ARYNews.tv | Urdu – Har Lamha Bakhabar

Tag: دورہ پاکستان

  • برطانوی شاہی جوڑے کا دورہ پاکستان، برطانوی ہائی کمیشن کا بہتر سیکیورٹی انتظامات پر شکریہ

    برطانوی شاہی جوڑے کا دورہ پاکستان، برطانوی ہائی کمیشن کا بہتر سیکیورٹی انتظامات پر شکریہ

    اسلام آباد :برطانوی ہائی کمیشن نے برطانوی شاہی جوڑے کے دورہ پاکستان کے دوران بہتر سیکیورٹی انتظامات آئی جی اسلام آباد کا شکریہ ادا کرتے ہوئے کہا حکومت پاکستان اور اسلام آباد پولیس کے مشکور ہیں۔

    تفصیلات کے مطابق برطانوی شاہی جوڑے کے کامیاب دورہ پاکستان پر برطانوی ہائی کمیشن نے آئی جی اسلام آبادمحمدعامرذوالفقار کے نام تعریفی خط لکھا ، جس میں شاہی جوڑےکےدورےکےدوران بہترسیکیورٹی انتظامات پرآئی جی کا شکریہ ادا کیا۔

    خط میں کہا گیا پولیس افسران نےان تھک محنت کرکےسیکیورٹی کےبہترانتظامات کئے، حکومت برطانیہ کی طرف سےحکومت پاکستان،اسلام آبادپولیس کے مشکور ہیں اور اسلام آباد پولیس اور اس کے افسران کی خدمات کو قدر کی نگاہ سے دیکھتے ہیں، اسلام آباد پولیس دنیا کی بہترین فورس ہے۔

    یاد رہے چند روز قبل وزیراعظم عمران خان سے ملاقات میں برطانوی ہائی کمشنر تھامس ڈریو نے شاہی جوڑے کے کامیاب دورے اور شانداراستقبال پر اظہار تشکر کیا تھا۔

    مزید پڑھیں :  برطانوی ہائی کمشنرکا شاہی جوڑے کے کامیاب دورے اور شاندار استقبال پر وزیراعظم سے اظہار تشکر

    واضح رہے پانچ روزہ دورے میں شہزاد ولیم اور کیٹ مڈلٹن نے لاہوراسلام آباد اور چترال کا دورہ کیا، کیلاش کی ثقافت دیکھی اور بادشاہی مسجد بھی گئے جبکہ وزیراعظم عمران خان سے اور صدر عارف علوی سے بھی ملاقات کی تھی۔

    پرنس ولیم اور ان کی اہلیہ کیٹ مڈلٹن کی پاکستان آمد پر رائل وزٹ پاکستان کا ٹاپ ٹرینڈ نمبرون پررہا اور، عوام نے حسین شہزادی کیٹ مڈلٹن اور خوبرو شہزادے ولیم کا پاکستان آمد پرشکریہ ادا کیا تھا۔

    دورے میں برطانوی شاہی جوڑے شہزادے ولیم اور اُن کی اہلیہ کیٹ مڈلٹن نے پاکستانی ٹرک آرٹ سے مزین رکشے میں سفر کر کے سب کے دل جیت لیے تھے۔

    آخری روز بھی شہزادہ ولیم اور شہزادی کیٹ میڈلٹن نے لاہور کے ایس او ایس ویلیج میں بچوں کے ساتھ وقت گزار، بچوں کے کمرے میں گئے اور خوب گپ شپ لگائی ، شاہی جوڑے نے اسلام آباد میں کے نائن سینٹر کا دورہ بھی کیا۔

    برطانوی شاہی مہمان پانچ روزہ دورہ مکمل کرنے کے بعد برطانیہ روانہ ہوئے، دورہ کے آخری تقریب میں انہوں نے وفاقی دارالحکومت میں آرمی سینٹر کا بھی دورہ کیا اور خیبر رائفل ملٹری پوسٹ کے بارے میں بریفنگ حاصل کی تھی۔

