ARYNews.tv | Urdu – Har Lamha Bakhabar

Tag: دورہ پاکستان

  • وزیر خارجہ شاہ محمود قریشی کی برطانوی ہم منصب کو دورۂ پاکستان کی دعوت

    وزیر خارجہ شاہ محمود قریشی کی برطانوی ہم منصب کو دورۂ پاکستان کی دعوت

    ڈیووس : وزیر خارجہ شاہ محمود قریشی نے برطانوی ہم منصب ڈومینک راب  کو دورہ پاکستان کی دعوت دے دی جبکہ برطانوی وزیر خارجہ نے خطے میں قیام امن کیلئے پاکستان کی کاوشوں کو سراہا۔

    تفصیلات کے مطابق وزیر خارجہ شاہ محمود قریشی کا برطانوی وزیر خارجہ ڈومینک راب سے ٹیلیفونک رابطہ ہوا، جس میں دونوں رہنماؤں میں باہمی دلچسپی کے علاقائی ،دوطرفہ معاملات پر تبادلہ خیال کیا گیا۔

    وزیر خارجہ نے برطانوی ہم منصب کو خطے میں کشیدگی،امن وامان کی صورتحال اور پاکستان کےممکنہ خدشات سےآگاہ کرتے ہوئے کہا فریقین کو صبروتحمل سےسنجیدہ کاوشیں بروئے کارلانےکی ضرورت ہے۔

    وزیر خارجہ نے برطانوی ہم منصب کو کشیدگی کے خاتمے کیلئے پاکستان کی کاوشوں اور مقبوضہ کشمیر کی صورتحال سے بھی آگاہ کیا اور کہا برطانوی حکومت کشمیریوں کو بھارتی استبداد سے نجات دلانے اور مسئلہ کشمیر کے پر امن حل کیلئے مؤثر کرداراداکرے۔

    وزیر خارجہ شاہ محمود قریشی نے افغان امن عمل میں پاکستان کی کوششوں سے بھی آگاہ کیا اور برطانوی ہم منصب کو دورہ پاکستان کی دعوت دی۔

    برطانوی وزیر خارجہ نے خطے میں قیام امن کیلئے پاکستان کی کاوشوں کو سراہتے ہوئے کہا آنے والے دنوں میں پاکستان اور برطانیہ کےتعلقات مزید مستحکم ہوں گے جبکہ ونوں وزرائے خارجہ نے پاک برطانیہ تعلقات کے فروغ پر اتفاق کیا۔

  • ایلس ویلز 13 جنوری سے پاکستان سمیت جنوبی ایشیا کا دورہ کریں گی

    ایلس ویلز 13 جنوری سے پاکستان سمیت جنوبی ایشیا کا دورہ کریں گی

    واشنگٹن: امریکی نائب وزیر خارجہ ایلس ویلز 13 جنوری سے جنوبی ایشیا کا دورہ کریں گی، پاکستان بھی آئیں گی۔

    تفصیلات کے مطابق ایلس ویلز 13 جنوری سے جنوبی ایشیا کے دورے پر نکلیں گی، اور سب سے پہلے کولمبو کا دورہ کریں گی، سری لنکا کے بعد ایلس ویلز بھارت کا 4 روزہ دورہ کریں گی۔

    اے آر وائی نیوز کے مطابق ایلس ویلز 19 جنوری کو پاکستان پہنچیں گی، دورے کے دوران امریکی نائب وزیر خارجہ پاکستان کی سیاسی و عسکری قیادت سے ملاقاتیں کریں گی، سفارتی ذرایع کا کہنا ہے کہ ملاقاتوں میں خطے کی سیکورٹی صورت حال پر بات چیت کی جائے گی۔

    امریکا، پاکستان اور بھارت میں کشیدگی نہیں دیکھنا چاہتا: ایلس ویلز کی اے آر وائی نیوز سے گفتگو

