Tag: دورہ پاکستان

سری لنکا کے صدر3 روزہ دورے پرآج پاکستان پہنچیں گے

اسلام آباد : سری لنکا کے صدر متھری پالا سری سینا تین روزہ دورے پر آج پاکستان پہنچیں گے، دورے کے دوران وہ صدر اور وزیراعظم سے ملاقات کریں گے۔

تفصیلات کے مطابق صدر ممنون حسین کی دعوت پر سری لنکا کے صدر متھری پالا سری سنیا آج 3 روزہ سرکاری دورے پر پاکستان پہنچیں گے۔

سری لنکن صدر متھری پالا سری سنیا اپنے دورے کے دوران یوم پاکستان کے موقع پر ہونے والی سرکاری تقریبات میں سرکاری مہمان کے طور پر شرکت کریں گے۔

معزز مہمان پاکستان میں اپنے قیام کے دوران دوران سری لنکا اور پاکستان کے درمیان باہمی تعلقات کو فروغ دینے کے لیے بات چیت کریں گے اور اس دوران اعلیٰ سیاسی اور عسکری قیادت سے بھی ملاقاتیں کریں گے۔

ذرائع کے مطابق سری لنکن صدر متھری پالا سری سنیا کے دورے کے دوران دونوں ممالک کے درمیان مختلف معاہدوں پر بھی دستخط کیے جائیں گے۔

وزیراعظم شاہد خاقان عباسی اورسری لنکن صدر کی ملاقات

خیال رہے کہ گزشتہ سال 20 ستمبر کو نیویارک میں وزیراعظم شاہد خاقان عباسی کی سری لنکا کے صدر سے ملاقات ہوئی تھی جس میں دونوں ممالک میں قریبی تعلقات کو مزید مضبوط بنانے کے عزم کا اعادہ کیا تھا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

مارچ 22, 2018
داعش کا اسلام سے تعلق نہیں، پاکستان میں جمہوریت کو دوام مل رہا ہے، میئرصادق خان

لاہور : میئر لندن صادق خان نے کہا ہے کہ داعش کا اسلام سے کوئی تعلق نہیں ہے تاہم داعش کا مقابلہ تعلیم اور مذہبی رواداری سے کیا جا سکتا ہے، خوشی ہے پاکستان میں جمہوریت آگے بڑھ رہی ہے.

ان خیالات کا اظہار لندن کے پہلے پاکستان نژاد مسلم میئر صادق خان نے لاہور کے دورے کے موقع پر میڈیا سے گفتگو کرتے ہوئے کیا، انہوں نے کہا کہ 2013 کے انتخابات میں مبصر کی حیثیت سے پاکستان چکا ہوں جب پاکستان کی سیاسی تاریخ میں پہلی بار جمہوری حکومت کی تبدیلی کا عظیم الشان مرحلہ دیکھنے کو ملا تھا.

انہوں نے کہا کہ عدلیہ،مقننہ اورانتظامیہ ریاست کے اہم ستون ہیں تاہم بعض اوقات ریاستی اداروں میں تناؤ کی کیفیت دیکھی جاسکتی ہے لیکن خوش آئند بات یہ ہے کہ پاکستان میں جمہوریت کی گاڑی رواں دواں ہے اور یہ سفر آگے کی جانب بڑھ رہا ہے.

ایک سوال کے جواب میں میئر لندن کا کہنا تھا کہ برطانیہ میں پاکستانی سیاستدانوں کا قیام میرے دائرہ اختیار میں نہیں ہے اور بریگزیٹ کے بعد برطانیہ کو نئے تجارتی پارٹنرز کی ضرورت ہے جس کے لیے پاکستان اور بھارت میں تجارتی اور کاروباری مواقع موجود ہیں.

اسی سے متعلق : لندن کے میئر صادق خان لاہور پہنچ گئے

پاکستان میں اپنے قیام سے متعلق انہوں نے کہا کہ اپنے وطن پہنچ کر خوشی محسوس کررہا ہوں دل کرتا ہے کہ یہاں طویل قیام کروں لیکن مجبوری ہے اس لیے آئندہ 2 روز میں مزید دو پاکستانی شہروں کا دورہ کروں گا اور پھر واپس برطانیہ لوٹ جاؤں گا تاہم جلد ہی دوبارہ پاکستان آؤں گا.

انہوں نے وزیراعلیٰ پنجاب شہبازشریف سے ہونے والی ملاقات کو خوش گوار اور مفید ملاقات قرار دیتے ہوئے کہا کہ دوران ملاقات مختلف تجارتی امور پر سود مند گفتگو رہی ہے.