  • امن قائم کرکے معاشی صورتحال بہتر بنائی جاسکتی ہے، زلمے خلیل زاد

    امن قائم کرکے معاشی صورتحال بہتر بنائی جاسکتی ہے، زلمے خلیل زاد

    اسلام آباد: امریکی نمائندہ خصوصی زلمے خلیل زاد نے دورہ پاکستان میں وزیراعظم عمران خان ، آرمی چیف جنرل قمرجاویدباجوہ اور دیگراعلیٰ حکومتی شخصیات سے ملاقاتیں کیں ، زلمے نے کہا کہ امن قائم کرکے معاشی صورتحال بہتر بنائی جاسکتی ہے۔

    تفصیلات کے مطابق امریکی نمائندہ خصوصی زلمے خلیل زاد کے دورہ پاکستان پر امریکی سفارتخانے نے اعلامیہ جاری کردیا ، اعلامیہ میں کہا گیا کہ زلمے خلیل زاد نے29، 30 اکتوبر تک پاکستان کا 2 روزہ دورہ کیا، دورے کے دوران وزیراعظم عمران خان اور آرمی چیف جنرل قمرجاویدباجوہ سے ملاقات کی۔

    اعلامیہ کے مطابق زلمے خلیل زاد دیگراعلیٰ حکومتی شخصیات س بھی ملے، ملاقاتوں میں افغان امن عمل پرپیش رفت ، تشدد میں کمی کی اہمیت پرتفصیلی بات چیت ہوئی، زلمے خلیل زاد کا کہنا تھا کہ امن قائم کرکے معاشی صورتحال بہتر بنائی جاسکتی ہے۔

    مزید پڑھیں : پاکستان افغان امن عمل کی حمایت جاری رکھے ہوئے ہے، وزیر اعظم عمران خان

    یاد رہے 29 اکتوبر کو وزیر اعظم عمران خان نے امریکی نمائندہ خصوصی کو ملاقات میں مکمل تعاون کی یقین دہانی کراتے ہوئے کہا تھا کہ پاکستان افغان امن عمل کی حمایت جاری رکھے ہوئے ہے، امن عمل میں حائل رکاوٹوں کو دور کرنےاور افغان مسئلے کا دیرپا سیاسی حل جلد مکمل کرنے کی ضرورت ہے۔

    وزیراعظم کا مزید کہنا تھا کہ افغانستان میں پرتشدد کارروائیوں میں کمی کیلئےعملی اقدامات کی ضرورت ہے، امن عمل کو نقصان پہنچانے والے بیانیے کیخلاف کھڑا ہونا ہوگا، بطور مخلص سہولت کار اور دوست پاکستان ہر ممکن مدد کرے گا، چاہتےہیں افغانستان میں قیام امن کیلئےڈیل کسی حتمی نتیجے پر پہنچے۔

  • برطانوی شہزادی دورہ پاکستان کے ذکر پر جذباتی ہوگئیں

    برطانوی شہزادی دورہ پاکستان کے ذکر پر جذباتی ہوگئیں

    لندن : برطانوی شہزادی کیٹ میڈلٹن نے پہلی بار انسٹاگرام پر دورہ پاکستان کی یادوں کی تصاویر کو پُرمسرت جذبات کے ساتھ پوسٹ کیا اور پیغام میں بتایا کہ کس طرح ایس او ایس ویلیج بچوں کو فیملی ماحول فراہم کررہا ہے۔

    تفصیلات کے مطابق برطانوی شہزادی کیٹ میڈلٹن نے ایسا کچھ کیا ہے جو اس سے پہلے کبھی نہیں کیا تھا، کیٹ میڈلٹن نے پہلی بار برطانوی شاہی محل کے انسٹاگرام اکاؤنٹس سے دورہ پاکستان سے متعلق پُرمسرت جذبات کا اظہار کیا۔

    کیٹ مڈلٹن نے ‘انسٹا گرام’ پر لاہور کے ایس او ایس ویلیج کے دورے کی تصویر کے ساتھ ساتھ ایک ویڈیو بھی شیئر کی، جس میں شہزادہ ولیم اور کیٹ میڈلٹن یتیم بچوں کے ساتھ گفتگو کرتے، ہنستے ہنساتے، کھیلتے اور پڑھاتے ہوئے نظر آئے۔