    ایلس ویلز کی پاکستان میں سول سوسائٹی اور سیاسی رہنماؤں سے بھی ملاقاتیں ہوں گی۔

    یاد رہے کہ گزشتہ نومبر میں اے آر وائی نیوز سے خصوصی گفتگو میں ایلس ویلز نے کہا تھا کہ امریکا، پاکستان اور بھارت میں کشیدگی نہیں دیکھنا چاہتا، بھارت سے گرفتار کشمیریوں کی رہائی کا معاملہ اٹھایا گیا ہے، پاکستان اور بھارت کو اعتماد سازی کی فضا بحال کرنا ہوگی۔

    انھوں نے کہا تھا کہ پاک امریکا تعلقات میں بھی بہتری آرہی ہے، امید ہے پاکستان افغان حکومت اور طالبان کو مذاکرات کی میز پر لے آئے گا، پاکستان اور امریکا نے مل کر افغانستان کے سیاسی حل کی کوشش کی، امید ہے پاکستان یہ تعاون جاری رکھے گا۔

  • افغان مفاہمتی عمل، امریکی نمائندہ خصوصی کا دورہ پاکستان کا امکان

    افغان مفاہمتی عمل، امریکی نمائندہ خصوصی کا دورہ پاکستان کا امکان

    اسلام آباد: امریکی نمائندہ خصوصی برائے افغان مفاہمتی عمل زلمے خلیل زاد کا دورہ پاکستان کا امکان ہے۔

    تفصیلات کے مطابق ایران اور امریکا کے درمیان جاری حالیہ کشیدگی کے دوران نمائندہ خصوصی کا دورہ پاکستان اہمیت کا حامل ہے۔ دورے میں افغان مفاہمتی عمل سمیت خطے کی تازہ صورت حال پر تبادلہ خیال کیا جائے گا۔

    ذرائع کا کہنا ہے کہ زلمےخلیل زاد کا جمعرات کو ایک روزہ دورہ پر اسلام آباد آنے کا امکان ہے۔

    ذرائع نے بتایا کہ امریکی نمائندہ خصوصی کا دورہ پاکستان انتہائی اہمیت کا حامل ہے۔ دورے میں زلمے خلیل زاد کی پاکستان کے اعلیٰ حکومتی اہلکاروں سے ملاقاتیں ممکن ہیں۔ دریں اثنا اہم موضوعات زیربحث آئیں گے۔

    زلمے خلیل زاد افغان مفاہمتی عمل پر پاکستانی قیادت سے مشاورت کریں گے۔ خیال رہے کہ پاکستان نے امریکا اور طالبان کو مذاکرات کی میز پر لانے کے لیے ہمیشہ سے اہم کردار ادا کیا، جس کا مقصد خطے میں امن وسلامتی کو فروغ دینا ہے۔ اسی نتاظر میں امریکی صدر ڈونلڈ ٹرمپ بھی پاکستان کے معترف رہے ہیں۔

    واضح رہے کہ امریکا اور ایران کے درمیان جاری حالیہ کشیدگی کے باعث مشرقی وسطیٰ میں سنگین صورت حال ہے۔ ایران نے عراق میں قائم امریکی فوجی اڈے پر میزائل داغے جو ایرانی جنرل کی ہلاکت پر انتقامی کارروائی تھی۔

  • بنگلادیش کرکٹ ٹیم کے دورہ پاکستان سے متعلق اہم اعلان متوقع

    بنگلادیش کرکٹ ٹیم کے دورہ پاکستان سے متعلق اہم اعلان متوقع

    لاہور: بنگلادیش کرکٹ ٹیم کے دورہ پاکستان پر ایک دو روز میں بریک تھروکا امکان ہے، پاکستان اور بنگلادیش کرکٹ بورڈ کی جانب اہم اعلانات ممکن ہیں۔

    تفصیلات کے مطابق پاکستان کرکٹ بورڈ کے ذرائع نے بتایا ہے کہ بنگلادیش سے سیریز میں ٹیسٹ میچز ترجیح میں شامل ہیں۔ البتہ اب تک کوئی حتمی فیصلہ نہیں کیا گیا، آئندہ ایک دو روز میں دورہ پاکستان سے متعلق اہم اور حتمی فیصلہ آجائے گا۔

