ARYNews.tv | Urdu – Har Lamha Bakhabar

Tag: دپیکا

  • دپیکا اور رنویر کی شادی کے بعد بھارت واپسی، شاندار استقبال

    دپیکا اور رنویر کی شادی کے بعد بھارت واپسی، شاندار استقبال

    ممبئی: بالی ووڈ اداکارہ دپیکا پڈوکون اور رنویر سنگھ ازدواجی بندھن میں بندھنے کے بعد اٹلی سے واپس بھارت پہنچ گئے جہاں اُن کا شاندار استقبال کیا گیا۔

    تفصیلات کے مطابق بالی ووڈ کے دونوں اداکاروں نے شادی کی تقریبات کے لیے اٹلی کے خوبصورت مقام لیک کومو کا انتخاب کیا تھا جہاں 14 اور 15 تاریخ کو دو علیحدہ علیحدہ مذہبی رسومات کے تحت شادی کی تقریبات کا انعقاد کیا گیا۔ پہلے روز تقریب کی میزبانی لڑکی والوں نے جب کہ دوسرے دن رنویر کے اہل خانہ نے کی۔

    چودہ نومبر کو شادی کی تقریب جنوبی بھارتی (ہندو مذہب) رسم و  روایات کی طرز پر منعقد ہوئی جس میں دپیکا نے نارنجی مائل عروسی ساڑھی اور رنویر نے بھی دلہے کا ثقافتی لباس ’دھوتی کرتا’ زیب تن کیا تھا۔

    شادی کے دوسرے روز کی تقریبات سندھی روایات کے مطابق انجام دی گئیں، جس میں دپیکا نے سرخ لہنگا زیب تن کیا اور وہ روایتی دلہن بھی بنیں جبکہ رنویر نے اسی کے ملتے جلتے رنگ کا کلاہ پہنا۔

    واضح رہے کہ دپیکا ہندو جبکہ رنویر سکھ مذہب سے تعلق رکھتے ہیں۔ اٹلی میں ہونے والی تقریبات میں مخصوص لوگوں نے ہی شرکت کی تھی۔

    دونوں اداروں کے اہل خانہ نے قبل از وقت شادی کی تصویر سامنے نہ لانے کا فیصلہ کیا تھا جس کے لیے ہوٹل انتظامیہ سے سخت اقدامات کرنے کی استدعا بھی کی تھی۔

    مزید پڑھیں: دیپ ویر شادی، دپیکا کا دوپٹہ اور فرح خان کا منفرد تحفہ مقبول

    شادی میں شرکت کرنے والے مہمانوں کے پنڈال میں داخل ہونے سے قبل موبائل کیمرے ناکارہ بنا دیے گئے تھے جبکہ تصویر یا ویڈیو کو روکنے کے لیے فضا میں اڑنے والے ڈرونز کی بھی اطراف میں پابندی عائد کی گئی تھی۔

    سیکیورٹی کے سخت اقدامات کے باوجود پہلے روز سے ہی تصاویر اور ویڈیوز سامنے آنا شروع ہوگئی تھیں، بعد ازاں دپیکاپڈوکون اور رنویر سنگھ نے اپنی شادی کی تصدیق کرتے ہوئے خود ہی تصاویر سماجی رابطے کی ویب سائٹ پر شیئر کردی تھیں۔

    نوبیاہتا جوڑے کی بھارت واپسی                                                                                       

    بالی ووڈ کا نوبیاہتا جوڑا اتوار 11 نومبر کی علی الصبح ممبئی ائیرپورٹ پہنچا تو وہاں پہلے سے ہی سیکیورٹی کے سخت انتظامات کیے گئے تھے، دونوں اداکاروں کو سیکیورٹی حصار میں ہی ائیرپورٹ سے گھروں کی جانب روانہ کیا گیا۔

    سوشل میڈیا پر جاری تصاویر میں دیکھا جا سکتا ہے کہ دونوں نے ایک جیسے رنگ کے کپڑے زیب تن کیے ہوئے تھے اور دونوں کے چہروں پر خوشی واضح تھی۔

    یہ بھی پڑھیں: مداحوں‌ کا انتظار ختم، دپیکا رنویر نے شادی کی تصاویر شیئر کردیں

    دونوں اداکاروں نے وطن واپسی کا کوئی باضابطہ اعلان نہیں کیا تھا مگر اُس کے باوجود جیسے ہی بھارتی میڈیا نے رات گئے واپسی کی خبر نشر کی تو ممبئی ائیرپورٹ پر مداحوں کی بڑی تعداد انہیں خوش آمدید کرنے کے لیے پہنچ گئی اور جوڑے کا استقبال پھولوں کی پتیاں نچھاور کر کے کیا۔

    دپیکا اور رنویر نے میڈیا سے مختصر گفتگو کی جس میں انہوں نے مداحوں کا شکریہ ادا کرتے ہوئے مستقبل میں دعا کرنے کی استدعا بھی کی۔

    بھارت میں استقبالیہ تقاریب کا شیڈول

    وطن واپس پہنچنے کے بعد دپیکا اور رنویر اپنے ساتھی فنکاروں، دوستوں اور مداحوں کے لیے علیحدہ علیحدہ تقریبات کا انعقاد کریں گے، اداکارہ نے بنگلور میں 21 نومبر اور رنویر نے 28 نومبر کو ممبئی میں استقبالیہ دینے کا فیصلہ کیا۔

    بھارتی میڈیا رپورٹس کے مطابق یکم دسمبر کو دونوں اداکاروں کی طرف سے ممبئی میں شادی کے جشن کی شاندار تقریب بھی منعقد کی جائے گی۔