    تصاویر کے ساتھ کیٹ مڈلٹن نے اپنے پیغام میں کہا "ایس او ایس ویلیج کا ماحول بالکل گھر جیسا ہے، جس میں خاندان کے تمام افراد ایک ساتھ محبت سے رہتے ہیں اور ایک دوسرے کے دکھ سکھ کا خیال رکھتے ہیں۔” ان میں سے بہت سے بچے بہت تکلیف دہ حالات سے گزر کر یہاں پہنچے ہیں۔ لیکن یہاں ان کی ہر طرح سے دیکھ بھال کی جارہی ہے اور انھیں آگے بڑھنے کا موقع دیا جارہا ہے۔

    اس سے دو روز قبل برطانوی شہزادی کیٹ مڈلٹن نے دورہ پاکستان کے بعد سی این این کو پہلے خصوصی انٹرویو میں کہا تھا پاکستان میں سب کچھ بہت اچھا رہا، دلکش نظاروں کا جواب نہیں، پاکستانی لوگوں کی مہمان نوازی، ثقافت نے ہمیں بہت زیادہ متاثر کیا۔

    کیٹ مڈلٹن کا کہنا تھا کہ ایس او ایس ولیج دیکھنا چاہتی تھی، میں اپنے شوہر کے ساتھ وہاں گئی، ایس او ایس ولیج مستقبل کے حوالے سے بچوں کو مدد فراہم کر رہے ہیں، وہاں بہت ساری خواتین موجود تھیں جو بہت ہی مثبت کردار ادا کر رہی تھیں۔

    خیال رہے برطانوی شہزادے ولیم کی اہلیہ اور ڈچز آف کیمبرج کیٹ مڈلٹن دورہ پاکستان مکمل کر کے برطانیہ پہنچ چکے ہیں، دونوں نے مسلسل پانچ دنوں تک پاکستان میں قیام کیا۔

    مزید پڑھیں:  دورہ پاکستان کے بعد برطانوی شہزادی کا پہلا انٹرویو

    یاد رہے 17 اکتوبر کو ولیم اور کیٹ نے دورہ پاکستان میں پہلی بار ایس او ایس ویلیج کا دورہ کیا تھا ، جو ان کے ٹور پروگرام کا حصہ تھا۔ تاہم جب 17 اکتوبر کو دورہ لاہور سے واپسی پر موسم کی خرابی کے باعث ہوائی جہاز کو ہنگامی لینڈ کرنا پڑی اور شاہی جوڑے کو ایک اور رات لاہور میں قیام کرنا پڑا۔

    بعد ازاں 18 اکتوبر کو شہزادہ ولیم اور کیٹ نے ایک بار پھر ایس او ایس ویلیج جانے کا فیصلہ کیا تھا، جہاں  بچوں کے ساتھ وقت گزار، بچوں کے کمرے میں گئے اور خوب گپ شپ لگائی۔

    گذشتہ روز برطانوی شاہی محل نےشاہی جوڑے کے دورہ پاکستان کی جھلکیوں پر مبنی ویڈیو جاری کی تھی ، یہ ویڈیو شاہی محل کی جانب سے شکریہ پاکستان کے ٹائٹل سے ٹوئٹر پر شیئر کی گئی، جس میں شہزادہ ولیم اورکیٹ مڈلٹن کوثقافتی رنگون سے سجے رکشے میں سوار بھی دیکھا جاسکتا ہے۔

  • دورہ پاکستان کے بعد برطانوی شہزادی کا پہلا انٹرویو

    دورہ پاکستان کے بعد برطانوی شہزادی کا پہلا انٹرویو

    لندن :برطانوی شہزادی کیٹ مڈلٹن نے کہا ہے کہ پاکستان میں سب کچھ بہت اچھا رہا، دلکش نظاروں کا جواب نہیں ، ایس او ایس ولیج مستقبل کے حوالے سے بچوں کو مدد فراہم کر رہے ہیں۔

    تفصیلات کے مطابق برطانوی شہزادی کیٹ مڈلٹن نے دورہ پاکستان کے بعد سی این این کو پہلے خصوصی انٹرویو میں کہا پاکستان میں سب کچھ بہت اچھا رہا، دلکش نظاروں کا جواب نہیں، پاکستانی لوگوں کی مہمان نوازی، ثقافت نے ہمیں بہت زیادہ متاثر کیا۔

    کیٹ مڈلٹن نے کہا کہ ایس او ایس ولیج دیکھنا چاہتی تھی، میں اپنے شوہر کے ساتھ وہاں گئی، ایس او ایس ولیج مستقبل کے حوالے سے بچوں کو مدد فراہم کر رہے ہیں، وہاں بہت ساری خواتین موجود تھیں جو بہت ہی مثبت کردار ادا کر رہی تھیں۔