    ذرائع کا کہنا ہے کہ دونوں ٹیمیں کے درمیان ٹی ٹوئنٹی میچز کسی بھی وقت کھیلے جاسکتے ہیں، تاہم پاکستانی بورڈ ٹیسٹ سیریز چاہتا ہے۔ پی سی بی نے 1 ٹیسٹ اور 3 ٹی ٹوئنٹی میچز کی سیریز پر غور شروع کردیا۔

    بنگلادیش کرکٹ ٹیم کے ہیڈکوچ دورہ پاکستان کے لیے رضامند

    سیریز کا باقی 1 ٹیسٹ بنگلادیش میں ہونے والی سیریز میں شامل کرنے کی تجویز پر غور کیا جارہا ہے۔

    خیال رہے کہ پاکستان کرکٹ بورڈ(پی سی بی) نے بنگلادیش کرکٹ بورڈ کو جنوری میں 3ٹی 20 اور 2 ٹیسٹ کا شیڈول بھجوایا تھا، تاہم بنگلادیشن کرکٹ بورڈ حیلے بہانے سے کام لے رہا ہے، ٹی ٹوئنٹی کے بعد اب ٹیسٹ ٹیم بھی نہیں بھیجنا چاہتا۔

    جبکہ بنگلادیش کرکٹ ٹیم کے ہیڈکوچ رسل ڈومنگو نے دورہ پاکستان کے لیے اپنی رضا مندی ظاہر کردی ہے۔

  • دورہ پاکستان، شہزادہ ولیم کی تصویر کو اہم اعزاز مل گیا

    دورہ پاکستان، شہزادہ ولیم کی تصویر کو اہم اعزاز مل گیا

    لندن : ماحولیات کے حوالے سے نئے پروجیکٹ میں شہزادہ ولیم کی دورہ پاکستان میں کھینچی گئی تصویر نمایاں رہی ، شہزادہ ولیم کی تصویرشہزادی کیٹ نے ہندوکش کے پہاڑی سلسلے میں بنائی تھی۔

    تفصیلات کے مطابق برطانوی شہزادہ ولیم نے ماحولیات کے حوالے سے نئے پروجیکٹ ارتھ شاٹ پرائز کا اعلان کردیا، برطانوی شاہی محل کے انسٹاگرام اکاؤنٹ پر پراجیکٹ لانچ میں شہزادہ ولیم کی دورہ پاکستان میں لی گئی تصویرشئیرکی گئی ہے۔

     

    View this post on Instagram

     

    "The earth is at a tipping point and we face a stark choice: either we continue as we are and irreparably damage our planet or we remember our unique power as human beings and our continual ability to lead, innovate and problem-solve. • Remember the awe inspiring civilisations that we have built, the life-saving technology we have created, the fact that we have put a man on the moon. • People can achieve great things. And the next ten years present us with one of our greatest tests – a decade of action to repair the Earth.” • Led by Prince William and a global alliance, the @EarthshotPrize will inspire the the planet’s greatest problem solvers to solve Earth’s greatest problems: the emergencies facing our natural world. Take a look at our previous post to see the launch film, and follow @EarthshotPrize to stay updated. Photo 📷 by The Duchess of Cambridge, taken at a glacier in the Hindu Kush mountain range, situated in the Chitral District of Pakistan’s Khyber-Pakhtunkwa Province.

    A post shared by Kensington Palace (@kensingtonroyal) on

    ہندوکش کے پہاڑی سلسلے میں کھیچنی گئی تصویرکا انتخاب شہزادہ ولیم نے خود کیا، تصویر شہزادہ ولیم کی بیوی کیٹ مڈلٹن نے بنائی تھی، شہزادہ ولیم کا پروجیکٹ ماحولیاتی تبدیلیوں کیخلاف موثراقدامات سے متعلق ہے۔

    واضح رہے پانچ روزہ دورے میں شہزاد ولیم اور کیٹ مڈلٹن نے لاہوراسلام آباد اور چترال کا دورہ کیا تھا، کیلاش کی ثقافت دیکھی اور بادشاہی مسجد بھی گئے جبکہ وزیراعظم عمران خان سے اور صدر عارف علوی سے بھی ملاقات کی تھی۔

