Tag: دورہ چین

  • وزیر اعظم عمران خان 25 سے 28 اپریل تک چین کا دورہ کریں گے

    وزیر اعظم عمران خان 25 سے 28 اپریل تک چین کا دورہ کریں گے

    اسلام آباد: وزیر اعظم عمران خان 25 سے 28 اپریل تک چین کا دورہ کریں گے، یہ وزیر اعظم کا دوسرا دورہ چین ہے۔

    تفصیلات کے مطابق دفتر خارجہ کی جانب سے جاری کردہ بیان میں کہا گیا ہے کہ وزیر اعظم عمران خان 25 سے 28 اپریل تک چین کا دورہ کریں گے، وزیر اعظم چین کے صدر شی جن پنگ کی دعوت پر دورہ کر رہے ہیں۔

    دفتر خارجہ کا کہنا ہے کہ وزیر اعظم بیلٹ اینڈ روڈ فورم میں شرکت کریں گے، وزیر اعظم عمران خان چین کے صدر اور وزیر اعظم سے بھی ملاقات کریں گے۔

    وزیر اعظم کے دورہ چین کے دوران باہمی تعاون کے فروغ کے لیے مفاہمتی یادداشتوں اور معاہدوں پر دستخط ہوں گے، وزیراعظم عالمی ہارٹی کلچر نمائش میں بھی شرکت کریں گے۔

    دفتر خارجہ کا مزید کہنا تھا کہ وزیر اعظم تجارت و سرمایہ کاری کانفرنس سے بھی خطاب کریں گے۔

    خیال رہے کہ وزیر اعظم عمران خان کا یہ دوسرا دورہ چین ہے، وزیر اعظم نے گزشتہ سال نومبر میں چین کا پہلا دورہ کیا تھا۔

    اپنے 5 روزہ پہلے دورہ چین میں چینی صدر اور وزیر اعظم کے علاوہ عمران خان نے دیگر اعلیٰ عہدیداروں سے بھی ملاقاتیں کی تھیں اور ملکی معیشت پر تبادلہ خیال کیا تھا جبکہ دونوں ممالک کے درمیان 15 معاہدوں اور یاداشتوں پر بھی دستخط کیے گئے تھے۔

  • وزیر اعظم عمران خان 27اپریل کو 3 روزہ دورے پر چین روانہ ہوں گے

    وزیر اعظم عمران خان 27اپریل کو 3 روزہ دورے پر چین روانہ ہوں گے

    اسلام آباد : وزیر اعظم عمران خان 27اپریل کو تین روزہ دورے پر چین روانہ ہوں گے، دورے میں چین کے صدر ، وزیر اعظم سمیت اعلیٰ قیادت سے ملاقاتیں جبکہ دوسرے ون بیلٹ ون روڈ فورم میں شرکت بھی کریں گے اور عالمی رہنماﺅں سے بھی ملاقاتیں ہوں گی۔

    تفصیلات کے مطابق وزیر اعظم عمران خان 27اپریل بروز ہفتہ کو تین روزہ دورے پر چین روانہ ہوں گے ، جہاں وہ چین کے صدر ، وزیر اعظم سمیت اعلیٰ قیادت سے ملاقاتیں کریں گے،ملاقاتوں میں چین پاکستان اقتصاری راہداری منصوبے پر بات چیت ہو گی۔

    ذرائع کے مطابق وزیر خارجہ شاہ محمود قریشی اور وزیر خزانہ اسد عمر سمیت کابینہ کے ارکان بھی وزیر اعظم کے ہمراہ ہوں گے۔

    وزیر اعظم دوسرے ون بیلٹ ون روڈ فورم میں شرکت کریں گے ، فورم میں 100سے زیادہ ممالک کے سربراہان اور مندوبین شریک ہوں گے جبکہ عمران خان فورم کی سائیڈ لائن پر عالمی رہنماﺅں سے ملاقاتیں بھی کریں گے۔

