Tag: دوسرا مرحلہ

ٹورنٹو : کینیڈا میں خالصتان ریفرنڈم کے دوسرے مرحلے میں ووٹ ڈالنے کیلئے ہزاروں سکھوں کا سیلاب اُمڈ آیا، سکھ رہنما ہردیپ سنگھ نجر کے قتل کے بعد یہ ریفرنڈم کیلئے ہونے والی پہلی ووٹنگ ہے۔

تفصیلات کے مطابق سکھ فار جسٹس کے زیراہتمام کینیڈا میں خالصتان ریفرنڈم کے دوسرے مرحلے کیلئے مالٹن اونٹاریو میں ووٹنگ کا انعقاد کیا گیا۔

صبح نو بجے دعا کے بعد ووٹنگ کا آغاز ہوا، ووٹنگ شروع ہونے سے قبل آٹھ بجے ہی ہزاروں افراد ووٹ ڈالنے کیلئے قطاروں میں کھڑے ہوگئے۔

خالصتان کے حامی ہردیپ سنگھ نجر کے قتل کے بعد سکھوں کے جذبہ آزادی میں نیا جوش آگیا، 42 ہزار سے زائد سکھوں نے گھنٹوں قطاروں میں لگ کر ووٹ ڈالا، ووٹنگ کیلئے مقرر سینٹر کو مہندر سنگھ خالصہ کے نام سے منسوب کیا گیا ہے۔

ووٹ ڈالنے آئے افرادنے خالصتان کے پرچم اٹھا رکھے تھے، شرکا آزادی کے حق میں نعرےلگاتے رہے، کینیڈا میں سکھ رہنما ہردیپ سنگھ نجر کے قتل کے بعد یہ ریفرنڈم کیلئے ہونے والی پہلی ووٹنگ ہے۔

ہردیپ سنگھ کے قتل کےبعد بھارت کی یہ غلط فہمی دور ہوگئی کہ خالصتان کی تحریک دم توڑ جائے گی، کینیڈا میں خالصتان کی تحریک کے علم بردار ہردیپ سنگھ کو ریفرنڈم سے ایک ماہ قبل قتل کردیا گیا تھا۔

جنرل قونصل سکھ فار جسٹس گرپتونت سنگھ پنوں کا کہنا تھا کہ بھارت کے ہاتھوں ہردیپ سنگھ نجر کے قتل سے آزادی کی تحریک مزید تیز ہوئی، بھارت کے تشدد کا جواب طاقت سے دیں گے۔

سکھ رہنماؤں کا کہنا ہے کہ خالصتان کے قیام سے خوفزدہ بھارت نے ہردیپ سنگھ نجر کو راستے سے ہٹانےُ کیلئے اپنی ایجنسیوں کا استعمال کیا، برمنگھم میں بھی ایک سکھ رہنما کی پراسرار موت کے پیچھے بھی بھارت کے ملوث ہونے کا شبہ ہے۔

سکھ فار جسٹس نے کہا کہ کینیڈا میں بھارتی ہائی کمشنرنے دھمکی دی تھی کہ بھارت نواز انڈینز پرتشدد جواب دیں گے۔

یاد رہے سکھ فار جسٹس نے کینڈین وزیراعظم سے مطالبہ کیا تھاسکھوں کے حقوق میں مداخلت پر بھارتی ہائی کمشنر کو نکال دیا جائے، 13 جولائی کو بھارتی ہائی کمشنر نے ریفرنڈم کے انعقاد کو بھارت کینیڈا تعلقات خراب کرنے کی کوشش قرار دیا تھا اور یہ انتباہ بھی دیا تھا کہ لاکھوں بھارتی گریٹر ٹورنٹو میں ہونے والے ریفرنڈم کا مقابلہ کریں گے۔

سکھ فار جسٹس نے گزشتہ ہفتہ برطانیہ، کینڈا، امریکا اور اٹلی میں کل انڈیا ریلیاں بھی نکالی تھیں جبکہ ہردیپ سنگھ نجر کے قتل میں مبینہ طور پر ملوث بھارتی سفارتکاروں کی تصاویر بھی جاری کی تھیں۔

ریفرنڈم کی ووٹنگ سے 24 گھنٹے قبل بھارتی وزیر خارجہ ایس جے شنکر کی کینیڈین ہم منصب سے ملاقات ہوئی تھی ، جس میں کینیڈا نے بھارتی سفارتکاروں کی حفاظت کو یقینی بنانے کی یقین دہانی کرائی تھی

