Tag: دولہا

دنیا تیزی سے ڈیجیٹل ہو رہی اور چیزوں کی شناخت ان کا کیو آر کوڈ بنتی جا رہی ہے مگر ایک نوجوان کو اس کے دوستوں نے ڈیجیٹل دولہا بنا دیا۔

تیزی سے ڈیجیٹلائز ہوتی دنیا نے زندگی میں کئی سہولتیں بھی فراہم کی ہیں۔ اب کسی بھی چیز کی خریداری کے لیے نقد رقم کی ضرورت نہیں رہی فون سے اسکین کیجیے اور ادائیگی کر دیجیے لیکن یہ سب ضروریات زندگی کی چیزوں تک ہی محدود تھا۔ یہاں ایک دولہا چلتا پھرتا ڈیجیٹل انسان بن گیا۔

یہ انوکھا دولہا بھارت میں سامنے آیا ہے جہاں ایک شادی کی تقریب میں اسٹیج پر دولہا اپنے گلے میں اسکینر لٹکائے نظر آتا ہے۔

بھارتی میڈیا کے مطابق ہوا کچھ یوں کہ دولہا اپنی دلہن کے ساتھ اسٹیج پر موجود تھا کہ اسی دوران دولہا کے چند دوست اسٹیج پر آئے اور مذاق میں دولہاکے گلے میں یو پی آئی اسکینر ڈال کر چلتے بنے۔

اس کے بعد باری باری ایک دوست اسٹیج پر آتا اور جیب سے فون نکال کر ایک روپیہ بطور مذاق تحفہ دیتا اور یہ ادائیگی اسکرین پر بھی سب کو دکھاتا۔

دولہا کے دوستوں کی اس مزاحیہ حرکت سے تمام شرکا بہت محظوظ ہوئے اور قہقہے لگاتے رہے۔

شادی نئی زندگی کی شروعات ہوتی ہیں لیکن ایک دولہا نئی زندگی شروع ہونے سے ایک دن قبل دلہن کو چھوڑ کر فرار ہوگیا۔

شادی نئی زندگی کی شروعات ہوتی ہیں جس میں دو مختلف انسان جیون بھر کے لیے ایک دوسرے کا ساتھ نبھانے کا عہد کرتے ہیں لیکن ایک دولہا اپنی شادی والے دن ہی دلہن کو چھوڑ کر ایک دوسری لڑکی کے ساتھ فرار ہوگیا۔

یہ عجیب واقعہ بھارت کی ریاست تلنگانہ میں پیش آیا جہاں لڑکی والے بارات کی راہ تکتے رہے لیکن بارات کے بجائے یہ روح فرسا خبر سامنے آئی کے دولہا اپنے ہی گھر سے شادی سے ایک دن قبل فرار ہوچکا ہے۔

بھارتی میڈیا کے مطابق چٹیال گاؤں کی ایک لڑکی کی شادی پٹہ منڈل کے علاقے کے رہائشی سے طے ہوئی تھی۔ 9 مارچ کو بارات کی تاریخ طے ہوئی۔ اس دن لڑکی والوں کے دولہا اور باراتیوں کے استقبال کی تمام تیاریاں مکمل کر لی تھیں۔

تاہم لڑکی والے بارات کے منتظر رہے جب کہ ہونے والا دولہا شادی سے ایک دن قبل اپنے دلہن کو چھوڑ کر ایک اور لڑکی کے ساتھ گھر سے فرار ہوگیا۔

یہ خبر ملتے ہی دونوں خاندان سکتے میں آ گئے جب کہ لڑکی کے رشتہ دار اور گاؤں کے لوگ چریال پولیس اسٹیشن جا پہنچے۔

بارات ہمیشہ دولہا لاتا ہے لیکن ایک جگہ ایسی بھی ہے جہاں بارات دلہن لاتی ہے جب کہ جہیز دولہا کو دیا جاتا ہے۔

شادی کی یہ غیر روایتی رسومات بھارت کے علاقے جھارکھنڈ کے آدیواسی کمیونٹی میں رائج ہے اور اس کو برصغیر میں رائج شادی کی روایات کے بالکل الٹ کہا جا سکتا ہے۔

بھارتی میڈیا کے مطابق آدیواسی کمیونٹی میں دلہن بارات لے کر آتی ہے جب کہ دولہا کو جہیز دیا جاتا ہے اور یہ روایت برسوں سے اب تک قائم ہے۔

دولہا والے دلہن کے خاندان کو جہیز کے طور پر تحائف اور نقد رقم دیتے ہیں۔ کم سے کم ایک جوڑا بیل، گائے اور کم سے کم 101 روپے نقد رقم کنیا دھن کے طور پر دی جاتی ہے۔ اس کے علاوہ دولہا کے رشتہ دار کچھ اور دینا چاہیں تو دے سکتے ہیں۔

اس حوالے سے مذکورہ کمیونٹی کے ہیرا نامی شخص کا کہنا ہے کہ ہماری برادری میں خواتین کو عزت اور بلند درجہ دیا جاتا ہے۔ اس لیے شادی میں یہ رسمیں بھی انہیں عزت اور احترام دینے کے لیے کی جاتی ہیں۔

https://urdu.arynews.tv/valentines-day-proposing-on-her-will-result-in-jail/