    وزیر اعظم عمران خان کو دورے کی دعوت چینی صدر شی جن پنگ نے دی تھی۔

    مزید پڑھیں : چین کی جانب سے پاکستان کو دو ارب دس کروڑ ڈالر موصول

    یاد رہے نومبر 2018 میں بھی وزیراعظم عمران خان نے 5 روزہ دورے پر چین گئے تھے ، دورے کے دوران عمران خان نے چینی صدر اور وزیراعظم کے علاوہ دیگر اعلیٰ عہدیداروں سے ملاقاتیں کیں اور ملکی معیشت پر تبادلہ خیال کیا جبکہ 15 دونوں ممالک کے درمیان 15 معاہدوں اور یاداشتوں پر بھی دستخط کئے گئے تھے۔

    وزیراعظم عمران خان کے دورہ چین پر پاک چین مذاکرات کا مشترکہ اعلامیہ بھی جاری کیا گیا تھا ، جس میں کہا گیا تھا کہ دونوں ملک اچھے ہمسائے، قریبی دوست اور قابل اعتماد شراکت دار ہیں۔

    اعلامیہ میں کہا گیا تھا کہ باہمی دوستی وتعاون کا خطے اور خطے سے باہرامن واستحکام میں اہم کردار ہے، دونوں ملک باہمی تعلقات کو اسٹریٹجک اور طویل المدت تناظرمیں دیکھتے ہیں۔

  • وزیر اعظم عمران خان 27 اپریل کو دورہ چین  کے لیے  روانہ ہوں گے

    وزیر اعظم عمران خان 27 اپریل کو دورہ چین کے لیے روانہ ہوں گے

    اسلام آباد :  وزیر اعظم عمران خان 27 اپریل کو 3روزہ دورے پر بیجنگ روانہ ہوں گے، دورے میں عمران خان  چین کےصدر، وزیر اعظم سمیت اعلی قیادت  سے ملاقاتیں کریں گے ، ملاقاتوں میں پاک چین راہ داری منصوبے پر بات چیت ہوگی۔

    تفصیلات کے مطابق وزیر اعظم عمران خان کا آئندہ ماہ دورہ چین کا شیڈول طے پاگیا ، ذرائع کا کہنا ہے وزیر اعظم 27 اپریل کو 3روزہ دورے پر بیجنگ روانہ ہوں گے، وزیر خارجہ اور وزیر خزانہ سمیت کابینہ ارکان بھی ہمراہ ہوں گے۔

    ذرائع کے مطابق وزیر اعظم دوسرے ون بیلٹ ون روڈ فورم میں شرکت کریں گے ، فورم میں دنیا بھر سے 100سے زائدممالک کے سربراہان اور مندوبین بھی شریک ہوں گے ، وزیر اعظم فورم کےدوران عالمی رہنماؤں سے ملاقاتیں بھی کریں گے۔

    ذرائع کا کہنا ہے وزیر اعظم چین کےصدر، وزیر اعظم سمیت اعلی قیادت سےملاقاتیں کریں گے، ملاقاتوں میں پاک چین راہ داری منصوبے پر بات چیت ہوگی۔

    وزیراعظم عمران خان کو دورے کی دعوت چینی صدر شی جن پنگ نے دی تھی۔

    مزید پڑھیں : چین کی جانب سے پاکستان کو دو ارب دس کروڑ ڈالر موصول

    خیال رہے دو روز قبل چین کی جانب سے پاکستان کو دو ارب دس کروڑ ڈالر موصول ہوئے تھے، جس کے بعد زرمبادلہ کے ذخائر17ارب81 کروڑ ڈالر تک جا پہنچے تھے۔

