ARYNews.tv | Urdu – Har Lamha Bakhabar

Tag: دوست مزاری

  • ڈپٹی اسپیکر پنجاب اسمبلی دوست مزاری کیخلاف توہین عدالت کی درخواست دائر

    ڈپٹی اسپیکر پنجاب اسمبلی دوست مزاری کیخلاف توہین عدالت کی درخواست دائر

    اسلام آباد : ڈپٹی اسپیکر پنجاب اسمبلی دوست مزاری کیخلاف توہین عدالت کی درخواست دائر کردی گئی ، جس میں کہا دوست مزاری نے سپریم کورٹ کے فیصلے کی غلط تشریح کرکے توہین عدالت کی۔

    تفصیلات کے مطابق ڈپٹی اسپیکر پنجاب اسمبلی دوست مزاری کیخلاف توہین عدالت کی درخواست سپریم کورٹ میں دائر کردی گئی۔

    درخواست شہری طارق حمید کی جانب سے دائرکی گئی ہے، جس میں مؤقف اختیار کیا گیا کہ پرویز الٰہی 186 ووٹ حاصل کرکے کامیاب ہوئے اور ڈپٹی اسپیکر پنجاب اسمبلی دوست مزاری نےسپریم کورٹ کے فیصلے کی غلط تشریح کی۔

    ، درخواست میں کہا گیا کہ سپریم کورٹ کے 17 مئی کے فیصلے کو بنیاد بنا کر دوست مزاری نے رولنگ دی، دوست مزاری نے غلط رولنگ دے کر پرویز الٰہی کے 10ووٹ مسترد کیے۔

    درخواست گزار کا کہنا تھا کہ دوست مزاری نے سپریم کورٹ کے فیصلے کی غلط تشریح کرکے توہین عدالت کی، عدالت ڈپٹی اسپیکر دوست مزاری کیخلاف توہین عدالت کی کارروائی کرے۔

  • ’آئی جی پنجاب کو اسمبلی میں داخلے سے روکا جائے‘

    ’آئی جی پنجاب کو اسمبلی میں داخلے سے روکا جائے‘

    لاہور: پرویز الہٰی نے دوست محمد مزاری کے خط کے خلاف سپریم کورٹ سے رجوع کر لیا، انھوں نے عدالت سے استدعا کی ہے کہ آئی جی پنجاب کو اسمبلی میں داخلے سے روکا جائے۔

    اے آر وائی نیوز کے مطابق وزیر اعلیٰ پنجاب الیکشن میں ممکنہ دھاندلی کے پیش نظر وزارت اعلیٰ کے امیدوار پرویز الہٰی نے ایک بار پھر سپریم کورٹ سے رجوع کر لیا ہے۔

    پرویز الہٰی کی جانب سے درخواست ایڈووکیٹ فیصل چوہدری نے دائر کی ہے، جس میں کہا گیا ہے کہ ڈپٹی اسپیکر دوست مزاری الیکشن کے عمل کو تہ و بالا کرنا چاہتے ہیں۔

    درخواست میں مؤقف اختیار کیا گیا ہے کہ پنجاب اسمبلی میں سیکیورٹی کے لیے لکھا گیا خط ڈپٹی اسپیکر کی بد نیتی کو ظاہر کرتا ہے، اس لیے آئی جی پنجاب کو پنجاب اسمبلی میں داخلے سے روکا جائے۔

    وزیر اعلیٰ پنجاب انتخاب: ’ملکی و غیر ملکی مبصرین کو اجلاس کی کوریج کی اجازت‘

    درخواست میں عدالت سے استدعا کی گئی ہے کہ خط میں جس سیکیورٹی کے لیے کہا گیا ہے اس مطلوبہ سیکیورٹی کی فراہمی کے لیے سارجنٹ ایٹ آرمز کو حکم دیا جائے۔

    یہ استدعا بھی کی گئی ہے کہ ڈپٹی اسپیکر کے خط کے خلاف پرویز الہٰی کی درخواست کو آج ہی سماعت کے لیے مقرر کیا جائے، نیز درخواست میں حمزہ شہباز، ڈپٹی اسپیکر، آئی جی پنجاب، اور چیف سیکریٹری کو فریق بنایا گیا ہے۔

  • وزیر اعلیٰ پنجاب انتخاب: ’ملکی و غیر ملکی مبصرین کو اجلاس کی کوریج کی اجازت‘

    وزیر اعلیٰ پنجاب انتخاب: ’ملکی و غیر ملکی مبصرین کو اجلاس کی کوریج کی اجازت‘

    لاہور: ڈپٹی اسپیکر پنجاب اسمبلی نے کہا ہے کہ وزیر اعلیٰ پنجاب کے انتخاب کے موقع پر ملکی و غیر ملکی مبصرین کو اجلاس کی کوریج کی اجازت ہوگی۔

    تفصیلات کے مطابق پنجاب اسمبلی کے ڈپٹی اسپیکر دوست مزاری نے میڈیا سے گفتگو میں کہا ہے کہ آج کا دن بہت اہم ہے، وزیر اعلیٰ پنجاب کے انتخاب کے لیے پولنگ کا عمل پر امن طریقے سے کرانے کی ہر ممکن کوشش کروں گا۔

    انھوں نے کہا میڈیا کو پریس گیلری میں کوریج کی اجازت ہوگی، ملکی اور غیر ملکی مبصرین کو بھی اجلاس کی کوریج کی اجازت ہوگی۔

    دوست مزاری نے کہا وزیر اعلیٰ انتخاب سے متعلق سپریم کورٹ کے حکم پر من و عن عمل ہوگا۔

