ARYNews.tv | Urdu – Har Lamha Bakhabar

Tag: دوسرا ون ڈے

  • دوسرا ون ڈے : ویسٹ انڈیز نے پاکستان کو شکست دے دی

    دوسرا ون ڈے : ویسٹ انڈیز نے پاکستان کو شکست دے دی

    ٹاروبا : پاکستان بمقابلہ ویسٹ انڈیز کے دوسرے ون ڈے میں ویسٹ انڈیز نے قومی ٹیم کو باآسانی 5 وکٹوں سے ہرا دیا، ویسٹ انڈیز نے 181 رنز کا ہدف 33.2 اوور میں پورا کردیا۔

    تفصیلات کے مطابق ویسٹ انڈیز نے سیریز کے دوسرے ون ڈے میچ میں پاکستان کو 5 وکٹوں سے شکست دے کر سیریز 1-1 سے برابر کر دی ہے، ویسٹ انڈیز نے مطلوبہ ہدف 5 وکٹوں کے نقصان پر 10 گیندوں قبل ہی حاصل کرلیا۔

    تین ون ڈے میچز کی سیریز کا دوسرا میچ ٹاروبا میں کھیلا گیا جس میں میزبان ویسٹ انڈیز نے پاکستان کے خلاف ٹاس جیت کر فیلڈنگ کا فیصلہ کیا تھا۔

    LIVE SCORE – WI  184/5 (33.2/35)
    Target – 181

    PAK 171/7 (37/40)

    بارش رکنے بعد میچ دوبارہ شروع ہوا تو اسے 35 اوورز تک محدود کردیا گیا پاکستان نے پہلے کھیلتے ہوئے 37 اوور میں7وکٹوں کے نقصان پر171رنز بنائے۔ پاکستان کی اننگز مکمل ہونے کے بعد ڈرک ورتھ لوئس میتھڈ کے تحت ویسٹ انڈیز کو 35 اوورز میں 181 رنز کا ہدف دیا گیا تھا۔

    پاکستان کی جانب سے حسن نواز 30گیندوں پر 36 رنز بنا کر ٹاپ اسکورر رہے جبکہ حسین طلعت31، عبداللہ شفیق 26 اور صائم ایوب نے23 رنز بنائے۔

    محمد رضوان16 ،سلمان آغا9 ،محمد نواز5 اور بابر اعظم صفر پر آؤٹ ہوئے، شاہین شاہ آفریدی7گیندیں کھیل کر 11 رنز بنا کر ناٹ آؤٹ رہے۔

    جیڈن سیلز نے 7اوورز میں 23 رنز دے کر 3 وکٹیں حاصل کیں جبکہ روسٹن چیز، شمار جوزف، گڈا کیش موتی اور بلیڈز نے 1،1کھلاڑی کو آؤٹ کیا۔

    Cricket

    ویسٹ انڈیز اننگز :

    پاکستان بمقابلہ ویسٹ انڈیز کے دوسرے ون ڈے میں ویسٹ انڈیز کے کھلاڑیوں نے مجموعی طور پر شاندار کھیل کا مظاہرہ کیا پاکستان کیخلاف ویسٹ انڈیز کی پہلی وکٹ11رنز پر گری، برینڈن کنگ ایک رن بنا کر حسن علی کی بال پر آؤٹ ہوئے۔

    ویسٹ انڈیز کے دوسرے کھلاڑی ایون لوئس 7 رنز بناکر پویلین لوٹ گئے انہیں بھی علی حسن کی بال پر محمد رضوان نے کیچ آؤٹ کیا۔

    ویسٹ انڈیز کی تیسری وکٹ 63 رنز کے مجموعی اسکور پر گری، کیچے کیرٹی 42 بال پر 16 رنز بناکر ابرار احمد کی بال پر آؤٹ ہوکر واپس پویلین چلے گئے۔

    Shai Hope

    ویسٹ انڈیز کے کی چوتھی وکٹ 103 رنز کے مجموعی اسکور پر گری جب شائے ہوپ 35 بالز پر 32 رنز بنا کر آؤٹ ہوئے انہیں محمد نواز کی بال پر محمد رضوان نے اسٹیمپ آؤٹ کیا۔

