Tag: دوسرا ون ڈے

  • دوسرا ون ڈے: قومی ٹیم کی شاندار بیٹنگ، انگلینڈ 12 رنز سے کامیاب

    دوسرا ون ڈے: قومی ٹیم کی شاندار بیٹنگ، انگلینڈ 12 رنز سے کامیاب

    لندن:  انگلینڈ نے دوسرے ون ڈے میچ میں پاکستان کو 12 رنز سے شکست دے کر سیریز کی پہلی فتح اپنے نام کرلی، سرفراز الیون نے آخری بال تک مقابلہ کیا۔

    تفصیلات کے مطابق پاکستان اور انگلینڈ کی ٹیموں کے مابین پانچ ون ڈے سیریز کا دوسرا میچ ساؤتھ مپٹن میں کھیلا گیا، قومی ٹیم نے ٹاس جیت کر انگلینڈ پر پہلے بیٹنگ کی دعوت دی۔

    انگلینڈ کے بلے باز پاکستانی گیند بازوں پر کھیل کے ابتدا سے ہی حاوی رہے اور انہوں نے گراؤنڈ کے چاروں طرف جم کر اسٹروک کھیلے، بارش کے باعث کھیل کو کچھ دیر کے لیے روکا بھی گیا البتہ میزبان ٹیم کے بلے بازوں نے دوبارہ گراؤنڈ میں آکر اپنی دھاگ کو قائم رکھا۔

    انگلینڈ کو اوپننگ کا آغاز اچھا ملا اور اُن کے پہلے کھلاڑی 115 کے مجموعی اسکور اور نصف سنچری بنا کر آؤٹ ہوئے، دوسری وکٹ 177 پر جبکہ تیسری 211 کے مجموعی اسکور پر گری۔ انگلینڈ کے بلے بازوں نے ذمہ دارانہ بیٹنگ کا مظاہرہ کرتے ہوئے پاکستان کو پہاڑ جیسا ہدف دیا۔

    انگلینڈ نے پاکستان کو 374 رنز کا ہدف دیا

    انگلینڈ نے مقررہ پچاس اوورز میں 373 رنز بنائے اور پاکستان کو جیت کے لیے 374 رنز کا ہدف دیا۔ جوس بٹلرنے110 رنز کی ناقابل شکست اننگز کھیلی جبکہ جیسن رائے 87، آئن مورگن 71، بئیر سٹو 51 اور جو روٹ چالیس رنز بنا کر نمایاں بلے باز رہے۔ پاکستان کی جانب سے حسن علی،شاہین شاہ آفریدی اوریاسرشاہ نے ایک ایک وکٹ حاصل کی۔

    قومی ٹیم کی بیٹنگ

    پاکستان نے 374 رنز ہدف کے تعاقب میں بیٹنگ کا آغاز کیا تو امام الحق اور فخر زمان نے اوپننگ سے آغاز کیا، سرفراز الیون کی پہلی وکٹ 92 کے مجوعی اسکور پر اُس وقت گری جب امام الحق 35 رنز بنا کر آؤٹ ہوئے، بعد ازاں فخر زمان نے ذمہ دارانہ بیٹنگ کرتے ہوئے بابر اعظم کے ساتھ 135 رنز کی شراکت داری قائم کی اور اپنی ٹیم کو مستحکم پوزیشن میں لائے۔

    فخر زمان 138 رنز بنا کر آؤٹ ہوئے تو بابر اعظم بھی 51 رنز بنا کر پویلین روانہ ہوئے یوں 233 کے مجموعی اسکور پر پاکستان کو تین کھلاڑیوں کے نقصان کا سامنا کرنا پڑا، نئے آنے والے بیٹسمین حارث سہیل زیادہ دیر تک وکٹ پر نہ ٹھہر سکے اور صرف 14 رنز بناکر واپس روانہ ہوگئے، آصف علی نے کپتان سرفراز احمد کے ساتھ مل کر 49 رنز کی شراکت داری بنائی اور پھر وہ بھی پویلین لوٹ گئے۔

