Tag: دکانداروں

کراچی : نیو کراچی کے دکانداروں کو 1 سے 10 لاکھ تک بھتے کی پرچیاں موصول ہوئی تاہم پولیس نے بھتہ طلب کرنے کا مقدمہ درج کرلیا ہے۔

تفصیلات کے مطابق کراچی میں بھتہ مافیا سر اٹھانے لگی، تاجروں کو قتل کی دھمکیوں کے ساتھ بھتے کی پرچیاں ملنے لگیں۔

نیوکراچی کےدکانداروں کو 1 سے 10لاکھ تک بھتہ پرچیاں موصول ہوئی ، دکانداروں سے بھتہ طلب کرنے کا مقدمہ درج کرلیا گیا، متاثرہ شہری کی مدعیت میں بھتہ خوری سمیت دیگردفعات کے تحت مقدمہ درج کیا گیا۔

ایف آئی آر میں کہا گیا کہ نیوکراچی گیارہ ڈی میں کنفیشنری کا کاروبار، دیگردکانیں اور کیبن بھی ہیں، گزشتہ رات موٹرسائیکل پر دو مسلح ملزمان آئےاور سب سے ایک ،ایک لاکھ بھتہ طلب کیا۔

مقدمے کے متن میں کہنا تھا کہ دکانداروں نے جب بھتہ خوروں سے کہا وہ چھوٹے دکاندار ہیں اور اتنے پیسے نہیں تو انہوں نے فائرنگ کردی، جس سے تین سال کا تیمور زخمی ہوا لیکن ملزمان فائرنگ کرکے فرار ہوگئے۔

پولیس نے جائے وقوع سےنائن ایم ایم کی گولی کا سکہ قبضہ میں لیا اور کہا دکانداروں کے فون پر بھی دوبارہ بھتے کے پیغامات آئے، بھتہ خوروں نے دس لاکھ کا مطالبہ کیا اورنہ دینے پر قتل کی دھمکیاں دیں۔

حکام نے کا کہنا تھا کہ بھتہ خوروں کا تعلق لیاری گینگ وار سے ہے، ملزمان کی تلاش جاری ہے اور تفتیش اسپیشل انویسٹی گیشن یونٹ منتقل کردی گئی ہے۔

کراچی: عرشی شاپنگ سینٹر سے دکانداروں کو بچا ہوا سامان نکالنے کی اجازت مل گئی۔

تفصیلات کے مطابق عرشی شاپنگ مال میں آگ لگنے کا واقعہ پیش آیا تھا جس نے فلیٹس کو بھی اپنی لپیٹ میں لے لیا تھا، اب شاپنگ سینٹر سے دکانداروں کو بچا ہوا سامان نکالنے کی اجازت مل گئی۔

پولیس حکام کا کہنا ہے کہ دکانداروں نے محفوظ بچا ہوا سامان نکالنا شروع کردیا اس دوران فائر بریگیڈ کو اسٹینڈ بائی رکھا گیا ہے جبکہ پولیس اہلکار سیکیورٹی پر تعینات ہیں۔

پولیس حکام نے بتایا کہ دکاندار سامان کی فہرست تیار کررہے ہیں،  ڈی سی آفس اور 1122 نمائندے بھی موجود ہیں اب تک سامان چوری ہونے کی کوئی شکایات سامنےنہیں آئی۔

عرشی شاپنگ مال میں جاں بحق ہونے والے 5ویں شخص کی شناخت ہوگئی

اس کے علاوہ  آگ سے متاثرہ ہونے والے فلیٹ کے مکینوں کو رہائش کی اجازت تو مل گئی ہے لیکن فلیٹ کے مکینوں کی زندگی کی جمع پونجی جل کر راکھ ہو گئی۔

فلیٹ کے مکین کہتے ہیں کہ ہمارے فلیٹ مکمل جل گئے، ہم ایک لمحہ پر روڈ پر آگئے، ہر سیاسی جماعت کے رہنماوں نے فلیٹ کا دورہ تو کیا مگر کوئی اقدامات نہیں اٹھائے گئے۔

فلیٹ کے مکینوں نے حکومت سے مطالبہ کیا کہ فلیٹ کی بحالی ومرمت میں ہماری مدد کی جائے۔

واضح رہے کہ عائشہ منزل کے قریب عرشی شاپنگ سینٹر میں خوفناک آتش زدگی کے نتیجے میں 5 افراد جاں بحق ہو گئے تھے جبکہ 1 شخص جھلس کر شدید زخمی ہوا تھا۔