    برطانوی شہزادی کا کہنا تھا کہ ہم نے پاکستان کے مختلف مقامات کا دورہ کیا، میرے لیے یہ بھی اعزاز کی بات ہے کہ میں نے دورے کے دوران کمیونٹی سرگرمیوں میں بھی حصہ لیا۔

    انٹرویو کے دوران ولیم اور کیٹ نے پاکستان میں قیام کے دوران تعلیم اور آب و ہوا کی تبدیلی کے اثرات سے متعلق بھی بات کی۔

    خیال رہے برطانوی شاہی جوڑے کی لاہور سے اسلام آباد روانگی کے بعد طیارہ خراب موسم کے باعث مشکل صورتحال سے دوچار ہوگیا تھا تاہم پائلٹ انتہائی مہارت سے طیارے کو واپس لاہور ائیرپورٹ پر اتارنے میں کامیاب ہوگیا، شہزادی کیٹ میڈلٹن نے مشکل صورتحال کو ایڈونچر قرار دیا تھا۔

    مزید پڑھیں : برطانوی شاہی جوڑے کا یادگار دورہ لاہور

    شہزادی کا کہنا تھا کہ طیارہ ہچکولے کھا رہا تھا، رائل ائیرفورس کےعملے نے بہت مہارت دکھائی، ہماراخیال رکھا اور حفاظت سے ہمیں گھرپہنچایا۔

    یاد رہے گذشتہ روز برطانوی شاہی جوڑا پاکستان سے خوبصورت یادیں لئے وطن روانہ ہوا تھا، روانہ ہونے سے پہلے شاہی جوڑے کو یادگاری البم بھی دی گئی۔

    پانچ روزہ دورے میں شہزاد ولیم اور کیٹ مڈلٹن نے لاہوراسلام آباد اور چترال کا دورہ کیا، کیلاش کی ثقافت دیکھی اور بادشاہی مسجد بھی گئے جبکہ وزیراعظم عمران خان سے اور صدر عارف علوی سے بھی ملاقات کی ۔۔

    آخری روز بھی شہزادہ ولیم اور شہزادی کیٹ میڈلٹن نے لاہور کے ایس او ایس ویلیج میں بچوں کے ساتھ وقت گزار، بچوں کے کمرے میں گئے اور خوب گپ شپ لگائی ، شاہی جوڑے نے اسلام آباد میں کے نائن سینٹر کا دورہ بھی کیا۔

    برطانوی شاہی مہمان پانچ روزہ دورہ مکمل کرنے کے بعد برطانیہ روانہ ہو گئے ہیں، دورہ کے آخری تقریب میں انہوں نے وفاقی دارالحکومت میں آرمی سینٹر کا بھی دورہ کیا اور خیبر رائفل ملٹری پوسٹ کے بارے میں بریفنگ حاصل کی۔

  • برطانوی شاہی جوڑے کی پاکستان آمد ، شایانِ شان استقبال کی تیاریاں مکمل

    برطانوی شاہی جوڑے کی پاکستان آمد ، شایانِ شان استقبال کی تیاریاں مکمل

    اسلام آباد: برطانوی شاہی جوڑے کی پاکستان آمد پر شایان شان استقبال کی تیاریاں مکمل کرلی گئیں ہیں ، شہزادہ ولیم اور کیٹ مڈلٹن کانورخان ایئربیس پر ریڈکارپٹ استقبال ہوگا، شاہی مہمان صدرمملکت اوروزیراعظم سےملاقاتیں بھی کریں گے

    تفصیلات کے مطابق برطانوی شہزادہ اورشہزادی آج  پاکستان کے دورے پر پہنچ رہے ہیں ، شاہی جوڑے کا  ملک میں بھرپور اور پرتپاک استقبال کیا جائے گا ،جس کے لیے تقریباً تیاریاں مکمل کرلی گئیں ہیں۔

    شہزادہ ولیم اورکیٹ مڈلٹن آج رات ساڑھےنوبجےنورخان ائیربیس پہنچیں گے، جہاں وفاقی وزیر، دفترخارجہ اوربرطانوی ہائی کمیشن کے حکام استقبال کریں گے جبکہ شاہی جوڑے کو  گارڈآف آنربھی پیش کیاجائےگا۔