  • مداحوں‌ کا انتظار ختم، دپیکا رنویر نے شادی کی تصاویر شیئر کردیں

    مداحوں‌ کا انتظار ختم، دپیکا رنویر نے شادی کی تصاویر شیئر کردیں

    ممبئی: دپیکاپڈوکون اور رنویر سنگھ کے مداحوں کا انتظار ختم ہوگیا کیونکہ دونوں اداکاروں نے شادی کی تصاویر خود ہی شیئر کردیں۔

    تفصیلات کے مطابق دپیکا اور رنویر گزشتہ روز اٹلی کے مقام ’کومو‘ میں ازدواجی بندھن میں بندھے، گزشتہ روز تقریب جنوبی بھارت اور ہندو مذہب کے رسم و رجواج کی طرز پر منعقد کی گئی تھی جبکہ آج ہونے والی تقریب سکھوں  مذہبی کے طور طریقوں سے منائی جائے گی۔

    واضح رہے کہ دپیکا ہندو مذہب جبکہ رنویر سکھ مذہب کے ماننے والے ہیں۔ کومو میں منعقد ہونے والی گزشتہ روز کی تقریب کے میزبان لڑکی کے اہل خانہ تھے جبکہ آج کی تقریب کا انعقاد لڑکے والوں کی طرف سے کیا جارہا ہے۔

    مزید پڑھیں: اٹلی: دپیکا اور رنویر ازدواجی بندھن میں‌ بندھ گئے

    دونوں اداروں کے اہل خانہ نے قبل از وقت شادی کی تصویر سامنے نہ لانے کا فیصلہ کیا تھا جس کے لیے ہوٹل انتظامیہ سے سخت اقدامات کرنے کی استدعا بھی کی تھی۔

    تقریب میں شریک ہونے والے مہمانوں کے موبائل کیمرے پنڈال میں داخل ہونے سے قبل ناکارہ بنا دیے گئے تھے جبکہ تصویر یا ویڈیو کے لیے فضا میں اڑنے والے ڈرونز کی بھی اطراف میں پابندی تھی، سخت سیکیورٹی کے باوجود گزشتہ روز سے ہی تقریب کی تصاویر اور ویڈیوز سامنے آنا شروع ہوگئی تھیں۔

    بالی ووڈ اداکارہ دپیکاپڈوکون اور رنویر سنگھ نے آج اپنی شادی کی تصدیق کرتے ہوئے خود ہی تصاویر سماجی رابطے کی ویب سائٹ پر شیئر کردیں۔

    View this post on Instagram

    ❤️

    A post shared by Ranveer Singh (@ranveersingh) on

    دپیکا اور رنویر نے ویروشکا ’انوشکا شرما ، ویرات کوہلی‘ کے نقشِ قدم پر چلتے ہوئے یہ طریقہ اختیار کیا جیسے ماضی میں دونوں نے ایک ہی تصویر شیئر کرتے ہوئے ایک جیسا اسٹیٹس لکھا تھا۔

    View this post on Instagram

    ❤️

    A post shared by Deepika Padukone (@deepikapadukone) on

    مداحوں اور ساتھی فنکاروں نے نوبیہاتا جوڑے کو مبارک باد دیتے ہوئے اُن کے لیے نیک تمناؤں کا اظہار بھی کیا۔

    دونوں اداکاروں کے اہل خانہ نے مہمانوں کے لیے  75 کمرے بک کرائے اور جن میں سے ایک کا کرایہ ایک کروڑ 73 لاکھ بھارتی روپے (3 کروڑ پاکستانی روپے سے زائد) ہے۔

    بھارتی میڈیا کے مطابق دونوں اداکار 18 نومبر کو وطن واپس آئیں گے جس کے بعد وہ 21 اور 28 نومبر کو علیحدہ علیحدہ تقاریب کا اہتمام بھی کریں گے۔

  • دپیکا رنویر شادی ، اٹلی میں تیاریاں زور و شور سے جاری

    دپیکا رنویر شادی ، اٹلی میں تیاریاں زور و شور سے جاری

    ممبئی: بالی ووڈ اداکارہ دپیکا پڈوکون اور رنویر سنگھ کی شادی میں چند دن باقی ہیں جس کی تیاریاں زور و شور سے جاری ہیں۔

    تفصیلات کے مطابق دپیکا اور رنویر 10 نومبر کو ممبئی سے اٹلی کے لیے روانہ ہوئے جہاں ائیرپورٹ انتظامیہ نے انہیں خصوصی طور پر خوش آمدید کہا۔

    دونوں اداکاروں کے گاڑی سے اترتے ہی انتظامیہ نے کنگ خان کی مشہور فلم ’دل والے دلہنیا لے جائیں گے‘ کا گانا مہندی لگا کے رکھنا چلا دیا اور لاؤنچ میں جانے کے لیے بھی خصوصی گاڑی فراہم کی گئی۔

    گانا سُن کر رنویر نہ صرف شرمائے بلکہ انہوں نے دپیکا کو اُس جگہ سے جلدی چلنے کے لیے بھی کہا۔ ائیرپورٹ پر موجود مداح نے اس تمام منظر کو اپنے موبائل میں محفوظ کرلیا۔

    دونوں اداکار 11 نومبر یعنی آج اٹلی پہنچ گئے جہاں ائیرپورٹ پر اُن کا اہل خانہ اور دیگر منتظمین نے خصوصی استقبال کیا۔

