Tag: دکاندار

کراچی: مشتعل دکانداروں کی جانب سے پٹاخوں کے کارخانے کے مالک کی گاڑی پر حملہ کیا گیا، پتھراؤ کرکے شیشے توڑ دیے۔

اے آر وائی نیوز کے مطابق ایم اے جناح روڈ تاج کمپلیکس کے قریب گودام میں آگ لگنے کے واقعے کے بعد وہاں موجود دکاندار مشتعل ہوگئے، پٹاخوں کے کارخانے کے مالک کی گاڑی پر پتھراؤ کرکے شیشے توڑ دیے۔

پٹاخوں کی دکان کے مالک کا ایک ملازم وہاں سے گاڑی لےکر نکلنے لگا تو جن دکانداروں کا مالی نقصان ہوا اور جو زخمی ہوئے تھے انھوں نے گاڑی پر حملہ کیا۔

دکانداروں نے گاڑی کا گھیرائو کیا اور اس پر پتھرائو کیا، پولیس اور رینجرز نے گاڑی وہاں سے نکال دی اور دکانداروں کو کہا کہ وہ کوئی مقدمہ درج کروانا چاہتے ہیں تو تھانے سے رجوع کریں۔

دریں اثنا ریسکیو 1122 کو گودام کی سرچنگ کے دوران ایک شخص کی لاش ملی ہے، متوفی اسد شاہ پٹیل پاڑہ کا رہائشی تھا۔

چچا جمال شاہ نے گفتگو کرتے ہوئے بتایا کہ متوفی اسد شاہ بھائی افسر شاہ سے ملنے متاثرہ عمارت میں آیا تھا، متوفی اسد مدرسے کا طالبعلم تھا، والد انتقال کرچکے ہیں۔

https://urdu.arynews.tv/karachi-fireworks-factory-explosion-21-august-2025/

فیصل آباد : ادھار سامان نہ دینے پر گاہک نے دکاندار گولیاں برسا دیں تاہم زخمی خضر حیات کو اسپتال منتقل کر دیا گیا ہے۔

تفصیلات کے مطابق فیصل آباد کے علاقے نیامو آنا میں ادھار سامان نہ دینے پر گاہک نے فائرنگ کر کے دکاندار کو زخمی کر دیا۔

ملزم مبشر زمین پر گرے خضر حیات پر گولیاں برساتا رہا تاہم تھانہ صدر میں مقدمہ درج کر کے ملزم کو گرفتار کر لیا گیا۔

پولیس نے بتایا کہ نیامو آنا کے رہائشی خضر حیات نے اسی گاوں کے مبشر کو ادھار پر سامان دینے سے انکار کیا تھا اور اسی رنجش پر مبشر اپنے ساتھی عبدالرحیم کے ساتھ موٹرسائیکل پر دکان پر پہنچا اور خضر حیات کو تشدد کرتے ہوئے دکان سے باہر پھینک دیا۔

بعدازاں ملزم نے زمین پر گرے خضر حیات کی ٹانگوں پر پستول سے فائرنگ کر کے زخمی کر دیا اور فرار ہو گیا۔

زخمی خضر حیات کو اسپتال منتقل کر دیا گیا اور تھانہ صدر پولیس نے متاثرہ شہری کے بھائی اکرم کی مدعیت میں مقدمہ درج کر کے ملزم مبشر عباس کو گرفتار کر لیا ۔

فوٹیج میں تشدد سے نڈھال خضر حیات زمین پر گرا نظر آتا ہے جبکہ ملزم مبشر کو خضر کی ٹانگوں پر فائرنگ کرتے دیکھا جا سکتا ہے، فوٹیج میں دونوں ملزمان موٹر سائیکل پر فرار ہوتے نظر آتے ہیں۔

فیصل آباد: پیپلز کالونی میں دو کم عمر ڈاکوؤں نے دکاندار اور گاہکوں کو یرغمال بنا کر سگریٹ کی شاپ لوٹ لی۔

تفصیلات کے مطابق ملک کے کئی علاقوں میں ڈاکوؤں کا راج ہے جہاں دن دہاڑے کبھی کراچی کا شہری لوٹ رہا ہوتا ہے تو کبھی کسی دوسرے شہر کا، ایک ایسا ہی واقعہ فیصل آباد میں پیش آیا۔