    ویسٹ انڈیز کے پانچویں بیٹسمین شیرفین رودرفورڈ 33 بالز پر 45 رنز بناکر محمد نواز کی بال پر عبداللہ شفیق کے ہاتھوں کیچ آؤٹ ہوئے۔

    روسٹن چیز 49اور شرفین ردرفورڈ45رنز بنا کر نمایاں رہے۔ پاکستان کی جانب سے حسن علی اور محمد نواز نے 2،2 وکٹیں لیں جبکہ ابرار احمد نے ایک کھلاڑی کو آؤٹ کیا۔

    دونوں ٹیموں کے درمیان 3میچوں کی سیریز 1-1سے برابر ہوگئی ہے، سیریز کا تیسرا اور آخری میچ انتہائی اہمیت کا حامل ہوگا جو منگل کو کھیلا جائے گا۔

    واضح رہے کہ تین ایک روزہ میچوں کی سیریز میں پاکستان کو ایک صفر کی برتری حاصل تھی۔ پہلے میچ میں گرین شرٹس نے ویسٹ انڈیز کو پانچ وکٹوں سے ہرایا تھا۔

    یہ سیریز ویسٹ انڈیز کے لیے انتہائی اہمیت کی حامل ہے۔ میزبان ٹیم اگر سیریز ہاری تو اس کے 2027 کے ون ڈے ورلڈ کپ میں براہ راست رسائی اور میگا ایونٹ کھیلنے کی امیدوں کو دھچکا لگ سکتا ہے۔

  • پاک، ویسٹ انڈیز دوسرا ون ڈے میچ، بارش کی بار بار مداخلت

    پاک، ویسٹ انڈیز دوسرا ون ڈے میچ، بارش کی بار بار مداخلت

    ٹرینیڈاڈ (10 اگست 2025) پاکستان اور ویسٹ انڈیز کے درمیان کھیلا جا رہا دوسرا ون ڈے میچ بارش کی بار بار مداخلت کے باعث چوتھی بار روکا گیا ہے۔

    اے آر وائی نیوز کے مطابق ٹرینیڈاڈ میں برائن لارا اسٹیڈیم میں پاکستان اور ویسٹ انڈیز کے درمیان کھیلے جا رہے دوسرے ون ڈے میچ میں بارش کی بار بار انٹری کے باعث میچ متاثر ہو رہا ہے اور چوتھی بار میچ کو روکا گیا ہے۔

    اب تک 33.5 اوورز میں پاکستان نے 6 وکٹوں کے نقصان پر 139 رنز بنا لیے ہیں۔ پہلے میچ کے ہیرو حسن نواز 17 اور محمد نواز 5 رنز کے ساتھ کریز پر موجود ہیں۔

    آج میچ میں ویسٹ انڈین کپتان شائی ہوپ نے ٹاس جیت کر پہلے پاکستان کو بیٹنگ کی دعوت دی اور ان کا یہ فیصلہ درست ثابت ہوا۔ کیریبئن بولرز نے ابتدا میں دو وکٹیں لے کر پاکستان پر دباؤ بڑھا دیا جس کے نتیجے میں قومی بلے بازوں کی رنز بنانے انتہائی سست ہو گئی۔

    پاکستانی اوپنرز نے 37 رنز کا آغاز فراہم کیا۔ اس موقع پر صائم ایوب 23 رنز بنا کر جیڈن سیلز کی وکٹ بن گئے۔ بابر اعظم ایک بار پھر بڑی اننگ کھیلنے میں ناکام رہے۔ سیلز نے انہیں رنز کا کھاتہ کھولنے کا موقع بھی فراہم نہیں کیا اور وہ تین گیندوں پر بغیر کوئی رن بنائے پویلین لوٹے۔

    کپتان محمد رضوان نے محتاط انداز میں بیٹنگ شروع کی اور 13 ویں گیند کھیل کر پہلا رنز بنایا۔ قومی کپتان نے سست ترین بیٹنگ کا مظاہرہ کیا اور 38 گیندوں پر صرف 16 رنز بنا کر چلتے بنے۔