    ملکہ برطانیہ الزبتھ دوئم کے بڑے پوتے شہزادہ ولیم اور ان کی اہلیہ شہزادی کیٹ مڈلٹن 14 تا 18 اکتوبر پاکستان کا دورہ کریں گے۔

    شاہی جوڑے کی کل صدرپاکستان عارف علوی اوروزیراعظم عمران خان سےملاقاتیں طے ہیں ، جس میں جس میں دوطرفہ ملکی امور پر تبادلہ خیال کیا جائےگا۔

    برطانوی شہزادہ اورشہزادی16اکتوبر کو لاہور جائیں گے ، جہاں وہ شوکت خانم اسپتال، بادشاہی مسجد اور مینار پاکستان سمیت تاریخی جگہوں کا دورہ کریں گے  جبکہ جمعرات کو چترال کے لیے روانہ ہوں گے، شاہی جوڑے کا درہ خیبراورقلعہ خیبر کا دورہ بھی متوقع ہے۔

    ذرائع دفتر خارجہ کے مطابق برطانوی شاہی جوڑا 18 اکتوبر دوپہر ڈیڑھ بجے نور خان ائیر بیس سے وطن واپس روانہ ہو جائے گا۔

    واضح رہے کہ شہزادہ ولیم، شہزادہ چارلس اور لیڈی ڈیانا کے بڑے بیٹے ہیں اور انہیں پاکستانی دفتر خارجہ کی جانب سے دورے کی دعوت دی گئی تھی۔

  • برطانوی شاہی جوڑے کی پاکستان آمد سے متعلق خیرسگالی پیغام جاری

    برطانوی شاہی جوڑے کی پاکستان آمد سے متعلق خیرسگالی پیغام جاری

    اسلام آباد: برطانوی شاہی جوڑے کی آمد سے متعلق خیرسگالی پیغام جاری کیا گیا ہے، خیرسگالی پیغام کی ویڈیو برطانوی ہائی کمشنر تھامس ڈریو نے جاری کی ہے۔

    تفصیلات کے مطابق ڈیوک اینڈ ڈچز آف کیمبرج کے پاکستانی دورے کی تفصیلات سامنے آگئیں، برطانوی ہائی کمشنر تھامس ڈریو کا کہنا ہے کہ شاہی جوڑا اسلام آباد، لاہور اور مغربی حصوں کا دورہ کرے گا۔

    برطانوی ہائی کمشنر کے مطابق شاہی جوڑا دورے میں پاکستانیوں سے بھی ملاقات کرے گا، ملاقاتوں میں نوجوانوں کو خصوصی اہمیت دی جائے گی۔

    تھامس ڈریو کا کہنا ہے کہ شاہی جوڑے کا پاکستان کا دورہ ماضی کی روایات کا تسلسل ہے، برطانیہ پاکستان سے دیرپا اور مستحکم تعلقات کا خواہش مند ہے۔

    برطانوی ہائی کمشنر نے کہا کہ شاہی جوڑے کا دورہ مسرتوں بھرا ہوگا، امید ہے شاہی جوڑے کو بھرپور طریقے سے خوش آمدید کہا جائے گا۔

    واضح رہے کہ شاہی جوڑا 15 اکتوبر کو وزیراعظم عمران خان سے ملاقات کرے گا، شہزادہ ولیم اور ان کی اہلیہ کیٹ مڈلٹن کل شب ساڑھے 9 بجے پاکستان پہنچیں‌ گے۔

    جمعرات کو شہزادہ اور شہزادی چترال روانہ ہوں گے، اسی روز ان کے درہ خیبر اور قلعہ خیبر کا دورہ بھی متوقع ہے تاہم یہ بہتر موسمی حالات سے مشروط ہوگا۔

    برطانوی شاہی جوڑا جمعرات کی رات واپس وفاقی دارالحکومت پہنچے گا۔ 18 اکتوبر یعنی جمعے کو ان کے فیصل مسجد کے دورے کا بھی امکان ہے۔ برطانوی شاہی جوڑا 18 اکتوبر دوپہر ڈیڑھ بجے نور خان ائیر بیس سے وطن واپس روانہ ہو جائے گا۔

