ARYNews.tv | Urdu – Har Lamha Bakhabar

Tag: دو افراد ہلاک

  • نیوسبزی منڈی میں دو گروپوں میں تصادم سے دو افراد ہلاک، تین زخمی

    نیوسبزی منڈی میں دو گروپوں میں تصادم سے دو افراد ہلاک، تین زخمی

    کراچی : سپرہائی وے نیوسبزی منڈی میں دو گروپوں میں تصادم سے دو افراد جان کی بازی ہار گئے تین افراد فائرنگ سے زخمی ہوگئے، پولیس نے دو افراد کو گرفتار کرلیا۔

    تفصیلات کے مطابق نیوسبزی منڈی میں دو گروپوں میں تصادم کے بعد نیو سبزی منڈی کا علاقہ میدان جنگ بن گیا، فائرنگ کی آوازوں سے علاقہ گونج اٹھا۔

    مشتعل مظاہرین نے سپر ہائی کے دونوں ٹریک بند کردئیے۔ دو گروپوں میں ہوا خون ریز تصادم اور فائرنگ سے دو افراد جان سے گئے جبکہ تین زخمی ہوگئے۔

    مشتعل مظاہرین نے پولیس چوکی پر دھاوا بول دیا، مظاہرین نے بکتر بند گاڑی کا گھیراؤ کیا، ٹائر کی ہوا نکال دی اور پتھراؤ کیا، ہولیس موبائل کے شیشے بھی توڑ دئیے ایک گاڑی کو الٹنے کی کوشش کی۔

    واقعے کے بعد سبزی منڈی بند کردی گئی پولیس نے فائرنگ میں ملوث دوافراد مومن اور بسم اللہ کو گرفتار کیا واقعے کے خلاف مشتعل مظاہرین نے سپرہائی وے کے دوٹریک بندکردئیے ،جس سے ٹریفک جام ہوگیا۔

    بعد میں رینجرز سے مذاکرات کے بعد سپرہائی کے دونوں ٹریک کھول دئیے گئے۔ سبزی منڈی بھی کھل گئی۔

  • مہندی کی تقریب میں ہوائی فائرنگ، دو افراد ہلاک دو زخمی، دولہا فرار

    مہندی کی تقریب میں ہوائی فائرنگ، دو افراد ہلاک دو زخمی، دولہا فرار

    شیخوپورہ : مہندی کی تقریب میں ہوائی فائرنگ سے دو افراد ہلاک دو زخمی ہوگئے، دولہا اور اس کے دوست موقع سے فرار ہوگئے۔

    تفصیلات کے مطابق شیخوپورہ کے نواحی علاقے فیروز وٹواں میں رات گئے مہندی کی تقریب میں دولہا کے دوستوں کی جانب سے ہوائی فائرنگ کی گئی جس کے نتیجے میں دو افراد اظہر  اور عاطف موقع پر ہلاک ہوگئے۔

    ذرائع کا کہنا ہے کہ فائرنگ کی زد میں آکر ہلاک ہونے والے افراد دولہا کے عزیز و اقارب ہیں۔

    اطلاع ملنے پر تھانہ سٹی پولیس موقع پر پہنچ گئی، پولیس نے ابتدائی تحقیقات کے بعد طبی امداد کیلیے دونوں زخمیوں کو انتہائی تشویش ناک حالت میں میو اسپتال لاہور منتقل کردیا گیا۔

    تھانہ سٹی پولیس کا کہنا ہے کہ فائرنگ شراب کے نشے میں دھت دولہا کے دوستوں کی جانب سے گئی، گولیاں تقریب میں موجود افراد کو لگنے کے بعد دولہا اور اسکے دوست موقع سے فرار ہوگئے جن کی تلاش تاحال جاری ہے۔

    مزید پڑھیں : لاہور: شادی میں ہوائی فائرنگ، چھت پر کھڑی لڑکی موقع پر جاں بحق، ملزمان فرار

    دولہا کے سر پر سہرا گلے میں نوٹوں کے ہار اور دل میں سہانے خواب سجائے اس وقت چکنا چور ہوگئے جب دوستوں غلطی سے حسرتوں پر پانی پھر گیا اور اسے شادی سے فرار اختیار کرنا پڑتا۔

  • فرانس کے اسکائی ریزوٹ میں ہولناک آٓتشزدگی، دو افراد ہلاک

    فرانس کے اسکائی ریزوٹ میں ہولناک آٓتشزدگی، دو افراد ہلاک

    پیرس : فرنچ ایلپ نامی پہاڑی سلسلے پر واقع ریزوٹ میں خوفناک آتشزدگی کے نتیجے میں 2 افراد جھلس کر ہلاک جبکہ 25 زخمی ہوگئے۔