    عبداللہ شفیق 26 اور حسین طلعت 31 رنز بنا کر آؤٹ ہوئے جب کہ سلمان علی آغا صرف 9 رنز کے مہمان ثابت ہوئے۔

    اس وقت کریز پر حسین نواز پاکستان کی آخری امید ہیں۔ اگر گزشتہ میچ کی طرح ان کا بلا چلا اور ٹیل اینڈرز نے بھی ان کا ساتھ دیا تو پاکستان حریف ویسٹ انڈیز کو جیت کے لیے قدرے بہتر ہدف دے سکتا ہے۔

    ویسٹ انڈیز کی جانب سے جیڈن سیلز نے دو وکٹیں حاصل کی ہیں۔ جڈیا بلیڈز، شمر جوزف، گوڈاکیش موتی اور روسٹن چیز نے ایک ایک کھلاڑی کو آؤٹ کر رکھا ہے۔

    آج کے میچ کے لیے پاکستانی ٹیم میں تین جب کہ ویسٹ انڈیز نے ایک تبدیلی کی ہے۔
    گرین شرٹس نے فہیم اشرف، نسیم شاہ اور سفیان مقیم کو ڈراپ کر کے حسن علی، ابرار احمد اور محمد نواز کو فائنل الیون میں شامل کیا ہے۔

    میزبان ویسٹ انڈیز نے مڈل آرڈر بلے باز روماریو شیفرڈ کی جگہ جیسٹن گریوز کو موقع دیا گیا ہے۔

    تین ایک روزہ میچوں کی سیریز میں پاکستان کو ایک صفر کی برتری حاصل ہے۔ پہلے میچ میں گرین شرٹس نے ویسٹ انڈیز کو پانچ وکٹوں سے ہرایا تھا۔ آج کا میچ جیت کر گرین شرٹس سیریز میں فیصلہ کن برتری حاصل کر سکتے ہیں۔

    واضح رہے کہ یہ سیریز ویسٹ انڈیز کے لیے انتہائی اہمیت کی حامل ہے۔ میزبان ٹیم اگر سیریز ہاری تو اس کے 2027 کے ون ڈے ورلڈ کپ میں براہ راست رسائی اور میگا ایونٹ کھیلنے امیدوں کو دھچکا لگ سکتا ہے۔

    https://urdu.arynews.tv/west-indies-lose-the-odi-series-to-pakistan-then-what-will-be-happen/

     

  • نیوزی لینڈ نے پاکستان کو دوسرا ون ڈے ہرا کر سیریز جیت لی

    نیوزی لینڈ نے پاکستان کو دوسرا ون ڈے ہرا کر سیریز جیت لی

    ہیملٹن: نیوزی لینڈ نے پاکستان کو دوسرے ون ڈے میں شکست دیکر ٹی ٹوئنٹی کے بعد ون ڈے سیریز میں بھی کامیابی حاصل کرلی۔

    پاکستانی بیٹنگ لائن دوسرے ون ڈے میں بری طرح ناکام رہی، نیوزی لینڈ نے293 رنز کا ہدف دیا تھا، قومی ٹیم 208 رنز بنا سکی۔ ون ڈے سیریز کا آخری میچ 5 اپریل کو کھیلا جائے گا۔

    پاکستان نے ہیملٹن میں کھیلے گئے میچ میں ٹاس جیت کر پہلے نیوزی لینڈ کو بیٹنگ کی دعوت دی تھی، نیوزی لینڈ نے پاکستان کو جیت کے لیے 293 رنز کا ہدف دیا جس کے بعد جواب میں قومی ٹیم صرف 208 رنز بنا سکی۔

    پاکستانی بالرز نے اننگ کے آغاز میں بہترین کارکردگی دکھائی اور نیوزی لینڈ کو جارحانہ کھیل کھیلنے سے روکے رکھا۔

    نیوزی لینڈ کے اوپنر رائس ماریو 18 رنز کی اننگ کھیل کر چلتے بنے، انہیں محمد وسیم نے آؤٹ کیا، ان کے ساتھ آئے نک کیلی کو حارث رؤف نے آؤٹ کیا، نک کیلی نے 31 رنز بنائے۔

