی جانب سے بھارت کے خلاف ٹیسٹ سیریز کے لیے اسکواڈ کا اعلان کردیا گیا ہے۔ نوجوان آف اسپنر شعیب بشیر کو بھی دورہ بھارت کے لی منتخب کیا گیا ہے۔

بیس سالہ شعیب بشیر صرف 7 فرسٹ کلاس میچز کھیلنے کا تجربہ رکھتے ہیں جنھیں انگلش سلیکٹرز نے بھارت کے خلاف موقع دینے کا فیصلہ کیا ہے۔

England hands a maiden Test call-up for 20-year-old Shoaib Bashir.pic.twitter.com/Q5MaTpaX23

— CricTracker (@Cricketracker) December 11, 2023

انگلش اسکواڈ میں رائٹ آرم آف اسپنر شعیب بشیر کے ہمراہ ریحان احمد اور ٹام ہارٹلی بھی بطورف اسپنرز شامل ہوں گے۔

بھارت کے خلاف 5 میچوں کی ٹیسٹ سیریزمیں بین اسٹوکس انگلینڈ کی قیادت کریں گے۔ جمی اینڈرسن، اولی روبنسن اور مارک ووڈ بھی انگلش اسکواڈ میں شامل ہیں۔