ARYNews.tv | Urdu – Har Lamha Bakhabar

Tag: دورہ

  • وزیراعظم نوازشریف آذربائیجان سے وطن کےلیےروانہ

    وزیراعظم نوازشریف آذربائیجان سے وطن کےلیےروانہ

    کراچی : وزیراعظم پاکستان نواز شریف آذربائیجان کا تین روزہ دورہ مکمل کرنے کے بعد وطن واپس روانہ ہوگئے۔

    تفصیلات کےمطابق وزیراعظم نوازشریف آذربائیجان کے صدر کے دعوت نامے پر3روزہ دورے کے لیے جمعرات کو آذربائیجان پہنچے تھے جہاں اعلیٰ حکام نے باکو ایئرپورٹ پر ان کا پرتباک استقبال کیاتھا۔

    n-3

    n-4

    وزیراعظم نوازشریف نے تین روزہ دورے میں آذربائیجان کے صدر اور وزیراعظم سمیت دیگر حکام سے ملاقاتیں کیں،ان ملاقاتوں میں سرمایہ کاری سمیت دیگر شعبوں میں تعاون کے فروغ پر تبادلہ خیال ہوا۔

    n-5

    یاد رہےکہ گزشتہ روز کے پاکستان کے وزیر اعظم نواز شریف ہمراہ پریس کانفرنس کرتے ہوئےآذربائیجان کے صدر الہام علیوف کا کہناتھاکہ پاکستان ہمارے فوجیوں کی تربیت کرے گا،پاکستان ہمارا قریبی دوست اور اتحادی ہے۔

    بعدازاں وزیراعظم پاکستان نے باکو اسٹیٹ یونیورسٹی کادورہ کیا جہاں باکو اسٹیٹ یونیورسٹی کی جانب سے ڈاکٹریٹ کی اعزازی ڈگری بھی دی گئی۔انہوں نے اپنے تین روزہ آذربائیجان دورے کے اختتام پرباکو میں شہداءکی یادگارہ پر حاضری بھی دی۔

    n-1

    n-2

    نوازشریف اپنے دورہ آذربائیجان کے اختتام پر اب سےکچھ دیر قبل باکو ایئرپورٹ پہچنےجہاں صدرآذربائیجان اوردیگر اعلیٰ حکام نے انہیں رخصت کیا۔ان کے ہمراہ خاتون اول کلثوم نواز بھی موجود تھیں۔

    واضح رہےکہ وزیراعظم نوازشریف 13اکتوبرکو اپنے تین روزہ دورے پرآذربائیجان روانہ ہوئے تھےان کے ہمراہ وزیراعظم پاکستان کے ہمراہ ان کے مشیر خارجہ طارق فاطمی تھے۔

  • وزیر اعلیٰ سندھ کا پروٹوکول پر سخت اظہار برہمی

    وزیر اعلیٰ سندھ کا پروٹوکول پر سخت اظہار برہمی

    کراچی: وزیر اعلیٰ سندھ سید مراد علی شاہ نے قومی ادارہ برائے امراض اطفال میں نرسری میں بنائے گئے نئے وارڈ کا افتتاح کیا۔ اسپتال میں لگایا گیا پروٹوکول دیکھ کر ان کا پارہ چڑھ گیا اور انہوں نے متعلقہ افسران کی کلاس لے ڈالی۔

    وزیر اعلیٰ سندھ مراد علی شاہ قومی ادارہ برائے امراض اطفال میں نرسری میں بنائے گئے نئے وارڈ کا افتتاح کرنے پہنچے تو اپنے شاہی پروٹوکول کو دیکھ کر غصہ میں آگئے۔

    انہوں نے افسران بالا کی سخت سرزنش کرتے ہوئے کہا کہ میری آمد پر عوام کو کسی مشکل میں ڈالا گیا تو برداشت نہیں کیا جائے گا۔