    ہنری نکولس 22، ڈیرل مچل 18، کپتان مائیکل بریسویل نے 17 اور محمد عباس نے 41 رنز کی اننگ کھیلی۔ ناتھن اسمتھ 8 اور بین سیئرز 6 رنز بناکر پویلین لوٹ گئے۔

    مچل ہی نے 78 بالز پر 99 رنز کی شاندار اننگ کھیلی اور ناٹ آؤٹ رہے۔ ان کی اننگ میں 7 چھکے اور 7 چوکے شامل تھے۔

    پاکستان کی جانب سے محمد وسیم اور سفیان مقیم نے 2، 2 جبکہ فہیم اشرف، عاکف جاوید اور حارث رؤف نے ایک ایک کھلاڑی کو آؤٹ کیا۔

    پاکستان کے 7 کھلاڑی ڈبل فیگرزمیں بھی داخل نہ ہوسکے، فہیم اشرف نے 73 اور نسیم شاہ نے 51 رنزاسکورکیے۔

    کرکٹر نہ ہوتا تو پھر ’گینگسٹر‘ ہوتا، ساجد خان

    عبداللّٰہ شفیق 1، امام الحق 3، بابر اعظم 1، کپتان محمد رضوان 5 اور سلمان آغا 9 رنز بنا کر آؤٹ ہوئے۔

  • پاکستان اور جنوبی افریقا کے درمیان دوسرا ون ڈے آج کھیلا جائیگا

    پاکستان اور جنوبی افریقا کے درمیان دوسرا ون ڈے آج کھیلا جائیگا

    پاکستان اور جنوبی افریقا کے درمیان دوسرا ون ڈے ایک روزہ میچ آج کیپ ٹاؤن میں کھیلا جائے گا۔

    قوم ٹیم نے گزشتہ روز پریکٹس کے بجائے آرام کو ترجیح دی، جبکہ تین میچوں کی سیریز میں پاکستان کو میزبان پر ایک صفر کی برتری حاصل ہوچکی ہے۔

    قومی ٹیم اگر آج دوسرا ون ڈے میچ جیت جاتی ہے تو مسلسل تیسری بار ون ڈے سیریز اپنے نام کرلے گی۔

    قومی ٹیم اس سے قبل آسٹریلیا اور زمبابوے کو شکست دے کر سیریز اپنے نام کرچکی ہے، آج کا میچ پاکستانی وقت کے مطابق شام پانچ بجے شروع ہوگا۔

    قومی ٹیم کے نائب کپتان سلمان آغا نے کہا ہے کہ پہلے میچ کی پچ سلو اور اُس پر باؤنس بھی کم تھا، دوسری اننگز میں بہتر ہونے کے سبب ہمیں آسانی ہوئی۔

    نائب کپتان کا کہنا تھا کہ وہ اپنی کارکردگی پر خوش ہیں، آئندہ بھی اسی طرح کی کارکردگی دکھانے کی کوشش کریں گے۔

    اس سے قبل جنوبی افریقا نے دو ٹیسٹ میچز کی سیریز کے لیے اسکواڈ کا اعلان کردیا ہے۔

    ٹیسٹ سیریز میں جنوبی افریقا ٹیم کی قیادت ٹیمبا باوما کریں گے، ٹیم میں ایڈن مارکرم، رائن ریکلٹن، کرسٹن اسٹبس، مارکو جینسن، کگیسو ربادا، ٹونی دے زورزی شامل ہیں۔

    روہت شرما جلد کپتانی سے دستبردار ہوجائیں گے، سابق کرکٹر کا دعویٰ

    ویان ملڈر اور کیشو مہاراج کی ٹیسٹ ٹیم میں واپسی ہوئی ہے، واضح رہے کہ قومی ٹیم اور جنوبی افریقا کے درمیان پہلا ٹیسٹ میچ 2 دسمبر سے شروع ہوگا۔

  • پاکستان بمقابلہ زمبابوے، دوسرا ون ڈے آج کھیلا جائے گا

    پاکستان بمقابلہ زمبابوے، دوسرا ون ڈے آج کھیلا جائے گا

    پاکستان اور زمبابوے کے درمیان دوسرا ون ڈے انٹرنیشنل آج بلاوائیو میں کھیلا جائے گا۔