    تفصیلات کے مطابق فرانس میں واقع فرنچ ایلپ نامی پہاڑی سلسلے پر واقع کروچول نامی ریزوٹ میں کچھ گھنٹے قبل بھڑکنے والے آگ نے اطراف کی تین عمارتوں کو بھی متاثر کیا ہے۔

    فرانسیسی پولیس کا کہنا ہے کہ ہنگامی خدمات انجام دینے والے عملے اور ستر فائر فائیٹرز نے طویل جدوجہد کے بعد آگ پر قابو پالیا تاہم آتشدگی کی وجوہات علم نہیں ہوسکا ہے۔

    پولیس کا کہنا ہے کہ آتشزدگی کے نتیجے میں 2 افراد ہلاک ہوئے ہیں جبکہ 25 افراد زخمی ہیں جن میں 3 زخمیوں کی حالت تشویش ناک بتائی جارہی ہے۔

    غیر ملکی خبر رساں ادارے کا کہنا ہے کہ سوشل میڈیا پر جاری ہونے والی ایک ویڈیو میں ایک شخص کو آتشزدگی سے بچنے کیلئے عمارت کی تیسری منزل سے چلانگ لگاتے دکھا جاسکتا ہے۔

    غیر ملکی میڈیا کا کہنا ہے کہ تین زخمیوں کی حالت انتہائی نازک ہے انہیں ریسکیو حکام نے ہیلی کاپٹر کےلیے ذریعے اسپتال منتقل کردیا ہے۔

    فرانسیسی پولیس کا مؤقف ہے کہ حادثے کے وقت ریزوٹ میں عملے اور غیر ملکی سیاحوں سمیت 60 افراد موجود تھے، افسوس ناک حادثے میں ہلاک ہونے والے افراد کی تاحال شناخت واضح نہیں ہوسکی ہے۔

    غیر ملکی خبر رساں ادارے کا کہنا ہے کہ پولیس نے حادثے کی رپورٹ درج کرتے ہوئے تحقیقات کا آغاز کردیا ہے۔

    مزید پڑھیں : پیرس: بیکری میں گیس دھماکا، چار افراد ہلاک

    خیال رہے کہ 12 جنوری کو فرانسیسی دارالحکومت پیرس میں واقع بیکری میں زور دار دھماکے بعد آگ بھڑک اٹھی تھی، واقعے میں چار افراد ہلاک، جب کہ 20 سے زائد افراد زخمی ہوئے تھے۔

  • لندن: فائرنگ اور چاقو زنی کی واردات، دو افراد قتل 4 زخمی

    لندن: فائرنگ اور چاقو زنی کی واردات، دو افراد قتل 4 زخمی

    لندن : سال نو کے آغاز پر برطانوی دارالحکومت میں چاقو زنی کی مختلف وارداتوں میں دو افراد ہلاک اور چار زخمی ہوگئے۔

    مقامی خبر رساں ادارے کا کہنا تھا کہ لندن کے علاقے پارک لین میں منعقدہ نجی محفل کے باہر چاقو زنی کی واردات ایک شخص ہلاک ہوا جبکہ 37 اور 29 سالہ شخص اور 29 سالہ خاتون زخمی ہوئی۔

    برطانوی خبر رساں ادارے کا کہنا تھا کہ پارک لین میں چاقو بردار شخص کے حملے کے کچھ دیر بعد ساوتھ وارک میں ایک خاتون خنجر کے وار سے زخمی ہوئی جبکہ ہیکنی میں واقع نائٹ کلب میں ایک خاتون کو گولی مار کر قتل کیا گیا۔

    پولیس کا کہنا ہے کہ پارک لین میں زخمی ہونے والے متاثرین کو فوری اسپتال منتقل کردیا گیا تھا جہاں انہیں طبی امداد دی جارہی ہے تاہم شدید زخموں کے باعث متاثرین کی حالت نازک ہے۔

    برطانوی پولیس کا کہنا ہے کہ پارک لین میں ہلاک ہونے والا شخص سیکیورٹی گارڈ ہے۔

    پولیس کے مطابق ساوتھ وارک میں زخمی ہونے والی 30 سالہ خاتون کو اسپتال منتقل کرتے ہوئے ریسکیو عملہ طبی امداد فراہم کررہا تھا لیکن وہ راستے میں ہی ہلاک ہوگئی۔