    انہوں نے اس بات پر شدید برہمی کا اظہار کیا کہ منع کرنے کے باوجود سڑکوں کو کیوں بند کیا گیا اور اسپتال میں مریضوں کو آنے سے کیوں روکا گیا۔ وزیر اعلیٰ نے اس عمل پر خود بھی عوام سے معذرت بھی کی اور متعلقہ افسران کو بھی اس کی ہدایت کی۔

    اسپتال کے دورے کے دوران وزیر اعلیٰ سندھ نے اسپتال کی صفائی کی صورتحال پر خوشی کا اظہار کیا۔

  • پاکستان علاقائی تعاون مضبوط بنانے کی پالیسی پر یقین رکھتا ہے،وزیراعظم

    پاکستان علاقائی تعاون مضبوط بنانے کی پالیسی پر یقین رکھتا ہے،وزیراعظم

    باکو: وزیراعظم نوازشریف کا کہنا ہے کہ پاکستان علاقائی تعاون مضبوط بنانے کی پالیسی پر یقین رکھتا ہےاور سی پیک علاقائی رابطوں کے فروغ میں معاون ثابت ہوگا۔

    تفصیلات کےمطابق وزیراعظم نواز شریف تین روزہ دورے پر آذر بائیجان کے دارالحکومت باکو پہنچےجہاں ان کا پرتپاک استقبال کیاگیا۔وزیراعظم نواز شریف کی آمد پر شاندار پریڈ کی گئی اور گارڈ آف آنر پیش کیاگیا۔

    اس موقع پر وزیر اعظم نواز شریف نے آذربائیجان کے صدر الہام علیوف سے بات چیت کر تے ہوئے کہا کہ پاکستان اور آذربائیجان برادر ممالک ہیں اور آذر بائیجان کا دور ہ کر کے بے حد خوشی ہے۔

    post-1

    وزیراعظم نوازشریف کا کہنا تھا کہ پاکستان علاقائی تعاون مضبوط بنانے کی پالیسی پر یقین رکھتا ہے اور سی پیک علاقائی رابطوں کے فروغ میں معاون ثابت ہوگا۔

    تین روزہ دورے کے دوران پاکستان اور آذربائیجان میں اقتصادی،تجارتی اور سرمایہ کے شعبے میں تعاون پر تبادلہ خیال کیا جائے گا۔ دونوں ممالک کے درمیان زراعت،صنعت،ٹیکسٹائل سمیت مختلف معاہدوں پر دستخط ہوں گے۔

    آذربائیجان کے صدرالہام علیوف کا کہنا تھاکہ وزیراعظم نوازشریف کو آذربائیجان دورے کی دعوت دی تھی دورہ کرنے پران کےمشکورہیں۔

  • پاکستان غیرملکی سرمایہ کاروں کی توجہ کامرکز ہے،گریس شیلٹن

    پاکستان غیرملکی سرمایہ کاروں کی توجہ کامرکز ہے،گریس شیلٹن

    کراچی : امریکی قونصل جنرل گریس شیلٹن کا کہنا ہے کہ پاکستان غیرملکی سرمایہ کاروں کی توجہ کامرکز ہے۔

    تفصیلات کےمطابق امریکی قونصل جنرل گریس شیلٹن کا پاکستان اسٹاک ایکسچینج کا دورہ کیا،امریکی قونصل جنرل نے اسٹاک مارکیٹ میں روائتی گھنٹہ بجا کر ٹریڈنگ کا آغاز کیا۔

    امریکی قونصل جنرل نے پاکستان اسٹاک مارکیٹ کو ایم ایس سی آئی اینڈیکس میں شمولیت پر مبارک باد دی ۔گریس شیلٹن کا کہنا تھا کہ پاکستان کو سب سے زیادہ غیر ملکی سرمایہ کاری اور برآمدات امریکہ سے ملتی ہیں اور امید ہے کہ اس میں مزید اضا فہ ہو گا۔