  • برطانوی شاہی جوڑا 15 اکتوبر کو وزیر اعظم عمران خان سے ملاقات کرے گا

    برطانوی شاہی جوڑا 15 اکتوبر کو وزیر اعظم عمران خان سے ملاقات کرے گا

    اسلام آباد: برطانوی شاہی جوڑے شہزادہ ولیم اور ان کی اہلیہ کیٹ مڈلٹن کے دورہ پاکستان کا شیڈول طے ہوگیا، شاہی جوڑا 15 اکتوبر کو وزیر اعظم عمران خان سے ملاقات کرے گا۔

    تفصیلات کے مطابق برطانوی شاہی جوڑے کے دورہ پاکستان کا شیڈول طے ہوگیا۔ برطانوی ولی عہد شہزادہ ولیم اور ان کی اہلیہ کیٹ مڈلٹن پرسوں یعنی 14 اکتوبر کی شب ساڑھے 9 بجے پاکستان پہنچے گا۔

    ذرائع برطانوی ہائی کمیشن کا کہنا ہے کہ شاہی جوڑا بچوں کے بغیر پاکستان کا دورہ کرے گا۔ ان کے ساتھ محافظین، طبی ماہرین اور 40 سے زائد صحافی بھی پاکستان پہنچیں گے۔

    ذرائع کے مطابق برطانوی شاہی جوڑا نور خان ائیر بیس پہنچے گا جہاں ان کا ریڈ کارپٹ استقبال کیا جائے گا۔ وفاقی وزیر، حکام دفتر خارجہ اور برطانوی ہائی کمیشن کے حکام جوڑے کا استقبال کریں گے۔ نور خان ایئر بیس پر برطانوی شاہی جوڑے کو گارڈ آف آنر پیش کیا جائے گا۔

    ذرائع کا کہنا ہے کہ اگلے روز منگل کو شاہی جوڑے کی صدر مملکت اور وزیر اعظم عمران خان سے ملاقاتیں ہوں گی، بعد ازاں شاہی جوڑا سیکٹر ایف 7 میں خواتین کے کالج کا دورہ کرے گا۔ منگل کو ہی جوڑا غیر سرکاری تنظیم کے توسط سے عوام سے ملاقاتیں کرے گا۔

    ذرائع کے مطابق دوسرے دن کا اختتام شاہی جوڑے کا پاکستان مونومنٹ کے دورے پر ہوگا۔ تیسرے دن بدھ کے روز شاہی جوڑا لاہور روانہ ہوگا۔ لاہور میں جوڑا ایس او ایس ولیج، ایچی سن کالج اور شوکت خانم اسپتال کا دورہ کرے گا۔ شاہی جوڑے کا بدھ کو بادشاہی مسجد اور مینار پاکستان جانے کا امکان بھی ہے تاہم سیکیورٹی کی وجہ سے اسے حتمی طے نہیں کیا گیا۔

    جمعرات کو شہزادہ اور شہزادی چترال روانہ ہوں گے۔ اسی روز ان کے درہ خیبر اور قلعہ خیبر کا دورہ بھی متوقع ہے تاہم یہ بہتر موسمی حالات سے مشروط ہوگا۔

    برطانوی شاہی جوڑا جمعرات کی رات واپس وفاقی دارالحکومت پہنچے گا۔ 18 اکتوبر یعنی جمعے کو ان کے فیصل مسجد کے دورے کا بھی امکان ہے۔ برطانوی شاہی جوڑا 18 اکتوبر دوپہر ڈیڑھ بجے نور خان ائیر بیس سے وطن واپس روانہ ہو جائے گا۔

  • ترک صدر طیب اردوان 23 اکتوبر کو پاکستان پہنچیں گے: سفارتی ذرائع

    ترک صدر طیب اردوان 23 اکتوبر کو پاکستان پہنچیں گے: سفارتی ذرائع

    اسلام آباد: سفارتی ذرائع نے کہا ہے کہ ترکی کے صدر رجب طیب اردوان پاکستان کے دورے پر 23 اکتوبر کو اسلام آباد پہنچیں گے۔

    تفصیلات کے مطابق ترک صدر طیب اردوان پاکستان کے دورے پر آ رہے ہیں، سفارتی ذرائع کا کہنا ہے کہ وہ 23 اکتوبر کو پاکستان پہنچیں گے۔