    مقامی خبر رساں ادارے کا کہنا ہے کہ پولیس نے کارروائی کرتے ہوئے ساوتھ وارک میں چاقو زنی کی وار دات کا شکار ہونے والی خاتون کے قتل کے شبے میں 34 سالہ شخص کو گرفتار کیا ہے۔

    مزید پڑھیں : مانچسٹر میں چاقو بردار شخص کا حملہ، تین افراد زخمی

    یاد رہے کہ 31 دسمبر کی شام برطانیہ کے شہر مانچسٹر میں واقع وکٹوریہ ریلوے اسٹیشن پر مسلح شخص نے شہریوں پر چاقو سے حملہ کردیا تھا، جس کے نتیجے پولیس افسر سمیت چار افراد زخمی ہوئے تھے، چاقو زنی کی واردات میں زخمی ہونے والے متاثرین کو اسپتال منتقل کردیا تھا جہاں انہیں طبی امداد فراہم کرنے بعد گھر بھیج دیا گیا تھا۔

  • امریکا:‌یوگا اسٹودیو میں فائرنگ، دو افراد ہلاک

    امریکا:‌یوگا اسٹودیو میں فائرنگ، دو افراد ہلاک

    واشنگٹن : امریکی شہر تہلسی کے یوگا اسٹودیو میں مسلح شخص کی فائرنگ سے دو افراد ہلاک جبکہ 5 زخمی ہوگئے، حملہ آور نے خود کو گولی مارکر خودکشی کرلی۔

    تفصیلات کے مطابق امریکی ریاست فلوریڈا کے شہر تہلسی میں واقع یوگا اسٹودیو میں ایک نامعلوم شخص داخل ہوا اور اندر موجود لوگوں پر فائرنگ کردی جس کے نتیجے میں کئی افراد لقمہ اجل بن گئے۔

    غیر ملکی خبر رساں ادارے کا کہنا تھا کہ نامعلوم مسلح شخص کی یوگا سینٹر کی عمارت میں فائرنگ کے باعث دو افراد موقع پر ہی ہلاک ہوگئے جبکہ 5 افراد زخمی ہوئے۔

    امریکی پولیس کا کہنا تھا کہ حملہ آور پستول لیے شاپنگ سینٹر میں واقع یوگا اسٹودیو میں اکیلا داخل ہوا تھا تاہم ابھی تک حملے کی وجوہات معلوم نہیں ہوسکیں ہیں۔

    پولیس کا کہنا ہے کہ مسلح شخص نے یوگا اسٹودیو میں شہریوں پر فائرنگ کرنے کے بعد خود کو بھی گولی مار کر خودکشی کرلی تھی۔

    مقامی خبر رساں ادارے کا کہنا تھا کہ افسوس ناک واقعے میں ہلاک ہونے والے افراد کی لاشیں اور زخمیوں کو فوری طور پر اسپتال منتقل کردیا تاکہ متاثرین کو طبی امداد فراہم کی جاسکے، ڈاکٹرز کا کہنا ہے کہ ایک شخص کی حالت تشویش ناک ہے۔

    سٹی کمشنر اسکاٹ میڈوکس کا کہنا تھا کہ میں نے زندگی میں کچھ افسوس ناک واقعات دیکھے ہیں لیکن یہ سب سے المناک حادثہ تھا۔

    یاد رہے کہ چند روز قبل ایک مسلح شخص نے شہر پٹس برگ میں واقع یہودی عبادت گاہ میں داخل ہوا کر اندر موجود تمام افراد کو یرغمال بنالیا تھا بعد ازاں حملہ آور نے فائرنگ کی جس کے نتیجے میں‌ 11 افراد ہلاک ہوگئے۔

  • کالعدم تنظیم کے تین دہشتگرد گرفتار، مختلف واقعات میں دو افراد ہلاک

    کالعدم تنظیم کے تین دہشتگرد گرفتار، مختلف واقعات میں دو افراد ہلاک

    کراچی :جرائم پیشہ عناصر کے خلاف قانون نافذ کرنے والوں کی کارروائیاں جاری ہیں رینجرز نے کالعدم تنظیم کے تین دہشت گرد گرفتار کرلئے، ملزمان سے بھاری تعداد میں اسلحہ اور مسروقہ موٹر سائیکل بر آمد کر لی گئی۔ ٹریفک حادثہ اور فائرنگ کے واقعات میں دو افراد جان کی بازی ہار گئے۔