    پاکستان کے خلاف پہلی بار ون ڈے سیریز میں کامیابی حاصل کرنے کیلئے زمبابوے کو آج دوسرا ون ڈے میچ جیتنے کی ضرورت ہے، کیونکہ اسے سیریز میں ایک صفر کی برتری حاصل ہوچکی ہے۔

    زمبابوے نے بارش سے متاثرہ پہلے ون ڈے انٹر نیشنل میں پاکستان کو ڈک ورتھ لوئیس سسٹم پر80 رنز سے ہرا دیا تھا۔

    زمبابوے کے خلاف دوسرے ون ڈے میچ کے لیے پاکستانی کی پلیئنگ الیون کا اعلان کردیا گیا۔

    قومی ٹیم میں دو کھلاڑی ڈیبیو کریں گے، حسیب اللہ کی جگہ طیب طاہر اور محمد حسنین کی جگہ ابرار احمد کو ٹیم میں شامل کیا گیا ہے۔

    زمبابوے کے خلاف دوسرے ون ڈے کے لیے پاکستان ٹیم میں صائم ایوب، عبداللہ شفیق اوپنر ہیں۔ مڈل آرڈر میں کامران غلام، محمد رضوان، سلمان آغا اور طیب طاہر شامل ہیں۔

    زمبابوے کے ہاتھوں پاکستان کی شرمناک شکست اپ سیٹ ہے یا نہیں؟

    آل راؤنڈر عرفان نیازی بھی ٹیم کا حصہ ہیں، فاسٹ بولر عامر جمال، حارث رؤف اور فیصل اکرم بھی پلیئنگ الیون کا حصہ ہیں جبکہ اسپنرز میں ابرار احمد ڈیبیو کریں گے۔

  • دوسرا ون ڈے: ویسٹ انڈین ویمنز ٹیم نے سنسنی خیز مقابلے میں پاکستان کو شکست دیدی

    دوسرا ون ڈے: ویسٹ انڈین ویمنز ٹیم نے سنسنی خیز مقابلے میں پاکستان کو شکست دیدی

    کراچی: ویسٹ انڈین ویمنز کرکٹ ٹیم نے سنسنی خیز مقابلے کے بعد پاکستانی خواتین کیخلاف دوسرا ون ڈے بھی جیت لیا۔

    تفصیلات کے مطابق پاکستانی ویمنز کرکٹ ٹیم ویسٹ انڈیز کے خلاف دوسرے ون ڈے میچ کو آخری بال تک لے آئیں مگر سیریز میں کامیابی کا کھاتہ نہ کھول سکیں۔ ویسٹ انڈین ویمنز کرکٹ ٹیم نے سنسنی خیز مقابلہ 2 وکٹوں سے اپنے نام کرلیا۔

    مہمان ٹیم کی جانب سے کرشمہ نے آخری گیند پر چوکا لگا کرویسٹ انڈیز کو فتح دلائی، ویسٹ انڈین ویمن کرکٹ ٹیم نے 224 رنز کا ہدف فائنل بال پر حاصل کیا۔

    ٹیلر73، کیمپ بیل 52 اور میتھیوز 44 رنز بناکر نمایاں رہیں۔ قومی ویمنز ٹیم کی کپتان ندا ڈار نے عمدہ بولنگ کرتے ہوئے 4 بیٹرز کو پویلین کا راستہ دکھایا۔

    اس سے قبل پاکستان ویمنز کرکٹ ٹیم پہلے کھیلتے ہوئے 223 رنز بناکر آؤٹ ہوگئی تھی۔ بسمہ معروف نے 65 اور سدرہ امین نے 50 رنز کی اننگز تراشی۔

    ویسٹ انڈیز کی جانب سے شینیل ہنری اورکرشمہ نے 3،3 وکٹیں حاصل کیں۔ مہمان ٹیم کو 3 ون ڈے میچ کی سیریزمیں 0-2 کی فیصلہ کن برتری حاصل ہوگئی ہے۔