    بھارتی میڈیا کے مطابق دپیکا اور رنویر نے شادی کی تقاریب کے لیے معروف جھیل اور سیاحتی مقام لیک کیمو کو منتخب کیا، اٹلی میں ہونے والی تقریب میں منتخب لوگ ہی شرکت کریں گے جبکہ بالی ووڈ انڈسٹری کی دو معروف شخصیات فرح خان اور سنجے لیلا بھنسالی بھی شریک ہوں گے۔

    مزید پڑھیں: دپیکا اور رنویرکی شادی میں کون سی 2 شخصیات شرکت کریں‌ گی؟

    یاد رہے کہ دپیکا پڈوکون اور رنویر سنگھ کی شادی کی تقریبات کا آغاز  دونوں خاندانوں نے خصوصی عبادات (پوجا) سے کیا تھا۔ پوجا کی رسم میں اداکارہ نے بالوں میں جوڑا باندھا ہوا تھا جبکہ اُن کے کانوں میں جھمکے بھی تھے۔ بالی ووڈ ذرائع کے مطابق اداکارہ نے معروف میک اپ آرٹسٹ کی خدمات حاصل کی تھیں۔

    بھارتی میڈیا کے مطابق دونوں اداکاروں کے اہل خانہ نے شادی کے لیے اٹلی میں واقع ’لیک کومو‘ بھی بک کروایا علاوہ ازیں ہوٹل کے کمرے بھی پہلے سے حاصل کرلیے گئے، یہاں دو روز تک علیحدہ علیحدہ روسومات کے تحت تقاریب کا انعقاد کیا جائے گا۔

    دونوں خاندانوں کا مشترکہ فیصلہ ہے کہ اٹلی کی تقریبات میں شرکت کرنے والے مہمانوں کے موبائل استعمال کرنے پر پابندی ہوگی جبکہ بھارت واپسی پر اداکاروں کی طرف سے ساتھی فنکاروں اور مداحوں کے لیے علیحدہ علیحدہ تقاریب کا انعقاد کیا جائے گا جس کے لیے دپیکا نے بنگلور جبکہ رنویر نے تقریب کے لیے ممبئی کا انتخاب کیا۔

    یاد رہے کہ رواں سال کے آغاز سے ہی دپیکا اور رنویر کی شادی کے حوالے سے قیاس آرائیاں جاری تھی البتہ دونوں نے اس حوالے سے مکمل خاموشی اختیار کی ہوئی تھی ، پدمنی کے اداکاروں نے 21 اکتوبر کو اپنی شادی کی تاریخ کا خود ہی اعلان کرتے ہوئے دعوت نامہ بھی شیئر کیا تھا۔

    یہ بھی پڑھیں:  دپیکا اپنی شادی میں کتنی قیمت کا زیور پہنیں گی؟

    سماجی رابطے کی ویب سائٹ پر اداکاروں نے اپنی شادی کی تصدیق کی اور بتایا کہ 14 اور 15 نومبر کو ہم ازدواجی بندھن میں بندھ جائیں گے۔

    یہ بھی یاد رہے کہ دپیکا پڈوکون اور رنویر سنگھ تقریباً 6 برس قبل فلم رام لیلا کے سیٹ پر ایک دوسرے کے قریب آئے اور پھر اُن کی دوستی ہوئی جس کے بعد محبت کے چرچے میڈیا کی زینت بھی بنے مگر کچھ عرصے بعد دونوں کے تعلقات ختم ہونے کی خبریں بھی سامنے آئیں تھیں۔

    واضح رہے کہ رنویر سنگھ اور دپیکا پڈوکون نے سنجے لیلا بھنسالی کی فلم رام لیلا، باجی راؤ مستانی میں کام کیا تھا بعد ازاں چار سال وقفے کے بعد دونوں ایک بار پھر پدمنی میں ایک ساتھ مرکزی کردار ادا کرتے نظر آئے۔

  • دپیکا اور رنویرکی شادی میں کون سی 2 شخصیات شرکت کریں‌ گی؟

    دپیکا اور رنویرکی شادی میں کون سی 2 شخصیات شرکت کریں‌ گی؟

    ممبئی: بالی ووڈ اداکاروں دپیکا پڈوکون اور رنویر سنگھ نے اپنی شادی کی تقریبات میں شرکت کے لیے شوبز انڈسٹری کی دو معروف شخصیات کو مدعو کرلیا۔

    بھارتی میڈیا کی رپورٹ کے مطابق دپیکا اور رنویر نے مشہور کوریئو گرافر فرح خان اور ہدایت کار سنجے لیلا بھنسالی کو اٹلی میں ہونے والی تقریبات میں شرکت کے لیے مدعو کیا۔

    ہدایت کار ساجد خان کی ہمشیرہ 14 اور 15 نومبرکو تقریبات میں شرکت کرنے کے لیے اٹلی پہنچ چکی ہیں انہوں نے دپیکا اور رنویر کے ساتھ اپنی تصویر سماجی رابطے کی ویب سائٹ پر شیئر کی۔

    دوسری جانب رام لیلا سمیت دیگر کامیاب فلمیں بنانے والے ہدایت کار سنجے لیلا بھنسالی آئندہ دو روز میں اٹلی پہنچ جائیں گے۔

    مزید پڑھیں: دپیکا اپنی شادی میں کتنی قیمت کا زیور پہنیں گی؟

    یاد رہے کہ دپیکا پڈوکون اور رنویر سنگھ کی شادی کی تیاریاں زور و شور سے جاری ہیں، دونوں خاندانوں نے تقریبات کا آغاز خصوصی عبادات (پوجا) سے کیا۔