    یاد رہے نومبر 2018 میں بھی وزیراعظم عمران خان نے 5 روزہ دورے پر چین گئے تھے ، دورے کے دوران عمران خان نے چینی صدر اور وزیراعظم کے علاوہ دیگر اعلیٰ عہدیداروں سے ملاقاتیں کیں اور ملکی معیشت پر تبادلہ خیال کیا جبکہ 15 دونوں ممالک کے درمیان 15 معاہدوں اور یاداشتوں پر بھی دستخط کئے گئے تھے۔

    وزیراعظم عمران خان کے دورہ چین پر پاک چین مذاکرات کا مشترکہ اعلامیہ بھی جاری کیا گیا تھا ، جس میں کہا گیا تھا کہ دونوں ملک اچھے ہمسائے، قریبی دوست اور قابل اعتماد شراکت دار ہیں۔

    اعلامیہ میں کہا گیا تھا کہ باہمی دوستی وتعاون کا خطے اور خطے سے باہرامن واستحکام میں اہم کردار ہے، دونوں ملک باہمی تعلقات کو اسٹریٹجک اور طویل المدت تناظرمیں دیکھتے ہیں۔

  • پاکستان اور چین  کے نوجوانوں پر مشتمل یوتھ کمیٹی کے قیام کا فیصلہ

    پاکستان اور چین کے نوجوانوں پر مشتمل یوتھ کمیٹی کے قیام کا فیصلہ

    اسلام آباد : وزیراعظم عمران خان کی نوجوانوں کے لئےکوششیں رنگ لانے لگیں، پاکستان اور چین کے نوجوانوں پر مشتمل یوتھ کمیٹی کے قیام کا فیصلہ کرلیا گیا ، چین نے پاکستانی نوجوانوں کے وفد کو دورہ چین کی دعوت بھی دی، عثمان ڈار کا کہنا ہے کہ چین کی جانب سےدعوت نامہ ملنانوجوانوں کے لئے بڑی کامیابی ہے۔

    تفصیلات کے مطابق وزیراعظم عمران خان کے دورہ چین کے مثبت اثرات نظر آنے لگے، پاکستان چین میں نوجوانوں کی فلاح وبہبود کے لئے سرکاری سطح پر اقدامات کا آغاز کر دیا اور دونوں ممالک کے نوجوانوں پر مشتمل یوتھ کمیٹی کے قیام کا فیصلہ کیا ہے، کمیٹی کے قیام کا فیصلہ وزیراعظم کے دورہ چین کے نتیجے میں کیاگیاہے۔

    [bs-quote quote=” چین نے پاکستانی نوجوانوں کے وفد کو دورہ چین کی دعوت دے دی ” style=”style-6″ align=”left”][/bs-quote]

    چین نے پاکستانی نوجوانوں کےوفدکودورہ چین کی دعوت دی ہے اور تحریری طور پر پاکستانی دفترخارجہ کو آگاہ کردیا ہے۔

    معاون خصوصی عثمان ڈاراور چینی سفیر نے ملاقات میں معاملات کو حتمی شکل دی ، عثمان ڈار نے کہا نوجوانوں کے درمیان تجربات کا تبادلہ اور رابطوں کو بڑھایاجائےگا، وزیراعظم کی ہدایت پر نوجوانوں کے لئے تاریخی اقدامات کررہے ہیں۔

    معاون خصوصی کا مزید کہنا تھا کہ چین کی جانب سےدعوت نامہ ملنانوجوانوں کےلئےبڑی کامیابی ہے، ملائیشیااورجرمنی سمیت دیگرممالک سےبھی رابطے جاری ہیں، نوجوانوں کوترقی کےمیدان میں آگےدیکھناچاہتےہیں، سرکاری سطح پرچین کی دعوت قبول کرلی گئی ہے۔

    یاد رہے 27 دسمبر 2018 کو نوجوانوں کی فلاح و بہبود سے متعلق پہلا اجلاس ہوا تھا ، اجلاس کے لیے پہلی مرتبہ چاروں صوبوں کے یوتھ منسٹرز، مشیر اور سیکریٹریز اکٹھے ہوئے تھے، جس میں صوبائی حکومتوں نے وفاق کے ساتھ مل کر پالیسی بنانے پر اتفاق کیا گیا تھا۔