    صحافیوں سے بات چیت کے دروان امریکی قونصل جنرل کا کہنا تھا کہ امریکی حکومت پاکستانی معیشت کی بحالی اور پاکستانی کاروباری برادری کی ترقی کےلیے کوشاں ہے۔

    واضح رہے کہ امریکی قونصل جنرل گریس شیلٹن کا کہنا تھا کہ پاکستان اسٹاک ایکسچینج ملکی معاشی ترقی کا نشان ہے۔

  • فالج کے دورے کی تشخیص کیسے کی جائے؟

    فالج کے دورے کی تشخیص کیسے کی جائے؟

    فالج ایک ایسا مرض ہے جو دماغ میں خون کی شریانوں کے بند ہونے یا ان کے پھٹنے سے ہوتا ہے۔ جب فالج کا اٹیک ہوتا ہے تو دماغ کے متاثرہ حصوں میں موجود خلیات آکسیجن اور خون کی فراہمی بند ہونے کی وجہ سے مرنا شروع ہو جاتے ہیں۔ اس کے نتیجہ میں جسم کی کمزوری اور بولنے، دیکھنے میں دشواری سمیت اور بہت سی اور علامات ظاہر ہوتی ہیں۔ اس سے جسم کا پورا، آدھا یا کچھ حصہ ہمیشہ کے لیے مفلوج ہوسکتا ہے۔

    فالج دنیا بھر میں اموات کی تیسری بڑی اور طویل مدتی معذوری کی سب سے بڑی وجہ ہے۔ ڈاکٹرز کا کہنا ہے کہ اگر کسی شخص کو فالج کا اٹیک ہو اور اس کے 3 گھنٹے کے اندر اسے طبی امداد فراہم کردی جائے تو اس شخص کو عمر بھر کی معذوری سے بچایا جاسکتا ہے۔ لیکن اکثر افراد کو علم نہیں ہو پاتا کہ انہیں یا ان کے قریب بیٹھے شخص کو فالج کا اٹیک ہوا ہے۔

    مزید پڑھیں: دفتری کام کی زیادتی فالج کا سبب

    مزید پڑھیں: دن بھر میں 10 منٹ کی ورزش فالج سے بچائے

    اس سلسلے میں ماہرین کچھ طریقہ تجویز کرتے ہیں جن کو اپنا کر فالج کی تشخیص کی جاسکتی ہے اور فوری طور پر ڈاکٹر سے رجوع کیا جاسکتا ہے۔

    فالج کی پہچان کرنے کے لیے 4 آسان طریقوں پر عمل کریں۔

    اگر آپ کو کسی شخص پر گمان ہو کہ اسے فالج کا اٹیک ہوا ہے تو اسے مسکرانے کے لیے کہیں۔ فالج کا شکار شخص مسکرا نہیں سکے گا کیونکہ اس کے چہرے کے عضلات مفلوج ہوچکے ہوں گے۔

    ایسے شخص سے کوئی عام سا جملہ ادا کرنے کے لیے کہیں، جیسے آج موسم اچھا ہے یا سب ٹھیک ہے۔ اگر اسے یہ بھی ادا کرنے میں مشکل ہو تو یہ اس بات کی علامت ہے کہ اسے فالج کا اٹیک ہوا ہے۔

    اٹیک کے شکار شخص سے دونوں ہاتھ اٹھانے کے لیے کہیں۔ ایسی صورت میں فالج کا شکار شخص مکمل طور پر اپنے ہاتھ نہیں اٹھا سکے گا۔

    فالج کے اٹیک کا شکار شخص اپنی زبان کو سیدھا نہیں رکھ سکے گا اور اس کی زبان دائیں یا بائیں جانب ٹیڑھی ہوجائے گی۔

    یہ تمام کیفیات فالج کی واضح علامات ہیں، اگر آپ اپنے یا کسی دوسرے شخص کے اندر یہ کیفیات دیکھیں تو فوری طور پر ڈاکٹر سے رجوع کریں۔

  • بھارتی وزیراعلیٰ کا سیلاب سے متاثرہ علاقوں کا انوکھے انداز میں دورہ

    بھارتی وزیراعلیٰ کا سیلاب سے متاثرہ علاقوں کا انوکھے انداز میں دورہ

    بھوپال: بھارتی ریاست مدھیہ پردیش کے وزیراعلیٰ شیوراج سنگھ چوہان کو پولیس اہلکاروں نے سیلاب سے متاثرہ علاقوں کا دورہ گود میں اٹھا کر کروایا.