    پرنس ولیم اور ان کی اہلیہ کیٹ مڈلٹن کی پاکستان آمد پر رائل وزٹ پاکستان کا ٹاپ ٹرینڈ نمبرون پررہا اور، عوام نے حسین شہزادی کیٹ مڈلٹن اور خوبرو شہزادے ولیم کا پاکستان آمد پرشکریہ ادا کیا تھا۔

    برطانوی شہزادہ ولیم اوران کی اہلیہ کیٹ میڈلٹن نے دورہ چترال میں سیلاب سے ہونے والے نقصانات اور موسمیاتی تبدیلی کے باعث گلیشیر پگھلنے کے اثرات کا جائزہ لیا جبکہ کوہ ہندو کش اور ہمالیہ کے پہاڑی سلسلے کا فضائی جائزہ بھی لیا تھا۔

    دورے میں برطانوی شاہی جوڑے شہزادے ولیم اور اُن کی اہلیہ کیٹ مڈلٹن نے پاکستانی ٹرک آرٹ سے مزین رکشے میں سفر کر کے سب کے دل جیت لیے تھے۔

  • بنگلادیش کرکٹ ٹیم کے ہیڈکوچ دورہ پاکستان کے لیے رضامند

    بنگلادیش کرکٹ ٹیم کے ہیڈکوچ دورہ پاکستان کے لیے رضامند

    ڈھاکہ: بنگلادیش کرکٹ ٹیم کے ہیڈکوچ رسل ڈومنگو نے دورہ پاکستان کے لیے اپنی رضا مندی ظاہر کردی۔

    تفصیلات کے مطابق ہیڈکوچ رسل ڈومنگو کا کہنا ہے کہ مجھے بنگلادیش کرکٹ ٹیم کے ساتھ پاکستان جانے میں کوئی مسئلہ نہیں ہے، پاکستان جانے کی اجازت دی گئی تو ٹیم کے ہمراہ جاؤں گا۔

    انہوں نے یہ بھی کہا کہ مینجمنٹ کے کچھ لوگ نہیں جانا چاہتے مگر فیصلہ بورڈ کا ہوگا۔

    پاکستان کرکٹ بورڈ(پی سی بی) نے بنگلادیش کرکٹ بورڈ کو جنوری میں 3ٹی 20 اور 2 ٹیسٹ کا شیڈول بھجوایا تھا، تاہم بنگلادیشن کرکٹ بورڈ حیلے بہانے سے کام لے رہا ہے، ٹی ٹوئنٹی کے بعد اب ٹیسٹ ٹیم بھی نہیں بھیجنا چاہتا۔

    حال ہی میں بنگلادیش کرکٹ بورڈ (بی سی بی) کی جانب سے ٹیسٹ ٹیم پاکستان نہ بھیجنے سے متعلق خبریں سامنے آئی تھیں، تاہم اب تک بنگلادیش یہ فیصلہ نہیں کرسکا کہ کونسے فورمٹ کی ٹیم پاکستان آئے گی۔

    بھارت کا بنگلہ دیش پر دباؤ، پاکستانی کھلاڑی نشانہ بن گئے

    واضح رہے کہ گزشتہ دنوں پاکستان کرکٹ بورڈ نے بی سی بی کو خط لکھا تھا، بنگلادیش بورڈ نے تاحال پی سی بی کو خط کا جواب نہیں دیا۔ پاکستان کی جانب سے لکھے گئے خط کے متن میں کہا گیا ہے کہ بنگلادیش کا مکمل دورہ نہ کرنا منظورشدہ سیکیورٹی پلان کی نفی ہوگی۔

    خط کے مطابق بنگلادیش کی 2ٹیمیں پاکستان آسکتی ہیں تو تیسری مکمل دورہ کیوں نہیں کرسکتی؟ البتہ پاکستان کرکٹ بورڈ بنگلادیش کرکٹ ٹیم کے مکمل دورہ پاکستان کے لیے پر امید ہے۔