    ایک وقت میں گیم پاکستان کے ہاتھ میں نظر آرہا تھا البتہ آصف علی کے آؤٹ ہونے کے بعد نئے آنے والے بلے باز عماد وسیم بھی 8 رنز بنا کر پویلین روانہ ہوئے، فہیم اشرف صرف تین رنز کی اننگز کھیل سکے۔

    مجموعی طور پر  پاکستان کے نوجوان بلے بازوں نے  انگلش ٹیم کوٹف ٹائم دیا، اسکور کارڈ کی بات کی جائے تو فخرزمان 138 ،بابراعظم اورآصف علی نے51،51 رنزبنائے نمایاں بلے باز رہے جبکہ کپتان سرفراز احمد 41 کے ساتھ ناٹ آؤٹ رہے۔ 

    جہاں تک بات کی جائے تبدیلی کی تو قومی ٹیم میں محمد عامر کی جگہ یاسر شاہ کو شامل کیا گیا، ٹاس کے بعد گفتگو کرتے ہوئے کپتان سرفراز کا کہنا تھا کہ انگلینڈ کو کم سے کم اسکور تک محدود رکھنے کی کوشش کریں گے۔

    دوسرے ون ڈے کی بھرپور تیاری کے لیے شاہینوں نے ٹھنڈے موسم میں خوب لہو گرمایا، قومی ٹیم کی بیٹنگ، بولنگ اور فیلڈنگ کی الگ الگ مشقیں ہوئیں۔ ہیڈ کوچ مکی آرتھر کا کہنا ہے کہ آنے والے میچز میں ٹیم اچھی کارکردگی دکھائے گی۔

    اس سے قبل پاکستان اور انگلینڈ کے درمیان کھیلا جانے والا پہلا ون ڈے میچ بارش کے باعث منسوخ کر دیا گیا تھا، بارش کے سبب میچ کو 41 اوور تک محدود کیا گیا تھا تاہم بارش دوبارہ شروع ہوگئی جس کے سبب میچ کو ختم کرنا پڑا۔ پاکستان نے 19 اوورز میں 2 وکٹوں کے نقصان پر 80 رنز بنائے تھے۔

    مذکورہ دورے میں کارڈف میں کھیلے گئے واحد ٹی 20 میچ میں پاکستان کو 7 وکٹوں سے شکست ہوئی تھی، اب دونوں ٹیموں کے درمیان 5 میچز پر مشتمل ون ڈے سیریز کھیلی جارہی ہے۔

    اب تک ہونے والے باہمی ون ڈے مقابلوں میں میزبان کا پلڑا بھاری رہا ہے، پاکستانی ٹیم 82 میچز میں 31 فتوحات حاصل کر پائی جبکہ انگلینڈ کو 49 میں فتح نصیب ہوئی۔

  • دوسرا ون ڈے، جنوبی افریقا نے پاکستان کو 5 وکٹوں سے شکست دے دی

    دوسرا ون ڈے، جنوبی افریقا نے پاکستان کو 5 وکٹوں سے شکست دے دی

    ڈربن: پاکستان اور جنوبی افریقا کے درمیان کھیلے جانے والے دوسرے ون ڈے میچ میں جنوبی افریقا نے پاکستان کو 5 وکٹوں سے شکست دے دی، پانچ میچوں کی سیریز 1-1 سے برابر ہوگئی، پھلوکوایو کو آل راؤنڈ پرفارمنس پر میچ کا بہترین کھلاڑی قرار دیا گیا۔

    تفصیلات کے مطابق جنوبی افریقا نے دوسرے ون ڈے میچ میں پاکستان کی جانب سے دیا جانے والا 204 رنز کا ہدف 5 وکٹوں کے نقصان پر حاصل کرلیا، پانچ میچوں کی سیریز 1-1 سے برابر ہوگئی، پہلے میچ میں پاکستان نے جنوبی افریقا کو 4 وکٹوں سے شکست دی تھی۔

    جنوبی افریقا نے 204 رنز ہدف کے تعاقب میں بیٹنگ کا آغاز کیا تو ابتدائی 5 وکٹیں جلد گرنے کے بعد جنوبی افریقا کے ڈوسن اور پھلوکوایو نے شاندار پارٹنر شپ بنائی اور ٹیم کی جیت میں کردار ادا کیا۔