    اس موقع پر وزیر اعظم کے معاون خصوصی برائے یوتھ افیئرز عثمان ڈار کا کہنا تھا کہ نوجوان ملک کا سرمایہ ہیں ان کا مستقبل محفوظ بنائیں گے، روزگار کی فراہمی کے لیے جامع منصوبہ بندی کرلی گئی ہے ، نوجوانوں کو نظر انداز کرنے کا سلسلہ ختم کر رہے ہیں۔

    اس سے قبل وزیراعظم عمران خان کا کہنا تھا کہ نوجوانوں کو تعلیم، صحت اور روزگار کی فراہمی حکومت کی اولین ترجیح ہے، نوجوان ملک کی تقدیر بدل سکتے ہیں۔

    خیال رہے کہ عثمان ڈار کو اکتوبر میں وزیر اعظم یوتھ پروگرام کا چیئرمین تعینات کیا گیا تھا، بعد ازاں انہیں وزیر اعظم عمران خان نے اپنا معاون خصوصی برائے یوتھ افیئرز مقرر کیا تھا۔

    وزیر اعظم نے نوجوانوں کے لیے قومی پالیسی لانے کا فیصلہ بھی کیا تھا، پالیسی کی تیاری کا ٹاسک عثمان ڈار کے سپرد کیا تھا۔

  • تحریک انصاف کے وفد کا دورہ چین، کرپشن کے خاتمے پر بریفنگ

    تحریک انصاف کے وفد کا دورہ چین، کرپشن کے خاتمے پر بریفنگ

    اسلام آباد: پاکستان تحریک انصاف کے وفد کو دورہ چین کے دوران کرپشن کے خاتمے پر دی جانے والی بریفنگ میں بتایا گیا کہ چینی صدر بھی کرپشن کے جرم میں سزا یافتہ افراد کو معافی کا اختیار نہیں رکھتے۔

    تفصیلات کے مطابق چین میں تحریک انصاف کے وفد کی سرگرمیوں کا آغاز ہوگیا۔ وفد 7 روزہ دورے پر گزشتہ روز چین پہنچا تھا۔ وفد کی قیادت مرکزی سیکریٹری جنرل ارشد داد کر رہے ہیں۔

    دورے کے دوران وفد نے چینی کمیونسٹ پارٹی کے مرکزی انضباطی کمیشن کے اعلیٰ حکام سے ملاقات کی۔ وفد کو کرپشن کے خاتمے پر مفصل بریفنگ دی گئی۔ بریفنگ میں کرپٹ عناصر کی بیخ کنی کے لیے چین کے اقدامات پر تفصیلی روشنی ڈالی گئی۔

    بریفنگ کے دوران ملک سے فرار کرپٹ عناصر کی وطن واپسی کے طریقوں پر بھی غور کیا گیا جبکہ کرپشن کی تحقیقات اور ملوث افراد سے نمٹنے کی حکمت عملی پر بھی بات چیت کی گئی۔

    بریفنگ میں بتایا گیا کہ چینی صدر کرپشن کے جرم میں سزا یافتہ افراد کو معافی کا اختیار نہیں رکھتے۔

    ملاقات میں دی جانے والی بریفنگ پر مرکزی سیکریٹری جنرل ارشد داد نے چینی قیادت کا شکریہ ادا کیا۔ انہوں نے چینی رہنما کو یادگاری شیلڈ بھی پیش کی۔

  • وزیراعظم عمران خان کا دورہ چین ، مالیاتی پیکج کو حتمی شکل دینے پاکستانی وفد چین روانہ

    وزیراعظم عمران خان کا دورہ چین ، مالیاتی پیکج کو حتمی شکل دینے پاکستانی وفد چین روانہ