  • دوسرا ون ڈے: پاکستان ویمنز ٹیم جنوبی افریقہ کے خلاف 168 رنز پر ڈھیر

    دوسرا ون ڈے: پاکستان ویمنز ٹیم جنوبی افریقہ کے خلاف 168 رنز پر ڈھیر

    پاکستان اور جنوبی افریقہ کی ویمنز کرکٹ ٹیموں کے درمیان کھیلے جانے والے ون ڈے سیریز کے دوسرے میچ میں گرین شرٹس 168 رنز پر ڈھیر ہوگئیں۔

    تفصیلات کے مطابق پاکستانی ویمنز ٹیم جنوبی افریقی بولرز کے وار نہ سہہ سکیں اور پوری ٹیم 45 ویں اوور میں 168 رنز پر آل آؤٹ ہوگئی۔ فاطمہ ثنا69 اورعالیہ ریاض 53 رنز بنا کر نمایاں رہیں

    پروٹیز کی جانب سے کلرک نے 4 بیٹرز کو پویلین کی راہ دکھائی جب کہ کلاس بھی 3 وکٹیں حاصل کرنے میں کامیاب رہیں۔ جنوبی افریقہ کو3 میچوں کی سیریزمیں 0-1 کی برتری حاصل ہے۔

    اس سے قبل پہلے ون ڈے میچ میں جنوبی افریقہ ویمنز ٹیم نے پاکستان کو 127 رنز سے شکست دی تھی۔

    جنوبی افاریقہ نے پہلے بیٹنگ کرتے ہوئے 292 رنز بنائے تھے، ہدف کے تعاقب میں قومی ٹیم 165 رنز پر ڈھیر ہوگئی۔ عالیہ ریاض 49 رنز بنا کر آؤٹ ہوئیں جب کہ منیبہ علی 20 رنز اسکور کرپائی تھیں۔

    جنوبی افریقی ویمنز کرکٹ ٹیم کی جانب سے لابا اور نادین ڈیکلرک نے عمدہ بولنگ کرتے ہوئے تین، تین وکٹیں حاصل کی تھیں۔

  • دوسرا ون ڈے: افغانستان کا پاکستان کیخلاف ٹاس جیت کر بیٹنگ کا فیصلہ

    دوسرا ون ڈے: افغانستان کا پاکستان کیخلاف ٹاس جیت کر بیٹنگ کا فیصلہ

    ہمبنٹوٹا: پاکستان اور افغانستان کے درمیان تین ون ڈے میچز کی سیریز کا آج دوسرا میچ کھیلا جارہا ہے جس میں افغانستان نے ٹاس جیت کر بیٹنگ کا فیصلہ کیا ہے۔

    پاکستان اور افغانستان کے درمیان تین ون ڈے میچز کی سیریز کا دوسرا ون ڈے انٹرنیشنل میچ آج ہمبنٹوٹا میں کھیلا جارہا ہے جہاں قومی ٹیم پہلے فیلڈنگ کرے گی۔

    قومی ٹیم نے افغانستان کے خلاف پہلے میچ میں حریف ٹیم کو آؤٹ کلاس کرتے ہوئے 142 رنز سے کامیابی حاصل کی تھی، پہلے ون ڈے کے ہیرو حارث رؤف رہے، فاسٹ بولر نے صرف 18 رنز دے کر 5 وکٹیں حاصل کی تھیں۔

    پاکستان ٹیم سیریز میں کلین سوئپ کر کے آئی سی سی ون ڈے ٹیم رینکنگ میں ایک بار پھر ٹاپ پوزیشن حاصل کر سکتی ہے۔

    قومی ٹیم کو ایک صفر کی برتری حاصل ہے اگر پاکستانی ٹیم میچ جیت کر سیریز اپنے نام کرسکتی ہے۔

  • دوسرا ون ڈے: انگلینڈ نے پاکستان کو شکست دے کر سیریز جیت لی

    دوسرا ون ڈے: انگلینڈ نے پاکستان کو شکست دے کر سیریز جیت لی

    لندن: انگلینڈ نے پاکستان کو دوسرے ون ڈے میچ میں 52 رنز سے شکست دے کر تین میچوں کی سیریز میں 2-0 کی فیصلہ کن برتری حاصل کرلی۔

    تفصیلات کے مطابق لارڈز میں کھیلے جانے والے دوسرے ون ڈے میچ میں قومی ٹیم انگلینڈ کی جانب سے دئیے جانے والے 248 رنز کے تعاقب میں 41 اوورز میں 195 رنز پر ڈھیر ہوگئی۔