    کیریئر کا دوسرا میچ کھیلنے والے وین ڈر ڈوسن نے 80 رنز کی ناقابل شکست اننگز کھیلی جبکہ پھلوکوایو نے ناقابل شکست 69 رنز بنائے۔

    اس سے قبل جنوبی افریقا کے ہینڈرکس 5 رنز بنا کر پویلین لوٹ گئے، ہاشم آملہ کو بھی شاہین شاہ آفریدی نے 8 رنز پر آؤٹ کیا، کپتان فاف ڈوپلیسی بھی 8 رنز بنا کر شاہین شاہ آفریدی کا نشانہ بنے۔

    جنوبی افریقا کے وکٹ کیپر بلے باز کلاسین بغیر کوئی رن بنائے شاداب خان کی گگلی پر کلین بولڈ ہوئے، پاکستان کی جانب سے شاہین شاہ آفریدی نے تین جبکہ شاداب خان نے 2 وکٹیں حاصل کیں۔

    قبل ازیں دوسرے ون ڈے میچ میں پاکستان کی ٹیم 45.5 اوورز میں 203 رنز پر ڈھیر ہوگئی اور جنوبی افریقا کو جیت کے لیے 204 رنز کا ہدف دے دیا، حسن علی نے شاندار 59 رنز کی اننگز کھیلی۔

    جنوبی افریقا نے ٹاس جیت کر پہلے فیلڈنگ کرنے کا فیصلہ کیا جو درست ثابت ہوا، اوپنر امام الحق صرف 5 رنز بنا کر ربادا کی گیند پر کیچ آؤٹ ہوئے، بابراعظم صرف 12 رنز بنا کر پویلین لوٹ گئے۔

    فخر زمان 26 رنز بنا کر اولیویئر کی گیند پر ڈیوڈ ملر کو کیچ دے بیٹھے، پہلے میچ کے مین آف دی میچ محمد حفیظ صرف 9 رنز بنا کر پویلین لوٹ گئے، شعیب ملک 21 رنز بنا سکے۔

    قومی ٹیم کی 8 وکٹیں 112 رنز پر گرنے کے بعد کپتان سرفراز احمد اور حسن علی نے شاندار کارکردگی کا مظاہرہ کرتے ہوئے ٹیم کا اسکور 202 رنز تک پہنچایا، 202 رنز پر سرفراز احمد حسن علی کا ساتھ چھوڑ گئے اور 41 رنز بنا کر بولڈ ہوگئے۔

    آخری آؤٹ ہونے والے کھلاڑی حسن علی نے انہوں نے شاندار 59 رنز کی اننگز کھیلی اور باؤنڈری پر ڈوپلیسی کے ہاتھوں کیچ آؤٹ ہوئے۔

    جنوبی افریقا کی جانب سے پھیلک وایو نے چار جبکہ عمران طاہر کی جگہ شامل ہونے والے اسپنر تبریز شمسی نے تین وکٹیں حاصل کیں، فاسٹ بولر ربادا کے حصے میں دو وکٹیں آئیں۔

    پہلے ون ڈے میں جنوبی افریقہ نے 267 رنز کا ہدف دیا تھا۔ ہاشم آملہ نے ناقابل شکست شاندار سنچری اسکور کی جبکہ اوپنرز نے 82 رنز کا شاندار آغاز فراہم کیا۔

    ہینڈرکس نے 45 رنز کی شاندار اننگز کھیلی۔

    ہدف کے تعاقب میں پاکستان نے بیٹنگ کا آغاز کیا تو اوپنرز فخر زمان اور امام الحق نے 45 رنز کا عمدہ آغاز فراہم کیا۔

    بابر اعظم نے 49 رنز بنائے، شعیب ملک 12 رنز بنا کر بولڈ ہوئے جبکہ کپتان سرفراز احمد کی کھوئی فارم بحال نہ ہوسکی۔

    اس سے قبل جنوبی افریقہ نے پاکستان کو ٹیسٹ سیریز میں کلین سوئپ کیا تھا، 3 میچز کی ٹیسٹ سیریز میں گرین شرٹس کوئی بھی میچ نہیں جیت سکے تھے۔