    پوجا کی رسم میں دپیکا نے بالوں میں جوڑا باندھا ہوا تھا جبکہ اُن کے کانوں میں جھمکے بھی تھے۔ بالی ووڈ ذرائع کے مطابق اداکارہ نے معروف میک اپ آرٹسٹ کی خدمات حاصل کی تھیں۔

    بھارتی میڈیا کے مطابق دونوں اداکاروں کے اہل خانہ نے شادی کی تیاریاں مکمل کرلی جبکہ انہوں نے اٹلی میں واقع ’لیک کومو‘ بھی بک کرلیا جہاں دو روز تک تقاریب ہوں گی، اٹلی میں ہونے والی تقاریب کو مختصر رکھنے کا فیصلہ کیا گیا جس میں صرف قریبی رشتے داروں اور دوستوں کی شرکت کی دعوت دی گئی۔

    دپیکا اور رنویر کے اہل خانہ نے مشترکہ فیصلہ کیا ہے کہ اٹلی کی تقریبات میں شرکت کرنے والے مہمانوں کے موبائل استعمال کرنے پر پابندی ہوگی، بھارت واپسی پر دونوں اداکاروں کی طرف سے ساتھی فنکاروں اور مداحوں کے لیے علیحدہ علیحدہ تقاریب کا انعقاد کیا جائے گا، دپیکا نے بنگلور جبکہ رنویر نے تقریب کے لیے ممبئی کا انتخاب کیا۔

    یہ بھی پڑھیں: دپیکااوررنویرکی شادی کی تقاریب کا آغاز

    یاد رہے کہ رواں سال کے آغاز سے ہی دپیکا اور رنویر کی شادی کے حوالے سے قیاس آرائیاں جاری تھی البتہ دونوں نے اس پر خاموشی اختیار کی ہوئی تھی تاہم پدمنی کے اداکاروں نے 21 اکتوبر کو اپنی شادی کی تاریخ کا خود ہی اعلان کرتے ہوئے دعوت نامہ شیئر کیا۔

    سماجی رابطے کی ویب سائٹ پر اداکاروں نے اپنی شادی کی تصدیق کی اور بتایا کہ 14 اور 15 نومبر کو ہم ازدواجی بندھن میں بندھ جائیں گے۔

    یہ بھی یاد رہے کہ دپیکا پڈوکون اور رنویر سنگھ 6 برس قبل فلم رام لیلا کے سیٹ پر ایک دوسرے کے قریب آئے اور پھر اُن کی دوستی ہوئی جس کے بعد محبت کے چرچے میڈیا کی زینت بھی بنے مگر کچھ عرصے بعد دونوں کے تعلقات ختم ہونے کی خبریں بھی سامنے آئیں تھیں۔

    واضح رہے کہ رنویر سنگھ اور دپیکا پڈوکون نے سنجے لیلا بھنسالی کی 2013 میں ریلیز ہونے والی فلم رام لیلا، باجی راؤ مستانی میں کام کیا تھا بعد ازاں چار سال وقفے کے بعد دونوں ایک بار پھر پدمنی میں ایک ساتھ مرکزی کردار ادا کرتے نظر آئے۔

  • دپیکا اپنی شادی میں کتنی قیمت کا زیور پہنیں گی؟

    دپیکا اپنی شادی میں کتنی قیمت کا زیور پہنیں گی؟

    ممبئی: بالی ووڈ اداکارہ دپیکا پڈوکون نے اپنی شادی کے لیے جیولری اور رنویر کو تحفے میں دینے کے لیے سونے کی چین خرید لی جس کی قیمت ایک کروڑ روپے سے زائد ہے۔

    تفصیلات کے مطابق بالی ووڈ اداکارہ اور رنویر سنگھ کی شادی کی تقریبات کا آغاز ہوچکا، دونوں اداکاروں کے اہل خانہ نے شادی کی تقریبات کا آغاز پوجا سے شروع کرنے کا فیصلہ کیا تھا جس کے تحت چار روز قبل بنگلور میں موجود دپیکا کے گھر  پرمذہبی رسم کا انعقاد کیا گیا۔

    مذہبی رسم کی تصاویر اداکارہ نے سوشل میڈیا پر شیئر کیں جس میں رنویر یا اُن کے اہل خانہ نظر نہیں آئے البتہ دپیکا کی ٹیم اور اُن کے اہل خانہ موجود تھے، اس موقع پر باجی راؤ مستانی نے نارانجی رنگ کا لباس زیب تن کیا ہوا تھا۔

    دپیکا نے جو لباس زیب تن کیا اُسے سبیاسچی نے خصوصی طور پر تیار کیا جبکہ شادی کی تقریب کے لیے بھی اداکارہ نے اُن کے ہی تیار کردہ لباس پہننے کا فیصلہ کیا ہے۔

    مزید پڑھیں: دپیکا کے دلہا کا بچپن ، تصویر وائرل

    پوجا کی رسم میں دپیکا نے بالوں میں جوڑا باندھا ہوا تھا جبکہ اُن کے کانوں میں جھمکے بھی تھے۔ بالی ووڈ ذرائع کے مطابق اداکارہ نے معروف میک اپ آرٹسٹ کی خدمات حاصل کی تھیں۔

    View this post on Instagram

    To new beginnings ❤️❤️ @deepikapadukone

    A post shared by Shaleena Nathani (@shaleenanathani) on

    مذہبی رسم کے بعد دونوں خاندان 2 نومبر کو اٹلی روانہ ہوگئے جہاں اُن کی 14 اور 15 نومبر کو علیحدہ علیحدہ روایات کے مطابق شادی کی تقاریب منعقد کی جائیں گی۔

