شوبز انڈسٹری کی معروف اداکارہ و ماڈل کرن اشفاق جو حال ہی میں دوسری بار رشتہ ازدواج میں منسلک ہوئیں، اداکارہ نے دوسری شادی پر تنقید کرنے والوں کو سخت جواب دے کر انہیں خاموش کرادیا۔
پی پی پی رہنما اور وکیل حمزہ علی چوہدری سے کرن اشفاق نے دوسری شادی کی ہے، جس کی خوبصورت تصاویر اور ویڈیوز بھی سوشل میڈیا پر وائرل ہوگئی تھیں۔
کرن اشفاق کو دوسری شادی کرنے پر بعض صارفین نے تنقید کا نشانہ بنایا اور لکھا کہ اتنی جلدی تو ہم بریک اپ کے بعد خود کو سنبھال نہیں پاتے جبکہ ایک اور صارف نے لکھا کہ عمران اشرف زیادہ اچھا تھا، اس سے علیحدگی کیوں اختیار کرلی؟
تاہم کرن اشفاق نے کسی کی پرواہ کئے بغیر فوراً ہی ناقدین کو آئینہ دکھا دیا اور ان کی تنقید کا کرارا جواب دے کر خاموش کروا دیا۔
صارف کے تبصرے کے جواب میں کرن اشفاق نے لکھا کہ آپ کا مطلب ہے کہ میں بیٹھی رہتی؟ کیا میں شادی نہ کرتی بس کسی کی طلاق کے نام پر بیٹھی رہتی؟ میرے والدین مجھے تنہا دیکھ کر روتے اور پریشان رہتے؟
اداکارہ کا نے ایک اور صارف کو جواب دیتے کہنا تھا کہ عمران اشرف سے طلاق لی نہیں تھی بلکہ عمران اشرف نے طلاق دی تھی۔اس کے ساتھ ہی انہوں نے اظہار تشکر کرتے ہوئے لکھا کہ اللہ تعالیٰ نے مجھے ایک بہترین انسان سے نوازا ہے۔
