بغداد: شدت پسند تنظیم دولتِ اسلامیہ نے موصل شہر کے قریب تین سو یزدی یرغمالیوں کو ہلاک کر دیا ہے۔
یزدی پروگریس پارٹی کی جانب سے جاری ہونے والے ایک بیان کے مطابق موصل شہر کے قریب تل آفار ضلع میں دولتِ اسلامیہ نے یرغمال بنانے جانے والے تین سو افرادکو ہلاک کر دیاہے۔
ہزاروں یزدی گذشتہ موسمِ گرما میں دولتِ اسلامیہ کی شمالی عراق کی جانب پیش قدمی کی وجہ سے اپنے دیہات چھوڑ کر چلے گئے تھے، جن میں سے بہت سے یا تو مارے گئے تھے یا انھیں قید کر لیا گیا تھا۔
عراق :تکریت میں امریکا نے دولتِ اسلامیہ کے خلاف فضائی حملوں کا آغاز کردیا۔
تکریت میں امریکی جیٹ طیاروں نے دولت اسلامیہ کے خلاف باقاعدہ کارروائی کرتے ہوئے شدت پسندوں کے ٹھکانوں پر بمباری کی، عراقی سیکیورٹی فورسز کو تکریت میں دولت اسلامیہ سے مزاحمت میں ناکامی کا سامنا رہا۔
جس پر عراقی وزیرِاعظم حیدر العبادی نے امریکا سے تکریت پر فضائی حملوں کی درخواست کی تھی ۔
امریکی حکام کا کہنا ہے کہ فضائی حملوں کا مقصد دولتِ اسلامیہ کے مضبوط ٹھکانوں کو درستگی سے نشانہ بنانا ہے تاکہ شہریوں کو نقصان نہ پہنچے۔