    بھارتی میڈیا کے مطابق دونوں اداکاروں کے اہل خانہ نے شادی کی تیاریاں مکمل کرلی جبکہ انہوں نے اٹلی میں واقع ’لیک کومو‘ بھی بک کرلیا جہاں دو روز تک تقاریب ہوں گی، اٹلی میں ہونے والی تقاریب کو مختصر رکھنے کا فیصلہ کیا گیا جس میں صرف قریبی رشتے دار اور 2 بالی ووڈ اداکار شرکت کریں گے جبکہ مہمانوں کے موبائل استعمال کرنے پر بھی پابندی ہوگی۔

    بعد ازاں بھارت واپسی پر دونوں اداکاروں کی طرف سے علیحدہ علیحدہ تقاریب کا انعقاد کیا جائے گا، دپیکا کی طرف سے بنگلور جبکہ رنویر نے تقریب کے لیے ممبئی کا انتخاب کیا۔

    View this post on Instagram

    ❣️ @deepikapadukone wearing @celine @burberry

    A post shared by Shaleena Nathani (@shaleenanathani) on

    میڈیا رپورٹ کے مطابق دپیکا پڈوکون تین روز قبل ممبئی میں واقع سُنار کی دکان پر پہلے سے منتخب کی جانے والی جیولری لینے پہنچیں اور انہوں نے سونے نقد رقم ادا کر کے خریدا۔

    یہ بھی پڑھیں: دپیکا اور رنویر سوشل میڈیا سے خوفزدہ کیوں؟

    بھارتی میڈیا کے مطابق اداکارہ کی جیولری میں جھمکے  بھی شامل ہیں جس کی قیمت  ایک کروڑ روپے ہے جبکہ دپیکا نے رنویر سنگھ کو شادی کا تحفہ دینے کے لیے جو سونے کی چین اور لاکٹ خریدا اُس کا وزن 200 گرام اور  قیمت 20 لاکھ روپے ہے۔

    دپیکا اپنی شادی میں ایک کروڑ مالیت سونے کا سیٹ پہنیں گی جبکہ انہوں نے رنویر کو تحفے میں دینے کے لیے 20 لاکھ روپے مالیت کی چین کا انتخاب کیا۔

    یاد رہے کہ رواں سال کے آغاز سے ہی دپیکا اور رنویر کی شادی کے حوالے سے قیاس آرائیاں جاری تھی البتہ دونوں نے اس پر خاموشی اختیار کی ہوئی تھی تاہم پدمنی کے اداکاروں نے 21 اکتوبر کو اپنی شادی کی تاریخ کا خود ہی اعلان کرتے ہوئے دعوت نامہ شیئر کیا۔

    سماجی رابطے کی ویب سائٹ پر اداکاروں نے اپنی شادی کی تصدیق کی اور بتایا کہ 14 اور 15 نومبر کو ہم ازدواجی بندھن میں بندھ جائیں گے۔

    یہ بھی پڑھیں: بھارتی ادکارہ دپیکا نے اسلام قبول کرلیا

    یہ بھی یاد رہے کہ دپیکا پڈوکون اور رنویر سنگھ 6 برس قبل فلم رام لیلا کے سیٹ پر ایک دوسرے کے قریب آئے اور پھر اُن کی دوستی ہوئی جس کے بعد محبت کے چرچے میڈیا کی زینت بھی بنے مگر کچھ عرصے بعد دونوں کے تعلقات ختم ہونے کی خبریں بھی سامنے آئیں تھیں۔

    واضح رہے کہ رنویر سنگھ اور دپیکا پڈوکون نے سنجے لیلا بھنسالی کی 2013 میں ریلیز ہونے والی فلم رام لیلا، باجی راؤ مستانی میں کام کیا تھا بعد ازاں چار سال وقفے کے بعد دونوں ایک بار پھر پدمنی میں مرکزی کردار ادا کرتے ایک ساتھ نظر آئے۔

  • دپیکا کے دلہا کا بچپن ، تصویر وائرل

    دپیکا کے دلہا کا بچپن ، تصویر وائرل

    ممبئی: دپیکا پڈوکون سے رواں برس نومبر میں شادی کرنے والے بالی ووڈ اداکار رنویر سنگھ کے بچپن کی تصویر سوشل میڈیا پر وائرل ہوگئی۔

    شوبز انڈسٹری سے تعلق رکھنے والی شخصیات مداحوں کے ساتھ رابطہ رکھنے کے لیے سماجی رابطے کی ویب سائٹس کافی متحرک نظر آتی ہیں۔ سوشل میڈیا پر موجود شوبز شخصیات اپنی حالیہ اور ماضی کی تصاویر مداحوں کے ساتھ شیئر کرتی رہتی ہیں تاکہ فینز سے رابطے میں رہ سکیں اور انہیں آگاہی بھی دیں۔

    سوشل میڈیا صارفین اور خصو صاً مداح تصاویر اور ویڈیوز  کو نہ صرف پسند کرتے ہیں بلکہ اپنی ہردل عزیز شخصیت کو نئے روپ میں دیکھ کر خوش بھی ہوتے ہیں۔

    بالی ووڈ انڈسٹری میں آج کل اداکار اپنے بچپن کی تصاویر شیئر کرتے نظر آرہے ہیں، رواں ہفتے کرشمہ کپور نے اپنی بہن اور نامور اداکارہ کرینہ کے ساتھ بچپن کی تصویر شیئر کی اس کے علاوہ دیگر اداکاروں نے بھی سوشل میڈیا پر ماضی کو یاد کرتے ہوئے تصاویر شیئر کیں۔