    ٹیسٹ سیریز میں شکست کے بعد قومی ٹیم کی سلیکشن پر کئی سوالات اٹھائے گئے تھے، چیف سلیکٹر انضمام الحق کے بھتیجے امام الحق کی سلیکشن کے حوالے سے بھی شدید تنقید کی گئی تھی۔

  • پاکستان اور جنوبی افریقہ کے درمیان دوسرا ون ڈے آج ڈربن میں کھیلا جائے گا

    پاکستان اور جنوبی افریقہ کے درمیان دوسرا ون ڈے آج ڈربن میں کھیلا جائے گا

    ڈربن : پاکستان اور جنوبی افریقہ کے درمیان سیریز کا دوسرا ون ڈے آج ڈربن میں کھیلا جائے گا، پاکستان کو پانچ میچز کی سیریز میں ایک صفر کی برتری حاصل ہے۔

    تفصیلات کے مطابق پاکستان اور جنوبی افریقہ کئے درمیان دوسرا ون ڈے آج ڈربن میں کھیلا جائے گا، گرین شرٹس پورٹ ایلزبتھ سے ڈربن پہنچ گئے، دونوں ٹیمیں دوسرے میچ کیلئے کل شام چار بجے آمنے سامنے ہوں گی۔

    پورٹ ایلزبتھ میں کھیلے جانے والے گزشتہ میچ میں شاہینوں نے کاری واری کیا، اب ان کو ایک بار پھر ڈربن میں ہرانے کی باری ہے۔ پاکستان نے حریف ٹیم پر ڈر بٹھادیا ہے جو ڈربن میں کام آئے گا، دوسرے میچ کے لئے حکمت عملی تیار کرلی گئی۔

    اوپنر امام الحق پروٹیز پر دھاک بٹھانے کو تیار ہیں جبکہ محمد حفیظ کارکردگی دہرانے کیلئے پرعزم ہیں۔ ڈربن میں بھی پاکستان کا پلڑا بھاری ہے۔

    اس سے قبل پاکستان اور جنوبی افریقہ چھ مرتبہ اس میدان میں مدمقابل آئے، گرین شرٹس نے چار جیتے۔ دو پروٹیاز کے نام رہے۔ ٹیسٹ کا بدلہ چکانا ہے تو ڈربن میں بھی پاکستان کو جیت کا چھکا لگانا ہوگا۔

  • دوسرا ون ڈے : انگلینڈ نے آسٹریلیا کو چار وکٹوں سے ہرا دیا

    دوسرا ون ڈے : انگلینڈ نے آسٹریلیا کو چار وکٹوں سے ہرا دیا

    برسبین : انگلینڈ نے آسٹریلیا کو دوسرے ون ڈے میں چار وکٹوں سے شکست دے کر پانچ میچز کی سیریز میں دوصفر کی برتری حاصل کرلی۔

    تفصیلات کے مطابق برسبین میں کھیلے جانے والے میچ میں آسٹریلیا نے ٹاس جیت کر پہلے بیٹنگ کرنے کا فیصلہ کیا، ڈیوڈ وارنر اور ارون فنچ نے میزبان ٹٰیم کو ارسٹھ رنز کا آغاز فراہم کیا۔

    وارنر پنتیس رنز بناکر آوٹ ہوئے جس کے بعد آسٹریلیا کی وکٹیں وقفے وقفے سے گرتی رہیں، آسٹریلیا نے مقررہ پچاس اوورز میں نو وکٹوں کے نقصان پر دو سو ستر رنز بنائے، فنچ نے ایک سو چھ رنز اسکورکیے۔

    یہ فنچ کی مسلسل دوسری سینچری ہے، عدیل راشد نے دو وکٹیں حاصل کیں۔ جواب میں انگلیںڈ نے مطلوبہ ہدف پنتالیسویں اوور میں چھ وکٹوں کے نقصان حاصل کرلیا، جوہنی برسٹو نے ساٹھ اور جو روٹ نے ناٹ آوٹ چھالیس رنز بنائے، مچل اسٹارک نے چار وکٹیں حاصل کیں۔