    ترک صدر کا دورہ پاکستان 2 روزہ ہوگا، اس دوران وہ پاکستان کی اعلیٰ سیاسی و عسکری قیادت سے ملاقاتیں کریں گے۔

    ذرایع کے مطابق رجب طیب اردوان اسٹریٹیجک مذاکرات میں شرکت کریں گے، پاک ترک اسٹریٹیجک مذاکرات 23 اور 24 اکتوبر کو ہوں گے، 23 اکتوبر کو مذاکرات میں وزرائے خارجہ بھی نمایندگی کریں گے۔

    یاد رہے کہ جولائی میں وزیر اعظم عمران خان نے ترک صدر کو پاک ترک اسٹریٹجک تعاون پر مبنی کونسل کے اجلاس کے سلسلے میں دورہ پاکستان کی دعوت دی تھی، جو انھوں نے قبول کر لی تھی۔

    یہ بھی پڑھیں:  ترک صدر رجب طیب اردوان کا وزیر اعظم عمران خان کو ٹیلی فون، اہم امور پر تبادلہ خیال

    بتایا گیا تھا کہ ترک صدر کی آمد سے دونوں ممالک میں مختلف شعبوں میں تعاون بڑھانے پر مزید پیش رفت ہوگی۔

    وزیر اعظم عمران خان سے ٹیلی فونک گفتگو کے دوران ترک صدر نے افغان امن عمل کے لیے بین الاقوامی کوششوں پر ان کی تعریف کی تھی اور ترکی کی جانب سے افغان امن عمل میں بھرپور حمایت کی یقین دہانی بھی کرائی تھی۔

    ترک صدر مسئلہ کشمیر کے سلسلے میں پاکستان کے مؤقف کی بھرپور حمایت کر چکے ہیں۔ علاوہ ازیں، اقوام دنیا میں اسلامو فوبیا کا مقابلہ کرنے کے لیے بھی پاکستان نے ترکی اور ملائیشیا کے ساتھ مل کر ایک مشترکہ انگریزی چینل شروع کرنے کا اعلان کیا ہے۔

  • سری لنکن ٹیم نجی ائیرلائن سے براستہ دبئی وطن روانہ ہوگئی

    سری لنکن ٹیم نجی ائیرلائن سے براستہ دبئی وطن روانہ ہوگئی

    لاہور: سری لنکن کرکٹ ٹیم دورہ پاکستان مکمل کرکے لاہور ائیرپورٹ سے نجی ایئرلائن کے ذریعے براستہ دبئی وطن روانہ ہوگئی۔

    تفصیلات کے مطابق سری لنکن کرکٹ ٹیم دورہ مکمل کرکے قذافی اسٹیڈیم سے ایئرپورٹ پہنچی، جہاں ٹیم کوسخت سیکیورٹی کے حصارمیں رکھا گیا بعد ازاں نجی ایئرلائن کے ذریعے ٹیم اپنے ملک روانہ ہوگئی۔

    سری لنکن ٹیم کے پرامن طریقے سے کامیاب دورے کو پزیرائی ملی، اور عالمی کرکٹ کے لیے پاکستان کے دروازے کھل گئے، دیگر ملکوں کے بھی پاکستان آکر کرکٹ کھیلنے کے امکانات ہیں۔

    اس دورے میں سری لنکن ٹیم کو پاکستان میں ایک روزہ سیریز میں شکست کا سامنا کرنا پڑا تھا، جبکہ ٹی20 سیریز میں سری لنکن ٹیم نے پاکستان کو وائٹ واش کیا۔

    ’’پاکستان سے ملنے والی محبتوں کو ہمیشہ یاد رکھیں گے‘‘

    یاد رہے کہ سری لنکن ٹیم دس سال کے طویل عرصے کے بعد پاکستان آئی تھی، جہاں دونوں ٹیموں کے مابین تین ون ڈے اور تین ٹی ٹوئنٹی میچز کی سیریز کھیلی گئی، پہلا ون ڈے بارش کی وجہ سے نہیں کھیلا جاسکا تھا جبکہ دو میں پاکستان نے فتح اپنے نام کرلی تھی، اسی طرح ٹی ٹوئنٹی سیریز میں سری لنکا نے قومی ٹیم کو وائٹ واش کر کے ٹرافی اپنے نام کی۔