    اسلام آباد : وزیر اعظم عمران خان کے دورہ چین کے دوران کئے گئے معاہدوں اور مالیاتی پیکج کے معاملات کو حتمی شکل دینے کے لئے پاکستانی حکام کا وفد چین روانہ ہوگیا۔

    تفصیلات کے مطابق پاکستان اور چین کے درمیان حالیہ دورے میں کئے گئے معاہدوں اور مالیاتی پیکج کے معاملات کوحتمی شکل دینےکیلئے پاکستانی حکام کا وفد چین روانہ ہوگیا۔

    وفد میں سیکریٹری خزانہ عارف احمد خان ، تجارت اور منصوبہ بندی کے سیکریٹریز محمد یونس ڈاگھا اور ظفر حسن ا اور گورنر اسٹیٹ بینک طارق باجوہ بھی شامل ہیں، دورے کے دوران چینی حکام سے مالیاتی پیکج کے خدوخال اور معاہدوں پر عمل درآمد کو آگے بڑھانے پر بات چیت ہوگی۔

    زرائع کے مطابق چین کے ساتھ معاہدوں میں برآمدات کیلیے چینی مارکیٹ تک رسائی بھی شامل ہے، چین ایک ارب ڈالر مالیت کی پاکستانی مصنوعات کو ڈیوٹی فری رسائی بھی دے گا۔

    خیال رہے پاکستانی حکام کا دورہ وزیر اعظم عمران خان کےحالیہ دورے کی کڑی ہے۔

    مزید پڑھیں : چین نے پاکستان کی تاریخی مدد کی: وزیرِ اعظم عمران خان

    گذشتہ روز  وزیرِ اعظم نے اجلاس میں کہا تھا کہ چین سے پاکستان کو مالی امداد کی تفصیلات بیان کرنا قبل از وقت ہو گا، چین کتنی مدد دے رہا ہے ظاہر نہیں کر سکتے۔

    یاد رہے وزیراعظم عمران خان نے اپنے 5 روزہ دورہ چین میں چینی صدر اور وزیراعظم کے علاوہ دیگر اعلیٰ عہدیداروں سے ملاقاتیں کیں اور ملکی معیشت پر تبادلہ خیال کیا جبکہ 15 دونوں ممالک کے درمیان 15 معاہدوں اور یاداشتوں پر بھی دستخط کئے گئے تھے۔

    وزیرخزانہ نے بھی چین سے وطن واپسی پر کہا تھا پاکستان کو ادائیگیوں کا کوئی بحران نہیں رہا، ملک فوری بحران سے نکل چکا، کرنٹ اکاؤنٹ خسارے کا بحران بھی ٹل گیا ہے،  معیشت کی سمت میں تبدیلی آئی ہے، سعودی عرب نے 6 ارب ڈالر دیے، مزید ذرائع سے بھی رقم آئی، اب حکومت کی توجہ طویل المیعاد استحکام پر مرکوز ہے۔

  • دورہ چین مفید رہا، دوطرفہ تعلقات مستحکم کرنے میں مدد ملی، شاہ محمود قریشی

    دورہ چین مفید رہا، دوطرفہ تعلقات مستحکم کرنے میں مدد ملی، شاہ محمود قریشی

    اسلام آباد : وزیر خارجہ شاہ محمود قریشی نے کہا ہے کہ وزیر اعظم عمران خان کے دورہ چین سے دوطرفہ تعلقات مزید مستحکم کرنے میں مدد ملی، دورے کے چار اہم مقاصد تھے15 معاہدوں پر دستخط ہوئے۔

    ان خیالات کا اظہار انہوں نے اسلام آباد میں میڈیا کو بریفنگ دیتے ہوئے کیا، شاہ محمود قریشی کا کہنا تھا کہ چین اور پاکستان کے دیرینہ گہرے اور باہمی اعتماد پر مبنی تعلقات ہیں، اس دورے سے دوطرفہ تعلقات مزید مستحکم کرنے میں مدد ملی ہے، اسٹرٹیجک تعلقات کو معاشی تعلقات میں بدلنے کیلئے دورہ مفید رہا۔