  • بارش نہ ہوتی تومیچ کا نتیجہ مختلف ہوتا‘ سرفراز احمد

    بارش نہ ہوتی تومیچ کا نتیجہ مختلف ہوتا‘ سرفراز احمد

    نیلسن : قومی کرکٹ ٹیم کے کپتان سرفراز احمد کا کہنا ہے کہ ابتدائی 10 اوورز میں وکٹیں گرنے کے باعث میچ ہمارے ہاتھ سے نکلا۔

    تفصیلات کے مطابق نیلسن میں میچ کے بعد میڈیا سے گفتگو کرتے ہوئے پاکستان کرکٹ ٹیم کے کپتان سرفراز احمد نے کہا کہ بارش نہ ہوتی تومیچ کا نتیجہ مختلف ہوتا۔

    سرفراز احمد نے کہا کہ ہماری پرفارمنس بہت مایوس کن تھی، ہمیں کنڈیشنز کے حساب سے بیٹنگ کرنا ہوگی۔

    قومی کرکٹ ٹیم کے کپتان نے کہا کہ بیٹنگ پرمزید کام کرنے کی ضرورت ہے، آغازمیں زیادہ وکٹیں گرجائیں توٹیم کا سنبھلنا مشکل ہوتا ہے۔

    انہوں نے کہا کہ نیوزی لینڈ کے خلاف تیسرے میچ تک جو وقفہ ملےگا اس میں ہم اپنی خامیوں پر کام کریں گے۔

    سرفراز احمد نے شاداب خان اورحسن علی کی بیٹنگ کی تعریف کرتے ہوئے کہا کہ دونوں کھلاڑیوں نے شاندار اننگز کھیلی جس پروہ تعریف کے مستحق ہیں۔


    دوسرا ون ڈے : نیوزی لینڈ نے پاکستان کوشکست دے دی


    واضح رہے کہ نیوزی لینڈ نے پاکستان کو پانچ ون ڈے میچوں کی سیریز کے دوسرے میچ میں آٹھ وکٹوں سے شکست دے کر سیریز میں دو صفر کی برتری حاصل کرلی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • دوسراون ڈے: پاکستان نےویسٹ انڈیزکوشکست دےدی

    دوسراون ڈے: پاکستان نےویسٹ انڈیزکوشکست دےدی

    گیانا: پاکستان نےتین ایک روزہ میچوں کی سیریز کےدوسرے ون ڈے میچ میں ویسٹ انڈیزکو74رنزسےشکست دے دی۔

    پاکستان اور ویسٹ انڈیز کےدرمیان گیانا کے پراویڈینس اسٹیڈیم میں کھیلے جانے والےدوسرے ون ڈے انٹرنیشنل میچ میں پاکستان نے ویسٹ انڈیز کو 74رنز سے ہرا دیا۔

    پاکستان کے283 رنز کے جواب میں ویسٹ انڈیز نے 44 اعشاریہ پانچ اوورز میں 208 رنز بنا پائی۔ویسٹ انڈیز کےجیسن ہولڈر68 اورایشلے نرس40 رنز کے ساتھ نمایاں رہے۔

    پاکستان کےمحمد اعظم،جنیدخان اور شاداب خان نےایک ایک محمد حفیظ نےدوجبکہ حسن علی نےپانچ وکٹیں حاصل کیں۔

    پاکستان کی جانب سے نمایاں کارکردگی کامظاہرہ کرنےوالےبابر اعظم مین آف دی میچ قرار پائے۔انہوں نے132 گیندوں پرسات چوکوں اور تین چھکوں کی مدد سے125 رنز بنائےاورناٹ آؤٹ رہے۔بابر اعظم کو شاندار سنچری پر میچ کا بہترین کھلاڑی قرار دیاگیا۔

    خیال رہےکہ ویسٹ انڈیز نے ٹاس جیت کر پاکستان کو پہلے بیٹنگ کی دعوت دی تو پاکستان نے مقررہ 50 اوورز میں پانچ وکٹوں کے نقصان پر 282 رنز بنائے۔

    اس سےقبل گذشتہ جمعےکوگیانا میں ہی کھیلےجانےوالے پہلے ایک روزہ کرکٹ میچ میں وییسٹ انڈیز نے پاکستان کو چار وکٹوں سے شکست دی تھی۔میزبان ٹیم نے 309 کا بڑا ہدف 49 ویں اوور میں حاصل کر لیا تھا۔