خیال رہے برطانیہ سمیت دنیا کے مختلف ممالک میں خالصتان ریفرنڈم میں 10 لاکھ سے زائد سکھ ووٹ ڈال چکے ہیں۔

ماسکو: روس میں کرونا ویکسین کے دوسرے مرحلے میں کامیابی کے ساتھ کلینکل ٹیسٹ کیے جا رہے ہیں۔

روس کا’اسٹیٹ ریسرچ سینٹر آف وائرولوجی اینڈ بائیو ٹیکنالوجی ویکٹر ‘کرونا ویکسین کے دوسرے مرحلے کا ٹیسٹ کر رہا ہے اور اس میں حصہ لینے والے رضا کاروں کو کسی قسم کی پریشانی نہیں ہے۔

روس کے واچ ڈاگ روسپوٹریبنڈزر سربراہ انا پوپووا کا کہنا ہے دوسرے مرحلے میں کامیابی کے ساتھ کلینکل ٹیسٹ کیے جا رہے ہیں۔انہوں نے بتایا کہ جن لوگوں نے ویکسین کی خوراک لی ہے انہیں کسی طرح کا مسئلہ نہیں ہوا۔

انا پوپووا کا کہنا تھا کہ رضا کاروں کے جسم میں جس جگہ انجیکشن لگایا گیا وہاں پر کسی طرح کے نشان بھی نہیں ہوئے،تمام رضا کاروں کے جسم کا درجہ حرارت بھی نارمل ہے۔

روس کے واچ ڈاگ روسپوٹریبنڈزر سربراہ نے کہا کہ روس کو وبا کے بحران سے موثر انداز میں نمٹنے کے لیے کرونا کی کئی ویکسین تیار کرنے کی ضرورت ہے اور اس وقت سائنسدان مختلف ویکسین بنانے کی جدوجہد میں لگے ہوئے ہیں۔

انا پوپووا کا کہنا تھا کہ یہ بالکل یقینی ہے کہ روس سمیت ہر ملک میں مختلف ویکسین موجود ہونی چاہیے۔

روس نے دنیا کی پہلی کرونا وائرس ویکسین تیار کر لی

یاد رہے کہ گزشتہ ہفتے 11 اگست کو روس نے دنیا کی پہلی کرونا ویکسین استعمال کرنے کا دعویٰ کیا تھا۔

سری نگر: بھارت میں انتخابات کے دوسرے مرحلے میں ووٹنگ کا عمل جاری ہے تاہم مقبوضہ کشمیر میں عوام نے انتخابات کے نام پرڈھونگ کو مسترد کردیا۔

تفصیلات کے مطابق مقبوضہ کشمیر میں نام نہاد بھارتی پارلیمانی انتخابات والے علاقوں میں آج مکمل ہڑتال کی گئی۔

کشمیر میڈیا سروس کے مطابق ہڑتال کی کال مشترکہ حریت قیادت نے دی تھی۔ نام نہاد انتخابات کے لیے پولنگ والے اضلاع سری نگر ، گاندربل اور بڈگام میں دکانیں اور کاروباری مراکز بند جبکہ سڑکوں پر ٹریفک کی آمدورفت معطل رہی۔

قابض انتظامیہ نے تینوں اضلاع میں بھارتی فوجیوں اور پولیس اہلکاروں کی ایک بڑی تعداد تعینات کر رکھی ہے۔ انتظامیہ نے وسطی اور جنوبی کشمیر میں انٹرنیٹ سروس بھی معطل کر دی ہے۔

انتظامیہ نے مقبوضہ وادی میں ریل سروس بھی معطل کر دی ۔ کل جماعتی حریت کانفرنس کے چیئرمین سید علی گیلانی نے سری نگر سے جاری ایک بیان میں لوگوں پر زور دیا ہے کہ وہ انتخابی ڈرامے کا مکمل بائیکاٹ کریں۔

انہوں نے کہا کہ انتخابات کے نام پر جموں وکشمیر کے لوگوں پر ایک فوجی مشق مسلط کی جا رہی ہے۔

بھارت میں انتخابات کے دوسرے مرحلے میں ووٹنگ جاری

یاد رہے کہ بھارتی الیکشن کے پہلے مرحلے بالشمول مقبوضہ کشمیر سمیت مختلف ریاستوں میں پرتشدد واقعات میں چار افراد ہلاک اور متعدد زخمی ہوئے تھے۔