    مزید پڑھیں: دپیکا رنویر نے شادی کی تاریخ کا حتمی اعلان کردیا

    آج ہم بات کررہے ہیں بھارتی میڈیا انڈسٹری میں مختصر عرصے میں اپنی صلاحیتوں کا لوہا منوانے والے نامور اداکار رنویر سنگھ کی جنہوں نے اپنے بچپن کی تصویر شیئر کی۔

    View this post on Instagram

    Hands in the air, Like ya jus’ don’ care!!! 😛🙌🏽🎈🎉🎊 #fridayfeeling

    A post shared by Ranveer Singh (@ranveersingh) on

    پدمنی کے علاؤ الدین خلجی کی تصویر اس لیے بھی سوشل میڈیا پر زیر بحث رہی کہ دپیکا اور انہوں نے گزشتہ دنوں اپنی شادی کی تاریخ کا اعلان کیا جو رواں برس نومبر میں ہوگی۔

    یہ پہلی بار نہیں کہ رنویر کی جانب سے ایسی تصویر شیئر کی گئی بلکہ اداکار اس سے پہلے بھی اپنی ماضی کی تصویر شیئر کرچکے جسے دیکھ کر پدمنی کی رانی بہت حیران بھی ہوئیں تھیں۔

    یاد رہے کہ رواں سال کے آغاز سے ہی دپیکا اور رنویر کی شادی کے حوالے سے قیاس آرائیاں جاری تھی البتہ دونوں نے اس پر خاموشی اختیار کی ہوئی تھی تاہم اب پدمنی کے اداکاروں نے 21 اکتوبر کو اپنی شادی کی تاریخ کا خود ہی اعلان کرتے ہوئے دعوت نامہ شیئر کیا۔

    یہ بھی پڑھیں: معصوم نظر آنے والا بچہ جس نے بالی ووڈ اداکارہ کا دل چرا لیا

    سماجی رابطے کی ویب سائٹ پر اداکاروں نے اپنی شادی کی تصدیق کی اور بتایا کہ 14 اور 15 نومبر کو ہم ازدواجی بندھن میں بندھ جائیں گے۔

    یاد رہے کہ دپیکا پڈوکون اور رنویر سنگھ فلم رام لیلا کے سیٹ پر ایک دوسرے کے قریب آئے اور پھر اُن کی دوستی ہوئی جس کے بعد محبت کے چرچے میڈیا کی زینت بھی بنے مگر کچھ عرصے بعد دونوں کے تعلقات ختم ہونے کی خبریں بھی سامنے آئیں تھیں۔

    اسے بھی پڑھیں: بالی ووڈ میں شہرت کی بلندیوں کو چھونے والی دو اداکار بہنوں کا بچپن، تصویر وائرل

    واضح رہے کہ رنویر سنگھ اور دپیکا پڈوکون نے سنجے لیلا بھنسالی کی 2013 میں ریلیز ہونے والی فلم رام لیلا، باجی راؤ مستانی میں کام کیا تھا بعد ازاں چار سال وقفے کے بعد دونوں ایک بار پھر پدمنی میں مرکزی کردار ادا کرتے ایک ساتھ نظر آئے۔

  • دپیکا رنویر نے شادی کی تاریخ کا حتمی اعلان کردیا

    دپیکا رنویر نے شادی کی تاریخ کا حتمی اعلان کردیا

    ممبئی: بالی ووڈ انڈسٹری کی سب سے مضبوط سمجھی جانے والی اداکاروں کی جوڑی دپیکا اور رنویر سنگھ نے اپنی شادی کی تاریخ کا اعلان کردیا۔

    بھارتی میڈیا نے جنوری میں دعویٰ کیا تھا کہ انوشکا شرما اور ویرات کوہلی کے بعد بالی ووڈ کا ایک اور محبت کرنے والا جوڑا (دپیکا پڈوکون، رنویر سنگھ) جلد ازدواجی بندھن میں بندھنے جارہا ہے۔

    رواں سال کے آغاز سے ہی دونوں اداکاروں کی شادی کے حوالے سے قیاس آرائیاں جاری تھیں جبکہ دپیکا اور رنویر نے اس حوالے سے مکمل خاموشی اختیار کررکھی تھی حتیٰ کہ رنویر سنگھ نے حال ہی میں شادی سے متعلق سوال پر جواب دیا تھا کہ ’جب وقت ہوگا تو سب کچھ سامنے آجائے گا‘۔

    دپیکا اور رنویر نے کئی ماہ سے جاری قیاس آرائیوں کو ختم کرتے ہوئے سماجی رابطے کی ویب سائٹ پر اپنی شادی کی تصدیق کی اور بتایا کہ 14 اور 15 نومبر کو ہم ازدواجی بندھن میں بندھ جائیں گے۔

    دونوں اداکاروں نے تاریخ کا تو اعلان کردیا البتہ ابھی شادی کی جگہ اور مقام کا کوئی اعلان نہیں کیا گیا، مداحوں اور ساتھی فنکاروں نے اس بات پر دونوں کو مبارک باد بھی پیش کی۔

    مزید پڑھیں: دپیکا اور رنویر سوشل میڈیا سے خوفزدہ کیوں؟

    یاد رہے کہ دپیکا پڈوکون اور رنویر سنگھ فلم رام لیلا کے سیٹ پر ایک دوسرے کے قریب آئے اور پھر اُن کی دوستی ہوئی جس کے بعد محبت کے چرچے میڈیا کی زینت بھی بنے مگر کچھ عرصے بعد دونوں کے تعلقات ختم ہونے کی خبریں بھی سامنے آئیں تھیں۔