    تفصیلات کے مطابق مدھیہ پردیش کے وزیراعلیٰ شیوراج سنگھ چوہان نےضلع پنا کی تحصیل امان گنج کے سیلابی علاقوں کا انوکھےانداز میں دورہ کرکے سب کو حیران کردیا.

    وزیراعلیٰ شیو راج سنگھ چوہان نے سیلاب سے متاثرہ علاقوں کے دورے کے دوران پیدل چلنا تک گوارہ نہیں کیا جس پر ان کو سیکورٹی اہلکاروں نے گود میں اٹھا کر دورہ کروایا.

    بھارتی وزیراعلیٰ کی اس غیر سنجیدہ حرکت پرجہاں ان کا مذاق بناوہی ان کوسخت تنقید کا سامنا بھی کرنا پڑا.

    بھارتی ریاست مدھیہ پردیش کے وزیراعلیٰ کو تصویر میں دیکھا جاسکتا ہے کہ وزیراعلیٰ مدھیہ پردیش شیو راج چوہان خوشی خوشی پولیس اہلکاروں کی گود میں سوار ہو گئے،جبکہ ایک اور جگہ وزیر اعلیٰ نے اپنے جوتے اتار کر ساتھی کو تھما دیے.

    سماجی رابطے کی ویب سائٹ ٹوئٹر پر بھی بھارتی وزیراعلی کی اس حرکت پر ان کو شدید تنقید کا سامنا ہے.

    یاد رہے کہ گزشتہ سال بھارتی ریاست مدھیہ پردیش میں خاتون وزیر نے پروٹوکول کے نام پر بھیک مانگنے والے بچے کو لات دے ماری تھی.


    Minister Kusum Mehdele kicked a Boy by arynews

    واقعہ اس وقت پیش آیاجب اسٹیٹ منسٹر ایک تقریب میں شرکت کے لیے سڑک عبور کر رہی تھیں اور اچانک ایک چودہ سالہ بچہ بھیک مانگنے کے لیے ان کے سامنے آگیا.

  • قومی جونئیر ہاکی ٹیم دورہ یورپ پر روانہ

    قومی جونئیر ہاکی ٹیم دورہ یورپ پر روانہ

    لاہور: قومی جونیئر ہاکی ٹیم ورلڈ کپ کی تیاری کے لیے ہونے والے میچز کے لیے یورپ روانہ ہو گئی.

    تفصیلات کے مطابق دسمبر میں انڈیا کے شہرلکھنو میں ہونے والے ورلڈ کپ کی تیاری کے لیے قومی جونیئر ہاکی ٹیم 15روزہ دورے پر غیر ملکی ایئر لائن کی پرواز کے زریعے علامہ اقبال ایئر پورٹ سے اسپین روانہ ہو گئی.

    یورپ جانے والی ٹیم میں 5 آفیشلز اور 20کھلاڑی شامل ہیں،قومی ٹیم اسپین کے ساتھ تین میچز کھیلے گی ۔ جس کے بعد قومی جونیئر ٹیم ہالینڈ جائے گی جہاں پریمیئر لیگ کی ٹیموں کے ساتھ چار میچز کھیلے گی.

    پریمیئرلیگ میں دنیا کے مختلف ممالک سے آئے ہوئے بہترین کھلاڑی قومی ٹیم کے مد مقابل ہوں گے.

    جونیئر ہاکی ٹیم کے کپتان عماد بٹ کا کہنا تھا کہ کوچز نے بہت محنت کروائی ہے،مثبت نتائج کی امید ہے.