دسمبر 6, 2017
امریکی وزیردفاع 4 دسمبرکوپاکستان آئیں گے

واشنگٹن : امریکی دفاعی ادارے پینٹاگون کا کہنا ہے کہ وزیر دفاع جیمزمیٹس 4 دسمبر کو پاکستان پہنچیں گے۔

تفصیلات کے مطابق امریکی دفاعی ادارے پنٹاگون نے وزیر دفاع کے دورہ پاکستان کا اعلان کر دیا، جیمزمیٹس4 دسمبر کو پاکستان آئیں گے۔

ترجمان پینٹاگون کے مطابق امریکی وزیر دفاع جیمزمیٹس اپنے دورہ پاکستان میں وزیراعظم شاہدخاقان عباسی اور آرمی چیف جنرل قمرجاوید باجوہ سے ملاقات کریں گے۔

پینٹاگون کے ترجمان نے کہا کہ امریکی وزیردفاع پاکستان کے ساتھ ساتھ مصر، اردن، کویت کا بھی دورہ کریں گے۔

پاکستان سے تعلقات کو اہمیت کی نگاہ سے دیکھتے ہیں، امریکی وزیرخارجہ

خیال رہے کہ اس سے قبل گزشتہ ماہ 24 اکتوبر کو امریکی وزیرخارجہ ریکس ٹلرسن نے وزیراعظم ہاؤس میں شاہد خاقان عباسی سے ملاقات کی تھی۔

اس موقع پر وزیرخارجہ خواجہ آصف، وزیرداخلہ احسن اقبال، وزیردفاع خرم دستگیر، آرمی چیف جنرل قمر جاوید باجوہ اور ڈی جی آئی ایس آئی لیفٹیننٹ جنرل نوید مختار سمیت دیگر اعلیٰ حکام بھی موجود تھے۔

امریکی وزیرخارجہ ریکس ٹلرسن کا کہنا تھا پاکستان سے تعلقات کو اہمیت کی نگاہ سے دیکھتے ہیں، دہشت گردی کےخلاف جنگ میں پاکستان کی قربانیاں قابل قدر ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

دسمبر 2, 2017
ورلڈ الیون کا دورہ پاکستان، پی سی بی نے شیڈول ترتیب دے دیا

لاہور: پاکستان کرکٹ بورڈ نے ورلڈ الیون کے دورہ پاکستان کے حوالے سے شیڈول تیار کرکے پنجاب حکومت کو ارسال کردیا۔

پی سی بی کے مطابق ورلڈ الیون آئندہ ماہ پاکستان کا دورہ کرے گی اور قومی کرکٹ ٹیم کے ساتھ تین میچز کی سیریز کھیلے گی، پاکستان کرکٹ بورڈ انتظامیہ نے دورے کی مناسبت سے پنجاب حکومت کو شیڈول بنا کر دے دیے ہیں۔

پاکستان کرکٹ بورڈ نے حکومت کو 7 تا 15 ستمبر کے درمیان میچز کے انعقاد کی تجویز دیتے ہوئے پنجاب انتظامیہ کو دو شیڈول بھیج دیے ہیں، پہلے شیڈول میں 11 تا 14 یا 12 تا 15 میچز کھیلنے کی تجویز دی گئی ہے۔

پی سی بی انتظامیہ کا کہنا ہے کہ صوبائی حکومت سے سیکیورٹی کلیئرنس ملنے کے بعد میچز کے انعقاد کا باقاعدہ اعلان کیا جائے گا اور ورلڈ الیون کے دورہ پاکستان کے موقع پر ٹی ٹوئنٹی میچز کا انعقاد بھی ملتوی کردیا جائے گا۔

پڑھیں: ورلڈ الیون ستمبر میں پاکستان آئے گی، آئی سی سی کی تصدیق

یاد رہے کہ ورلڈ الیون رواں سال ستمبر میں پاکستان کا دورہ کرے گی جس کی باقاعدہ تصدیق آئی سی سی کی جانب سے بھی کردی گئی ہے، ورلڈ الیون کی سربراہی نیوزی لینڈ کے معروف بلے باز برینڈن میکلم کریں گے۔

