کولمبو: سری لنکن ٹیم کے 10 سینئر کھلاڑیوں نے پاکستان میں سیریز کھیلنے سے انکار کردیا جن میں اینجلیو میتھیوز، کرونارتنے اور لیستھ ملنگا بھی شامل ہیں۔
تفصیلات کے مطابق سری لنکن کرکٹ ٹیم شیڈول کے مطابق پاکستان کا دورہ کرے گی، سری لنکن بورڈ کا کہنا ہے کہ کھلاڑیوں کو دورے کے حوالے سے فیصلہ کرنے کی مکمل آزادی دی گئی تھی۔
سینئر کھلاڑی کرونا رتنے، اینجلیو میتھیوز، لستھ ملنگا نے ٹیم کے ہمراہ پاکستان جانے سے معذرت کرلی ہے۔
[bs-quote quote=”دورہ پاکستان کے لیے سری لنکن ٹیم کا اعلان کل کیا جائے گا” style=”style-8″ align=”left” author_name=”سری لنکن بورڈ”][/bs-quote]
ون ڈے اور ٹی ٹوینٹی سیریز 27 ستمبر سے 9 اکتوبر تک کراچی اور لاہور میں ہوگی، سری لنکن ٹیم 25 ستمبر کو پاکستان پہنچے گی۔
سری لنکن کرکٹ بورڈ کا کہنا ہے کہ دورہ پاکستان کے لیے ٹیم کا اعلان کل کیا جائے گا۔
واضح رہے کہ پی سی بی رواں سال اکتوبر میں سری لنکا کے خلاف ٹیسٹ سیریز کی ہوم گراؤنڈز پر میزبانی کا خواہاں تھا، انتظامات کا جائزہ لینے کے لیے ایس ایل سی کا ایک سیکیورٹی وفد بھی کراچی و لاہور آیا اور اطمینان کا اظہار کیا تھا۔
Niroshan Dickwella, Kusal Janith Perera, Dhananjaya De Silva,Thisara Perera,Akila Dhananjaya, Lasith Malinga,Angelo Mathews, Suranga Lakmal, Dinesh Chandimal,Dimuth Karunaratne will not be touring Pakistan.
— Roshan Abeysinghe (@RoshanCricket) September 9, 2019
چیئرمین پی سی بی احسان مانی نے سری لنکن بورڈ کے صدر سے فون پر بات کی تھی، بالآخر اتفاق رائے سے فیصلہ ہوا تھا کہ پہلے ون ڈے اور ٹی ٹوینٹی سیریز کھیلی جائے گی، ٹیسٹ سیریز دسمبر تک موخر کردی گئی تھی۔
پاکستان اور سری لنکا کے درمیان تین ون ڈے انٹرنیشنل 27، 29 ستمبر اور 2 اکتوبر کو نیشنل اسٹیڈیم میں کھیلے جائیں گے جبکہ ٹی ٹوینٹی سیریز کے تینچوں میچز لاہور میں 5، 7 اور 9 اکتوبر کو کھیلے جائیں گے۔