    تفصیلات کے مطابق کراچی میں فائرنگ اور پرتشدد واقعات کا سلسلہ تھم نہ سکا۔ عائشہ منزل پر تعلیم باغ کے قریب فائرنگ سے ایک شخص جان کی بازی ہارگیا، پولیس نے ظابطے کی کارروائی کیلیے لاش اسپتال منتقل کردی۔

    دوسری جانب کراچی کے علاقے بلوچ کالونی کے قریب ہائی روف وین اور رکشے کے درمیان تصادم کے نتیجے میں ایک شخص جاں بحق اور 5 افراد زخمی ہو گئے۔ حادثے کے نتیجے میں زخمی ہونے والے افراد کو طبی امداد کیلئے اسپتال منتقل کر دیا گیا ہے۔ جاں بحق شخص کی شناخت احمد بخش کے نام سے کر لی گئی۔۔

    علاوہ ازیں جرائم پیشہ عناصر کے خلاف قانون نافذ کرنے والوں کی کارروائیاں بھی جاری ہیں۔ رینجرز نے گلبرگ اور گلشن اقبال میں کارروائیاں کرکے کالعدم تنظیم کے دو کارندوں سمیت ایک سیاسی جماعت کے عسکری ونگ کا کارندہ گرفتار کرلیا۔

    سائٹ اور کورنگی میں رینجرز نے کارروائی کرکے دو ملزمان کو اسلحے سمیت گرفتار کرلیا، یوسف پلازہ پولیس نے کارروائی کرکے اسٹریٹ کریمنل کو گرفتار کرلیا،۔

    پولیس حکام کا کہنا ہے کہ ملزم تیمور اجمیر نگری میں لوٹ مار کررہا تھا، گرفتار ملزم محمد تیمور ڈکیتی اور اسٹریٹ کرائم کی متعدد وارداتوں میں ملوث ہے۔

    گرفتار ملزم کے قبضے سے چوری کی موٹرسائیکل، اسلحہ اور مسروقہ سامان برآمد ہوا ہے۔ پولیس نے ملزم کیخلاف مقدمہ درج کرکے مزید تفتیش کا آغاز کردیا ہے۔

  • کینیڈا میں ہیلی کاپٹر گرکرتباہ،2افراد ہلاک

    کینیڈا میں ہیلی کاپٹر گرکرتباہ،2افراد ہلاک

    اوٹاوا: کینیڈا میں ہیلی کاپٹر بجلی کے کھمبوں سے ٹکرا کر تباہ ہوگیا،حادثے میں 2 افراد جان کی بازی ہار گئے۔

    تفصیلات کے مطابق کینیڈا کے صوبے نیو برنزویک کے شہرکیمپ بلٹن میں ہیلی کاپٹر بجلی کے کھمبوں سے ٹکرا کر تباہ ہوگیا،حادثے میں ہیلی کاپٹر میں سوار دونوں افراد ہلاک ہوگئے.

    helicopter-post-1

    ہیلی کاپٹر حادثے کی عینی شاہد کا کہنا تھا کہ عام طور ہم ہیلی کاپٹر کی پرواز کی آواز سنتے ہیں اور ان کو اترتے ہوئےدیکھتے ہیں لیکن جو میں نے سنا وہ ایک عجیب سی آواز تھی.

    helicopter-post-2

    پیٹی گیلی کا کہنا تھا کہ جب وہ باہر گئیں تو انہوں نے دیکھا کہ ہیلی کاپٹر پاور لائنزسے ٹکرایا اور زوردار دھماکہ ہوا جس کے بعد ہیلی کاپٹر دریا میں جاگرا اوراس کے بکھرے ہوئے ٹکرے دیکھے جاسکتے تھے.

    helicopter-post-4

    حکام کے مطابق ہیلی کاپٹر کا یہ حادثہ روٹ سے باہر جانے کے باعث پیش آیا ہوگا ،تاہم واقعے کی تحقیقات جاری ہیں.

    helicopter-post-3

    *جکارتہ : انڈونیشیا کے صوبےجاوا میں فوجی ہیلی کاپٹر گر کر تباہ،3افراد ہلاک

    واضح رہے کہ اس سے قبل رواں سال جولائی میں ہیلی کاپٹرانڈونیشیا کے صوبےجاوا کے مرکزی شہر یوگویاکرتا کے شمال کی طرف مضافات میں گر کر تباہ ہواتھا.حادثے کے وقت ہیلی کاپٹر میں چھ افراد سوار تھے،جن میں سے تین افراد جان کی بازی ہار گئے.