علاوہ ازیں ورلڈ الیون میں دنیا بھر کی مختلف کرکٹ ٹیموں کے کھلاڑیوں کو شامل کیا گیا ہے جن میں نیوزی لینڈ کے مارٹن گپتل، کورے اینڈرسن، ڈینئیل ویٹوری، ٹرینٹ بولٹ، آسٹریلیا کے اسٹینو، اسمتھ، مچل اسٹارک، گلین میکسویل، جنوبی افریقہ کے اے بی ڈویلئیرز، مورن مورکل اور سری لنکن وکٹ کیپر کمار سنگاکارا ٹیم میں شامل ہیں۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

اگست 15, 2017
فلسطینی صدر محمود عباس آج پاکستان پہنچ رہے ہیں

اسلام آباد : ‏فلسطینی صدر پاکستان کے دورے پر آج اسلام آباد پہنچ رہےہیں،محمود عباس صدر ممنون حسین اور وزیراعظم نواز شریف سے ملاقات کریں گے۔

تفصیلات کےمطابق ترجمان دفتر خارجہ کے مطابق فلسطینی صدر محمود عباس آج 17 رکنی وفد کے ہمراہ پاکستان پہنچیں گے اور پاکستان کے اعلیٰ حکام سے ملاقات کریں گے اور باہمی دلچسپی اور دو طرفہ تعلقات پر گفتگو کریں گے۔

اس دورے کے دوران صدر عباس اور پاکستانی وزیراعظم نواز شریف اسلام آباد میں فلسطینی سفارت خانے کا افتتاح بھی کریں گے۔حکومتِ پاکستان نے فلسطینی سفارت خانے کی تعمیر کے لیے اراضی 1992 میں مختص کی تھی۔

پاکستان میں فلسطینی سفیر ولیدابوعلی نے کہا ہے کہ آزاد فلسطینی ریاست کے قیام کے لیے پاکستان کی حمایت اور سفارت خانے کی عمارت کی تعمیر کے لیے تعاون پر پاکستان کے شکرگزار ہیں۔

پاکستان کے سرکاری خبر رساں ادارے پی ٹی وی سے گفتگو کرتے ہوئے انہوں نے کہا کہ مسلم امہ کو درپیش مسائل کے حل کے لیے پاکستان کا کردار اہم ہے۔

واضح رہے کہ فلسطین کے صدر محمود عباسی اس قبل دو مرتبہ پاکستان کا دورہ کر چکے ہیں وہ پہلی مرتبہ 2005 میں پاکستان آئے جب کہ دوسرا دورہ 2013 میں کیا تھا۔

جنوری 30, 2017
مسئلہ کشمیر پر مذاکرات، بھارتی سیکریٹری خارجہ کو دورہ پاکستان کی دعوت

اسلام آباد: پاکستان نے بھارت کو مسئلہ کشمیر پر باضابطہ طور پر ایک بار پھر دعوت دے دی، سیکریٹری خارجہ نے اپنے بھارتی ہم منصب کے خط کا جواب دیتے ہوئے انہیں جوابی خط تحریر کردیا جس میں انہیں دورہ پاکستان کی دعوت دی گئی ہے۔

دفتر خارجہ کے ترجمان نفیس زکریا کے مطابق بھارتی ہائی کمشنر گوتم بمبا والا نے سیکریٹری خارجہ اعزاز چوہدری سے ان کے دفتر میں ملاقات کی جہاں سیکریٹری خارجہ اعزاز چوہدر ی نے اپنے بھارتی ہم منصب کے نام خط ان کے حوالے کیا جس میں بھارتی ہم منصب کو رواں ماہ پاکستان آنے کی دعوت دی گئی ہے

ترجمان کے مطابق خط میں بھارتی سیکریٹری خارجہ کو مسئلہ کشمیر پر مذاکرات کرنے کی دعوت دی گئی ہے اور کہا ہے کہ مسئلہ کشمیر کا حل کشمیر کے عوام کی امنگوں کے مطابق حل ہونا چاہیے،مقبوضہ کشمیر میں انسانی حقوق کی خلاف ورزیاں فوری بند کی جائیں۔

اگست 19, 2016
گوادر سے چاہ بہار تک موٹر وے تعمیر کی جائے گی، طارق فاطمی

اسلام آباد: وزیراعظم کے معاون خصوصی طارق فاطمی کا کہنا ہےکہ پاکستان تمام ملکوں کیساتھ خوشگوار تعلقات قائم کرنے کا خواہاں ہے، دیگر ملکوں کی ناکامیوں کیلئے پاکستان کو ذمہ دار نہیں ٹھہرایا جاسکتا۔

