بھیک کو ہمیشہ غربت سے جوڑا جاتا ہے لیکن ایک گداگر نے بھیک مانگ کر 24 کروڑ جمع قیمتی فلیٹس اور دکانیں بھی خرید لی ہیں۔
بھیک مانگنا ہر معاشرے میں ناپسندیدہ عمل اور گداگری کو ہمیشہ غربت سے جوڑا جاتا ہے۔ لیکن اگر آپ کو سڑک کنارے کوئی خستہ حال بھیک مانگتا نظر آئے تو ضروری نہیں کہ وہ غریب اور مستحق ہو، کیونکہ بغیر محنت پیسہ کمانے کی حرص وہوس کے باعث اب بھیک مانگنا ایک پیشہ بن چکا ہے۔
دنیا میں ایک ایسا بھکاری بھی ہے، جس نے صرف بھیک مانگ کر نہ صرف 24 کروڑ روپے سے زائد جمع کر لیے جب کہ دو قیمتی فلیٹوں اور تین دکانوں کا مالک بھی ہے۔ اس کے بچوں نے مہنگے ترین کانونٹ اسکولوں میں تعلیم حاصل کی۔ دنیا کے اس دولت مند بھکاری کا تعلق بھارت سے ہے۔
بھارتی میڈیا کے مطابق دنیا کے دولت مند بھکاریوں میں شامل یہ گداگر ممبئی کا رہائشی جین ہے۔ جس نے بھیک مانگ کر ساڑھے سات کروڑ روپے (پاکستانی تقریباً ساڑھے 24 کروڑ روپے) جمع کر لیے ہیں۔ صرف یہی نہیں وہ دو قیمتی فلیٹوں اور ایک دکان کا بھی مالک ہے جن کی مالیت ڈیڑھ کروڑ بھارتی روپے ( پاکستانی لگ بھگ 5 کروڑ روپے ہے)۔
رپورٹ کے مطابق گداگر بھارت جین 40 سال سے ممبئی میں بھیک مانگ رہا ہے اور ماہانہ 60 سے 75 ہزار بھارتی روپے (پاکستانی لگ بھگ ڈھائی لاکھ روپے) کما لیتا ہے۔ اسی بھیک کے پیسوں کو جمع کر کے اب وہ پراپرٹی میں سرمایہ کاری کر کے اپنی دولت کو بڑھا رہا ہے۔
جین کے مطابق اس کے گھر والے اس کے بھیک مانگنے کی مخالفت کرتے ہیں تاہم وہ اس پیشے کو چھوڑنا نہیں چاہتا کیونکہ وہ بغیر محنت کسی بھی عام ملازمت سے زیادہ پیسے کما لیتا ہے۔
یہ دولتمند بھکاری خریدے گئے فیلٹس میں اپنی بیوی، دوبیٹوں، والد اور بھائی کے ہمراہ رہتا ہے اور اس نے دوران انٹرویو انکشاف کیا کہ وہ باقاعدگی سے مندروں اور خیراتی اداروں میں چندہ دیتا ہے۔
https://urdu.arynews.tv/beggar-who-collected-alms-of-1-million-in-just-three-days-arrested-outside-mosque/