    واضح رہے کہ 2019 میں ہونے والے کرکٹ ورلڈ کپ میں براہ راست رسائی حاصل کرنے کے لیے یہ سیریز دونوں ٹیموں کے لیے انتہائی اہمیت کی حامل ہے۔

  • بابر اعظم کی سنچری، ویسٹ انڈیز کو جیت کےلیے 283 رنز کا ہدف

    بابر اعظم کی سنچری، ویسٹ انڈیز کو جیت کےلیے 283 رنز کا ہدف

    گیانا: پاکستان اور ویسٹ انڈیز کے دوسرے ون ڈے میچ میں بابر اعظم کی عمدہ بیٹنگ کی بدولت سرفراز الیون نے پہلے بیٹنگ کرتے ہوئے مخالف ٹیم کو جیت کے لیے 283 رنز کا ہدف دے دیا۔

    تفصیلات کے مطابق پاکستان اور ویسٹ انڈیز کے درمیان تین میچوں کی سیریز کا دوسرا میچ آج گیانا میں کھیلاجا رہاہے، جس میں ویسٹانڈیز کی ٹیم نے ٹاس جیت کر پاکستان کو بیٹنگ کرنے کی دعوت دی ہے، قومی ٹیم میں بولر وہاب ریاض کی جگہ جنیدخان کو شامل کیا گیا ہے۔

    پاکستان کی جانب سے اننگز کا آغاز احمد شہزاد اور کامران اکمل نے کیا، احمد شہزاد صرف پانچ رنز بنا کر گیبریل کی بول پر کیچ آؤٹ ہوئے۔ جبکہ کامران اکمل 21رنز بنا کر جوزف کی بال پر کیچ آؤٹ ہوگئے۔

    ون ڈاؤن آنے والے بیٹسمین بابر اعظم نے بیٹنگ لائن کو سہارا دیا اور 125 رن کی شاندار اننگز کھیل کر ناٹ آوٹ گئے تاہم نئے آنے والے کھلاڑی محمد حفیظ 32، شعیب ملک 9 اور کپتان سرفراز احمد 26 کے انفرادی اسکور پر پویلین لوٹے۔

    نئے آنے والے کھلاڑی عماد وسیم نے بابر اعظم کا ساتھ دیتے ہوئے 43 رنز بنائے اور ناٹ آؤٹ رہے، ویسٹ انڈیز کی جانب سے گیبریل دو وکٹ لے کر نمایاں باؤلر رہے۔

    ون ڈے ٹیم کے کپتان سرفراز احمد کا کہنا تھا کہ پہلا میچ ہارنے سےکھلاڑی مایوس ہوئے ہیں تاہم گیانا کی وکٹ بیٹنگ کیلئے سازگار ہے، انہوں نے کہا کہ میچ جیت کرسیریزمیں کم بیک کریں گے۔

    واضح رہے کہ ویسٹ انڈیز چھبیس سال سے پاکستان کےخلاف ون ڈے سیریز جیتنے کا خواب دیکھ رہا ہے۔ کالی آندھی تاریخ بنانے اور شاہین تاریخ روکنے میدان میں اتریں گے۔ تین سو رنزکا پہاڑ کھڑا کرنے کےباوجود پاکستان ٹیم کو پہلے میچ میں شکست ہوئی۔

    جیسن محمد کی دھواں دھار بیٹنگ نےہاری ہوئی بازی جیت میں بدل دی۔ ویسٹ انڈیز نے تاریخ میں پہلی بارتین سو رنزکا ہدف حاصل کیا۔ وہاب ریاض، عامر اور حسن علی کو آخری اوورز میں خوب مار پڑی۔ پہلا میچ ہارنے کےبعد پاکستان کے پاس آٹھویں پوزیشن بچانا بھی مشکل ہوگیا ہے۔

  • پاکستان اور ویسٹ انڈیز کےدرمیان دوسراون ڈے آج کھیلاجائےگا

    پاکستان اور ویسٹ انڈیز کےدرمیان دوسراون ڈے آج کھیلاجائےگا

    گیانا : پاکستان اور ویسٹ انڈیز کے درمیان تین ایک روزہ میچوں کی سیریز کا دوسرا ون ڈے آج کھیلا جائےگا۔