    *قومی جونیئر ہاکی ٹیم جرمنی ٹورنامنٹ کے لیے روانہ

    یاد رہے اس سے قبل گزشتہ ماہ قومی جونیئر ہاکی ٹیم نےجرمنی میں ہونے والے چار روزہ ٹورنامنٹ میں حصہ لیا تھا. ٹورنامنٹ میں میزبان ٹیم جرمنی کے علاوہ پاکستان، بیلجئم، ہالینڈ کی ٹیمیں شامل تھیں.

  • آرمی چیف جنرل راحیل شریف کا زلزلے سے متاثرہ علاقوں کا دورہ

    آرمی چیف جنرل راحیل شریف کا زلزلے سے متاثرہ علاقوں کا دورہ

    پشاور: پاک فوج کے سربراہ جنرل راحیل شریف کا زلزلے سے متاثرہ علاقوں کا دورہ۔ آرمی چیف نے زلزلہ متاثرہ علاقوں میں امدادی کاموں کی نگرانی شروع کردی۔

    آئی ایس پی آر کے مطابق آرمی چیف جنرل راحیل شریف نے زلزلے سے متاثرہ علاقوں کا دورہ کیا، کور کمانڈر پشاور نے آرمی چیف کو زلزلے سےہونےوالے نقصانات اورپاک آرمی کی امدادی کارروائیوں سے آگاہ کیا، ملک میں آنے والے بد ترین زلزلے کے فورا بعد آرمی چیف جنرل راحیل شریف نے اعلی سطح کے ہنگامی اجلاس کی صدارت کی۔

     اجلاس میں آرمی چیف نے ہدایات جاری کیں کہ پاک فوج کی تمام فارمیشنز کو فوری طور پر متاثرہ علاقوں میں امدادی کارروائیاں شروع کر دیں۔

    انہوں نے کہا خاص طور پر دور دراز کے دیہی علاقوں تک پہنچا جائے، اجلاس میں کئے گئے فیصلوں کے مطابق پاک فوج کے تمام ہیلی کاپٹرز کو ممکنہ متاثرہ علاقوں کی جانب روانہ کر دیا گیا ہے تاکہ نقصانات کا فوری ابتدائی تخمینہ لگا کر اس کی روشنی میں امدادی کارروائیوں کا آغاز کیا جا سکے۔

    اجلاس میں ملک بھر کے سی ایم ایچ اسپتالوں میں ہنگامی صورتحال کی ہدایات جاری کی گئیں اور انجینئر نگ کے شعبے کو متعلقہ مشینری ہائی الرٹ رکھنے کی ہدایت جا ری کی گئیں۔

  • ڈی جی رینجرز سندھ میجرجنرل بلال اکبر کا این اے 246 کا دورہ

    ڈی جی رینجرز سندھ میجرجنرل بلال اکبر کا این اے 246 کا دورہ

    کراچی : ڈی جی رینجرز سندھ میجر جنرل بلال اکبر نے این اے دو سو چھیالیس کے مختلف علاقوں کا دورہ کیا۔

    تفصیلات کے مطابق این اے 246 کے ضمنی الیکشن میں سیکیورٹی فول پروف بنانے کےاقدامات کئے جارہے ہیں ۔ ڈی جی رینجرز سندھ میجر جنرل بلال اکبر نےحلقے کے مختلف علاقوں کا دورہ کیا۔

    دورے کے دوران ڈی جی رینجرزنےضمنی الیکشن کیلئے کئے گئے حفاظتی انتظامات کاجائزہ لیا۔تاہم اس موقع پر انھوں نے میڈیاسے بات کرنےسے انکار کرتے ہوئے کہا کہ کل الیکشن خیریت سے ہوں گے اس کے بعد میڈٰیا سے بات کروں گا۔