    منی لانڈرنگ سے متعلق بتاتے ہوئے وزیر خارجہ نے کہا کہ منی لانڈرنگ سمیت اہم معاہدوں پر دستخط ہوئے جن میں چار بہت اہم ہیں، منی لانڈرنگ میں ملوث ملزم اپنے ملکوں میں سزا پوری کرسکیں گے، اس کے علاوہ چین کے ساتھ غربت کے خاتمے اور دونوں ممالک میں زرعی شعبے کی ترقی کیلئے بھی معاہدہ ہوا،۔

    غربت کے خاتمے کے لئے کیا گیا معاہدہ اہمیت کا حامل ہے کیونکہ چین کے پاس غربت کے خاتمے کے لئے وسیع تجربہ ہے۔ اسٹریٹجک ڈائیلاگ وزرائےخارجہ کی سطح پر لےجانے پر بھی اتفاق ہوا، معاہدہ کے تحت سزا یافتہ قیدی اپنے اپنے ملک میں سزا مکمل کریں گے۔

    وزیر خارجہ نے مزید کہا کہ برآمدات کو دو گنا بڑھانے میں کامیابی کی پوری امید ہے، پاکستان اور چین میں مقامی کرنسی کو ترجیح دینے کی تجویز بھی زیر غور ہے، چوتھا ایم او یو زرعی شعبے کی بہتری کے لئے کیا گیا۔

    شاہ محمود قریشی نے کہا کہ چین سے دوستی سے متعلق غلط تاثر دینے کی کوشش کی گئی، پاک چین تعلقات ناصرف اچھے بلکہ مزید بہتری پرگامزن ہیں، ہم نے چینی قیادت میں پہلے سے زیادہ گرم جوشی دیکھی ہے، ہم نےچین سے معاشی استحکام لانے کیلئے کافی کچھ سیکھنا ہے۔

    وزیر خارجہ کا کہنا تھا کہ برآمدات بڑھانے کیلئے اقدامات کا جائزہ لیا جا رہا ہے، پاکستان اور چین میں مقامی کرنسی کو فروغ دینے کی تجویز دی گئی ہے، پاکستان سی پیک کی اہمیت کو سمجھتا ہے، سی پیک لانگ ٹرم منصوبہ ہے جس پر یکسوئی سے آگے بڑھ رہے ہیں۔

    ایف ٹی اے کےسیکنڈ فیز کو جلدازجلد تکمیل تک پہنچائیں گے، اپریل تک ایف ٹی اے کا سیکنڈ فیز مکمل ہوجائےگا، خواہش ہے کہ ہمارا آپس میں اس پر ایگریمنٹ سائن ہوجائے، جی سی سی کی اگلی میٹنگ دسمبر میں منعقد ہوگی، گوادر کی اہمیت سےہم انکارنہیں کرتے۔

  • چین کے دورے سے حکومتی اعتماد میں اضافہ ہوا، شاہ محمود قریشی

    چین کے دورے سے حکومتی اعتماد میں اضافہ ہوا، شاہ محمود قریشی

    اسلام آباد : وزیرخارجہ شاہ محمودقریشی کا کہنا ہے کہ دورہ چین مکمل کرکےواپسی پرپُراعتمادہیں، پاکستان اور چین آہنی بھائی ہیں، مل کر بلند ترین پہاڑ سرکریں گے۔

    تفصیلات کے مطابق وزیرخارجہ شاہ محمودقریشی نے سماجی رابطے کی ویب سائٹ ٹویٹراپنے پیغام میں کہا ہے کہ وزیراعظم عمران خان کی قیادت میں دورہ چین کامیاب رہا، اس دورے سے حکومت کے اعتماد میں اضافہ ہوا ہے۔