  • کوئٹہ میں فائرنگ،دوافراد جاں بحق

    کوئٹہ میں فائرنگ،دوافراد جاں بحق

    کوئٹہ : بلوچستان کے دارالحکومت کوئٹہ میں فائرنگ سے ہزارہ قبیلے کے دو افراد جان کی بازی ہارگئے.

    تفصیلات کے مطابق ہزارہ قبیلے سے تعلق رکھنے والے افراد رکشے میں سریاب روڈ پر جا رہے تھے جب ان پر فائرنگ کی گئی،واقعے میں دونوں افراد جان کی بازی ہار گئے.

    پولیس کا کہنا ہے کہ جاں بحق ہونے والا ایک شخص مچھ کے علاقے میں کوئلہ کان میں کام کرتا تھا.

    پولیس حکام کے مطابق یہ دونوں افراد ہزار گنجی اڈے کی جانب جا رہے تھے جہاں سے عام گاڑی میں کوئلہ کان جانا تھا لیکن موٹر سائیکل پر سوار دو نامعلوم افراد نے سریاب روڈ پر ڈگری کالج کے قریب ان پر فائرنگ کر دی.

    یاد رہے کہ چوبیس گھنٹوں میں سریاب کے علاقے میں یہ دوسرا واقعہ ہے اس سے قبل رات کو فائرنگ کے ایک واقعے میں لیویز فورس کا ایک اہلکار ہلاک ہوا تھا.

    واضح رہے کہ لیویز فورس کے اہلکار پر حملے کا واقعہ سریاب کے علاقے کیچی بیگ میں پیش آیا تھا.

  • کراچی:چاند نظر آنے کی خوشی میں ہوائی فائرنگ، دوہلاک، 12 زخمی

    کراچی:چاند نظر آنے کی خوشی میں ہوائی فائرنگ، دوہلاک، 12 زخمی

    کراچی میں عید کا چاند نظر آتے ہی ہوائی فائرنگ کے واقعات میں پولیس اہلکار سمیت دو افراد جاں بحق اور 12 زخمی ہوگئے،پورٹ قاسم کے علاقے سے دو افراد کی ڈوبی ہوئی لاشیں ملیں۔

    پولیس کے مطابق نارتھ کراچی پیلا اسکول کے علاقے میں فائرنگ کے واقعے میں ندیم عباس نامی شخص جان کی بازی ہار گیا۔حسن اسکوائر پل کے قریب فائرنگ سے ایک پولیس اہلکار جاں بحق ہوگیا۔

    مختلف علاقوں میں ہوائی فائرنگ کے واقعات میں خواتین اور بچوں سمیت 12 افراد زخمی ہوگئے۔ پولیس کے مطابق فائرنگ اورنگی ٹاؤن، لانڈھی، شیرشاہ، انچولی، ریکسر لائن، اور غریب آباد میں کی گئی۔

    دوسری جانب پورٹ قاسم کے علاقے میں سمندر سے ڈوبی ہوئی دو افراد کی لاشیں ملیں جن کی شناخت نہیں ہوسکی، لاشوں کو ضابطے کی کارروائی کےلیے اسپتال منتقل کردیا گیا۔

  • ویانا: میوزک کانسرٹ پر فائرنگ،دو افراد ہلاک

    ویانا: میوزک کانسرٹ پر فائرنگ،دو افراد ہلاک

    ویانا:آسٹریامیں سرپھرے شخص نےگرل فرینڈ سےجھگڑےکےبعدمیوزک کانسرٹ پرفائرنگ کردی،دو افراد ہلاک اور گیارہ زخمی ہوگئے۔

    تفصیلات کےمطابق آسٹریا میں ستائیس سالہ حملہ آور نے میوزک کانسرٹ میں آئے شہریوں پر فائرنگ کردی،پولیس کے مطابق ملزم کا فائرنگ سےقبل پارکنگ ایریا میں گرل فرینڈ سے جھگڑا ہوا تھا.

    ملزم نے گرل فرینڈ سے تلخ کلامی کے بعدگاڑی سے بندوق نکال کر میوزک کانسرٹ پر فائرنگ کی جس کے نتیجے میں دو افراد ہلاک جبکہ 11افراد زخمی ہوگئے تھے.

    پولیس کے مطابق زخمیوں کی حالت نازک ہے،تاہم حملہ آور کی فائرنگ میں اسکی گرل فرینڈ محفوظ رہی.

    واضح رہے کہ میوزک کانسرٹ پر فائرنگ کے بعد ملزم نے گاڑی کے پاس جاکر خودکو گولی مارکر خودکشی کرلی.