    علاوہ ازیں کراچی کےاہم حلقےدوسوچھیالیس میں ضمنی الیکشن کے لئے زبردست انتظامات کئے گئےہیں، ہرپولنگ اسٹیشن کےاندرسی سی ٹی وی کیمرے لگادیئے گئے،شہر میں تین روز کے لئے موٹر سائیکل کی ڈبل سواری پر پابندی لگا دی گئی ہے۔

    رینجرز اہلکار پولنگ بوتھ کے اندراور باہر تعینات ہونگے اوران کے پاس مجسٹریٹ کے اختیارات ہونگے۔ ووٹوں کی گنتی بھی رینجرز کی نگرانی میں ہوگی ۔

    تمام پولنگ اسٹیشن حساس قرار دے دیئے گئے ہیں۔ ضمنی الیکشن کو صاف و شفاف بنانے کے لئے الیکشن کمیشن سمیت دیگر اداروں نے مکمل تیاری کرلی ۔

    کے الیکٹرک نے بھی لوڈشیڈنگ نہ کرنے کی یقین دہانی کرادی۔ تئیس اپریل کو حلقے بھر میں عام تعطل کا بھی اعلان  کردیا گیا ہے، موبائل فون پولنگ اسٹیشن میں نہیں جاسکےگا۔ موبائل فون صرف پریزائیڈنگ افسران کے پاس ہوگا۔

  • آئی جی سندھ کا دستی بم حملوں سے متاثرہ اسکولوں کا دورہ

    آئی جی سندھ کا دستی بم حملوں سے متاثرہ اسکولوں کا دورہ

    کراچی :آئی جی سندھ پولیس غلام حیدر جمالی نے گلشن اقبال میں گذشتہ روز دستی بم حملوں سے متاثر ہونے والے اسکولو ں کا دورہ کیا اور سیکیورٹی صورتحال کا جائزہ لیا۔

    آئی جی سندھ غلام حیدر جمالی نے اسکولوں کے دورے کے دوران سیکیورٹی کے انتظامات کا جائزہ لینے کے بعد میڈیا سے گفتگو کرتے ہوئے کہا کہ گذشتہ روز ہونیوالا واقعہ اسکول ٹائمنگ سے پہلے اس لئے پیش آیا کیونکہ اسکول ٹائمنگ میں سیکیورٹی انتظامات سخت ہوتے ہیں۔

    انہوں نے کہا کہ اسکولوں کی سیکیورٹی مزید بہتر بنا رہے ہیں جبکہ اسکول انتظامیہ سے بھی درخواست ہے کہ سی سی ٹی وی کیمرے بہتر بنائیں، انہوں نے بتایا کہ گذشتہ روز والے واقعے کی سی سی ٹی وی فوٹیج کی مدد سے ملزمان کی گرفتاری کیلئے کوششیں جاری ہے۔

    ان کا کہنا تھا کہ کراچی میں پولیس کی نفری کم ہے، پولیس کی نفری بڑھانے کیلئے بھی ا قدامات کر رہے ہیں، کراچی میں امن و امان کے قیام کیلئے تمام وسائل بروے کار لائے جائیں گے، سندھ کے شہریوں کو تحفظ دینا ہماری ذمہ داری ہے، جس کیلئے اقدامات کر رہے ہیں۔

    واضح رہے کہ گزشتہ روز کراچی کے علاقے گلشن اقبال بلاک سیون میں صبح سویرے دو نجی اسکولز پر نامعلوم افراد نے کریکر حملے کیے، کریکر حملے کے وقت اسکولز بند ہونے کی وجہ سے کوئی بچہ موجود نہیں تھا، خوش قسمتی سے کوئی جانی نقصان نہیں ہوا۔

    حملے کے بعد دہشت گردوں کی جانب سے اسکول کے اطراف میں دھمکی آمیز پمفلٹ بھی تقسیم کیے گئے، جس میں حکومت کو دھمکی دیتے ہوئے کہا گیا ہے کہ پھانسیاں بند کرو ورنہ مزید حملے بھی کیے جائیں گے۔