    پرویز الہٰی یا حمزہ شہباز، تخت لاہور پر کون بیٹھے گا؟ فیصلہ آج ہوگا

    ڈپٹی اسپیکر نے وضاحت کی کہ ممکنہ ہنگامہ آرائی کے پیش نظر انھوں نے سیکیورٹی کے لیے ایک خط چیف سیکریٹری کو لکھا تھا، انھوں نے کہا کہ تمام جماعتوں کے اراکین سے اپیل ہے کہ پُر امن طریقے سے انتخاب میں حصہ لیں۔

    واضح رہے کہ سپریم کورٹ کے حکم کے مطابق وزیر اعلیٰ پنجاب کے فری اینڈ فیئر انتخاب کے لیے ووٹنگ آج جمعہ 22 جولائی کو ہوگی، وزیر اعلیٰ کے انتخاب کے لیے حکومتی اتحاد کے امیدوار حمزہ شہباز اور تحریک انصاف و اتحادی جماعت مسلم لیگ ق کے امیدوار پرویز الہٰی میں مقابلہ ہوگا۔

    پنجاب اسمبلی کا اجلاس آج 4 بجے طلب کیا گیا ہے، ڈپٹی اسپیکر دوست محمد مزاری اجلاس کی صدارت کریں گے، ممبران اسمبلی شو آف ہینڈ کے ذریعے اپنا حق رائے دہی استعمال کریں گے۔

  • پرویز الہٰی نے وزیر اعلیٰ کے انتخاب کے دوران مجھے چھٹی پر جانے کا کہا: دوست مزاری

    پرویز الہٰی نے وزیر اعلیٰ کے انتخاب کے دوران مجھے چھٹی پر جانے کا کہا: دوست مزاری

    لاہور: ڈپٹی اسپیکر پنجاب اسمبلی دوست مزاری نے انکشاف کیا ہے کہ انھیں پرویز الہٰی نے وزیر اعلیٰ کے انتخاب کے دوران چھٹی پر جانے کا کہا۔

    ڈپٹی اسپیکر پنجاب اسمبلی نے صحافیوں سے گفتگو میں انکشاف کیا کہ مجھے پرویز الہٰی نے وزیر اعلیٰ کے انتخاب کے دوران چھٹی پر جانے کا کہا، کیا میں ان کا ذاتی ملازم ہوں جو ان کی ہر بات مانوں؟

    دوست محمد مزاری نے کہا میں نہ بزدار نہ ہی پرویز الہٰی کی پارٹی میں ہوں، میں پاکستان تحریک انصاف میں تھا، آئندہ جس پارٹی میں جاؤں گا سب کو بتا کر جاؤں گا، جب کوئی جماعت جوائن کروں گا تو سب کو بتا دوں گا۔

    انھوں نے کہا کچھ لوگ سسٹم کو ڈی ریل اور جمہوریت کو ناکام کرنا چاہتے ہیں، پرویز الہٰی اور پی ٹی آئی نے صوبے میں آئینی بحران پیدا کیا ہے، کوئی کمزور نہ سمجھے، میں بھی قبیلے کا سردار ہوں، کسی کی ڈکٹیشن نہیں لوں گا۔

    دوست مزاری نے کہا مجھے بزرگوں نے عزت اور محبت سکھائی اسے کوئی کمزوری نہ سمجھے، مزاری قوم مجھ سے پوچھ رہی ہے اس کا نام بتائیں جس نے تشدد کیا، مزاری قوم کے ساتھ بیٹھ کر مشاورت کروں گا، پھر فیصلہ کرنا ہے کہ کیا کریں۔

    ڈپٹی اسپیکر کا کہنا تھا کہ انھیں آج بھی فخر ہے کہ انھوں نے جو کچھ کیا دیانت داری سے کیا، دوست مزاری نے کہا مجھے کورٹ نے آرڈر دیا تھا تو تب ہی قانون کے تحت کارروائی چلائی۔

  • پرویز الہٰی، دوست مزاری کے خلاف تحریک عدم اعتماد پر عمل درآمد نہ ہو سکا

    پرویز الہٰی، دوست مزاری کے خلاف تحریک عدم اعتماد پر عمل درآمد نہ ہو سکا

    لاہور: پنجاب میں نئے آئینی بحران کا خدشہ پیدا ہو گیا ہے، پنجاب اسمبلی کے اسپیکر اور ڈپٹی اسپیکر کے خلاف تحریک عدم اعتماد پر عمل درآمد تاحال نہیں ہو سکا ہے۔

    تفصیلات کے مطابق قواعد و ضوابط کے تحت 3 دن، اور 7 دن میں تحریک عدم اعتماد پر عمل کرنا ہوتا ہے، لیکن 10 روز گزرنے کے باوجود عدم اعتماد کی دونوں تحریکوں پر عمل درآمد نہیں ہو سکا ہے۔

    خیال رہے کہ اسمبلی رولز پروسیجر کے تحت عدم اعتماد جمع ہونے کے بعد اسپیکر اور ڈپٹی اسپیکر اجلاس کی صدارت نہیں کر سکتے۔

    دوست مزاری کے خلاف 6 اپریل اور پرویز الہٰی کے خلاف 7 اپریل کو تحریک جمع کرائی گئی تھی، ڈپٹی اسپیکر دوست مزاری کے خلاف پی ٹی آئی جب کہ اسپیکر پرویز الہٰی کے خلاف ن لیگ نے تحریک جمع کروائی۔

    ڈپٹی اسپیکر نے 18 اپریل کو اجلاس طللب کر کے اسے منسوخ کر دیا تھا، پی ٹی آئی اور ن لیگ نے تحریک پر عمل درآمد نہ ہونے پر عدالت سے رجوع کرنے کا فیصلہ کیا ہے۔