  • بنگلادیش کرکٹ ٹیم کی پاکستان نہ آنے کی اصل وجہ سامنے آگئی

    بنگلادیش کرکٹ ٹیم کی پاکستان نہ آنے کی اصل وجہ سامنے آگئی

    کراچی: بنگلادیش نے جو وعدہ کیا وہ پورا نہ کرسکا، دورہ پاکستان کے لیے کرکٹ ٹیم بھیجنے پر حیلے بہانے سے کام کیوں لے رہا ہے؟ اصل وجہ سامنے آگئی۔

    تفصیلات کے مطابق ذرائع نے دعویٰ کیا ہے کہ بنگلادیش کرکٹ ٹیم کا دورہ پاکستان سکیورٹی نہیں بلکہ سیاست کی وجہ سے غیر یقینی صورتحال ہے۔

    ذرائع نے بتایا کہ بنگلادیش بورڈ اراکین نے پاکستان کرکٹ بورڈ کے آئی سی سی میں جانے کی دھمکی کو پریشان کن قرار نہیں دیا، بنگلا دیش میں کچھ حلقے پاکستان کے دورے کے حق میں نہیں ہیں۔

    ذرائع کے مطابق کچھ حلقوں نے بورڈ اراکین پر دورے کی مخالفت کے لیے دباؤ ڈالا اور بورڈ اراکین نے اجلاس میں پاکستان کے دورے کی کھل کر مخالفت کی جبکہ بعض کرکٹرز بھی پاکستان کے دورے کے حامی نہیں ہیں۔

    اچھی ٹیم بنی تو ہی ٹی 20کھیلنے پاکستان جائیں گے، بنگلادیش کرکٹ بورڈ

    ذرائع کا کہنا ہے کہ بنگلا دیش بورڈ نے فوری طور پر پاکستان میں ٹیسٹ سیریز نہ کھیلنے کے حوالے سے پی سی بی کو بتایا ہے جب کہ اس کی کوئی مضبوط وجہ نہیں بتائی گئی۔

    خیال رہے کہ پی سی بی نے بنگلا دیش کو دو بار خط لکھ کر اس کی وجہ پوچھی ہے جس میں انہیں صدارتی لیول کی سیکیورٹی کی یقین دہانی کے ساتھ کہا گیا کہ سری لنکا کرکٹ ٹیم کے کامیاب دورے کے بعد بنگلا دیش کے پاس انکار کی کوئی وجہ نہیں ہے۔

    پی سی بی نے ٹیسٹ سیریز جب کہ بنگلا دیش نے پہلے ٹی ٹوئنٹی سیریز کھیلنے کا کہا ہے تاہم پی سی بی نیو ٹرل وینیو پر سیریز نہ کھیلنے کے اپنے فیصلے پر قائم ہے۔

  • دورۂ پاکستان: کیا ملکہ میسکسیما کو پھول بہت پسند ہیں؟

    دورۂ پاکستان: کیا ملکہ میسکسیما کو پھول بہت پسند ہیں؟

    نیدر لینڈز کی ملکہ ہمارے ملک میں ہیں۔ یہ ان کا پاکستان کا دوسرا دورہ ہے۔ میکسیما اس بار اقوامِ متحدہ کے سیکرٹری جنرل کی خصوصی نمائندہ بن کر یہاں آئی ہیں۔ ان کا یہ دورہ عالمی ادارے کے تحت ترقی میں اجتماعی معاونت کے پروگرام کی ایک کڑی ہے۔

    یہ تو وہ باتیں اور معلومات ہیں جو آج سارا دن مختلف ذرایع ابلاغ نے آپ تک پہنچائی ہیں اور ابھی یہ سلسلہ جاری رہے گا، مگر ہم آپ کو کچھ خاص اور سب سے الگ بتانے جا رہے ہیں۔