    پاکستان اور ویسٹ انڈیز کے درمیان دوسرا ون ڈے میچ آج گیانامیں کھیلا جائے گا۔میچ پاکستانی وقت کےمطابق شام ساڑھے چھ بجے شروع ہوگا۔

    خیال رہےکہ ویسٹ انڈیز نےپہلے ون ڈے میچ میں مہمان ٹیم پاکستان کوچار وکٹوں سےشکست دے دی تھی۔تین میچوں کی سیریز میں ویسٹ انڈیز کو ایک،صفر کی برتری حا صل ہے۔


    پہلا ون ڈے: ویسٹ انڈیز نےپاکستان کوشکست دے دی


    پاکستان اور ویسٹ انڈیز کےدرمیان پہلے ون ڈے میچ میں جیسن محمد نے شاندار بیٹنگ کا مظاہرہ کرتے ہوئے58 گیندوں پر3چھکوں اور11چوکوں کی مدد سے91 رنز کی ناقابل شکست اننگز کھیل کر309رنز کاہدف 49ویں اوور میں 6 وکٹوں کےنقصان پرحاصل کرلیاتھا۔

    پاکستان کی جانب سے محمد عامر اور شاداب خان نے2، 2 جبکہ محمدحفیظ اوروہاب ریاض نےایک ایک وکٹ حاصل کی تھی۔میچ میں بہترین کارکردگی پیش کرنے پر جیسن محمد کو مین آف دی میچ کےاعزاز سےنوازاگیاتھا۔

    واضح رہےکہ پاکستانی کپتان سرفراز احمد کا کہنا تھا کہ سیریز کےدونوں میچ جیتنے کی کوشش کریں گے۔

  • میلبرن ون ڈے: آسٹریلیا 220رنز پر ڈھیر

    میلبرن ون ڈے: آسٹریلیا 220رنز پر ڈھیر

    میلبرن : پاکستان اور آسٹریلیا کے درمیان دوسرے ون ڈے میں میربان ٹیم 220 رنز بناکر آؤٹ ہوگئی۔

    تفصیلات کےمطابق آسٹریلیا کی جانب سے ڈیوڈ وارنز اور ٹریوس ہیڈ نے اننگز کا آغاز کیا اور پہلی وکٹ کی شراکت میں 31 رنز بنائے۔

    پاکستان کو پہلی کامیابی اس وقت ملی جب جنید خان نے آسٹریلیا کے ان فارم بیسٹمین ڈیوڈ وارنر16رنز کےاسکور پر آؤٹ کیا۔

    m5

    جنید خان نے اپنی عمدہ بولنگ کا سلسلہ جاری رکھا اور اپنے اگلے ہی اوور میں عثمان خواجہ کو17رنز کے اسکور پراپناشکار بنایا۔

    m1

    آسٹریلیا کی تیسری وکٹ 40 رنز کے مجموعی اسکور پرگری جب محمد عامر نے مچل مارش کوصفر پر آؤٹ کیا۔حسن علی نےٹریوس ہیڈ کو 29 رنز پرآؤٹ کرکے پاکستان کو 86رنز پرچوتھی کامیابی دلوائی۔

    m2

    گلین میکس ویل گزشتہ میچ کی طرح اس میچ میں بھی زچھی فارم میں نظر آئے اور انہوں نے اسمتھ کے ساتھ پانچویں وکٹ کےلیے 42 رنز جوڑے لیکن عماد وسیم نے23 کے انفرادی اسکور پر انہیں بولڈ کردیا۔

    m6

    عماد وسیم نے آسٹریلوی کپتان کو 42ویں اوور میں 60 کے انفرادی اسکور پر آؤٹ کردیا۔پاکستان کی جانب سے ساتویں وکٹ شیعب ملک نے لی،انہوں نے میتھیو ویڈ کو 35رنز پرآؤٹ کرکےپویلین کی راہ دکھائی۔

    آسٹریلیا کی آٹھویں وکٹ 206رنز پرگری جب مچل اسٹراک 3رنز کے انفرادی اسکور پر جنید خان کی گیند پر رن آؤٹ ہوئے۔