اسلام آباد میں تقریب سے خطاب میں طارق فاطمی نےکہا گوادر اور چاہ بہار حریف بندرگاہیں نہیں بلکہ حلیف بندرگاہیں ہیں، گوادر سے چاہ بہار تک موٹر وے تعمیر کی جائے گی، انہوں نےکہاکہ کچھ ایسی قوتیں ہیں جو پاک افغان تعلقات کو پھلتا پھولتا نہیں دیکھ سکتیں۔

ان کا کہنا ہے کہ افغانستان میں قومی وحدت حکومت کے قیام پر خیر سگالی کا ہاتھ بڑھایا ہے جبکہ بارڈر مینجمنٹ مسائل سے نمٹنے کے لیے چیک پوسٹس بنائی جارہی ہیں۔

معاون خصوصی نے کہا کہ ہم ایران کے ساتھ بھی اقتصادی تعلقات آگے بڑھا رہے ہیں ،چاہ بہار کے منصوبے پر بھی کام کیا جائے گا، ان کا کہنا تھا کہ عرب ممالک کے ساتھ پاکستان کے تعلقات بہترین ہیں ۔

طارق فاطمی نے کہا کہ تمام ممالک کے ساتھ خوشگوار تعلقات قائم کرنا پاکستان کی اولین ترجیح ہے لیکن اس کا مقصد یہ نہیں ہونا چاہے کہ دوسرے ممالک کے ناکامیوں کو پاکستان کے کھاتے میں ڈال دیا جائے۔

انہوں نے کہا کہ پاکستان نے ہر ممکن کوشش کی ہے کہ افغانستان سے اچھے تعلقات قائم کئے جائے اور کوشش آئندہ بھی جاری رہے گی، مستحکم افغانستان پاکستان کے بہتر مفاد میں ہے۔

جون 28, 2016
مزید میزبانی نہیں‌ کرسکتے، افغان باشندوں کو واپس جانا ہوگا، طارق فاطمی

وزیراعظم کے معاون خصوصی برائے خارجہ امور طارق فاطمی نے کہا ہے کہ تیس لاکھ افغان مہاجرین کی میزبانی کرچکے لیکن اب مزید افغان باشندوں کی میزبانی نہیں کریں گے، وزیر خارجہ سرتاج عزیز نے افغان وزیر خارجہ کو دورہ پاکستان کی دعوت دے دی ہے

اپنے بیان میں ان کا کہنا تھا کہ افغانستان اپنی سرحدوں پر بایومیٹرک سسٹم نصب کرے اس عمل کا خیر مقدم کریں گے،توقع ہے کہ افغان سرزمین پاکستان کے خلاف استعمال نہیں ہوگی۔

ان کا کہنا تھا کہ بہترین سرحدی نظام کو نظر انداز نہیں کرسکتے، یہ عمل ضروری ہے،دونوں ممالک بات چیت سے مسئلے کو حل کرسکتے ہیں اسی لیے سرتاج عزیز نے افغان وزیر خارجہ کو پاکستان کی دعوت دی ہے تاکہ مذاکرات کے ذریعے مسائل حل کیے جائیں۔

انہوں نے مزید کہا کہ پاکستان نے اب تک تیس لاکھ سے زائد افغان مہاجرین کی میزبانی کی ہے لیکن اب مزید مہاجرین کی میزبانی نہیں کرسکتا، ہم چاہتے ہیں کہ افغان مہاجرین باعزت طریقے سے وطن واپس جائیں۔

ڈرون حملوں پر ان کا کہنا تھا کہ ان حملوں سے امن کے لیے کی گئی کوششوں پر سوالیہ نشان لگ گئے ہیں اور یہ حملے ہماری سالمیت اور خود مختاری کے خلاف ہیں انہیں بند ہونا چاہیے۔

طارق فاطمی نے بتایا کہ افغانستان میں امن بحال کرنے کی ذمہ داری چار ملکوں کے پاس ہے اور ہم اس کا حصہ ہیں،پاکستان کادورہ کرنے والے امریکی وفد سے اس معاملے پر بھی تفصیلی بات ہوئی، ہم افغانستان کی سول وار پاکستان میں لڑنے کے لیے تیار نہیں تاہم افغان صدر اشرف غنی سے ہر قسم کے تعاون پر تیار ہیں۔

جون 17, 2016
مشترکہ مفادات کونسل کا اجلاس، توانائی بچت سےمتعلق بل کی منظوری

مئی 29, 2014
نریندرمودی نےدورہ پاکستان کیلئے نواز شریف دعوت قبول کرلی

مئی 27, 2014