    واضح رہے کہ رنویر سنگھ اور دپیکا پڈوکون نے سنجے لیلا بھنسالی کی 2013 میں ریلیز ہونے والی فلم رام لیلا، باجی راؤ مستانی میں کام کیا تھا تاہم چار سال بعد پھر دونوں ایک بار پھر سنجے لیلا بھنسالی کی فلم پدماوتی میں مرکزی کردار ادا کرتے نظر آئے۔

    یہ بھی پڑھیں: رنویر دوست ہے، افواہیں‌ پھیلانے والوں‌ کو دپیکا کا چیلنج

    یہ بھی یاد رہے کہ جولائی میں دونوں اداکاروں کی جانب سے رواں برس 10 نومبر کو شادی کی تاریخ کا اعلان کیا گیا تھا، بھارتی میڈیا کے مطابق پدمنی کی رانی اور علاؤ الدین خلیجی اٹلی میں شادی کریں گے۔

    بالی ووڈ سے موصول ہونے والی اطلاعات کے مطابق شادی کی تقریب میں اہل خانہ اور قریبی دوستوں سمیت صرف 30 لوگوں کو مدعو کیا جائے گا اور مہمانوں پر دورانِ تقریب موبائل استعمال کرنے کی پابندی ہوگی۔

    اسے بھی پڑھیں: معصوم نظر آنے والا بچہ جس نے بالی ووڈ اداکارہ کا دل چرا لیا

    یاد رہے کہ رواں سال مئی میں بالی ووڈ میں اچانک شادیوں کا سیزن شروع ہوا تھا، سب سے پہلے سونم کپور  پھر اداکارہ نیہا دھوپیا اور پھر میوزک کمپوزر ہمیش ریشمیا نے ایک ہی ہفتے میں شادی کی تھی، بعد ازاں 18 اگست کو پریانکا چوپڑا نے منگنی کرتے ہوئے 2018 کے اختتام تک امریکی گلوکار نک جونس کے ساتھ ازدواجی بندھن میں بندھنے کا اعلان کیا۔

  • رنبیر کپور کے عالیہ بھٹ سے تعلقات پر دپیکا کا جواب

    رنبیر کپور کے عالیہ بھٹ سے تعلقات پر دپیکا کا جواب

    ممبئی: بالی ووڈ اداکار رنبیر کپور کی سابق اور حالیہ دوستوں نے ہدایت کار کرن جوہر  کے پروگرام میں بطور مہمان شرکت کی اور مختلف سوالات کے جواب دیے۔

    تفصیلات کے مطابق بالی ووڈ ہدایت کار کرن جوہر کے مشہور پروگرام ’کافی ود کرن‘کی پہلی قسط میں دپیکا پڈوکون اور عالیہ بھٹ نے شرکت کی، میزبان نے رواں سیزن 6 کا آغاز دو خواتین سے کیا جس پر وہ خوش بھی دکھائی دیے۔

    پروگرام کے آغاز پر کرن جوہر کا کہنا تھا کہ ’مجھے فخر ہے کہ سیزن کا آغاز دو ایسی لڑکیوں سے ہورہا ہے جنہیں ’پاور گرل‘ کہا جاتا ہے‘۔

    کرن جوہر نے عالیہ اور دپیکا سے رنبیر کپور سے متعلق سوالات کیے۔

    مزید پڑھیں: دپیکا اور رنویر سوشل میڈیا سے خوفزدہ کیوں؟

    میزبان نے دپیکا سے سوال کیا کہ آپ کے رنبیر کے ساتھ تعلقات ہیں اور عالیہ بھی اب اُن کے رابطے میں ہیں تو کیسا لگتا ہے، جس پر اداکارہ نے جواب دیا کہ ازراہ کرم آپ مجھے شرمندہ نہ کریں کیونکہ ایسا کچھ نہیں ہے۔

    کرن جوہر نے دونوں اداکارؤں سے شادی کرنے سے متعلق سوال کیا تو انہوں نے ایک دوسرے کی طرف انگلیاں اٹھائیں کہ پہلے یہ کرے گی۔

    واضح رہے کہ کافی ود کرن کے چھٹے سیزن میں سیف علی خان اُن کی بیٹی سارہ علی خان، ارجن کپور، جھانوی کپور، رنویر سنگھ ، اکشے کمار شرکت کریں گے، یہ پروگرام 21 اکتوبر سے نشر کیا جائے گا۔

    یہ بھی پڑھیں: عالیہ بھٹ کم عمری میں شادی سے خوف زدہ

    یاد رہے کہ کچھ روز قبل بھارتی میڈیا نے دعویٰ کیا تھا کہ دپیکا اور رنویر رواں برس نومبر کی 20 تاریخ کو ازدواجی بندھن میں بند جائیں گے، شادی کی تقریب اٹلی کے خوبصورت مقام ’لیک کومو‘ میں منعقد کی جائے گی۔

    دونوں اداکاروں کے اہل خانہ اس رشتے پر رضا مند بھی ہیں اور انہوں نے اب شادی کی تیاری بھی شروع کردی، بالی ووڈ سے موصول ہونے والی اطلاعات کے مطابق شادی کی تقریب میں اہل خانہ اور قریبی دوستوں سمیت صرف 30 لوگوں کو مدعو کیا جائے گا اور مہمانوں پر دورانِ تقریب موبائل استعمال کرنے کی پابندی ہوگی۔