    سعود شکیل اور حسن علی کے علاوہ کوئی بھی کھلاڑی خاطر خواہ کارکردگی نہ دکھا سکا، سعود شکیل نے کیریئر کی پہلی نصف سنچری اسکور کرتے ہوئے 56 رنز بنائے۔

    حسن علی نے 17 گیندوں پر 31 رنز کی اننگز کھیلی ان کی اننگز میں تین چھکے اور 2 چوکے شامل تھے۔

    اوپنر امام الحق دوسرے ون ڈے بھی ناکام رہے اور صرف ایک رن پر پویلین لوٹ گئے، فخر زمان 10 رنز بنا سکے، کپتان بابر اعظم 19 رنز پر ثاقب محمود کا نشانہ بنے۔

    وکٹ کیپر محمد رضوان بھی 5 رنز بنا کر چلتے بنے، صہیب مقصود نے 19 رنز بنائے، شاداب 21 رنز بنا کر گریگوری کا نشانہ بنے۔

    انگلینڈ کی جانب سے لیوس گریگوری نے تین وکٹیں حاصل کیں، ثاقب محمود اور کریک اورٹن نے دو، دو وکٹیں حاصل کیں۔

    قبل ازیں انگلینڈ نے پہلے بیٹنگ کرتے ہوئے 45.2 اوورز 247 رنز پر ڈھیر ہوگئی اور گرین شرٹس کو جیت کے لیے 250 رنز کا ہدف دیا تھا، واضح رہے کہ بارش کے باعث میچ کی ایک اننگز کو 47 اوورز تک محدود کیا گیا تھا۔

    انگلینڈ کی جانب سے فال سالٹ نے 60 رنز کی شاندار اننگز کھیلی، جیمز ونز 56 رنز کے ساتھ نمایاں رہے۔

    ڈیوڈ ملان اور زیک کرولی بغیر کوئی رن بنائے پویلین لوٹ گئے، کپتان بین اسٹوکس کو 22 رنز پر حسن علی نے پویلین روانہ کیا۔

    جان سمپسن 17 رنز پر حسن علی کا نشانہ بنے، کریگ اورٹن بغیر کوئی رن بنائے چلتے بنے۔

    لیوس گریگوری 40 رنز بنا کر حارث رؤف کو وکٹ دے بیٹھے، بریڈن کیرس 31 رنز بناسکے۔

    فاسٹ بولر حسن علی نے 5 کھلاڑیوں کو پویلین کی راہ دکھائی، حارث سہیل نے دو وکٹیں حاصل کیں، شاہین آفریدی، شاداب خان اور سعود شکیل نے ایک، ایک وکٹ حاصل کی۔

    قبل ازیں قومی ٹیم نے انگلینڈ کے خلاف ٹاس جیت کر فیلڈنگ کا فیصلہ کیا تھا۔

    پاکستان ٹیم نے دوسرے ون ڈے کے لیے کوئی تبدیلی نہیں کی، انگلینڈ نے بھی دوسرے ون ڈے کے لیے ٹیم میں کوئی تبدیلی نہیں کی۔

    پاکستان ٹیم کے کپتان برابر اعظم نے کہا کہ کنڈیشنڈ کا فائدہ اٹھا کر میچ جیتنے کی کوشش کریں گے، جب کہ انگلش کپتان اسٹوکس نے کہا کہ اگر ٹاس جیت جاتے تو ہم بھی پہلے بولنگ کرتے۔Image

    فائنل الیون میں کپتان بابر اعظم ،امام الحق، فخر زمان، محمد رضوان، سعود شکیل، صہیب مقصود، شاداب خان، فہیم اشرف، حسن علی، شاہین شاہ آفریدی اور حارث رؤف شامل ہیں۔

    انگلینڈ نے پاکستان کو 9 وکٹوں سے شکست دے دی

    یاد رہے کہ 8 جولائی کو کارڈف میں کھیلے جانے والے پہلے ون ڈے میچ میں انگلینڈ نے پاکستان کو بہ آسانی 9 وکٹوں سے شکست دے دی تھی، پاکستان نے پہلے بیٹنگ کرتے ہوئے حریف ٹیم کو 142 رنز کا ہدف دیا تھا، جسے انگلینڈ نے 22 ویں اوور میں ایک وکٹ کے نقصان پر حاصل کر لیا۔