 فیصل آباد میں واقع پیپلز کالونی میں ڈاکو موبائل فون، سگریٹ کا سامان اور 24 ہزار روپے چھین کر فرار ہوگئے، ماسک پہنے ڈاکوؤں نے ایک گاہک کی گھڑی بھی اتروا لی۔

اے آر وائی نیوز نے واردات کی فوٹیج حاصل کر لی ہے جس میں ایک ڈاکو پستول تان کر دکاندار اور گاہکوں کو یرغمال بناتے نظر آتا ہے۔

فوٹیج میں دوسرے ڈاکو کو درازوں سے رقم، سامان اٹھاتے دیکھا جا سکتا ہے، ڈاکو زمین پر بیٹھے گاہک سے گھڑی چھینتا نظر آرہا ہے۔

دکان سے سامان لینے جانے والی بچی کو دکاندار نے اپنی ہوس کا نشانہ بنانے کی کوشش کی، بچی کی چیخ و پکار پر لوگ پہنچ گئے۔

خیرپور کے علاقے فیض گنج میں 8 سالہ بچی سے زیادتی کی کوشش کا واقعہ پیش آیا ہے، بچی دکان سے سامان لینے گئی تو ملزم لیاقت جٹ نے زیادتی کی کوشش کی، بچی کے چیخنے پر لوگوں نے پہنچ کر اسے بچایا، پولیس نے ایک ملزم ک گرفتار کرلیا۔

ذرائع نے بتایا کہ ملزم نے بچی کو کمرے میں لے جاکر زیادتی کرنے کی کوشش کی، شور سن کر اہل محلہ کے پہنچنے پر ملزم فرار ہوگیا جبکہ ساتھی پکڑا گیا۔

ورثا نے الزام عائد کیا کہ بچی کو اغوا کرکے زیادتی کا نشانہ بنانے کی کوشش کی گئی، ایس ایس پی خیرپور سے نوٹس لیکر ملزمان کو کٹہرے میں لانے کی اپیل ہے۔

خیال رہے کہ اس سے قبل گوجرانوالہ میں سرکاری اسکول میں ٹیچر کے شوہر کی طالبات سےزیادتی کرنے کا انکشاف سامنے آیا تھا، واقعہ تھیڑی سانسی میں گورنمنٹ ایجوکیشن اسکول میں پیش آیا۔

پولیس کا کہنا تھا کہ ملزم عمران نے اسکول کے اندر ایک کمرے میں کینٹین بنارکھی تھی، ملزم کئی سالوں سے اسکول میں بچیوں سےزیادتی کررہا تھا، متاثرہ طالبات کی عمریں 11 سے 14 سال کے درمیان ہیں۔

ملزم عمران کو گرفتار کر کے پانچ الگ الگ مقدمات درج کر لیے گئے، ملزم نے ویڈیوز بھی بنا رکھی تھیں متاثرہ بچیاں ڈر کے مارے خاموش رہتی تھیں۔

پولیس کا کہنا تھا کہ ملزم کو گرفتار کرکے موبائل سے تصاویر اور ویڈیوز بھی برآمد کرلی گئیں، کیس کی میرٹ پر تفتیش کرکے ملزم کو قرار واقعی سزا دی جائے گی۔

گوجرانوالہ : ادھار سگریٹ مانگنے پر دکاندار نے گاہک کو قتل کردیا، پولیس نے واقعے میں ملوث ایک ملزم کو گرفتار کرلیا جبکہ دوسرا فرار ہے۔

گوجرانوالہ میں ادھارسگریٹ مانگنے پر دکانداراورگاہک کےدرمیان جھگڑاہوا، دکاندار شہبازاور اس کے ساتھی اسامہ نے گاہک پر تشدد کیا، جس سے وہ شدید زخمی ہوگیا۔

پولیس نے بتایا کہ گاہک عدنان کواسپتال منتقل کیاگیالیکن جانبرنہ ہوسکا تاہم واقعے میں ملوث ایک ملزم کو قلعہ دیدارسنگھ سے گرفتار کرلیا ہے اور دوسرا فرار ہے۔