    شاہ محمودقریشی کا کہنا تھا کہ پاکستان اورچین آہنی بھائی ہیں،مل کربلندترین پہاڑ سرکریں گے۔ تعاون، باہمی مفاد کی پالیسیاں آئندہ نسل کے لیے راہیں کھولیں گی۔

    یاد رہے گذشتہ رات وزیراعظم عمران خان اپنا 5 روزہ دورہ چین مکمل کرکے وطن واپس پہنچے تھے، دورے کے موقع پر عمران خان نے چینی صدر ژی جن پنگ کے علاوہ دیگر اعلیٰ عہدیداروں سے ملاقاتیں کیں اور ملکی معیشت پر تبادلہ خیال کیا۔

    مزید پڑھیں : وزیر اعظم دورہ چین مکمل کرکے وطن واپس پہنچ گئے

    وزیراعظم عمران خان کے دورہ چین پر پاک چین مذاکرات کا مشترکہ اعلامیہ بھی جاری کیا گیا تھا ، جس میں کہا گیا تھا کہ دونوں ملک اچھے ہمسائے، قریبی دوست اور قابل اعتماد شراکت دار ہیں۔

    اعلامیہ میں کہا گیا تھا کہ باہمی دوستی وتعاون کا خطے اور خطے سے باہرامن واستحکام میں اہم کردار ہے، دونوں ملک باہمی تعلقات کو اسٹریٹجک اور طویل المدت تناظرمیں دیکھتے ہیں۔

    خیال رہےکہ وفاقی وزیرِ خارجہ شاہ محمود قریشی نے شنگھائی میں سرمایہ کاری کانفرنس سے خطاب کرتے ہوئے کہا تھا کہ پاک چین سرمایہ کار دو طرفہ سرمایہ کاری میں دل چسپی رکھتے ہیں۔

    شاہ محمود کا کہنا تھا کہ پاکستان اور چین منفرد رشتے میں جڑے ہم سایہ ممالک ہیں، پاک چین اقتصادی راہ داری نے ہمارے رشتے کو نیا مطلب دے دیا ہے، اقتصادی راہ داری سے دو طرفہ تعاون، تجارت اور باہمی روابط کو فروغ ملا ہے، اس منصوبے سے پورے خطے کو فائدہ ہوگا۔

  • مالی مسائل سے نمٹنے کیلئے چین پاکستان کی ہر حال میں مدد کرے گا،چینی نائب وزیرخارجہ

    مالی مسائل سے نمٹنے کیلئے چین پاکستان کی ہر حال میں مدد کرے گا،چینی نائب وزیرخارجہ

    بیجنگ : چینی نائب وزیرخارجہ ،کونگ ژوینگ یو کا کہنا ہے کہ مالی مسائل سےنمٹنےکیلئے چین پاکستان کی ہر حال میں مدد کرےگا،  دورے میں پاکستان کی مدد کیلئے اصولی طورپربات طے ہوچکی ہے۔

    تفصیلات کے مطابق چینی نائب وزیرخارجہ کونگ ژوینگ یو نے غیر ملکی خبر رساں ادارے کو انٹرویو  دیتے ہوئے کہا  چین پاکستان کی مالی بحران حل کرنے کے لئے مدد کرے گا اور مدد کے معاملے پر مذاکرات کریں گے۔

    کونگ ژوینگ یو نے واضح کیا کہ سی پیک کے تحت معاہدوں منصوبوں میں اضافہ ہوسکتا ہے کمی نہیں، سی پیک معاہدے میں کوئی رودبدل نہیں کیا گیا۔

    چینی نائب وزیرخارجہ نے کہا حالیہ دو رے میں دونوں ممالک کےدرمیان پاکستان کی مدد کی بات اصولی طور پرطےہوچکی ہے، عملی اقدامات کیلئےمتعلقہ حکام تفصیلی گفتگوکریں گے۔