    ملکہ اپنے دورۂ پاکستان میں سرکاری اور نجی شعبوں کی متعدد نمایاں شخصیات سے ملاقات کریں گی۔ بتایا گیا ہے کہ ملکہ میکسیما اسٹیٹ بینک کے مائیکرو پیمنٹ گیٹ وے پروگرام کی افتتاحی تقریب کی مہمان بھی ہوں گی۔ یہ پروگرام مجموعی مالی تعاون کے فروغ، چھوٹی ادائیگیوں کی لاگت کم کرنے اور  ڈیجیٹل لین دین میں اضافے کی غرض سے شروع کیا گیا ہے۔

    نیدر لینڈز کی ملکہ تو ابھی تین روز تک ہمارے ہی ملک میں رہیں گی اور خصوصی نمائندہ کی حیثیت سے اپنی ذمہ داریاں نبھائیں گی۔ کیوں نہ ہم اُن کے وطن کی سیر کر آئیں!

    نیدر لینڈز جسے اکثریت ہالینڈ بھی کہتی اور لکھتی ہے، یورپ میں واقع ہے۔ یہ خطہ پھولوں کی سرزمین کہلاتا ہے۔ کئی دہائی پہلے کا یہ سفر نامہ ملکہ کی آمد کے ساتھ ہی گویا پھر تازہ ہو گیاہے۔ یہ سطور ممتاز احمد خاں جیسے خوب صورت لکھاری اور صحافی کے قلم کی نوک سے نکلی ہیں جو آپ کی دل چسپی کے لیے پیش ہیں۔

    ہالینڈ کی سرزمین پر قدم رکھتے ہی جو چیز سب سے زیادہ آپ کو متاثر کرتی ہے وہ ہے اس ملک کی شادابی، پانی کی فراوانی اور غیر معمولی صفائی ستھرائی۔

    سارا ملک ایک باغ معلوم ہوتا ہے۔ چاروں طرف گل و گل زار کا سا سماں ہے۔ شہر اور بن میں کوئی فرق نہیں۔ صفائی، سلیقے اور دل آویزی میں دونوں ایک دوسرے پر سبقت لے جانے کو کوشاں ہیں۔

    اس ملک کا کونا کونا دیکھنے کا اتفاق ہوا، لیکن چپّا بھر زمین بھی گندگی سے آلودہ نہ دیکھی۔ یا سبزہ ہے یا پھول پھلواری۔

    صفائی اور پھولوں کے یہ لوگ شیدائی ہیں۔ کوئی گھر ایسا نہیں جو پھولوں سے خالی ہو۔ مزدوروں کے فلیٹ بھی ہمارے بنگلوں سے بہتر ہیں۔ اہلِ ہالینڈ نے پھولوں سے اپنی شیفتگی کو باقاعدہ صنعت کی شکل دے دی ہے۔ بہار میں چاروں طرف پھولوں سے لدے ہوئے کھیت دکھائی دیتے ہیں جن میں گلِ لالہ کی سیکڑوں نئی اقسام پیدا کی گئی ہیں جو رنگ، رعنائی قد اور عمر میں ایک دوسرے سے مختلف بھی ہیں۔ کئی ہزار ٹن پھول یہاں سے غیر ممالک کو بھیجے جاتے ہیں۔

  • دورہ پاکستان کیلئے سری لنکا کی 16 رکنی ٹیسٹ ٹیم کا اعلان آج متوقع

    دورہ پاکستان کیلئے سری لنکا کی 16 رکنی ٹیسٹ ٹیم کا اعلان آج متوقع

    لاہور: دورہ پاکستان کے لیے سری لنکن کرکٹ بورڈ 16 رکنی ٹیسٹ اسکواڈ کا اعلان آج کرسکتا ہے۔

    تفصیلات کے مطابق پاکستان اور سری لنکا کے درمیان 11 دسمبر سے راولپنڈی اور 19 دسمبر سے نیشنل اسٹیڈیم کراچی میں ٹیسٹ میچز کھیلنے کا شیڈول ہے، جس کے لیے سری لنکن بورڈ آج ٹیسٹ اسکواڈ کا اعلان کرے گا۔