    پاکستان کی طرف سے شاہین شاہ آفریدی کے علاوہ کوئی پاکستانی بولر وکٹ حاصل نہ کر سکا تھا، جب کہ انگلش فاسٹ بولر ثاقب محمود کو 4 وکٹیں حاصل کرنے پر میچ کا بہترین کھلاڑی قرار دیا گیا۔

  • عمران خان کو سری لنکا میں بھی بہت پسند کیا جاتا ہے، سری لنکن ہیڈ کوچ

    عمران خان کو سری لنکا میں بھی بہت پسند کیا جاتا ہے، سری لنکن ہیڈ کوچ

    کراچی: سری لنکن کرکٹ ٹیم کے ہیڈ کوچ رمیش رتنائیکے نے کہا ہے کہ عمران خان اپنے دور کے بہترین کرکٹر تھے، میری ان سے دوستی رہی ہے، وہ بہت حوصلہ افزائی کرتے ہیں، عمران خان کو سری لنکا میں بھی بہت پسند کیا جاتا ہے۔

    تفصیلات کے مطابق سری لنکن کرکٹ ٹیم کے ہیڈ کوچ رمیش رتنائیکے نے نیشنل اسٹیڈیم میں پریس کانفرنس کرتے ہوئے کہا کہ عمران خان ان کے اور سری لنکن حکومت کے بہت اچھے دوست ہیں، امید کرتا ہوں وہ اچھی حکمرانی کررہے ہوں گے۔

    رمیش رتنائیکے نے کہا کہ ہمارے دورے سے دوسری ٹیمیں بھی پاکستان آنے کا سوچیں گی، ہمارے پاس ایسے کھلاڑی ہیں جو اس ٹور سے آگے آسکتے ہیں، ہمیں جس لیول کی سیکیورٹی فراہم کی گئی ہے ویسی سیکیورٹی پہلے کبھی نہیں دیکھی۔

    انہوں نے کہا کہ ہماری ٹیم کے بیشتر کھلاڑی پہلی مرتبہ پاکستان آئے ہیں، ہم اپنی تیاری کو اعلیٰ معیار کا نہیں کہہ سکتے لیکن کھلاڑیوں کو سمجھا دیا ہے کہ انہیں کس طرح کی کنڈیشنز میں کھیلنا ہے، ورلڈ کپ میں کسی نے نہیں سوچا تھا کہ ہم انگلینڈ کو ہراسکتے ہیں، ہم اچھا کھیل پیش کرسکتے ہیں۔

    سری لنکن ہیڈ کوچ نے کہا کہ بارش پوری دنیا میں ہوتی ہے تاہم پہلا میچ نہ ہونے پر افسوس ہوا، بارش کی وجہ سے کھلاڑی زیادہ پریکٹس نہیں کرسکے لیکن کل کے میچ کے لیے بھرپور پریکٹس کی ہے، پاکستانی کھلاڑیوں کی ویڈیوز دیکھ کر حکمت عملی بنائی ہے امید ہے دلچسپ مقابلہ ہوگا۔

    رمیش رتنائیکے نے کہا کہ دس کھلاڑیوں کی کمی محسوس ہوگی لیکن ہمارے نوجوان کھلاڑی عمدہ کارکردگی دکھانے کے لیے پرعزم ہیں، ہم یہاں اچھی کرکٹ کھیلنے آئے ہیں مجھے بہت خوشی ہے کہ میں پاکستان آیا ہوں۔

    واضح رہے کہ پاکستان اور سری لنکا کے درمیان تین میچز کی ون ڈے سیریز کا دوسرا ون ڈے کل نیشنل اسٹیڈیم کراچی میں کھیلا جائے گا، دوسرے ون ڈے سے قبل سری لنکن ٹیم نے نیشنل اسٹیڈیم میں بھرپور پریکٹس کی، خیال رہے کہ پہلا میچ بارش کے سبب منسوخ کردیا گیا تھا۔