    یاد رہے آج پاکستان اورچین کے درمیان وفود کی سطح پر ہونے والے مذاکرات میں دوطرفہ تعاون کے پندرہ معاہدوں اور مفاہمت کی یادداشتوں پر دستخط کئےگئے۔

    مزید پڑھیں :  پاکستان اور چین کے درمیان 15معاہدوں ‌‌‌ اور یادداشتوں پر دستخط

    جن میں زراعت ،تکنیکی اوراقتصادی شعبوں میں تعاون ، اسلام آباد اور بیجنگ پولیس کے درمیان تعاون ، ہائر ایجوکیشن کمیشن پاکستان اور چین کی سائنس اکیڈمی اور چین کی اکیڈمی آف سائنسز اور پاکستان میٹرولوجیکل ڈیپارٹمنٹ کے درمیان معاہدے شامل ہیں۔

    وزیراعظم عمران خان کی چین کے وزیراعظم لی کی چیانگ سے ملاقات ہوئی ، ملاقات میں چینی وزیراعظم نے عمران خان کوانتخابات میں کامیابی پر مبارک باد دی جبکہ  بھرپور میزبانی پر وزیراعظم عمران خان نے چینی ہم منصب کاشکریہ ادا کیا۔

    ملاقات میں دونوں رہنماؤں نے باہمی تعلقات اور سی پیک منصوبوں سے متعلق اظہار اطمینان  کیا، وزیراعظم عمران خان نے چینی ہم منصب کو نئے پاکستان کے وژن سے آگاہ کیا۔

    ذرائع کا کہنا ہے کہ چین کی جانب سےمجموعی طورپر6ارب ڈالرملنے کا امکان ہے، چین کی جانب سے ڈیڑھ ارب گرانٹ اورڈیڑھ ارب قرضہ دیا جائے گا جبکہ سی پیک کیلئے 3ارب ڈالر اضافی ملنے کا امکان ہے۔

    خیال رہے گزشتہ ماہ سعودیہ عرب کی جانب سے پاکستان کو چھ ارب ڈالر کا امدادی پیکج ملا تھا تاہم اس کے باوجود ادائیگیوں کاتوازن برقرار رکھنےکیلئے پاکستان کو آئی ایم ایف سےبھی پروگرام لینا پڑےگا۔

  • وزیر خارجہ کی چینی ہم منصب سے ملاقات

    وزیر خارجہ کی چینی ہم منصب سے ملاقات

    بیجنگ: وزیر خارجہ شاہ محمود قریشی کی چینی ہم منصب سے ملاقات ہوئی۔ ملاقات میں مشترکہ دلچسپی کے اہم امور پر تبادلہ خیال کیا گیا۔

    تفصیلات کے مطابق ترجمان دفتر خارجہ نے سماجی رابطے کی ویب سائٹ ٹویٹر پر اپنے ٹویٹ میں کہا کہ وزیر خارجہ شاہ محمود قریشی کی چینی ہم منصب وانگ ژی سے ملاقات ہوئی۔

    دفتر خارجہ کے مطابق ملاقات بیجنگ کے گریٹ ہال آف پیپل میں ہوئی۔

    اس موقع پر وزیر خارجہ شاہ محمود قریشی نے کہا کہ چین پاکستان کی خارجہ پالیسی کا اہم ستون ہے۔

    خیال رہے کہ وزیر خارجہ شاہ محمود قریشی وزیر اعظم عمران خان کے ہمراہ چین کے دورے پر ہیں۔

    وزیر اعظم کے پہلے دورہ چین میں ان کے ساتھ دیگر وفاقی وزرا اسد عمر، خسرو بختیار، شیخ رشید، مشیر تجارت عبد الرزاق داؤد اور وزیر اعلیٰ بلوچستان جام کمال بھی موجود ہیں۔

    5 روزہ دورے کے دوران پاکستان اور چین کے درمیان مختلف معاہدوں اور یادداشتوں پر دستخط کیے جائیں گے۔