    سری لنکن میڈیا کے مطابق مجوزہ ٹیم میں تمام سینئر کھلاڑی بھی شامل ہوں گے، پاکستان کرکٹ بورڈ کی جانب سے 11دسمبر سے راولپنڈی اور 19 دسمبر سے نیشنل اسٹیڈیم کراچی میں ٹیسٹ میچز کھیلنے کا شیڈول لنکن بورڈ کے حوالے کیا جاچکا ہے، تاہم باضابطہ اعلان چند روز میں ہوگا۔

    دس سال بعد ٹیسٹ کرکٹ کھیلنے کے لیے آنے والی سری لنکن ٹیم کا کیمپ 18 نومبر سے کولمبو میں شیڈول کیا گیا، دوسری جانب پاکستان کرکٹ بورڈ نے اس اہم سیریز کی تیاریوں کا آغاز کر دیا ہے، میڈیا کے ایکریڈیشن کارڈز کا مرحلہ بھی جلد شروع ہورہا ہے۔

    یاد رہے کہ گزشتہ ماہ سری لنکن ٹیم دورہ پاکستان پر تھی، جہاں سری لنکا نے پاکستان کو ٹی ٹوینٹی سیریز میں شکست دی تھی جبکہ پاکستان نے ون ڈے سیریز میں 2-0 سے کامیابی اپنے نام کی تھی۔

    سری لنکن ٹیم نجی ائیرلائن سے براستہ دبئی وطن روانہ ہوگئی

    خیال رہے کہ دورہ سری لنکا سے پاکستان میں عالمی کرکٹ کی بحالی کے مزید دروازے کھلے، عالمی سطح اس سیریز کو پذیرائی ملی جبکہ دنیا کو یہ واضح پیغام گیا کہ پاکستان ایک پرامن ملک ہے جہاں کھیلوں سے متعلق بے پناہ صلاحتیں موجود ہیں۔

  • آئی ایم ایف مشن کا وفد آج پارلیمنٹ ہاؤس پہنچے گا

    آئی ایم ایف مشن کا وفد آج پارلیمنٹ ہاؤس پہنچے گا

    اسلام آباد: عالمی مالیاتی ادارے(آئی ایم ایف) مشن کا وفد آج پارلیمنٹ ہاؤس کا دورہ کرے گا، مشن کے سربراہ ارنسٹو وفد کی سربراہی کریں گے۔

    تفصیلات کے مطابق آئی ایم ایف مشن کا وفد سینیٹ اور قومی اسمبلی کی قائمہ کمیٹی خرانہ کے اجلاس میں شریک ہوگا، قائمہ کمیٹی خزانہ کے درمیان معاشی صورت حال پر بات ہوگی۔

    ذرائع کا کہنا ہے کہ وفود 6ارب ڈالر کے قرضے کے حوالے سے بات چیت کریں گے، اس دوران مشن ارکان اقتصادی صورت حال اور بہتری کے اقدامات پر روشنی ڈالیں گے۔

    مالیاتی ادارے کا وفد پروگرام کے تحت پاکستان میں موجود ہے جہاں وہ ملکی کارکردگی کا جائزہ لے رہا ہے اور جائزے کی کامیاب تکمیل پر پاکستان کو قرض کی دوسری قسط حاصل ہوجائے گی۔

    دوسری قسط کا حجم45 کروڑ 30 لاکھ ڈالر ہوگا، پاکستان کو ملنے والی پہلی قسط کا حجم99کروڑ 10لاکھ ڈالر تھا۔

    ایشیائی ترقیاتی بینک نے پاکستان کیلیے7کروڑ 50 لاکھ ڈالر قرض کی منظوری دیدی

    آئی ایم ایف کا وفد 7نومبر تک پاکستان میں قیام کرے گا، پہلا جائزہ مثبت نوٹ پر ختم ہوا، جب کہ آئی ایم ایف پاکستان کے اقدامات کی تعریف کرچکا ہے۔

    دوسری جانب 28 اکتوبر کو ایشیائی ترقیاتی بینک (اےڈی بی) نے پاکستان کے لیے7کروڑ 50لاکھ ڈالر قرض کی منظوری دی ہے، قرض کی رقم سیکنڈری تعلیم کی سہولیات فراہم کرنے کے لیے دی جائے گی۔