  • دپیکا اور رنویر سوشل میڈیا سے خوفزدہ کیوں؟

    دپیکا اور رنویر سوشل میڈیا سے خوفزدہ کیوں؟

    ممبئی: بالی ووڈ اداکارہ دپیکا پڈوکون اور رنویر سنگھ کی شادی میں موبائل فون استعمال کرنے پر پابندی ہوگی، کیا دونوں اداکاروں نے یہ فیصلہ سوشل میڈیا پر وائرل ہونے والی تصاویر اور ویڈیوز کو دیکھتے ہوئے کیا۔؟

    بھارتی میڈیا کی رپورٹ کے مطابق دپیکا اور رنویر کی شادی سے متعلق قیاس آرائیاں سچ ثابت ہوئی کیونکہ دونوں کے خاندان والے رشتے پر رضا مند ہیں اور انہوں نے اب شادی کی تیاری بھی شروع کردی۔

    رپورٹ کے مطابق شادی کی تقریب کے لیے 20 نومبر کی تاریخ اٹلی کا خوبصورت ’لیک کومو‘ منتخب کیا گیا جس میں صرف مخصوص لوگوں کو مدعو کیا جائے گا۔

    بالی ووڈ سے موصول ہونے والی اطلاعات کے مطابق شادی کی تقریب میں اہل خانہ اور قریبی دوستوں سمیت صرف 30 لوگوں کو مدعو کیا جائے گا اور مہمانوں پر دورانِ تقریب موبائل استعمال کرنے کی پابندی ہوگی۔

    مزید پڑھیں: دپیکا اور رنویر کی شادی میں صرف دو بالی ووڈ اداکار شرکت کریں گے

    ذرائع کے مطابق دونوں اداکار اور اُن کے اہل خانہ شادی کی تقریب کو نہایت سادہ اورنجی رکھنا چاہتے ہیں جس کے لیے مہمان گرامی کو کارڈ کے ساتھ ایک نوٹس بھی ارسال کیا جائے گا۔

    خاندانی ذرائع کے مطابق اٹلی میں شادی کی تقریب سادہ ہوگی مگر بھارت میں دونوں اداکاروں کی طرف سے شاندار استقبالیہ دیا جائے گا جس میں بھارتی وزیر اعظم سمیت معروف شخصیات اور شوبز انڈسٹری کے ستاروں کو مدعو کیا جائے گا۔

    یہ بھی پڑھیں: دپیکا اور رنویر کی شادی پکی، تاریخ کا اعلان

    ذرائع کا یہ بھی کہنا ہے کہ ’تقریب میں شرکت کرنے والے مہمانوں پر موبائل یا کیمرہ استعمال کرنے کی پابندی کا فیصلہ اس لیے کیا گیا ہے کہ شادی کی ویڈیوز اور تصاویر سوشل میڈیا پر وائرل نہ ہوجائیں‘۔

     

  • بالی ووڈ اداکارہ دپیکا کے گھر آتشزدگی، اداکارہ محفوظ

    بالی ووڈ اداکارہ دپیکا کے گھر آتشزدگی، اداکارہ محفوظ

    ممبئی: بالی ووڈ اداکارہ دپیکا پدوکون کی رہائشی 34 منزلہ عمارت میں اچانک شدید آگ بھڑک اٹھی تاہم فائر فائٹرز نے بروقت کارروائی کرتے ہوئے کسی بھی بڑے نقصان سے لوگوں کو بچا لیا۔

    بھارتی میڈیا کے مطابق بدھ کی دوپہر اچانک جنوبی ممبئی کے علاقے میں واقع 34 منزلہ عمارت پربھادیوی بے مونڈ ٹاور میں اچانک آگ بھڑک اٹھی، اس پروجیکٹ میں بالی ووڈ اداکارہ دپیکا سمیت 90 گھرانے اور بستے ہیں۔

    سرکاری حکام کے مطابق دوپہر 2:10 منٹ پر اطلاع موصول ہوئی کہ پربھادیوی فلیٹس کی بالائی منزل سے شدید دھواں اٹھتا نظر آرہا ہے جو ممکنہ طور پر آگ کا معلوم ہوتا ہے۔

    آگ لگنے کے کچھ دیر بعد ہر طرف افرا تفری پھیل گئی اور عمارت میں بسنے والے جانے بچاتے ہوئے گھروں سے باہر نکلنے لگے، اسی دوران جب مداحوں کو خبر ہوئی کہ دپیکا کا گھر بھی اسی بلڈنگ میں ہے تو انہوں نے اداکارہ کی خیریت دریافت کی۔

    وقوعہ کے دو گھنٹے بعد پدماوت کی ہیروئن سماجی رابطے کی ویب سائٹ پر اپنا خیریتی ٹوئٹ شیئر کیا جس میں انہوں نے تمام لوگوں کا شکریہ ادا کرتے ہوئے بتایا کہ میں اور گھر والے بالکل محفوظ ہیں۔ انہوں نے مزید لکھا کہ آپ لوگ فائر فائٹرز کے لیے دعا کریں جو اپنی جانوں کی پرواہ کیے بغیر لوگوں کی جانیں محفوظ بنانے کی کوشش کررہے ہیں۔

    حکام نے دوسرے درجے کی آتشزدگی پر تین گھنٹے کی طویل جدوجہد کے بعد قابو پایا، ریسکیو آپریشن میں پولیس ، فلاحی اداروں کے رضا کاروں نے حصہ لیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