    پاکستان کی جانب سے محمد عامر نےتین،جنیدخان،عماد وسیم نےدو،دو جبکہ حسن علی اورشعیب ملک نے ایک،ایک کھلاڑی کو آؤٹ کیا۔

    دوسرے ون ڈے میچ کے لیے پاکستانی ٹیم میں تین جبکہ آسٹریلیا کی ٹیم میں دو تبدیلیاں کی گئی ہیں۔

    m3

    میزبان ٹیم میں بِل اسٹین لیک کی جگہ جوش ہیزل ووڈ اور کرس لین کی جگہ پاکستانی نژاد عثمان کی ٹیم میں واپسی ہوئی ہے۔

    m4

    دوسری جانب پاکستانی ٹیم میں اظہر علی جگہ اسد شفیق، وہاب ریاض کی جگہ جنید خان اور محمد نواز کی جگہ شعیب ملک کو ٹیم میں شامل کیا گیا ہے۔

    یاد رہے کہ پانچ ایک روزہ میچوں کی سیریز میں آسٹریلیا کو ایک صفر کی برتری حاصل ہے۔

    مزید پڑھیں:پہلا ون ڈے : آسٹریلیا نے پاکستان کو 92 رنز سے شکست دے دی

    واضح رہےکہ برسبین میں کھیلے جانے والے پہلے ایک روزہ میچ میں آسٹریلیا نے پاکستان کو 92 رنز سے شکست دی تھی۔

  • لارڈز ون ڈے،پاکستان کو شروع میں مشکلات کا سامنا

    لارڈز ون ڈے،پاکستان کو شروع میں مشکلات کا سامنا

    لارڈز: دوسرے ایک روزہ میچ کے لیے پاکستان نے ٹاس جیت کر پہلے بیٹنگ کرنے کا فیصلہ لگتا ہے غلط ثابت ہو گیا ہے دو رنز کے مجموعی اسکور پر دونوں اوپنرز سمیت تین پولین واپس لوٹ گئے۔

    تفصیلات کے مطابق لارڈز میں کھیلے جانے والے دوسرے ایک روزہ میچ میں پاکستان ٹیم کے دونوں اوپنرز سمیع اسلم اور شرجیل خان اور کپتان اظہر علی دورنزکے مجوعی اسکورپرپولین واپس لوٹ گئے۔

    واضح رہے پانچ میچوں کی سیریزمیں انگلینڈ کوایک صفر سے برتری حاصل ہے جب کہ لارڈز میں اچھا ریکارڈ رکھنے والی پاکستانی ٹیم اس برتری کو برابر کرنے کے لیے جدوجہد میں مشغول نظر آتی ہے۔

    دوسرے ایک روزہ میچ کے لیے پاکستانی ٹیم میں تین تبدیلیاں کی گئیں ہیں سمیع اسلم ،یاسر شاہ اور حسن علی کو ٹیم میں موقع دیا گیا ہے جب کہ محمد حفیظ، محمد نواز اور عمر گل کو ڈراپ کردیا گیا ہے۔

    ٹاس جیتنے کے بعد پاکستان کے کپتان اظہر علی نے میڈیا سے بات کرتے ہوئے ٹیم میں کی گئی تبدیلیوں کا ذکر کرتے ہوئے کہا اس عزم کا اظہار کیا دوسرا ون ڈے میچ جیت کر سیریز میں کم بیک کریں گے،آج کے میچ میں انگلینڈ کو بڑا اور مشکل ہدف دیں گے۔

    انگلینڈ کی ٹیم کے کپتان مورگن کا کہنا تھا کہ اگر ہم بھی ٹاس جیتتے تو پہلے باؤلنگ ہی کرتے اور پاکستان ٹیم کو جلد آؤٹ کرنے کی کوشش کرتے تا کہ بڑے مارجن سے فتح یاب ہوتے۔

    واضح رہے ساؤتھ مپٹن میں کھیلے گئے پہلے ونڈے میچ میں بارش کے باعث انگلینڈ پاکستان کو بآسانی شکست دینے میں کامیاب ہو گیا تھا۔