    اپنے ملک روانگی سے قبل سری لنکا کی ٹیم کے کوچ رمیش رنا ئیکے کا کہنا تھا کہ پاکستان آکر کھیلنے میں بہت خوشی ہوئی، یہاں سے ملنی والی محبتوں کو ہمیشہ یاد رکھیں گے۔

    میچ کے بعد سری لنکن کوچ رمیش رتنائیکے اور کپتان داش شناکا نے مشترکا پریس کانفرنس کی جس میں انہوں نے شائقین کرکٹ کا سپورٹ کرنے پر شکریہ بھی ادا کیا۔

  • وزیرخارجہ نے افغان تاجروں اور مہاجرین کیلیے سہولتوں کی یقین دہانی کرادی، ترجمان طالبان

    وزیرخارجہ نے افغان تاجروں اور مہاجرین کیلیے سہولتوں کی یقین دہانی کرادی، ترجمان طالبان

    اسلام آباد : ترجمان طالبان سہیل شاہین نے کہا ہے کہ طالبان وفد کی پاکستانی وزیر خارجہ شاہ محمود قریشی اور اعلیٰ عہدیداروں سے ملاقات ہوئی ، وزیرخارجہ نے افغان تاجروں اور مہاجرین  کے لیے سہولتوں کی یقین دہانی کرادی ہے۔

    تفصیلات کے مطابق دوحہ میں طالبان دفترکے ترجمان سہیل شاہین نے سماجی رابطے کی ویب سائٹ ٹوئٹر پر دورہ پاکستان کے حوالے سے کہا کہ طالبان وفد کی پاکستانی وزیرخارجہ شاہ محمود قریشی سمیت اعلیٰ عہدیداروں سے ملاقات ہوئی، وفد نے دونوں ممالک کے تعلقات، سیاسی امور، امن پر بھی بات کی۔

    سہیل شاہین کا کہنا تھا کہ پاکستان کے وزیر خارجہ اور وفد نے اہم امور پر بات چیت کی اور وزیرخارجہ نے افغان تاجروں اور مہاجرین کے لیے سہولتوں کی یقین دہانی کرائی ہے۔

    یاد رہے اسلام آباد میں پاکستان اورافغان طالبان کے وفد کے درمیان دفترخارجہ میں مذاکرات ہوئے تھے ، دونوں فریقین کے درمیان وفود کی سطح پر سوا گھنٹے تک مذاکرات جاری رہے، مذاکرات میں خطےکی صورتحال، افغان امن عمل اور باہمی دلچسپی کےامور پرتبادلہ خیال کیا گیا اور فریقین نے مذاکرات کی جلد بحالی کی ضرورت پربھی اتفاق کیا۔

    مزید پڑھیں: وزیرخارجہ اور افغان طالبان وفد کا افغان امن عمل کی جلد بحالی پر اتفاق، اعلامیہ جاری

    وزیر خارجہ شاہ محمود قریشی نے کہا تھا پاکستان افغان امن عمل کیلئے مصالحانہ کردار ادا کرتارہےگا جبکہ افغان طالبان نے پاکستان کے مصالحانہ کردار کی تعریف کی۔

    وزیر خارجہ شاہ محمود قریشی کا کہنا تھا کہ پرامن افغانستان خطے کے استحکام کیلئے ضروری ہے، افغان امن کیلئے مذاکرات ہی مثبت اور واحد راستہ ہے، خواہش ہے فریقین مذاکرات کی جلد بحالی پر تیار ہو جائیں۔

    دوسری جانب افغان امن عمل کے لئے امریکی نمائندہ خصوصی زلمے خلیل زاد اسلام آبادمیں پہلے سے موجود ہیں، زلمےخلیل زاد گزشتہ روزچین سے پانچ رکنی وفد کے ساتھ پاکستان پہنچے تھے، طالبان کا وفد امریکی نمائندہ خصوصی سے بھی ملاقات کرے گا۔

    خیال رہے افغانستان میں امن کے لئے امریکا اورافغان طالبان کے درمیان امن مذاکرات دوحہ میں ہورہے تھے جو کچھ عرصے سے تعطل کا شکار ہیں، افغانستان میں حملے میں امریکی فوجی کی ہلاکت پر امریکی صدر نے مذاکرات معطل کردیئے تھے۔